عـقـلاء الـنصـر ومـجانـيـن الـهلال ..,,..
 

السلام عليكم ورحمة الله وبركاته ..




هور يو الجميع ؟ ..


ابتلينا في هذا الزمان برخص أسعار اشتراكات الانترنت ..

والتوسع في استخدام الحاسبات الآلية لكل طبقات المجتمع ..



وبما إني نرجسي يعني وأحس اني أحس أقوى واحد بالعالم وإني من الـ 1 % اللي يعرفون يستخدمون النت بالعالم .. قررت إني أكتب الموضوع .. :d



مشكلة الانترنت هي سهولة انك تنخدع بأي شخص يكتب داخله ..

لأن باستطاعة طفل عمره مايتجاوز 12 سنة إنه يكتب لك موضوع متخم بالمصطلحات الثقيلة ..

اللي اذا قريته تحس إن توفيق الحكيم اللي كاتبن هالكلام ..



حتى انك تهيم في بحر خيالك وتتخيل شكل كاتب الموضوع ..


مرة تحطه بسكسوكة ومرة تخيله واحد مشخّص بشماغه وعلى مكتبه وعنده كاس شاهي والنظارات متعلقات على طرف خشمه ...

ومرة تخيله جالس على الديسك وحاط ايده على طرف جبهته من قوة التفكير وشعر دقنة يتخلله الشيب

وهذا طبعا من قوة رزانة وشخصية الكاتب اللي تتخيله ..

لكن يصدمك مرة يشطح لك براي مال أمه مكان من الإعراب ..



أخواني .. الانفجار التكنلوجي في الوقت .. خلى اي انسان معه انترنت واي انسان يكتب اللي يبي


لكل إنسان وجهة نظر .. صحيح .. لكن بعض الخلق يعيقه السن عن تقديم وجهة نظر له أبعاد ومرئيات


مهب معقول الواحد يآخذ وجهة نظر طفل .. يكتب لك موضوع بالمنتدى و العصر تلقاه على سيكله بالشارع !! ..



كل هالكلام مقدمة .. للي يصير بالمنتديات الرياضية حاليا ..


من منتدى معني بالشؤون الهلالية فقط .. ومن سنوات ..

خلال سنة ونص اصبح معني بالخلافات وكلام فلان وعلان ..

من منتدى تلقى به انتقاد واحد خلال كم شهر ... الى منتدى اصبح سوط يجلد به ظهر كل لاعب بالتناوب

كل ماتركوا لاعب مسكوا اللي بعده ...

المعقل الجماهيري الهلالي اصبح خلطا مابين رزناء العقول و مابين والمندسين والحمقى ..

وذكرت الحمقى بعد المندسين .. لأنهم بلا شعور يمشون ورى آراء المندسين .. وبدون أي تفكير




الهلال مثله مثل أي نادي .. له جماهير فاهمة وواعية وهي النسبة الأكبر في الهلال ..

وله جماهير الله يهديهم ..



ومن هنا أربط بعض المواضيع النصراوية الفاهية وإن دلت على شي تدل على فكر نسبة كبيرة من المشجعين المنوّمين فكريا ..

طبعا انا اتابع منتدى النصر عبر مواضيع جماهير نادي الهلال اللي تنقل هنا ..

ولقيت كم موضوع في منتدى النصر مثبت .. وكله هلوسات وكلام ماله دخل لا بمنطق ولا غيره ..

والله ان الشي اللي( مهب منطقي ) يحتج على كلامهم ..


ومع ذلك تلقى ردود عاقلة .. ومهتمة فقط بشؤون فريقه فقط ..

لو رصدت ذيك الردود كان تلقاه نسبة قليلة مقارنة بالردود الهمجية والوقحة ..

ومع ذلك نقدر أي مشجع يحترم الغير .. ويعرف ان الكورة مجرد لعبة ..


ماتعني اننا نتجرد من الاخلاق والدين لأجل شي نسأل عنه يوم القيامة ..

والله نستحي من الله نقول ان ذنوبنا بسبب لعبة ..




أخواني .. أخواتي .. فلذات أكبادي ..

الموضوع إن لكل نادي مشجعين وبالآلاف .. وله شواذ ( فكريا :d ) .. وهذولا صعب نضبطهم

اذا اهلهم اللي مقابلينهم 24 ساعة ماضبطوهم .. نبي نضبطهم حنا وحنا ورى شاشات ؟ ..



ماله داعي كل شوي والثاني جايبين سيرة نادي ثاني عندنا بالمدرج وسب وشتم ...

وماله داعي كل شوي جايبين لاعب ماله علاقة بالهلال و نكسب ذنوبه من كثر مانحش به ..

وماله داعي نملأ المدرج مواضيع ماتخص النادي لا من قريب ولا من بعيد ..

مواضيع اقرب ماله تحريض للانحطاط والنزول لمستوى الجماهير اللي نتكلم عنهم ...



المشكلة واحد يجيب لك موضوع عن شخص .. وانه سوى كذا وكذا وقال كذا وكذا ..

ومع الوقت يصير كاتب الموضوع مثل هالشخص .. كلهم نفس الانحطاط ونفس الاخلاق ...

اللهم انه نقل لنا مادة وصخة وحطه لنا بالمنتدى .. تضيّق على المواضيع .. وتضيّع الوقت بالقراية

كل واحد مقيّد ورى شاشة وكيبورد .. مستوى تفكيره تلقاه حسب مايحط من مادة بالمنتدى ..



انا صراحة ما لي صلاحية الا اني اضغط ( للخلف ) بكل موضوع مايجوز لي ..

بس مع ذلك أنا مشجع هلالي من بيئة كويسة .. ودي أدخل منتدى كويس يخص نادي كويس :d



مايصلح أدخل ستين موضوع علشان أطلع المواضيع الزينة .. !!

لو عندي وقت لهالكلام كان اشتغلت بمصانع شعير أحسن لي وله مردود مادي ...




الزبدة ..

أتمنى من كل قلبي حصر المجانين في الهلال .. واتساع رقعة العقلاء بالنصر ..

لأني بصراحة ماعمري شفت هلالي ماعنده اخلاق ..

ونفس الشي ما صادفت نصراوي اخلاقه شينة ..

بالعكس كل اللي اقابلهم بالحياة العامة ناس حبايب ووسيعين صدر .. مع انهم متعصبين ..

الا انهم مزوحين ومستحين يستخدومون الألفاظ السوقية اللي نشوفه بالمنتديات ...



وهذا ان دل على شي .. ان شخصية الانسان المريض اللي بالمنتدى مهزوزة لدرجة انه يحشر نفسه ورى شاشة وكيبورد .. وينفّس عن عقليته المريضة مع عقلائنا ..


والمشكلة انه سهل تعرفهم على الطبيعة .. وصعب جدا تحددهم على المنتدى .. الا بعد ماتدقق بهم زين


احس اني جعت وانا اكتب .. وهنا انهي موضوعي ..



متمنيا للجميع النجاح ..
:d

شبكة الزعيم - الهلال

يظل الهلآل فريق كبير والنصر ايضآ

اتمنى من الهلآل عدم الالتفات لـ كلآم الاعلآم

وانلا يتخآذل مع النصر لآن النصر فاز علينا وبعض لآعبيه موقوفين بسبب البطآقآت

ياليت ماتنعآد هذيك المباراة

وياليت ياشباب نخلي النصر على جنب ونفكر بالسد

تحيتي

ودي اكتب هالجملة من زمان

مشكور على الموضوع و بالتوفيق للزعيم

النصر فريق متطور جدآ ويجب على الهلآلآل عدم الألفتآت الى التخدير الأعلآمي مثل مآحدث أمآمهم في الدور الثآني

غآب رآضي بجآنب أيدير وبعض اللآعبيين وكآن الثقة الزآئدهـ أهي الي ضيعت المبآرآة

شكرآ لك أخي على موضوعك المميز

مشكوووووور اخوي هالموضوع؟.؟ تدري اني اتخيلك رزه وشخصيه الحين كلام كبير والله من رجل فاهم وواعي وكبير

موضوع يدور في خاطر الكثير ممن يتصفحون المنتديات

ولكن في الحقيقه ان ما يشتمون ويتداولون كل ما هو قبيح في الرياضه تستطيع حصرهم

ولكن العتب على مشرفي وإدارة كل منتدى بالسماح لمثل هذه المواضيع لانها حتى لو لم تكتب بواسطتهم فسماحهم بها هو دليل رضاهم

واذا كان لديهم السلطة على منعها فهم ككاتبها في اثمها لانهم رضوا بما يكتب

الف شكر على موضوعك

والله يهدي كل ما يخرج عن إطار الادب العام

هههههههههههههههههههههههههههههههه


وربي انك بطل ياصاحب الموضوع

مشكور على الموضوع و بالتوفيق للزعيم ف الايام القادمه

مشكور على الموضوع و بالتوفيق للزعيم ف الايام القادمه

يظل الهلآل فريق كبير والنصر ايضآ

اتمنى من الهلآل عدم الالتفات لـ كلآم الاعلآم

وانلا يتخآذل مع النصر لآن النصر فاز علينا وبعض لآعبيه موقوفين بسبب البطآقآت

ياليت ماتنعآد هذيك المباراة

وياليت ياشباب نخلي النصر على جنب ونفكر بالسد

تحيتي

انا ما صادفت نصراوي اخلاقه طيبه

النصر بيئة قذرة

شد حيلك يازعيم ولا تلفت للعلام

النصر ماعندك احد بس خامده الاعلام المغلوط

ان شاء الله الفوز حليف الزعيم

يظل الهلآل فريق كبير .....