إقتباس وجاء المهم في الكلاسيكو فريق الجار يعرف يحترم الخصم مو مثل غيره بالتوفيق لبرشلونه في مباراة الكلاسيكو

ايوه كذا حلوين

زين إنك ماتكلمت علينا بـ سوء

الله يثبتك على كذا إن شاء الله

الريال طول عمره يحترم كل الأندية هي مره اللي ماحترمنا فيها البرشا وكلينا 6-2 سببها خواندي راموس اللي سوى لي فيها أنا البطل اللي بفتح اللعب مع البرشا وكلاها سته خواندي كان يقول الحل الوحيد لمجاراة البرشا هو فتح اللعب امامهم عشان نجاريهم في السرعه وبناء الهجمات مادرى إنه زلابة وتفكيره عقيم خصوصا في ذيك المباراة

بالتوفيق

تقديم ولااروع منكم وتشكرون عليه

مباريات قوية جداً

بالتوفيق للجميع

الف الف الف مبرووووووووووووووك للبرشلونيين

هاردلك للارسناليه ,





سوري لا توجد كلمة تصفك يا اسطورة ..!؟


فوق الوووصف يا ليييو , فوووق الجمييييييع يا لييييو ,


" si, si, si, nos vamos a Madrid "

السلام عليكم
كيفكم يا حلوين
كان الارسنال عشقي وفريقي المفضل بس الى متى وحن كل سنه نقول بنآآخذ بطوله السنه اللي بعدها >> وش ذا قلبنا زي النصر ،،،، والله خلاص تعبت من تشجيع الارسنال والله رفعت ضغط
بلا ارسنال بلا وجع قلب وش جانا من ورى هاالارسنال غير التعب غير الوجــــــع وش جاااااااااااانا>>> اهي اهي ابكي

خلاص انا من الان اعلن برشلونيتي >> ومع البرشا مش حتقدر تغمض عينيك

اسف على الخط والكتابه >> حتي تنسيق مافيه ،،، المهم المعذره
سلاااام

انا انتراوي ومالي شغل شجعت البرشا او لا ..

بس والله لو انا مكانك مدري ماعرف اشجع غير فريقي احس اني العب على نفسي ..


( صدقني بترجع للأرسنال )

مشكوووورين ياشباااب


وهارد لك للقنرز

إقتباس الرسالة الأصلية كتبت بواسطة فـــابري السلام عليكم كيفكم يا حلوين كان الارسنال عشقي وفريقي المفضل بس الى متى وحن كل سنه نقول بنآآخذ بطوله السنه اللي بعدها >> وش ذا قلبنا زي النصر ،،،، والله خلاص تعبت من تشجيع الارسنال والله رفعت ضغط بلا ارسنال بلا وجع قلب وش جانا من ورى هاالارسنال غير التعب غير الوجــــــع وش جاااااااااااانا>>> اهي اهي ابكي خلاص انا من الان اعلن برشلونيتي >> ومع البرشا مش حتقدر تغمض عينيك اسف على الخط والكتابه >> حتي تنسيق مافيه ،،، المهم المعذره سلاااام

اجل صدقني انت ماشجعت الارسنال بالاصل

انت تشجع الي يفوز

اجل وش خليت لمشجعين اليوفي

الواحد بالاوضاع الي صايره بالارسنال المفروض يزيد حبك وتعلقك فيه

إقتباس الرسالة الأصلية كتبت بواسطة فـــابري السلام عليكم كيفكم يا حلوين كان الارسنال عشقي وفريقي المفضل بس الى متى وحن كل سنه نقول بنآآخذ بطوله السنه اللي بعدها >> وش ذا قلبنا زي النصر ،،،، والله خلاص تعبت من تشجيع الارسنال والله رفعت ضغط بلا ارسنال بلا وجع قلب وش جانا من ورى هاالارسنال غير التعب غير الوجــــــع وش جاااااااااااانا>>> اهي اهي ابكي خلاص انا من الان اعلن برشلونيتي >> ومع البرشا مش حتقدر تغمض عينيك اسف على الخط والكتابه >> حتي تنسيق مافيه ،،، المهم المعذره سلاااام

والله ما الومك , صراحة من عذرك , من الان فـ صاعد راح تتغير حياتك للافضل

السلام عليكم ورحمة الله وبركاتــه

ألف مبروك لعشاق برشلــونة, اليوم ظهر ميسي وغير كل شيء في المباراة أربعة أهداف سوبر هاتريك روعة.

الآرسنــال صراحة قدم أفضل ما عنده ويظل فريق كبير و مدرب كبيــر ولكــنه وجد أمامه البرشـا.


اليــوم الصراع مابين المان والبايرين,,, بالتــوفيق للمان ومحبيه إن شاءالله نشوف المــان ولا ننسى أن المان جاي زعلان من خسارتين متتاليتين يعني السير لازم يصحح الأوضاع ,,,


تقبلو مروري

آآآآآآآآخ يا برشا...!!
مباراة ماراح تنسى..!!
أنا اشوف ان كنا محظوظين بلاعبين الارسنال البدلاء للمصابين...ضيعوا الفريق بالأنانيه..!!
ظلمت ماركيز..
أدا شوط ثاني عالي المستوى رجعنا ورى لمستوياته قبل الاصابه...!!
الله يا تشافي الهدف الثاني تحركاته وتمريراته فككت دفاع المدفعجيه...!!
وما ننسى ميسي...اللي ولو انه أنانيته غيرت طريقة لعب الفريق ولو كان فريق غير الارسنال ودفاعه الشوارع كان اكلناها..!!
برافو على افضل لاعب في العالم...ما رح تكمل الفرحه إلا بسته ثانيه على أرض مدريد

,

التآريخ يعيد نفسه




خذلوك يا دآهيه


صدق صدق برشلونه فريق مشبوه بالتشامبيونز و له عدة مواقف انا هنا ما أعلق الخروج على التحكيم لا لا لكن الحكم نرفزنا بشكل غير طبيعي و توزيع كروت مجانيه يعني من يذكر لقطة ميلتو يوم جلد نصري و ما حسبت فاول و بعدها علطول دينيلسون دغدغ لاعبهم و اخذ أصفر شي طيب غير كذا الحكم كان مسوي حمايه لـ لعيبتهم خاصه الشوط الاول و تأثر بعد بصراخ الجماهير و صراخ لعيبتهم مثل الاطفال على اي شي يبون فاول حتى لو انهم مخطين عندك بعد انفراد لـ بندتنر يعتبر تسلل و هو مو تسلل لان ابيدال كان كاسر التسلل و بعدها يسجلون هدف مشكوك ان ابيدال تسلل و هدفهم الثالث المخرج ما جاب اعاده واضحه لـ وضع ميسي يوم جته الكوره و برضو الفاول اللي بالنص بالشوط الثاني اللي لعبوه بسرعه و كان بيدرو متسلل لكن ما قال شي الحكم و مشاها لكن صدها ألمونيآ صراحه من الدلع اللي جاهم بالشوط الاول استغربت ان هجمت هدفنا ما انحسبت فاول لهم على ديابي و برضو ايبويه من اول تدخل يوم ضرب بيدرو بدون قصد عطاه اصفر و بعدها مباشره كيتا يضرب ايبويه كوع و يحطها فاول و بدون كرت و ما انسى المرتده حقت ثيو يوم جلده بوسكيتس و ما عطاه كرت الحكم

فريقنا

كنا نفتقد للاعب اللي يوصل بين الدفاع و الوسط و بين الوسط و الهجوم كان واضح ان روزي مو جاهز أبدا ً و دينلسون كان سيء جدا ً قسم بالله فقدنا سونغ و فابري , ديابي قدم شوط أول جيد جدا ً لكن دينلسون من اسوأ المباريات و نصري كانت عليه مضايقات باختصار خسرنا الوسط لكن اطرافنا كانت حلوه لكن ثيو ما ساند بندتنر بالشكل المطلوب و ما شكل خطوره برضو فريقنا كانت تنقصه الخبره يعني معدل اعمار لعيبة النص تقريبا ً 22 من وين تبي خبره و استغلال الفرص كان ضعيف كان لنا هجمه بعد هدفنا الاول و الكوره مع ديابي كان يفترض يعطيها ثيو عشان يعطي فرصه لـ بندتنر انه يخش الـ 18 لكنه عطاها بندتنر عشان يرجعها له و يسجل !! برضو كورة بندتنر اللي بالعارضه و كورة روزي اللي شاتها بشكل غريب برا الملعب و كورة بندتنر اللي تبآطأ فيها و لقطها ميليتو هذي كلها فرص كان لازم نستغل وحده ولا ثنتين منها لكن ما الله أرآد فنغر كانت واضحه تعليماته و تكتيكه كان بطل لكن التطبيق من البعض كان سيء جدا ً و فيرما مدري وش فيه من تالي يعني هدفين الغلط منه الثالث اليوم و الثاني بالذهاب على العموم كان ودي ان المونيا يطلع لنا بكم صده خورافيه مثل الذهاب لكن ما حصل انا اكثر شي قاهرني ان برشلونه ما سوو شي عطلناهم بشكل بطل لكن خلينا ميسي مع دينلسون و سيلفستر اللي كالعاده خذلونا ولا لو هي على فيرما و كليتشي و سونغ شرط ما يتنفس لكنه كان يسرح و يمرح و ما قدامه الا السبايك للاسف دفاعنا اليوم كان سيء غلطه من سيلفستر و احلى ون تو و نتيجتها الهدف الاول و غلطه من فيرما و نتيجتها انفراد و هدف ثالث و الرابع الكوره تحب ميسي رجعت له بالمكان اللي يبيه و سجلها كوبري صدقوني ميسي ما سوى شي خورافي لاننا حنا اللي عطيناه المساحات و خليناه يلعب براحته

كل هذا و اصفق للفريق اللي قدم مستوى مشرف الصراحه و كنا نستحق أفضل لكن معوضين خير ان شاء الله

إقتباس صدق صدق برشلونه فريق مشبوه بالتشامبيونز و له عدة مواقف انا هنا ما أعلق الخروج على التحكيم لا لا لكن الحكم نرفزنا بشكل غير طبيعي و توزيع كروت مجانيه يعني من يذكر لقطة ميلتو يوم جلد نصري و ما حسبت فاول و بعدها علطول دينيلسون دغدغ لاعبهم و اخذ أصفر شي طيب غير كذا الحكم كان مسوي حمايه لـ لعيبتهم خاصه الشوط الاول و تأثر بعد بصراخ الجماهير و صراخ لعيبتهم مثل الاطفال على اي شي يبون فاول حتى لو انهم مخطين عندك بعد انفراد لـ بندتنر يعتبر تسلل و هو مو تسلل لان ابيدال كان كاسر التسلل و بعدها يسجلون هدف مشكوك ان ابيدال تسلل و هدفهم الثالث المخرج ما جاب اعاده واضحه لـ وضع ميسي يوم جته الكوره و برضو الفاول اللي بالنص بالشوط الثاني اللي لعبوه بسرعه و كان بيدرو متسلل لكن ما قال شي الحكم و مشاها لكن صدها ألمونيآ صراحه من الدلع اللي جاهم بالشوط الاول استغربت ان هجمت هدفنا ما انحسبت فاول لهم على ديابي و برضو ايبويه من اول تدخل يوم ضرب بيدرو بدون قصد عطاه اصفر و بعدها مباشره كيتا يضرب ايبويه كوع و يحطها فاول و بدون كرت

على رأيك .. التاريخ يعيد نفسه .. ألف خطأ تحكيمي في عصبة الأبطال من بداية دور الـ 16 للحين .. والشي الوحيد الا يتعلق عليه والا تخليه الخصوم مشبوه .. هو اي شئ تبع برشلونه

والغريب .. انك تعتبر تدخل دينلسون دغدغة لـ ميسي وتدخل غابي خشن .. منطقيا .. لو قلنا اثنينهم كان لعبهم رجولي في اللعبتين .. صعب اقول واحد كان يدغدغ وواحد جلد الثاني .. يا اثنينهم لعنوا جد الا انبرشوا عليه .. يااثنينهم دغدغو .. اسمح لي اخوي ماقدرت ادور لها مخرج بانك تعتبر هاللقطه عاديه وهاللقطه لا ..

الاثنين صادو الكوره .. لكن تدخل اللاعبين مختلف .. مومعناتها اطالب بالكرت لـ دينلسون .. لكن مومستغربه انه يعطيه بنوعية الاحتكاك الا صار بين اللاعبين


اذا تبيها تكون مشبوهه .. ميسي له حاله مشكوك في انها بلنتي في الذهاب .. وماكسويل ممكن فيه حالة شك بعد .. واحد اظن بالشوط الأول وواحد بالشوط الثاني الأول ضد كليتشي .. والثاني ضد سانيا اظن او ايبويه .. نسيت ..

أمس .. جت لكم هجمه مرتده بالشوط الثاني .. بعد دفع واضح من كليتشي على الفيس ..

فـ وين الدلع اللي لنا ؟

انحسب تسلل عليكم وهو خطأ ؟ .. join the club حياك اخوي .. هالشي كل الآنديه تتعرض له .. ليش تصير حاله مشبوهه ضد البارسا الحين ؟ .. فـ انتو مو احسن منهم .. ولو قلنا انها حاله خطأ .. ترى هي بس حاله تسلل وحده الا غلط فيها في حقكم ..

ابيدال متسلل ؟ .. راجع الهدف صحيح حبيبي .. وشوف مكان سانيا



ميسي متسلل ؟ .. راجع تمركز سيلفستر



ترى موعيب الخساره .. لكن ماله داعي نلعب على روحنا .. ونقول الحكم خربها .. والفريق الفلاني مشبوه ..

^^

لا له باع طويل ولا شي .. يا عزيزي .. الا يبغا يشوف من جهه وحده .. يقدر .. والا مايبي .. يقدر ..

حبيبي .. انت تقول .. من جد البارسا مشبوه .. ودعمت كلامك بحالات معينه .. انا وريتك انك استعجلت في الحكم عليها .. موعلشان اطلعك غلطان .. لا حشى .. مو هذا اسلوبي .. بس علشان تعرف انه العاطفه تسيرنا الى مثل هالردود .. ولو تطالع المباراه .. ذهابا وايابا .. بتشوف انه اداء الحكام في ضمن نطاق الاجاده .. على الرغم من وجود بعض الأخطاء

ترى مو كل خطأ يصير من الحكم .. دخلناه في رشاوي .. مؤامره .. بلاتيني .. واسطه

الحق يقال مااتابع الارسنال كثير .. خصوصا بالتشامبيونز .. طيب انظلمتو في مباراة بورتو الذهاب .. هذا الا ادري عنه

لكن انت تابعت كل مباريات البارسا دقيقه بدقيقه ؟ تعرف كل الحالات الا لنا والا علينا ؟

اريحك .. الجواب .. من عندي .. لأ .. لأنك لو شاهدت .. ماراح تقول البارسا له باع طويل مع التحكيم .. راح تقول تضررنا احنا بعد

القانون الا يمشي عليه كل حكم .. موضوع من الفيفا وموثق وكل شي .. بس مو كل شي يتطبق بمثل مايكتب .. كل حكم له تقديره .. وكل حكم له موقفه .. من الاحتكاك .. التسلل .. الهدف .. تصرف اللاعب

انت ممكن تشوف كوره بلنتي .. عضو ثاني يشوفها لا .. الحكام نفس الشي .. كل حكم له نظره .. و ممكن يوم يتوفق .. ويوم لا

إقتباس الانفراده ممكن تجيب الثاني لنا و هذا يغير الشي الكثير

كم نادي صار ضده موقف مشابه .. هالموسم بس ؟ .. كم واحد وكم مدرب .. قالوا لو ماانحسب هالتسلل الخطأ كان صار شي غير ؟

زي ماقلت لك .. حالة تسلل وحده خطأ في حقكم .. وانت خليتها البارسا مشبوه ..

إقتباس موب دغدغه لكنه كان اهون من تدخل ميليتو اللي يكفي انه داخل برجوله الثنتين و هذي كرت علطول و لا تمت للتدخلات الرجوليه بـ صله

حبيبي .. ميليتو داخل برجلينه الثنتين .. ودينلسون داخل بويش ؟ خيط الجزمه ؟

فيه اختلاف في نوعية الاحتكاك .. وهنا اقصد موقف اللاعب المنبرش عليه .. دينلسون كان غير محظوظ فيها لا اقل ولا اكثر .. وياكثر هالحالات ..

خلاصة كلامي ..

التسلل الخطأ + الكرت الأصفر الا على دينلسون .. عادي انك تتذمر منهم .. وحقك هذا .. لكن لا تزرف الخصم وتقول الفريق مشبوه اخوي ..