بسم الله الرحمن الرحيم




اصبحنا شبه متعودين على المشاكل اللي دائما تعترض


الجماهير الهلالية في كل المباريات خاصة في الرياض



ولكن الجديد ما حصل للهلال في هذه المباراة من ازعاج


وتقفيل بوابات واساءات مع ان المباراة في الاحساء




فيه شي مهم الاغلبية ما تعرفه


وبعد ما عرفته تيقنت ان الموضوع اصبح استقصاد بشكل واضح وفاضح




اللي اشرف على تنظيم الدخول والخروج اليوم هو المهندس سلمان النمشان


مدير ملعب الملك فهد بالرياض



والخبر ذكروه المراسلين الميدانين في القناة الرياضية





يعني ما نفتك من تضييقك علينا في الرياض


تلحقنا للاحساء




اعتقد استقصاد اكثر من كذا ما فيه




وننظر ونشوف ادارة الهلال وشلون بيكون ردها وكيف بتاخذ حق جمهور الهلال


وياخوفي يستمر الصمت في الدفاع عن حقوق الهلال مقابل دفاع غريب عن حقوق النصر






ولا ننسى مباراة الهلال القادمة


راح تكون مع السد في الرياض وفي الاستاد تحديدا


فما نبي مسلسل النمشان يستمر معنا






نقطة اخرى



ما يحدث من ادارة الاستاد


لا يقتصر على التضييق على الجماهير


ولكن ايضا فيه مشكلة اخرى تتعلق بعدد الحضور الجماهيري


في مباريات الهلال


وكلنا شفنا كيف كانت الارقام غريبة جدا في البطولة الاسيوية


واقل كثيرا من المتوقع



في المباراة الاولى كان الحضور الجماهير 22 الف


وفي المباراة الثانية كان الحضور الجماهير 12 الف


رغم ان الحضور كان متشابه بشكل كبير



ما ادري كيف صار الفرق 10 مشجع




ولا ننسى انهم حطوا حضور جمهور الشباب اما سابهان الايراني 8 الاف مشجع


رغم ان الحضور كان قليل جدا جدا





اتمنى ما نسكت على اللي يحصل في الاستاد


والموضوع يحتاج تدخل قوي لحفظ حقوق الفريق


ولحفظ حقوق الجماهير سواء من حيث المعاملة


او من حيث ارقام الحضور الجماهيري