'''


الله يهديهم ،،، اشاعة + كذب + قذف ،،،

مانقووول الا الله يهديهم 00

دمتم بــ ود

الذيابي

'''

أنا أعجبتني سالفة الثلاث دقايق
ياشيخ لو يحطون كرستيانو رونالدو مدير الأسعاف مايمديه يوصل بثلاث دقايق

بخصوص سالفة الباص ,, من قالك انهم 3 اشخاص , تراهم تجازو الـ 10 حسب كلام السواق والبنات ومانبي ندخل بـ ذممهم ونقول انهم كذابين لكن عندي شي ابي اقوله انا من شباب الرياض , والله العظيم عندنا همج بشكل غير طبيعي والله لو تسمعون سواليفهم تقولون جامايكا موب الرياض من كثر سوالف الخطف وغيرها .

اما الـ 3 دقايق قد يكون المستشفى قريب جدا من الكلية لكن مااتوقع ان الاسعاف منعت من دخول الكلية واشك ان الخبر ملعوب .

.

.

اولا القصه 1

بدايتها صدقتها بعدين فكرت فيها ..اولاا كيف الصوره كانت بسياره الرجال ثم انتقلت ع البنات .؟
ثانيا موب معقوله يحاصرون البنات والشباب يوقفون كذاا ويناظرون ؟!
ثالثا مو هبلان الشباب يسرقون بالنهار يعني عيني عينك .!!
رابعا البنت اللي تصور كيف طرا ع بالها التصوير وهي خايفه ومتروعه ومو حول تصوير
واصلا كان الشباب ماخلوها ..
انا واعوذ بالله من كلمه انا
اقول السالفه مفبركه .. !

القصه 2:

وقت الضروره تحل المحرمات
وش فيها لادخلو الاسعاف وخذو البنت ..يعني يدخلون للبنت وياخذونها ويطلعون
هم مهمتهم كذا .. وش دخل مايصلح وبنات ومادري وش موتو البنت ع شي سخييف ..
يلا الله يرحمها ويغفر لها يارب

لك

إقتباس الرسالة الأصلية كتبت بواسطة **نــواره** مرآآحب بآلأول مششكوور ع الموضووع اللي بجد جذبني مع إني كنت نآويه بس أعس موضووع وأطلع لأن عندي اختبآر بس جذبني بعنف الخبر الأول ../ انآ مو مصدقه وبنفس الوقت مصدقه مصدقه ../ لأن بآلمقطع بنت كآنت تقول مفصخ مو مصدقه ../آمممم , قلت خنـ نفرض نفرض إنو صدق السودآني صدم أخونآ في الله وأخونآ في الله صدق لحقه عششآن يوقفه وينبهه عن الصدمه ونفرض بعد إنو صدق نية الشآب سليمه , بس صآر شيء ويقولون مآفي دخآن من غير نآر , بنفس مقطع الفيديو البنت اللي كآنت تصور تقول لوحدهـ من البنآت تغطي أو حطي شيله على الأقل , ويمكن صح هو انفتن بس يوم وصلت لهآلفكرهـ طرى لي شيء , ألآ وهو ../ الششبآب اللي فزعوآ ويقعدون يرموون بآلحجر لييششش ..! البنت تقوول مفصخ لييشش ..! // بآلنهآآيه السسآلفه خلصت والله يسستر علينآ وعليهم , والأكيد إن فيه حلقه مفقوودهـ بآلسسآلفه|| الخبر الثآني ../عجبني إندفآآعك فيهآآ , وصدقت بكل كلمه قلتهآ , مآرآح أتفلسف وآآجد لكن يبقى الغلط من العميدهـ الله يصلحهآ // الحمدلله على كل حآآل , والله يصلح أحوآآلنآ وأحوآآل المسلمين // ششكراً : موضوع جيد

مرحبتين نواره

العفو بالاول والاخير وماقلت هالكلام الا لانه قاعد يفرفر بقلبي الصراحة لازم يطلع غصب ولا رضا فقلت بالرضا احسن
وان شاء الله بما ان عندك اختبار وبتذاكرين بعد ماقريتي موضوعي فبأذن الله الدرجة كاملة

وانا مثلك لسى ماكتملت في بالي القصة كاملة لكن حسب ما اشوفه مالقيت شي يقنعني انه اختطاف
ويمكن اقول القصة اللي صارت ان الباص فعلا صدم الهايلكس وصارت الضجة والصدامات واللي تجرأو على الباص الهم دخل في القصة بس مجرد ناس متفرجين وشافوا البنات ويمكن يكون فيه بعض الاشارات وصار اللي صار

وماهمني والله اني ادافع بس منقهر لان فيه شي ثاني صار واقوى من الاول ولا احد تكلم فيه

شكرا لك : ردك جيد

تحياتي

إقتباس الرسالة الأصلية كتبت بواسطة بنــ الزعيـم ــووتة [COLOR="Navy"][SIZE="4"][B] انت ترضى ان احد من اهلك يشوفه رجال ؟؟؟ اناماقلت انهم بيرقمون.. بيخلون المريضة ويجلسون يكحلون.. ولا بيغتصبون البنات .. يكفي انهم خوفوا البنات انا لو يدخل بمدرستي رجال على طول بقعد ابكي واصارخ لاني اول شي بخاف على نفسي وصدقاتي وهو اكيد مادخل الا صاير شي بالمدرسة يعني اكييد بخاف والجامعات والكليات لو بيدخل رجال مايخبروا البنات اختي تقول يدخلوا كذا واحنا بدون عبايات حط نفسك بمكانهم والله بتخاف على نفسك ويمكن تبكي واحيانا تدخل علينا اختي تبكي ونسالها تقول دخلوا رجال عشان كذا وكذا وانا خفت وبكيت لايابوي نادر مانروح عند دكتور واذا رحنا تكون علينا عباياتنا وولاشي يطلع منا حتى اصابع يدينا وانت مع احترامي لك تسمع بالولادة يابوي الولادة تكون دكتورة لا اذا كانت عمليه يكون المشرف على العمليه دكتور ... انا قلت انك تكرة النساء نظرا لكلامك واكيييد بتحفر وتتسلف عشان مهرها لانك انت تبيها وانت تقدر تعيش بدون ماتتزوج وتعيسة الحظ الي بتاخذها تقدر تاخذ غيرك <<امزح سعيدة الحظ ولايهمك ... وموضوع انا لازم يكون ولد في الخبر عشان نعلق حتى انتو على فكرة انتو مشهرين فينا ومطلعينا عن العالم ادشر بنات الله يهديكم ولايهمك صح لسان ابن فطيس مع اني ماحبه .. واسفة على الاطاله

انا مارضى اني اشوف وحدة من اهلي تموت والسبب ان مافيه شخص يعالجها غير رجال
واتوقع مافيه شي فالدين يمنع لذا حنا نمنع هالشي ليه ..؟

ومسألة انهم يخوفون البنات معليش يابنوتة بس انتي تخافين انك تشوفين رجال ولا تخافين على زميلتك انها تموت ..؟
وبعدين بنوتة دايم هالاشياء تصير وغصب نشوف شرطة تدخل وهيئة تدخل ومطافي يدخل يعني بس ماسكة على الاسعاف لا ..؟

و حتى كل هالاجهزة اللي فوق المفروض تمنع من الدخول ماعدا المطافي والاسعاف لان فيه ناس يمكن يموتون لكن الهيئة والشرطة ماحس ان لازم يدخلون الا بعد موافقه من الادارة سواء المدارس او الجامعات


واذا على الدكاترة انا اشوف اللي يصير فالمستشفيات وكم وحدة تدخل بدون محرم وحتى لو كانت متغطيه
ومثلا الحين دكتور الاسنان ماتكشفين عنده ..؟
واي دكتور ثاني مايكشف على اعضاء جسمك ..؟
واذا لاسمح الله في حالة كانت المريضة منومة في المستشفى معقولة في كل مرة يدخل الدكتور يكون المحرم موجود..؟

وحالات الولادة موب انا اللي اقولها بس ممكن تسألين اللي تعرفينهم ومولدين وتقولين لهم اللي كنتي عنده دكتور او دكتورة وحتى وان كانت دكتورة فنسبة النساء ماتغطي جميع حالات الولادة ونشوف المطالبات بجعل جميع من يعمل في هذا القسم هم من النساء ولكن هالشي موب صاير

وفعلا انا اؤيدك في شي واحد تعيسة الحظ اللي بتاخذني والله يعينها علي

وتبغين شي عشان تتأكدين من كلامي ان فيه اهتمام غير طبيعي للخبر الاول والثاني مسحوب عليه
شوفي الردود اغلبها تتكلم عن ايش

وبن فطيس بس قلت لك عشان احفظ حقوقة فقط لاغير

ولاتخافين ماطولتي


تحياتي

إقتباس الرسالة الأصلية كتبت بواسطة أزرق والقلب أبيض والله صدقت في كلامك بس برد على اختنا صاحب الرد الثاني يعني ماشاء الله ماتروحون للاسواق وتقابلون اجانب ؟! ماتروحون للمستشفيات وتجلسون مع دكاتره ؟!! سبحان الله !! وش فيها اذا دخل رجال (ينقذ) بنت !! شوفي ما انقذها المُسعف وماتت ! معليش ع الرد اذا يضايق احد

ايه والله سبحان الله
احنا ياأبوي نروح الاسواق مو عشان نقابل الاجانب نحن نروح
عشان نشتري حجاتنا احسن منكم تروحوا وترقموا

ونروح المستشفيات ونجلس مع
دكتورات وحنا مانروح الا اذا كنا تعبانين


الله اكبر

اصلا انتو تدخلوا الطب مو حب فيه <<مو كل الدكاترة طبعا


انا اسفة اذا ردي ضايقك انت او غيرك

إقتباس الرسالة الأصلية كتبت بواسطة بنــ الزعيـم ــووتة ايه والله سبحان الله احنا ياأبوي نروح الاسواق مو عشان نقابل الاجانب نحن نروح عشان نشتري حجاتنا احسن منكم تروحوا وترقموا ونروح المستشفيات ونجلس مع دكتورات وحنا مانروح الا اذا كنا تعبانين الله اكبر اصلا انتو تدخلوا الطب مو حب فيه <<مو كل الدكاترة طبعا انا اسفة اذا ردي ضايقك انت او غيرك

يعني كل البنات مؤدبات ومايرقمون , الشباب فيهم الصالح والطالح والبنات ايضا ..

والطب ايضا يعني كل البنات داخلين طب حب فيه ؟؟؟ >>مو كل البنات طبعا

ترا التعميم غلط يااخت بنوته

إقتباس الرسالة الأصلية كتبت بواسطة فض فاض يعني كل البنات مؤدبات ومايرقمون , الشباب فيهم الصالح والطالح والبنات ايضا .. والطب ايضا يعني كل البنات داخلين طب حب فيه ؟؟؟ >>مو كل البنات طبعا ترا التعميم غلط يااخت بنوته

انا اسفة لاني ماكتبت (بعضهم )
بس وربي ماقصدت التعميم وزي ماقلت اناس تختلف فيهم الصالح والطايح
بس انا انقهرت من رد الاخ يعني هو يقصد ان نحن البنات نروح الاسواق عشان نقابل وحركات النص كم ...
ونروح المستشفى عشان نشوف الدكتور فلان او عشان نجلس وياه لحالنا
وانا مابي ادخل بنيته بس واضح من كلامه الله يهديه ...

إقتباس الرسالة الأصلية كتبت بواسطة بنــ الزعيـم ــووتة ايه والله سبحان الله احنا ياأبوي نروح الاسواق مو عشان نقابل الاجانب نحن نروح عشان نشتري حجاتنا احسن منكم تروحوا وترقموا ونروح المستشفيات ونجلس مع دكتورات وحنا مانروح الا اذا كنا تعبانين الله اكبر اصلا انتو تدخلوا الطب مو حب فيه <<مو كل الدكاترة طبعا انا اسفة اذا ردي ضايقك انت او غيرك

اسف بنوتة على التدخل بس اتوقع انك مافهمتي ازرق بالشكل المطلوب

حسب مافهمته يعني انتي تشوفين رجال غريبين عنك طول الوقت ليه ماتسمحين لانك تشوفين رجال الاسعاف ..؟

إقتباس الرسالة الأصلية كتبت بواسطة BaRiO سآلفة البآص ياطويل العمر الباص صدم الهآيلكس ولا وقفله وبدآ الهايلكس يلحق وراه ويدقدق على اخويآه ولاتعرضوا لاي بنت من بنات الباص هذآ اللي صار واي شي تسمعه غيره تراه كذب في كذب شكرآ لك +

هذا اللي اتوقعه بس ماهتميت لهالقصة كثر ماهتميت لبنت تموت
ويمكن يموت غيرها عشرات بنفس الطريقة ولا احد يهتم لهم ولا يفتح ربع المواضيع اللي انكتبت عن (الاختطاف)

عفوا

تحياتي

إقتباس الرسالة الأصلية كتبت بواسطة كان هنا ثلاث سيارات يحدون باص، ويرمون الحجر على اللي يقرب من الباص، واحد منهم يسوي حركة مخلة، واحد ماسك سلاح ابيض! طيب ليش ما نقول ان عندنا ناس دلوخ يسمعون بالاختطاف ويطالعون الخطر معهم كثير ؟

كان هنا اول شي ابلغك حبي واقولك

عامين احبك واكتم الحب واخفيه
واخفيه حتى عنك يا نور عيني
عايش بصدري طول هالوقت اربيه
ياكل من ايامي ويشرب سنيني


طيب ياحبيب قلبي ممكن تقولي وين الثلاث سيارات في المقطع..؟

ووين اللي ماسك سلاح ابيض..؟
واللي عمل حركة مخله ..؟

وحتى لو لقيناهم كلهم فالتصوير وش يثبت ان فيه حالة اختطاف
ممكن اللي ماسك السلاح الابيض يبغى يقتل بنت من بينهم مثلا ..!!
اذا تبغى فرضيات ممكن نحط فرضيات كثيرة

ولكن بسألك انا مادري انت في اي مدينة لكن معروف في اي مكان انت تقدر تلاقي مكان يتجمعون فيه البنات اللي من اياهم صح ولالا ..؟
ليه طيب مايروحون يختطفون من هناك..؟
وفيه اوقات نشوف البنات اللي ينتظرون يركبون مع اي شخص تعجبهم سيارته



والله يهديك شكلك مافهمت موضوعي
انا ماهمني وربي سالفة الباص كثر ماهتم للصدى اللي صار وفي نفس الوقت ماصار فيه اي ذكر لحالة وفاة بسبب اننا مانهتم الا للقضايا اللي نشوف فيها اثارة

تحياتي

ثلاث سيارات يحدون باص، ويرمون الحجر على اللي يقرب من الباص،
واحد منهم يسوي حركة مخلة، واحد ماسك سلاح ابيض!
طيب ليش ما نقول ان عندنا ناس دلوخ يسمعون بالاختطاف ويطالعون الخطر معهم كثير ؟

عزيزي الفاضل

يبدوا لي من كلامك انك تقول إلم تكن معي فأنت ضدي ........

بس ابي اسألك سؤال انت مو كاتب الموضوع أكيد صح !!

طيب وقلت وجهة نظركـ @@

إذا الاعضاء اللي ردوا على موضوعك ايضاً هم أبدوا وجهة نظرهم ومايحتاج تعقب وتقول طيب لو صار كذا ولانفترض صااار تسذا .. اخوي مع احترامي لك

انت تُريد لموضوعك صفحاات فقط بمعنى اني طرحت موضوع والردود كثيرهـ .. حتى لا ادخل في ذمتك .. أنا اسف اذا أخطيت ولكن يبدوا من كلامك انك اداافع عن سالفة الاختطاف...@

وانت في محور كلامك تقول هم ثلاثه ومن يبي يخطف في النهار @@ في هذي الحاله انت ليس مصدق @@ اذا لماذا صدقت الخبر الثاني @@

عزيزي اسألك انت شفت المقطع ودققت فيه َ$$

طيب سمعت البنت اللي تقول مفصخ ###

انت كان ردك على أحد الاعضاء بالتالي :

يمكن سكران @@ معناااته يأخي العزيز انك جاالس تبرر لعمله وشوووي وتقول هذا مجنووون ولا هذا ماكان معهم

يأخي اذا كنت تعرف أحد من اللي عملوا هذي الفضيحه مايحتاج تداافع عنهم أماام الملاء ...

عزيزي انا اللي اعرفه ان الشباب أمسكوا وراح ينعرضون على الشرع ...

تحياااتي لك واتمنى تاخذ كلامي بمنتهى المهنية

واااذااا أنا أخطأت لك مني الاسف

وبالنهااية تعبنا من الاستخفااف بعقول البشر ,,,,,,,,

ودي لك

إقتباس الرسالة الأصلية كتبت بواسطة أحتاجه وأجهل مكانه عزيزي الفاضل يبدوا لي من كلامك انك تقول إلم تكن معي فأنت ضدي ........ بس ابي اسألك سؤال انت مو كاتب الموضوع أكيد صح !! طيب وقلت وجهة نظركـ @@ إذا الاعضاء اللي ردوا على موضوعك ايضاً هم أبدوا وجهة نظرهم ومايحتاج تعقب وتقول طيب لو صار كذا ولانفترض صااار تسذا .. اخوي مع احترامي لك انت تُريد لموضوعك صفحاات فقط بمعنى اني طرحت موضوع والردود كثيرهـ .. حتى لا ادخل في ذمتك .. أنا اسف اذا أخطيت ولكن يبدوا من كلامك انك اداافع عن سالفة الاختطاف...@ وانت في محور كلامك تقول هم ثلاثه ومن يبي يخطف في النهار @@ في هذي الحاله انت ليس مصدق @@ اذا لماذا صدقت الخبر الثاني @@ عزيزي اسألك انت شفت المقطع ودققت فيه َ$$ طيب سمعت البنت اللي تقول مفصخ ### انت كان ردك على أحد الاعضاء بالتالي : يمكن سكران @@ معناااته يأخي العزيز انك جاالس تبرر لعمله وشوووي وتقول هذا مجنووون ولا هذا ماكان معهم يأخي اذا كنت تعرف أحد من اللي عملوا هذي الفضيحه مايحتاج تداافع عنهم أماام الملاء ... عزيزي انا اللي اعرفه ان الشباب أمسكوا وراح ينعرضون على الشرع ... تحياااتي لك واتمنى تاخذ كلامي بمنتهى المهنية واااذااا أنا أخطأت لك مني الاسف وبالنهااية تعبنا من الاستخفااف بعقول البشر ,,,,,,,, ودي لك

هلا أحتاجه واجهل مكانه


صحيح لو قلت لك ابغى مئات الصفحات دام السالفة فيها وفاة وماحد تكلم عنها
وابغى منتديات بعد مافيها شي دام اني اشوف الالاف تتكلم عن اشياء بنظرتي ماتستحق هالازعاج كله

ومسألة ردي على الاعضاء اتوقع مسألة طبيعيه من باب زيادة المشاركات والردود

ولو على التدقيق في المقطع انا ابغاك تدقق في المقطع وتطلع لي العشرة اشخاص وتطلع 3 سيارات وابغى اشوف لاهنت محاولة اختطاف جدية غير اللي شفته لان اللي شفته مايظهر لي ولا 1% انه محاولة اختطاف

ومسألة اني اعرف واحد منهم ماكنت دافعت بهالطريقة وكنت شفت له اللي يتوسط له وبيطلع منها بعد عدة ساعات
مايحتاج اني اجلس فترة من صدور الخبر حتى اجي وانفى وابرر وادافع

ولاتخاف وانا اخوك اخذت ردك بكل اخوية اما مهنية للأسف ماعرف وش معناها

بس فيه ملاحظة بسيطة حبيت اقولها لك تراك غلطان ومافهمت كل موضوعي واتوقع السبب مني
ماعرفت اوضح ان فيه حالة كان فيها محاولة والقضية مو واضحة واخذت كل هالمساحة وقضية ثانية

مايحتاج اقول فيها الا ان فيها حالة وفاة ولذالك المفترض ان نعطيها على الاقل ربع المساحة اللي اعطيناها للقضية الاولى

واحب اهنيك الصراحة على هالجملة (بالنهااية تعبنا من الاستخفااف بعقول البشر)

لو كانت في بالي قبل كان كتبتها عنوان لموضوعي

تحياتي

إقتباس الرسالة الأصلية كتبت بواسطة بنــ الزعيـم ــووتة ههههههه أخوي انا امزح يوم قلت انها تعيسة الحظ والله الي بتاخذك سعيدة الحظ وتكفى قلها يوم الزواج تصلي ركعتين شكر لربها انها اخذت واحد مثلك شاب خلوق وعنده غيره على اهلك وناسك وصل سلامي لها ... واسفة على ردودي وانتي غيرة نظرتي والحين اقول لازم يدخلوا عند الضروريات ..

هلا حياك الله بنوتة

عارف تمزحين بس هذا رأيي بنفسي من جد الله يعينها علي بس

تسلمين على هالمدح بس ماستحقه

ومادري وش اقولك عن اني غيرت نظرتك بس اقولك يمكن اكون انا خطأ وانتي بالبداية صح

تحياتي

إقتباس الرسالة الأصلية كتبت بواسطة الشيهـانه أهلا وسهلا فيك اخوي ليدير عندي تعليق بالنسبه لمقارنتك بين القضيتين وتفاوت التفاعل معهم أولا بصراحه متعجبه منك كل هالتشنج والانفعال لمااحد يجي ينزل موضوع عن قضيه تخص الشباب مطهر شباب الرياض كلهم تطهير موب لم سالفه وكأنهم شباب من قبيله وحده ولا مدينه وحده معروفه تصرفاتهم ومسيطر عليها!!! الرياض ياخيي مدينه كبيره وتحوي تجمع عالم من كافة الاطياف والأشكال والعوائل والقبائل اللي نازحين لها من كل مكان سواء بدو عبيد صلب قبائل متجنسين همج عاطلين سكارى ووووو الخ وهالتجمع السكاني المختلف والمتضاد قل ماتجده فأي مدينه الا اللهم جده!! واكيد نتاج هالخليط بيسوون جرائم ومصايب وبلاوي مايعلمها الا الله ولايمكن السيطره عليهم وأفعالهم من اي كائن كان!! بغض النظر عن هـ الجريمه وصدقها من تسذبها! مع انها ماتستغرب ابدا ولاتستبعد خصوصا سمعنا وقرينا قبل بجرائم مشابهه وخطف اولاد بعد موبس بنات!! ثانيا بخصوص مقارنة حادثة الباص بحادثة الوفاة مافيه اي منطق لها لمقارنه || حادثة الخطف هي بالمقام الاول والاخير قضية رأي عام وهي تخص كل الناس لأانه مافي أحد مايغار ومايهمه امن بلده ومايهمونه شبابها وبناتها لأانه اليوم لغيرهم بكرى ممكن تصير لهم!! واذا ماصار تفاعل ومرت مثل هـ القضايا مرور الكرام عزالله راحت البلد في فوضى مالها أول ولا لهاتالي خصوصا بعض القضايا مايلتفت لها ولاينظر فيها الابعد اثارتها من العامه! || أما قضية البنت اللي توفت الله يرحمها والوكيله اللي منعت الاسعاف مثل ماتعرف خبر الموت مومثل اي خبر اخر الله يرحمنا فرحمته الموت بحد ذاته وقع جلل مهاب كل شخص ما راح تكون له ردة فعل أونقاش غير الخوف من الله و الدعاء للمتوفي!! ومالنا فيه اي اعتراض على قضاء الله وقدره!! والنقاش والحديث في مثل هالمواضيع يفتح باب عدم الايمان والتسليم بالقضاء والقدر!! اما سالفة الوكيله تواترت الأخبار عنها في اقوال تقول انها البنت توفت اول ماطاحت عالأرض ودخول الاسعاف لأاسعافها مافي أي فايدة لأانها متوفيه قبل وصولهم!!وتم نقلها للباب وشالوها الاسعاف من عند الباب!! وفيه اقوال وللمعلوميه اغلبها هالاقوال من الصحف!! تقول ان الكليه منعت الاسعاف من الدخول ولودخلواأول ماجوا كان انقذوا حياة البنت وماماتت ولو ومالو!! وكلنا عارفين الصحف واصطيادهم مثل هالاخبار في الماء العكر ماخذين السالفه من باب انه الوكيله متشدده دينيا وبسبب تزمتها وتشددها ماتت البنت!!! وهذا اللي يهم الصحف الحين اما السالفه الاولى سالفة الاختطاف والشي بالشي يذكر ماشفنا عنها اي خبر اومقال بالصحف لامن قريب ولامن بعيد!! و أنا شفت أغلب المنتديات متفاعله مع هالخبر خصوصا بعد ماصعدت الصحف نبأ منع الوكيله للأسعاف!! واذا بتتأكد اكتب نص الخبر بقوقل وراح تشوف العجب العجاب من النقاشات حول هالموضوع!!! حتى هـ المنتدى صارفيه موضوع بهالخصوص وفيه احد الاعضاء ذكر انه وحده من قريباته تشتغل بنفس الكليه وذكرانها نفت سالفة منع الوكيله للاسعاف بالدخول شالوا البنت للباب واخذوها الإسعاف والاسعاف ماجاء الابعد وفاتها!! ويمكن كلامه أغلق باب القيل والقال خصوصا انه من شاهد من ارض الحدث!! ********** طولت حكي ماعليش بس شدني موضوعك وحبيت ادلي برائي لك كل احترامي ليدير

هلابك شيهانة

لاتتعجبين مني تراني ماسويت شي عجيب لهالدرجة انا استخدم نفس المنطق اللي تستخدمونه ضد الشباب

طبعا اكلمك بصفة الجمع لاني اشوف المجتمع بجميع فئاتة يتكلم عن الشباب وكل فثة (مطهره) نفسها

لذا اتوقع من باب العدل اني استخدم نفس المنطق

وبالنسبة لكلامك الصراحة اسمحيلي انا اللي اتعجب يعني لو اللي صار مثلا في محافظة بعيدة عن المدن الكبرى ولا يجيها زوار كثيرة من برا المحافظة هل بكذا يسمح لي اني اطهرهمعن كل خطأ..؟

او من قبيلة وحدة هل يسمح لي اني اطهرهم عن كل خطأ ..؟

وطبعا انا ماني معك بالتقسيم وخصوصا احد الالفاظ لان بنظرتي ماشوف فيه اختلاف بينهم
الا لو كان على اساس ديني اما غير كذا ماعترف فيه

وسالفة الباص لو لقيت اللي يخليني اصدق بصدقها بس مالقيته بكل بساطة


وخليني اشوف لك جملة انتي كتبتيها
قضية رأي عام وهي تخص كل الناس لأانه مافي أحد مايغار ومايهمه امن بلده ومايهمونه شبابها وبناتهالأانه اليوم لغيرهم بكرى ممكن تصير لهم!!

طيب يعني الرأي العام مايهتم لسلامة طالبات الجامعات او المدارس او في اي مكان يكون فيه تجمع نساء..؟
وانا ماقول المفروض مافيه تفاعل قد ماقول ليه التفاعل الزايد في هالموقف بالذات والقصة مو واضحة ..؟
وليه على العكس شفنا نتائج قرار من احد الاشخاص وتسبب في وفاة ولا شفنا احد يتكلم بربع هالشي

واكيد كل شي مقدر ومكتوب

ومسألة ان الصحافة تبحث عن انها متشددة دينيا اتوقع الصحافة عندهم اللي اكبر من وكيلة كلية في القصيم مع احترامي لها
وماقول غير الله يبشرك بالخير على ان المنتديات اهتمت بهالخبر لان اللي اشوفه العكس
بس والله من جد فرحتيني
والقصة الثانية اللي قلتيها الصراحة مالي تعليق فيها ان كانت صحيحة لكن على الاقل هذي احد فوائد نشر القضية
اننا عرفنا القصة الحقيقة ورا الموضوع


لاطولتي ولا شي

تحياتي واحترامي