♥ شبيه الريح ♥ طالبت الجمهور الهلالي بمساندة الشباب ,, فهل ستطالب الجمهور الهلالي بمساندة الهلال ؟؟؟ - نادي الهلال السعودي - شبكة الزعيم

بَدْرْ · #1 10/04/2010, 06:02 AM

:: تحياتي لـ شبيه الريح

أزكى من شذى الجوري ::

هاذي رسالة مختصرة عبر أثير شبكة الزعيم لأبو فيصل

وإن كنت ماني ببعيد عنه الآن

لكن حبيت أستأنس بآراء ودعم الجمهور الهلالي العظيم في شبكة الزعيم

رسالتي مضمونها يا أبو فيصل إنك لك في قلب كل هلالي معزة ومكانة خاصة

وكلمتك دايما عندهم مسموعة

وهالمكانة ترجمتها لما طلبت من الجمهور الهلالي مساندة ممثل الوطن (نادي الشباب) في مباراته الآسيوية

وكان ذلك

وربما لأول مرة نشوف الشباب يلعب بجمهور

طلبي يا سمو الأمير لو تظهر في أحد وسائل الإعلام وتطالب الجمهور الهلالي بمساندة الفريق في أحد أهم مبارياته في دوري أبطال آسيا أمام السد الثلاثاء القادم

وأنا متأكد إن جمهور الهلال ما راح يرد طلبك

وراح يكون الملعب Full كـ السد في وجه السد

ولو فعلا ملأ الجمهور الهلالي الملعب ذلك اليوم نكون حققنا عدة مكاسب:

أولا دعم معنوي كبير للاعبين في المباراة, للحصول على نقاطها كاملة
لو فزنا في المباراة راح نضمن المقعد الأول ونرتاح في المباراة الأخيرة الصعبة في إيران
راح يعطي هالحضور الغفير (هيبة) للفريق يحتاجها حتما كسلاح في البطولة أمام الخصوم
نرد على كل من شكك في ولاء و حجم جماهيرية الزعيم
اذا ضمنّا حضور قوي في دور المجموعات, فالحضور الأقوى سيكون (حتمي) في دور الـ 16

وغيرها من المكاسب

لذلك أتمنى تحقيق هالطلب يا سمو الأمير

وتذكر كيف طالب ممدوح بن عبدالرحمن جماهير فريقه بالحضور في بطولة الخليج, وما كان لذلك من أثر على حضورهم الجماهيري وعلى أداء لاعبيهم

تحية طيبة في النهاية لك يا أبو فيصل وأعادك الله سالما معافا ومن تحب إلى أرض الوطن

ابنكـ بدر

Londeny · #2 10/04/2010, 06:08 AM

والله كلامك رائع ... ونقاطك كلها صحيحة
بس اللي اتوقعه ان ادارة الهلال ممثلة بابو فيصل دائما مايرددون ان جمهور الهلال مايحتاج له دعوه
ولكن كلامك سليم وانا معاك في ان كلمة شبيه الريح مسموعه دائما
يعطيك العافية على الطرح .. وكل التوفيق للزعيم امام السد يوم الثلاثاء انشاء الله

@ كش ملك @ · #3 10/04/2010, 06:13 AM

اهلا بك عزيزي بدر ..^_^

لا اعتقد ان الجمهور الهلالي يحتاج الى دعوه لحضور اي مباراه للزعيم هو كفيل بمسانده كما تعودنا

ون شاء الله نشوف الجمهور الهلالي الي يبيض الوجه باذن الله

تحياتي لك ولا هنت

نزيه المشاعر · #4 10/04/2010, 06:14 AM

الله يكتب اللي فيه الخير

انا اتمنى الجمهور يقدر النادي من دون مطالبات

غـرـرـرـرـريـم · #5 10/04/2010, 06:22 AM

بَدْرْ
زعيــم متواصــل

الله يعطيك العافيه يا زعيم

اتحفظ كثير على ( ما اروح للملعب الا اذا طلبووو مني ) لاكن يظل الجمهور عاطفي ويحب الحماس..اتوقع لو وصل شبيه الريح بالسلامه وما طلب الحظور..لاكن قال انه بيكون اول الحاظرين للملعب اتوقع يكون الملعب..مظاهره ( هلاليه سلميه )

غشاهم موج · #6 10/04/2010, 06:23 AM

اذا ماحضر الجمهور يوم الثلاثاء وماصار المدرجات شبه فل ,,, لا عاد يحضر ابد وتتقفل المدرجات احسن وتابعوها فى الاماكن المحبوبه لديكم .. لان هذي المباراه تعتبر ( تنفرد بصداره + و وجود افضل مدربين دربوا الفريق + نحن فى بطواله اسيويه + تفاعل الجماهير مع كل لاعب ),,,,, واشكرك على الموضوع وان شاءالله الحضور يبيض الوجه

هلاليه منذ الطفوله · #7 10/04/2010, 07:59 AM

لو يحضر الجمهور في مباراة السد

ويكون زحمه الملعب

ياليت اشوف هالشي

الا وراكم ماتحضرون للملعب؟؟؟

ولا بس الدعوه عناد ؟ يعني اذا صارت مبارة مع فريق الجار جيتو شوفونا ترانا احنا اكثر منكم!!

ااه بس لو يسمحون لنا نحضر المباريات كان مافوت ولا مباراة

>>اطلعى برا

قلب الاسد يويو · #8 10/04/2010, 08:25 AM

بأذن الله الملعب فل الفل

شووووووووكرن يااااااااذيب

سلطآن · #9 10/04/2010, 09:26 AM

إقتباس


	لا اعتقد ان الجمهور الهلالي يحتاج الى دعوه لحضور اي مباراه للزعيم هو كفيل بمسانده كما تعودنا ون شاء الله نشوف الجمهور الهلالي الي يبيض الوجه باذن الله

الله ينور عليك يا باشا .. هذا اللي كنت بأقولـه

~ ذبحني غلاك ~ · #10 10/04/2010, 09:34 AM

متفاااااااااااااائل خير بالمباره من ناحيه نتيجه وجمهور
بدر يالبدر انت تشكر ع الموضوع

عليا الهلاليه · #11 10/04/2010, 09:51 AM

وانا اشهد انك صادق في كل ما قلت

موضوع رائع ومتكامل وفي محله

الله يعطيك العافيه