إقتباس الرسالة الأصلية كتبت بواسطة أحتاجه وأجهل مكانه عزيزي الفاضل يبدوا لي من كلامك انك تقول إلم تكن معي فأنت ضدي ........ بس ابي اسألك سؤال انت مو كاتب الموضوع أكيد صح !! طيب وقلت وجهة نظركـ @@ إذا الاعضاء اللي ردوا على موضوعك ايضاً هم أبدوا وجهة نظرهم ومايحتاج تعقب وتقول طيب لو صار كذا ولانفترض صااار تسذا .. اخوي مع احترامي لك انت تُريد لموضوعك صفحاات فقط بمعنى اني طرحت موضوع والردود كثيرهـ .. حتى لا ادخل في ذمتك .. أنا اسف اذا أخطيت ولكن يبدوا من كلامك انك اداافع عن سالفة الاختطاف...@ وانت في محور كلامك تقول هم ثلاثه ومن يبي يخطف في النهار @@ في هذي الحاله انت ليس مصدق @@ اذا لماذا صدقت الخبر الثاني @@ عزيزي اسألك انت شفت المقطع ودققت فيه َ$$ طيب سمعت البنت اللي تقول مفصخ ### انت كان ردك على أحد الاعضاء بالتالي : يمكن سكران @@ معناااته يأخي العزيز انك جاالس تبرر لعمله وشوووي وتقول هذا مجنووون ولا هذا ماكان معهم يأخي اذا كنت تعرف أحد من اللي عملوا هذي الفضيحه مايحتاج تداافع عنهم أماام الملاء ... عزيزي انا اللي اعرفه ان الشباب أمسكوا وراح ينعرضون على الشرع ... تحياااتي لك واتمنى تاخذ كلامي بمنتهى المهنية واااذااا أنا أخطأت لك مني الاسف وبالنهااية تعبنا من الاستخفااف بعقول البشر ,,,,,,,, ودي لك

هلا أحتاجه واجهل مكانه


صحيح لو قلت لك ابغى مئات الصفحات دام السالفة فيها وفاة وماحد تكلم عنها
وابغى منتديات بعد مافيها شي دام اني اشوف الالاف تتكلم عن اشياء بنظرتي ماتستحق هالازعاج كله

ومسألة ردي على الاعضاء اتوقع مسألة طبيعيه من باب زيادة المشاركات والردود

ولو على التدقيق في المقطع انا ابغاك تدقق في المقطع وتطلع لي العشرة اشخاص وتطلع 3 سيارات وابغى اشوف لاهنت محاولة اختطاف جدية غير اللي شفته لان اللي شفته مايظهر لي ولا 1% انه محاولة اختطاف

ومسألة اني اعرف واحد منهم ماكنت دافعت بهالطريقة وكنت شفت له اللي يتوسط له وبيطلع منها بعد عدة ساعات
مايحتاج اني اجلس فترة من صدور الخبر حتى اجي وانفى وابرر وادافع

ولاتخاف وانا اخوك اخذت ردك بكل اخوية اما مهنية للأسف ماعرف وش معناها

بس فيه ملاحظة بسيطة حبيت اقولها لك تراك غلطان ومافهمت كل موضوعي واتوقع السبب مني
ماعرفت اوضح ان فيه حالة كان فيها محاولة والقضية مو واضحة واخذت كل هالمساحة وقضية ثانية

مايحتاج اقول فيها الا ان فيها حالة وفاة ولذالك المفترض ان نعطيها على الاقل ربع المساحة اللي اعطيناها للقضية الاولى

واحب اهنيك الصراحة على هالجملة (بالنهااية تعبنا من الاستخفااف بعقول البشر)

لو كانت في بالي قبل كان كتبتها عنوان لموضوعي

تحياتي

إقتباس الرسالة الأصلية كتبت بواسطة بنــ الزعيـم ــووتة ههههههه أخوي انا امزح يوم قلت انها تعيسة الحظ والله الي بتاخذك سعيدة الحظ وتكفى قلها يوم الزواج تصلي ركعتين شكر لربها انها اخذت واحد مثلك شاب خلوق وعنده غيره على اهلك وناسك وصل سلامي لها ... واسفة على ردودي وانتي غيرة نظرتي والحين اقول لازم يدخلوا عند الضروريات ..

هلا حياك الله بنوتة

عارف تمزحين بس هذا رأيي بنفسي من جد الله يعينها علي بس

تسلمين على هالمدح بس ماستحقه

ومادري وش اقولك عن اني غيرت نظرتك بس اقولك يمكن اكون انا خطأ وانتي بالبداية صح

تحياتي

إقتباس الرسالة الأصلية كتبت بواسطة الشيهـانه أهلا وسهلا فيك اخوي ليدير عندي تعليق بالنسبه لمقارنتك بين القضيتين وتفاوت التفاعل معهم أولا بصراحه متعجبه منك كل هالتشنج والانفعال لمااحد يجي ينزل موضوع عن قضيه تخص الشباب مطهر شباب الرياض كلهم تطهير موب لم سالفه وكأنهم شباب من قبيله وحده ولا مدينه وحده معروفه تصرفاتهم ومسيطر عليها!!! الرياض ياخيي مدينه كبيره وتحوي تجمع عالم من كافة الاطياف والأشكال والعوائل والقبائل اللي نازحين لها من كل مكان سواء بدو عبيد صلب قبائل متجنسين همج عاطلين سكارى ووووو الخ وهالتجمع السكاني المختلف والمتضاد قل ماتجده فأي مدينه الا اللهم جده!! واكيد نتاج هالخليط بيسوون جرائم ومصايب وبلاوي مايعلمها الا الله ولايمكن السيطره عليهم وأفعالهم من اي كائن كان!! بغض النظر عن هـ الجريمه وصدقها من تسذبها! مع انها ماتستغرب ابدا ولاتستبعد خصوصا سمعنا وقرينا قبل بجرائم مشابهه وخطف اولاد بعد موبس بنات!! ثانيا بخصوص مقارنة حادثة الباص بحادثة الوفاة مافيه اي منطق لها لمقارنه || حادثة الخطف هي بالمقام الاول والاخير قضية رأي عام وهي تخص كل الناس لأانه مافي أحد مايغار ومايهمه امن بلده ومايهمونه شبابها وبناتها لأانه اليوم لغيرهم بكرى ممكن تصير لهم!! واذا ماصار تفاعل ومرت مثل هـ القضايا مرور الكرام عزالله راحت البلد في فوضى مالها أول ولا لهاتالي خصوصا بعض القضايا مايلتفت لها ولاينظر فيها الابعد اثارتها من العامه! || أما قضية البنت اللي توفت الله يرحمها والوكيله اللي منعت الاسعاف مثل ماتعرف خبر الموت مومثل اي خبر اخر الله يرحمنا فرحمته الموت بحد ذاته وقع جلل مهاب كل شخص ما راح تكون له ردة فعل أونقاش غير الخوف من الله و الدعاء للمتوفي!! ومالنا فيه اي اعتراض على قضاء الله وقدره!! والنقاش والحديث في مثل هالمواضيع يفتح باب عدم الايمان والتسليم بالقضاء والقدر!! اما سالفة الوكيله تواترت الأخبار عنها في اقوال تقول انها البنت توفت اول ماطاحت عالأرض ودخول الاسعاف لأاسعافها مافي أي فايدة لأانها متوفيه قبل وصولهم!!وتم نقلها للباب وشالوها الاسعاف من عند الباب!! وفيه اقوال وللمعلوميه اغلبها هالاقوال من الصحف!! تقول ان الكليه منعت الاسعاف من الدخول ولودخلواأول ماجوا كان انقذوا حياة البنت وماماتت ولو ومالو!! وكلنا عارفين الصحف واصطيادهم مثل هالاخبار في الماء العكر ماخذين السالفه من باب انه الوكيله متشدده دينيا وبسبب تزمتها وتشددها ماتت البنت!!! وهذا اللي يهم الصحف الحين اما السالفه الاولى سالفة الاختطاف والشي بالشي يذكر ماشفنا عنها اي خبر اومقال بالصحف لامن قريب ولامن بعيد!! و أنا شفت أغلب المنتديات متفاعله مع هالخبر خصوصا بعد ماصعدت الصحف نبأ منع الوكيله للأسعاف!! واذا بتتأكد اكتب نص الخبر بقوقل وراح تشوف العجب العجاب من النقاشات حول هالموضوع!!! حتى هـ المنتدى صارفيه موضوع بهالخصوص وفيه احد الاعضاء ذكر انه وحده من قريباته تشتغل بنفس الكليه وذكرانها نفت سالفة منع الوكيله للاسعاف بالدخول شالوا البنت للباب واخذوها الإسعاف والاسعاف ماجاء الابعد وفاتها!! ويمكن كلامه أغلق باب القيل والقال خصوصا انه من شاهد من ارض الحدث!! ********** طولت حكي ماعليش بس شدني موضوعك وحبيت ادلي برائي لك كل احترامي ليدير

هلابك شيهانة

لاتتعجبين مني تراني ماسويت شي عجيب لهالدرجة انا استخدم نفس المنطق اللي تستخدمونه ضد الشباب

طبعا اكلمك بصفة الجمع لاني اشوف المجتمع بجميع فئاتة يتكلم عن الشباب وكل فثة (مطهره) نفسها

لذا اتوقع من باب العدل اني استخدم نفس المنطق

وبالنسبة لكلامك الصراحة اسمحيلي انا اللي اتعجب يعني لو اللي صار مثلا في محافظة بعيدة عن المدن الكبرى ولا يجيها زوار كثيرة من برا المحافظة هل بكذا يسمح لي اني اطهرهمعن كل خطأ..؟

او من قبيلة وحدة هل يسمح لي اني اطهرهم عن كل خطأ ..؟

وطبعا انا ماني معك بالتقسيم وخصوصا احد الالفاظ لان بنظرتي ماشوف فيه اختلاف بينهم
الا لو كان على اساس ديني اما غير كذا ماعترف فيه

وسالفة الباص لو لقيت اللي يخليني اصدق بصدقها بس مالقيته بكل بساطة


وخليني اشوف لك جملة انتي كتبتيها
قضية رأي عام وهي تخص كل الناس لأانه مافي أحد مايغار ومايهمه امن بلده ومايهمونه شبابها وبناتهالأانه اليوم لغيرهم بكرى ممكن تصير لهم!!

طيب يعني الرأي العام مايهتم لسلامة طالبات الجامعات او المدارس او في اي مكان يكون فيه تجمع نساء..؟
وانا ماقول المفروض مافيه تفاعل قد ماقول ليه التفاعل الزايد في هالموقف بالذات والقصة مو واضحة ..؟
وليه على العكس شفنا نتائج قرار من احد الاشخاص وتسبب في وفاة ولا شفنا احد يتكلم بربع هالشي

واكيد كل شي مقدر ومكتوب

ومسألة ان الصحافة تبحث عن انها متشددة دينيا اتوقع الصحافة عندهم اللي اكبر من وكيلة كلية في القصيم مع احترامي لها
وماقول غير الله يبشرك بالخير على ان المنتديات اهتمت بهالخبر لان اللي اشوفه العكس
بس والله من جد فرحتيني
والقصة الثانية اللي قلتيها الصراحة مالي تعليق فيها ان كانت صحيحة لكن على الاقل هذي احد فوائد نشر القضية
اننا عرفنا القصة الحقيقة ورا الموضوع


لاطولتي ولا شي

تحياتي واحترامي

انا ما راح اتكلم علي سالفة الباص لان احس انهم لفقوها !!
يعني الي شفته بالمقطع حول عشر شباب يرجمون...
اما عن سالفة الطالبه...
ما اقول الا مجتمع معاااااااق فكريا !!!

انا صدقت السالفه الاولــــــى تدرون ليش لان في الزمن

هاذا كل شي توقعه في شباب صايعين ضايعين ويسون اشنع من الخطف

وانا محددت الرياض فقط بكل العالم فيه ناس الله يكفينا شرهم عندناااا وفي

مدينتي شباب منتهي الله يصلحهم ويعين اهلهم على بلاويهم

إقتباس أنا أعجبتني سالفة الثلاث دقايق ياشيخ لو يحطون كرستيانو رونالدو مدير الأسعاف مايمديه يوصل بثلاث دقايق

.

.

اولا القصه 1

بدايتها صدقتها بعدين فكرت فيها ..اولاا كيف الصوره كانت بسياره الرجال ثم انتقلت ع البنات .؟
ثانيا موب معقوله يحاصرون البنات والشباب يوقفون كذاا ويناظرون ؟!
ثالثا مو هبلان الشباب يسرقون بالنهار يعني عيني عينك .!!
رابعا البنت اللي تصور كيف طرا ع بالها التصوير وهي خايفه ومتروعه ومو حول تصوير
واصلا كان الشباب ماخلوها ..
انا واعوذ بالله من كلمه انا
اقول السالفه مفبركه .. !

القصه 2:

وقت الضروره تحل المحرمات
وش فيها لادخلو الاسعاف وخذو البنت ..يعني يدخلون للبنت وياخذونها ويطلعون
هم مهمتهم كذا .. وش دخل مايصلح وبنات ومادري وش موتو البنت ع شي سخييف ..
يلا الله يرحمها ويغفر لها يارب

لك

إقتباس ايه والله سبحان الله احنا ياأبوي نروح الاسواق مو عشان نقابل الاجانب نحن نروح عشان نشتري حجاتنا احسن منكم تروحوا وترقموا ونروح المستشفيات ونجلس مع دكتورات وحنا مانروح الا اذا كنا تعبانين الله اكبر اصلا انتو تدخلوا الطب مو حب فيه <<مو كل الدكاترة طبعا انا اسفة اذا ردي ضايقك انت او غيرك

مشكلتك فاهمه ردي غلط
وبعدين اذا بتهتمين باللي يرقمون هذا شي راجع لك دامك حكمتي ع الكل كذا ,

انتي من كلامك هذا ان عادي نقابل اجانب
عشان لكم غرض الا هو (تشترون اغراض او تروحون تاخذون علاج)

طيب الحين الاسعاف ليش ماتقولين عادي يدخل للكليه ؟ دام له غرض مهم ؟
يعني الاسعاف رايح يرقم ؟
ولا يسعف البنت ؟

إقتباس الرسالة الأصلية كتبت بواسطة أزرق والقلب أبيض مشكلتك فاهمه ردي غلط وبعدين اذا بتهتمين باللي يرقمون هذا شي راجع لك دامك حكمتي ع الكل كذا , انتي من كلامك هذا ان عادي نقابل اجانب عشان لكم غرض الا هو (تشترون اغراض او تروحون تاخذون علاج) طيب الحين الاسعاف ليش ماتقولين عادي يدخل للكليه ؟ دام له غرض مهم ؟ يعني الاسعاف رايح يرقم ؟ ولا يسعف البنت ؟

لايــابوي انا ماتهمتك انا قلت الحكي ذا على كلامك ان نحن نروح عشان نقابل اجانب
عموما من حقهم انهم يدخلوا ويسعفوا البنت
وعشششان ترضى
عـــــــــــــــــــــــــــــــــــــــــــــــــادي يدخلــــــــــــــــــــــــــــــوا ويسعفوا البنت
لان هاذا عمل انساني

ولاحد يزعل من ردودي
يمكن طريقة تفكيريفي وجة نظركم طفوووولي ومراااهق جــــدا


سلاااااااااااااااام

إقتباس وعشششان ترضى عـــــــــــــــــــــــــــــــــــــــــــــــــادي يدخلــــــــــــــــــــــــــــــوا ويسعفوا البنت

انا ماهمني رضى احد

لكن الموضوع للنقاشه فقط .

إقتباس الرسالة الأصلية كتبت بواسطة هلالي كاتلوني انا ما راح اتكلم علي سالفة الباص لان احس انهم لفقوها !! يعني الي شفته بالمقطع حول عشر شباب يرجمون... اما عن سالفة الطالبه... ما اقول الا مجتمع معاااااااق فكريا !!!

هلا يالكاتلوني ومبروك الفوز مقدما
انا حتى الترجيم ماشفته ان بغيت الصدق
وماتقدر نقول شي عن المجتمع لانه مجتمع فاضل مافيه شين غير الشباب

تحياتي

إقتباس الرسالة الأصلية كتبت بواسطة سمانا هلاليه انا صدقت السالفه الاولــــــى تدرون ليش لان في الزمن هاذا كل شي توقعه في شباب صايعين ضايعين ويسون اشنع من الخطف وانا محددت الرياض فقط بكل العالم فيه ناس الله يكفينا شرهم عندناااا وفي مدينتي شباب منتهي الله يصلحهم ويعين اهلهم على بلاويهم

هلا سمانا

عادي صدقي السالفة بس مثل ماتصدقينها ياليت تصدقين بقية السوالف اللي تطلع ومايكون فيها شباب

تحياتي

إقتباس الرسالة الأصلية كتبت بواسطة تميــــ100ــه مشالله كل اراء الاعضاء حلوه وانا ماراح اقدم ولا اخر بس بالموضوع الاول فيه خطا سوا من البنات او العيال بس الاهم وين الرقي بمجتمعنا يعني العالم برا بعاااالم وتصرفات اغلبيه الناس هنا بعالم ثاني والموضوع الثاني اتوقع وانا مابي اظلم العميده بس اقول يمكن ان مصلحتها الشخصيه اهم عليها من حياه بنت يمكن خافت تتعاقب لو دخل الاسعاف بس عجبني الشعر مره توقعته اسلوب ابن فطيس من اول ماقريته وبالفعل يعطيك العافيه على الموضوع وهذا يدل على حرصك لمشاكل وطنك

هلا تميه


واتوقع ماراح نصير مثل العالم اللي برا الا لو صرنا نشوف مشاكلنا الحقيقية بدون اننا نمشي ورا الاثارة

ونحط كل اخطاء مجتمعنا في فئة معينة

والعميدة مادري وش اقول بس انا رجعت لجريدة الرياض تحديدا وشفت تصريح لوالد البنت الله يصبره والهلال الاحمر ويقول ابوها انه شاف تقارير الهلال الاحمر انه بالفعل ماحتاج سوا 3 دقائق للوصول الى الموقع وماطلعوا البنت الا بعد مرور 9 دقائق وسلمت البنت للمستشفى بعد مرور 3 دقائق اي ان المستشفى قريب

وهذا الرابط

http://www.alriyadh.com/2010/04/06/article513600.html


كويس اعجبك الشعر

الله يعافيك

تحياتي

إقتباس الرسالة الأصلية كتبت بواسطة احساس مجنون . هههههههههه اعجبني هالرد .. بخصوص السطر الاول .. اوافق اختي ام متعب لاني سمعت بالمقطع شخص مفصخ !! وبخصوص السطر الثاني الميته ماتجوز عليها الا الرحمه .. والله يرحمها ويغفر لها ولو اني ضد المنع يعني حتى لو دخل على البنات وكاشفاآت .. اهم شي ينقذ البنت مو الشوفه ! عوافي اخوي

هلا احساس

دوم الضحكة

خلاص شرحت كل كلامي من المسألة الاولى من ناحية المفصخ

والله يرحمه برحمته يارب العالمين

الله يعافيك

تحياتي

إقتباس الرسالة الأصلية كتبت بواسطة شمووخ الهلال . . اولا القصه 1 بدايتها صدقتها بعدين فكرت فيها ..اولاا كيف الصوره كانت بسياره الرجال ثم انتقلت ع البنات .؟ ثانيا موب معقوله يحاصرون البنات والشباب يوقفون كذاا ويناظرون ؟! ثالثا مو هبلان الشباب يسرقون بالنهار يعني عيني عينك .!! رابعا البنت اللي تصور كيف طرا ع بالها التصوير وهي خايفه ومتروعه ومو حول تصوير واصلا كان الشباب ماخلوها .. انا واعوذ بالله من كلمه انا اقول السالفه مفبركه .. ! القصه 2: وقت الضروره تحل المحرمات وش فيها لادخلو الاسعاف وخذو البنت ..يعني يدخلون للبنت وياخذونها ويطلعون هم مهمتهم كذا .. وش دخل مايصلح وبنات ومادري وش موتو البنت ع شي سخييف .. يلا الله يرحمها ويغفر لها يارب لك

اهلين شموخ

كويس فيه بنت هذي قناعتها لاني خفت من كثر مايقولون لي انت تدافع عن الشباب بس

والله يرحمها برحمته يارب العالمين

لك

تحياتي





ازرق وبنوتة شكرا لتواجدكم


تحياتي

القصيدة روعة اووووم من ناحية موضوع البنت الباص ماقريتها لاني مليت من كثر الناس اللي تسولف عنها

إقتباس الرسالة الأصلية كتبت بواسطة عذروب خلي القصيدة روعة اووووم من ناحية موضوع البنت الباص ماقريتها لاني مليت من كثر الناس اللي تسولف عنها

الروعه مرورك

زين تريح راسك من البربرة

تحياتي

إقتباس الرسالة الأصلية كتبت بواسطة بطلة مساء المطاردات والأكشنات ,, ههههههههههههههههههههههههههههههههههه ** ** عناد بصدق خبر بنات الباص من إلى * شوف اخوي موضوع الباص تقدر نقول مثل حرامي سيارات لما طلع سوى هيصة وزمبليطة ,, طبيعي الخطف الكل بينبه له في أكشن ومطاردات سواء كان الموضوع صدق كذب مفبرك اللي تبي ,, * بالله تقارن قضية اختطاف بقضية وفاة !! * اسمع كلام البنت اللي قاعده تدعي عـليهم والله من قلبها الدعوة وواضح إنها تبكي ,, وكلام البنات وهما يقولوا اطلع على شارع عام واللي تقول من دون ملابس سواء كان النية خطف او بس عشان صدم سيارته ,, هذا مو أسلوب يلحق ورى باص مليان بنات وييييييييييييييييييييييييييين إحنا ؟ مايعرف ياخذ رقم اللوحة ويتفاهم معاه بعدين لازم يلحق وراه اش المسخرة هذه ؟ * الله يرحم البنت يارب ويرحم أموات المسلمين أجمعين ,, ** عالعموم مثل مافي شباب سيئين في طيبين ولاتزعل ومثل مافي بنات راقيين ,, في شويييييييييييه بنات سيئين ,, الله يعطيك العافية شكر لك بطلة

اهلين مساء النصب والاحتيال البناتي


عموما شوفي ماراح اقول شي تعبت وانا اقتنع بس بالاساس مادري وش مستندين عليه

ولو على قولتكم فيه قضية كذا ماراح تتكلم امارة الرياض ..؟

معروف اي شي فالرياض وفيها بنات بعد تلاقينه يومين ومخلصين واليوم الثالث حاكمين عليهم او عالاقل نشروا كامل القصة بس هنا الموضوع مختلف ولك في قضية برجس ونفق النهضة الامثلة اللي تكفيك

ان في هالاشياء يحطون اقسى العقوبات الا هنا ماصار شي ابدا ولا يمكن تقولون راعي الهايلكس واصل بعد

عموما اشياء كثيرة لكن بعطيك الحين خبر في جريدة الرياض اليوم تحديدا

http://www.alriyadh.com/2010/04/12/article515487.html

اقري وشوفي وش كاتبين قالوا البنت مخطوفة واكيد بتروح ولا بيقولها شي

وللمعلومية الحين غالباا في كل تفحيط بمعنى كلمة تفحيط لازم نشوف بنت راكبه مع احد يا مع المفحط او احد المتفرجين واول بنت طلعت مع مفحط عام 2002

وحنا الحين عام 2010 ولسى الاخوان يتسترون بسبب ان هالطرف (بنت)
وتبغيني فوق هذا اصدق ...!!



وخلاصة تكفين مابي تقولون فيه بنات سيئين لا كلكم ملائكة بس الشباب لاتجمعون عليهم

الله يعافيك


تحياتي والعفو


اخر واحد بالحارة