أين هذا يا نامي؟ - صفحة رقم 3 - نادي الهلال السعودي - شبكة الزعيم

Abu 6areg · #1 05/04/2010, 06:33 AM

شكرا لك على الطرح الواقعي.. و اخيرا أعطي نامي حقه ما شاء الله عليه لاعب سريع و مراوغ، يعاب عليه الهفوات القليلة القاتلة... انا ودي لو اللعيبه تتعلم من مباراة اليوم، وتستفيد من فائدة التسديد من خارج منطقه الجزاء. لوحظ ان في المباراة فيرق الحزم لم تكن لديه اي هجمة منسقه ماعدا واحدة او اثنتين ولكن شكل خطورة على المرمى عن طريق التسديد من خارج النطقة.. هدف و عارضتين و قائم.. يا ريت اللعيبة تتعلم و نشاهد تسديد من خارج منطقة الجزاء في المباريات القادمة....

bahry_7 · #2 05/04/2010, 07:18 AM

نامي ممتاز
بس يبي الثقه من الجمهور
ويكفي ان مباراة اليوم كانت كلها صراخ نامي نامي ارجع تقدم شوت
ونامي يتفاعل معهم
في نظري انه قدم مستوى اكثر من رائع
بس الجمهور لو يخفون الضغط عليه
ويخلون المدرب هو الي يقيم مستواه
صدقوني ان عند هالاعب الشي الكثير ان يقدمه للهلال
والديل مباراة السعودية وأيران في الأراضي الأيرانية
قدم مستوى أكثر من رائع وحصل على جائزة افضل لاعب
هذا دليل أنه مضغووووووط وبقوة من الجمهور والله يستر لايوم يصير مندي ...
تمنياتنا لك بالتوفيق محمد نامي للأمام أن شاء الله
نصيحة لنامي : حط بأذانك سداده والله ياأنت بتبدع

انا افداك ياهلال · #3 05/04/2010, 07:18 AM

ناامي كان بطل اليوم
بس تكفى ياا نامي

بطل كثره اخطاء لانها تكلف كثيير

دايم في كل مباراه الاحظ نامي ياخذ بطاقة ..
طيب وش الهدف من الدخلات العنيفه ؟؟؟

وسامي فعلا الله يهديه اليوم مدري وش فيه ..
المفروض يكون اهدا من كذا في تعامله مع الحكام ..
لاحظناه مره متنرفز على ابسط الكور وهذا يشتت ذهن الاعب ..

تحياتي لك اخوي

سام 6 SAM6 · #4 05/04/2010, 08:02 AM

إقتباس

الرسالة الأصلية كتبت بواسطة ole999


	واغضبني كثرة احتجاج سامي على الحكام وكثرة التلاسن معهم في اكثر من مباراة,هذي اول مرة انتقدك يابو عبدالله وان شاء الله انها الاخيرة لانك مجتهد ولكل مجتهد نصيب.

/
/
/
خل نامي ع جنب ماني قايل إنه يمكن يكون خويك في
إستراحة أو إنك تعرفة بأي طريقة كانت
ولاني مذكرك بنكبات نامي

لأنك وقت المبارايات يمكن إنك نايم عندك مدرسة

-----------
خلنا من هذا كله وتعال يعني الحكم مايرفع الضغط مثلك وســامي

مدير الكرة
أكيد لازم يحتج لأن لاعبين الفتح تكسير ودخلات قوية

والحكم يتفرج وأي كسره من لاعبين الهلال ع طول كرت

شي يقهر واللي زاد الطين بله تجي أنت ووجهك تتكلم ع ســامي

أقولك شي أنت في المنتدى مثل ( نامي ، العنبر ، الغنام ، صالح الدوسري )
في الهلال
واللبيب بالإشارة يفهم

ole999 · #5 05/04/2010, 09:06 AM

صهيل صهيل,ابو طارق,انا افداك ياهلال,بحري7 اشكركم جدا على المرور
هلالي الربع الخالي يا اخوك الفريدي نجم ماشاء الله عليه لكن مازال عنده اكثر في قادم الايام
سام 6 اشكرك على رايك وتشبيهي بنجوم الهلال "أقولك شي أنت في المنتدى مثل ( نامي ، العنبر ، الغنام ، صالح الدوسري )
في الهلال
واللبيب بالإشارة يفهم "
وبالنسبة لي فأنا مشجع عادي مثل الباقين في المنتدى ولا اتميز بأي شئ في منتديات الزعيم الا اني اعبر عن رأيي وحبي لنجوم الهلال بينما غيري يتفرغ للسباحة عكس التيار

شبح15 · #6 05/04/2010, 09:11 AM

تبون الكلام الصحيح بدون مجامله الفريق يحتاج تنسيق العنبر ونامي مافي روسهم كوره

اتركوا التطبيل والبقاء للافضل

مزاااجي هلالي · #7 05/04/2010, 10:47 AM

نامي الله يوفقه مع الهلال

مع اني اتمنى من الهلال يجربونه لاعب وسط

الذئب الهلالي999 · #8 05/04/2010, 10:53 AM

بالنسبة لي لااعتبر نامي لاعب كورة بالأساس
وفيه مواضيع تثير الشبهه بمدح الاعبيين الاسوى في مباراة الامس مثل نامي وحسن العتيبي
بعكس المبدعين عيسى والدوسري وخيرات قبل طرده

ole999 · #9 05/04/2010, 07:50 PM

إقتباس

الرسالة الأصلية كتبت بواسطة الذئب الهلالي999


	بالنسبة لي لااعتبر نامي لاعب كورة بالأساس وفيه مواضيع تثير الشبهه بمدح الاعبيين الاسوى في مباراة الامس مثل نامي وحسن العتيبي بعكس المبدعين عيسى والدوسري وخيرات قبل طرده

الحين صارت مواضيعي تثير الشبهه لا حول ولا قوة الا بالله وش الموضوع اللي يعجبك ؟
باحاول ارضيك في المرات الجاية
بالنسبة لعيسى والدوسري وخيرات ما جبت طاريهم ؟انت شكلك تقرا الردود وتعلق
حسن العتيبي ما مدحته بل انتقدته وشكلك جد ا قرت الموضوع الله يهديك (نصيحة مني لا عاد تطير في العجة واقراء بتمعن ثم رد وقل اللي في خاطرك) او اكتب وشارك برايك بالافضلية في مباراة الامس في موضوع جديد

وبنشوف رايك

عاشق 9_20الهلال · #10 05/04/2010, 12:54 PM

الف شكرلك اخوي والله اني اتمنى كل الاعضاء مثلك فاهمه لان بعضهم بس حاقد على نامي حتى لو يبدع يقول فاشل بس يبي ينتقد على عماه
والله انك ماقصر بموضوعك هاذا انصفت نامي
وبالنسبه لحتجاج الاسطورة سامي على الحكم لانه من حقه لان الطرد مهو صدق المفروض خيرات ماينطرد لاكن الحكم خانته عيونه شكله ماشاف الدخله زين
بس اعجبني كلامك بخصوص نامي والف شكر لك

الكنـــ20ــج · #11 05/04/2010, 01:20 PM

نامي لو يطور لعبه شوي ويغطي مكانه صح بيكون أفضل ظهير ...

والجمهوور والله أمس ما قصر مع نامي كل ما استلم كوووره يصفقون له ويرددون اسمه

صح انه كبر راسه شوي بس يله معليه هع هع هع ....