السلام عليكم ورحمة الله وبركاته

صبااح // مسااء الزعامه للزعماااء


وجهة نظر حبيت اطرحها لعلي اجد من يوافقني في كلامي :

بتكلم عن الحضوور الجماهيري للمبارياات وخاصة في الرياض نظرا لكبر الملاعب وقلة الحضووور فيها

انا صراحتن اتشائم قبل اي مباراه للهلال اذا شفت مواضيع تطالب بالحضووور الجماهيري وامتلاء المدرجات باللون الازرق .

لاني في الاونه الاخيره اشوف هالمواضيع كاثره بشكل غير طبيعي لكن في المقابل نجد قلة الحضووور ولا استفدنا من هالمواضيع ومن هالدعوات اللي وجهت من الاعضاء او الاداره او غيرهم !!!!!


يعني اغلب الزعماء يشوفوون هالمواضيع ويعتقدون ان الملعب راح يمتلئ بالكامل ويصير فيه اتكاليه وكلن يقوول اكيد من بعد هالدعواات ما راح يبقى احد في بيته !!!

لكن اللي يحصل هو العكس وتبدأ المباراه وكلنا نشوف عدد الحضوور ما يتوافق مع حجم الدعوات !!

بعكس قبل سنووااات ما كانت موجووده ابدا وحتى الامكانيات من الاعلام والتيشيرتات وغيرها من وسائل التشجيع غير متوفره بالمجان مثل اللحين يعني موبايلي تتكفل واعضاء الشرف يتكفلوون بالتوزيع مو مثل قبل !!!

حتى اخبار الهلال ما نعرفها الا عن طريق الصحف فقط وكان الحضوور يفوووق العدد في هالسنوات الحاليه !!


اتوقع لو ما تجي دعوات وضجه اعلاميه بالمنتديات وغيرها راح نشوف عدد الجمهور مثل اول وافضل وتنتهي سالفة الاتكاليه من البعض ..


وجهة نظر اتمنى ان تكوون صائبه

بالتوفيق للهلال

غبار...برد...حرر...ما لي خلق...

يا كرهي للاعذار ذي

الجمهور الموسم اللي راح وحاليا في البطولات الحاليه ما عليه اي ملاحضات بالعكس

نشوف القصيم والشرقيه والغربيه يتنافسون بعدد الجمهور اما الرياض , يبون نهائي بس !

باتوفيق لك

مع اني من اهل الرياض وحضوري بنسبة 70 %

وفي احد المواضيع عضو cr 9 اعجبني رده الصراحه



ملعب يشجعك تحظر , كراسي زي الناس , أمن زي الناس , مدرجات قريبه من أرضية الملعب , مقاهي ومطاعم داخل الإستاد بدال بوفية بسكوت أبوولد وعصير ربيع أبوريال وفطيرة بالجبن !!! كأنك فار مهوب ادمي

بإختصار يكون الحظور للملعب ترفيه مثل الملاعب الأوروبية

انشاء الله جمهور الزعيم راح يحضر كل المباريات القادمه ولا ننسى انه المباريات القادمه كلها شبه نهائي سوا كانت ماره السد او مباره النصر يعني كل الموسم راح يكون في المباريات القادمه

يابن الحلال بس لو يصير الدخول مجاني كان تشوف الجمهور ...

وازيدك بعد في المواسم اللي فاته كانت الرابطه تحرك باصات من مقر النادي وبعض المناطق
في مباريات الحسم والاسيويه في الموسم هذا ففقدنا الشي هذا اتمنى تنبيه الاداره ,,,

الموسم هذا بروووووووووود من الرابطه مادري لييييييييييييه ؟؟؟؟؟؟؟؟؟

الزعيم يبقى زعيم حتى لو مرض لا يموت

إقتباس اتوقع لو ما تجي دعوات وضجه اعلاميه بالمنتديات وغيرها راح نشوف عدد الجمهور مثل اول وافضل وتنتهي سالفة الاتكاليه من البعض ..

الاتكاليه موجوده للأسف ، وبصراحه حضور الجمهور ورابطة الهلال مواضيع مدري متى بنشوف
لها حل .

والله انك صادق .. على قول المثل مسوين زحمه ع الفاضي اتمنى الحضور ياجماهير الهلال خصوصا بالقصيم والشرقية وسدير تكفووووون نبي الملعب فـــــــــــــــل

والله صدقت وانا صرت اثور يوم اشوف الكلام في المنتدى مثلا بنعبي المدرجات

بنجي ما بنقصر في النهايه ما عندك احد


والله ثم والله اني وبدون اسف اكثر من مره قلت ان الجمهور الهلالي كلام بس


والشر يعم

الله يعطيك العافيه بس على كل الي قلته

اهم شي تكوون الرساله وصلت للجميع وكلن فهمها

لان يمكن هذا هو احد الاسباب لعزووف الجماهير

واتوقع محد عاجز عن الحضوور لكن الشغله نفسيه شوووي


اشكركم ع تواجدكم جميعاا