|
قصتي مع أولاد عمتي .*. تشويق + أكشن + دراما .*. هل ستحضر المباراة يوم الثلاثاء؟ واللا بتشوفها بالاستراحة؟ السلام عليكم ورحمة الله وبركاته الموضوع ومافيه اني من سكان الشرقية ودائما أحضر مبارايات الزعيم هنا ولا عمرها فاتتني مباراة في الدمام او الخبر او الاحسا يوم مباراة الهلال ومس كرمان كنت مشتاق احضر مباراة للهلال بدرة الملاعب كلمت ولد عمتي وكلفته بشراء تذكرتين درجة ممتازة وحده لي ووحده له وياخسارة ليتنا اخذنا العاديه لانه اقرب للملعب من الممتازة .. المهم توكلت على الله ومشيت بعد صلاة الظهر وجيت عند عيال عمتي في بيتهم عددهم 5 .. منهم واحد شبابي والباقين هلاليين وكان اول سؤال سالتهم : بتحضرون المباراة بالملعب؟ الشبابي تجاهلني قال واحد انا بشوفها مع اخوياي بالاستراحة قال الثاني: وانا بعد مواعد اخوياي نشوفها بالاستراحة الثالث قال: يارجال تعالوا معي الاستراحة نشوفها هناك (يقصدني انا واخوه اللي بيحضر معي) .. وش لك بوجع الراس؟ ملحوظة: كل واحد منهم عنده شله غير الثانيين .. يعني كل واحد منهم بيروح استراحة مختلفه بهاللحظه انا استشطت غضبا .. قلت لهم مايصير ياشباب .. لو كل مشجع يفكر نفس تفكيركم محد بيحضر الملعب المهم سويت لهم محاضرة طويله عريضه .. قاطعني اصغر واحد فيهم .. قال ياخي ترا نعاني لما نحضر .. نعاني من تعامل الامن نعاني من برود المشجعين .. نعاني ونعاني ونعاني قلت له هذا مو عذر .. المفروض حبك للزعيم يخليك تضحي بالاسترخاء بالاستراحة وتروح تدعم فريقك كلها ساعتين والمفروض والمفروض والمفروض ... (محاضرة ثانية) قاطعني اخوم اللي بيحضر معي قال يالله مشينا ترا بنتأخر والله ياشباب زعلت من جد .. ليش الأنانية هذي؟ ليش التخاذل في دعم الزعيم؟ ليش التخاذل في دعم لاعبين ضحوا بوقتهم وراحتهم واهلهم من أجل اسعادكم وإدارة دفعت الغالي والرخيص وسهرت الليالي تجد وتعمل على كل مايرقى بزعيمنا الى منصات التتويج أين ذهبت روح المشجع الهلالي المعروف الذي لا يكل ولا يمل ولا يتوانى عن دعم فريقه في أصعب الظروف فكيف به والفريق يحقق نجاحات باهره وانتصارات تاريخية زاد من زعلي لما وصلنا الملعب وقفنا بعيد شوي .. وجبت معاي كاميرا عادية قال لي العسكري ممنوع .. قلت ليه؟ قال هذي تصور فيديو .. والبطولة لها راعين ولهم حقوق حاولت اشرح له ان الكاميرا عادية وانا دخلت ملاعب عالمية مثل السانسيروا والكامب نو ومعي كاميرا فيديو HD ولا منعوها ولكن للاسف .. لقد اسمعت لو ناديت حيا ولكن لا حياة لمن تنادي رجعت مشوار طويل ارجع الكاميرا للسيارة ولما رجعت تفاجأت من كميات الشالات والاعلام اللي مرميه برا لانهم منعوا الجماهير يدخلونها وعذرهم انها تحمل عبارات وجمل ممنوعه وقتها قلت ما الوم عيال عمتي .. وفي نفس الوقت قلت لا مو عذر انهم ما يحضرون في عام 2000 يوم مبارة الهلال وشميزو كنت ايامها بالجامعة بالظهران وتعرفون ظروف طلاب الجامعات.. تسلفت علشان اشتري تذكرة قطار اروح احضر المباراة عانيت معاناه ما تتخيلونها .. ولكن الهلال في هذيك الليلة نساني كل معاناتي والله ياشباب لو كل المشجعين عندهم الروح اللي عندي هذاك اليوم كان تلاقون الملعب مليان عن بكرة ابيه قبل المباراة بثلاث ساعات على الاقل طبعا انا لا اقلل من الروح اللي عندي الان ولكن ظروف العمل والبعد ما تساعدني ادري اني طولت عليكم .. ولكن بختصر موضوعي في النقاط التالية: • من اكبر أسباب ابتعاد جماهير الزعيم عن المباريات هي الاستراحات • من ضمن الاسباب هو تعامل الامن السيء جدا مع انني لا زلت اصر على انه سبب غير مقنع انك ماتحضر • التشجيع بااااااااارد جدا وخاصة في الدرجة الممتازة لدرجة اني كنت لما اصرخ مع هجمة او حركة يناظرون فيني كأني سويت شيء غلط • التدخين يضايق اي مشجع لا يدخن وادعو كل المدخنين الى احترام غير المدخنين .. وكلها 45 دقيقه بعدين اطلع دخن بين الشوطين وارجع وأخيرا وليس آخرا .. أحب أهمس في اذن كل مشجع هلالي وأقوله: اذا كان لا يهمك حضور المباراة في الملعب ودعم الفريق فإن روح الزعامة لديك فيها خلل .. لأن الروح هي اللي تخلي المشجع يذلل كل العقبات في سبيل دعم فريقه اطرد عنك الأنانية .. وحب راحتك وتقديمها على تشجيع الفريق في الملعب تخيل معي .. مجرد تخيل .. اغمض عيونك وتخيل انك في الملعب ولايوجد مقعد فاضي والجماهير تردد الاهازيج .. وتهز الملعب بحركة الزلزال والموج وغيرها .. هل تخيلت؟ ان كنت لم تجرب هذه اللحظات فقد فوتت على نفسك متعة لا يفوتها عاشق للكرة لنقطع على انفسنا عهد بدعم زعيمنا في قادم مبارياته .. فنحن الرقم الصعب .. ونحن الاكثر بلامنازع اسمحو لي على الاطالة دمتم بود أخوكم |
والله انك صدقت بكل كلمه قلتها وامن الملاعب عندنا مستحيل يتطور كل شي ممنوع عندهم والله انهم يكرهون الواحد بالحضور لاكن خلها على ربك يارجال |
بعد قراءة الموضوع اتمنى ان يكون لدي صلاحيات لتكون مسئولا عن مجلس الرابطة الهلالية في الرياض كلام لا يصدر الا من داعم حقيقي دمه ينبض بحب الزعيم تمنباتي لك بالتأثير الإيجابي على كل من حولك من المتقاعسين و المدللين و السلبيين فأنت و من مثلك فقط هم الذين يحدثون الفرق دائما .. خاصة و اننا نرى فرق الحضور الجماهيري لمباريات الزعيم من الرياض الى الشرقية (فرق السما عن الأرض) مشكور على الموضوع و ننتظر منك المزيد |
دامك بالجامعه وبالظهران لايكون مثلي بنفس الجامعه ؟؟ :naughty: السمستر الي راح رحت الرياض مرتين للمباريات :yes: في الويكند طبعا اما هالسمستر مقهووور اني ما اقدر اروح الا الخميس فقط :cry: وصار دوامي مايخلص الا الأربعاء الساعه 5 العصر :to: بس بصراحه أمن ملاعب الشرقيه رهيب تعاملهم انا استغرب من الي يقولون بالرياض |
إقتباس:
:smilie47: ان شاء لله حاضرين وماتقصر ياخوي روك والله انك كفو وتستاهل كل خير :smilie47: على تعبك وانت المشجع الحقيقي للكيان الازرق مو جمهور الاستراحات والكافيهات لني متاكد انهم مايملكون نفس الحب والعشق للهلال نفس الي تملكه انت ومن يشجع فريقه ويتعب علشانه ويحضر ويأزره بالمدرج :smilie47: _> مثلي :d الله يعطيك العافيه يارب :smilie47: |
الله يعطيك العافيه اخوي وكفوا والله انت مفخره لكل الهلاليين وتسلم يمينك على هالموضوع |
صراحه موضوع حلووووو تخيلوووا يوم الثلاثاء الملعب مليان كله ,, اَووووووووووووه والله العظيم كل الاعيبه بيتحمسوون مع الجماهير حتى يمكن الحارس يتفنن:) يارب توووفق الزعيم اَين ماذهب ,,, |
مب واقف عليهم الهلال ,,,,,,,,,,, |
الله يكتب اللي فيه خير يالغالي وعساك على القوه ان شالله مع الهلال على الحلوه والمره . |
والله موضوع بالصميم وممتع وجميل والله يعطيك العافيه نتمنى من جمهور الرياض الحضوروالمسانده مراحل الحسم في مراحلها الاخيره بدايه من السد الى مباراة النصر بالتوفيق للجميع........ |
الله يعطيك العافيه اخوي وكفوا والله انت مفخره لكل الهلاليين وتسلم يمينك على هالموضوع |
الله يعطيك العافيه اخوي وكفوا والله انت مفخره لكل الهلاليين وتسلم يمينك على هالموضوع |
الله يكتب الي فيه الخير للزعيم اهنيك على موضوعك الجميل تسلم يمينك ولا يسااارك ×× هع هع هع تحياتي :::أبوعبدالعزيز20::: |
بأذن الله مووووعدنا الدرررررررررة يااااجمهووور الزعيم............ اللهم وفق الزعيم في جميع بطوووولاته القاااادمة..... |
بالتوفيق يارب للهلال ان شاءالله الجمهور ماراح يقصر |
| الوقت المعتمد في المنتدى بتوقيت جرينتش +3.
الوقت الان » 06:59 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd