|
وٍالله الـقهـر تكـفون احضرو المباراة بسم الله الرحمن الرحيم ششخباركم يازعماء ان شاء الله بخييير <<دووم ان شاء الله بكل اختصار ما اعرف المقدمات والامور هذي كل اللي عندي بقوله من دون لف ودوران مستغرب استغراب منكم بكل امانه المواسم اللي راحت كلها قبل لاتبدأ المباراه بأسبوع احصل المنتدىا كله يطالبون بالحضور واللي يجيب مقاطع فيديو عن الجماهير وكلها تحميس للجمهور ولكن الموسم هذ1.....!! مـأإدري وش اللي حاصل مستويات ولا بالاحلام ابداع متعه حماس مهارات جهـأإز فني وإداري ولاعبين كبار كلهم على اعلى المستويات ولكن احصل المباراه اليوم ولا اشوف الا موضوع واحد حتىا صارو اللي يردون على الموضوع ومايكتبون الا بالتوفيق للزعيم <<يا اخي ترى فيه ناس تقرىا الموضوع والردود وانا ماقلت لك ترد على اساس تكثر مشاركاتك اما ان تقول شئ يفيد ويحمس ولا الله لايهينك لاترد من الاساس لاني ماكتبت موضوع على اساس انك ترد بس لتكثير المشاركات ابيك ترد بحماس وابي ردك يكون احسن من الموضوع نفسه من ناحيه تجشيع الجماهير على الحضور ولو تبوني اذكرعدد المواضيع السنه هذي اللي تحث على الحضور راح تكون بعدد اصابع اليد....!! واللهي مصيبه نطالب بالفوز بكل مباراهـ ولا فيه ناس تحضر وبالاخير اذا انهزم الفريق قام يصَيح بالمنتدى من كلام ماله داعي على الاعبين والجهاز الفني انت الحين سو اللي عليك من حضور ومسانده لفريقك وبعدين اتلفسف واتكلم علي كيف <<< والله قهــر اعذروني علىا الموضوع اللي مو منسق وفيه لخبطه لكن والله منقهر وماني قادر اركز وكتبت اللي بقلبي من قهر ياما كتبت مواضيع نفس الموضوع هذ1 بس (كنك يابو زيد ماغزيت ) كلامي كله بالهواء لكن اتمنىا انكم ياجماهير الرياض تبيضون الوجه اليوم وبالتوفيق يارب اليوم للزعيم |
up up up up up up up |
سبب عزوف الجماهير المعاملة الي يشفونها من العساكر المتخلفة كل شي ممنوع حتى الاكل والشرب (هذي حرب مو مباراة)!!!! ومافية تذاكر مرقمة .. يعني لازم تجي قبل المباراة بـ4 ساعات عاشان تحجز مكان !!!!!! تخلف * تخلف ولكن رغم هذا الزعيم يستاهل كل التعب لمساندتة |
مشكوووووووووور اخوي موضوووعك في غاية الاهميه |
يمكن اكثر مواضيع التحفيز اللي شفتها كانت مباريات ( اسيا ) واحس انك قسيت شوي على الزعماء خاصه في نقطة مواضيع ( تحفيز ) الحظور للملعب...صحيح ما كانت بالكم اللي المفروض نشوفه لاكن ( موجوده ) المواضيع حب الزعيم يجمعنا ( لبى قلبك ) واحترم رايك و وجهة نظرك وانا متاكد ان شوقك تشوف الملعب ( مليان ) هو الحافز لك احييك على موضوعك |
ماك...عبدالمجيد....غيرم الله يعطيكم العافيه على الردود بس ياماك الحين التذاكر المرقمه من اول ماعرفت شئ اسمه ملعب وانا ماشفت تذاكر مرقمه يعني الحين حسنا بالشئ هذ1 وصار سبب العزوف والاكل والشرب بعد من زمان لاهنتو |
بصراحه بالنسبه للجماهير اقرا مثل غيري ان معاملة الامن مع الجمهور بالرياض غير محترمه وفيها تعسف طيب ان كان هالكلام صحيح وين راحت ادارة الهلال انا اقول يعمل بحث عن هالنقطه وتوصل للامير بن مساعد او نائبه او سامي الجابر ان لم يتعاملو معهم فالجمهور معذور والوجه من الوجه ابيض يازعيم الزم ماعلى الواحد كرامته ماهو يجيه جندي ويجلس يتفلسف بكلام مايفهمه او يجره بطريقه استفزازيه الا اتابع المباراه في مقهى او بالمجلس وكرامتي محفوضه ابرك لي اتمنى ماتزعلون ولكن هذي هي الحقيقه والواجب عمله |
انا بأذن الله اول الحاضرين ,, وفي المنتدى انا اجزم ان الي يحضرون مباريات في هذا المنتدى 45% كلهم كلام في كلام ربك يعين لكن نتأمل خير تحياتي لك |
سجلني حاااااااضر بأأأ ذن الله>>> تكفون احضرؤؤؤؤؤ حتى نحصد ال3 نقاااااااط يارب يارب ياكريم اكتب الفوز للزعيم |
اخوي انا صارلي موقف انا كنت حاضر مباراة للهلال بالملز وقفني عسكري وقالي افصخ الجاكيت في عز البرد وجلس يفتش وطوَل في التفتيش وانا مستعجل قلتله لا تخاف انا جماهير الهلال مؤدبين قالي ايه هين انتم اسوا جمهور وادارتنا دايم تشدد على مبارياتكم قلتله خلاص فتش وخذ راحتك دامهم اقنعوك في الشئ اخوي شوفة عيني ناس ينهانون في الملعب كبار في السن او صغار وماقلنا شي اخوي اقسم بالله المدرج الهلالي له معامله خاصة وسيئة الشالات ممنوعه على المدرج الهلالي بس على العموم اخوي انا ولله الحمد ماراح اقصر مع الزعيم سواء حضور او غيره بس ياليت رئيسنا شبيه الريح يحس فينا ويرجع ويترك عنه الفقر والمثاليات واليوم ان شاء الله حاضر |
يابوي ملين وحن نقول احضر يا جمهور الرياض اول مره اشوف نادي جمهورة في اضة اقل من جمهو خارج ارضة |
لنكن واقعين شوي صراحه انا ماتوقع راح يكون حضور جماهير كبير يعني الواجهه نقول حلوه لو امتلت صراحه عجزنا دايم ننزل مواضيع تحفيز للجمهور ومافيه حضور قوي مابقى الى واحد يوزع مكافأت للجمهور عشان يحضرون صراحه جمهور الهلال لغز محير يطالبون بكأس آسياء والجمهور قليل لا وينتقد الاعب وهو جالس في البيت والله امرك غريب ايها المشجع الهلال انا بالنسبة لي الحضور متعود عليه من عشرات السنين لكن هل غير يسجل وفاءة اليوم ويكون الحضور بكثافة هذا ماسنشاهده اليوم وبالتوفيق للزعيم |
إقتباس:
:yes: .. فعلاً وأزييدك بعد اكثر المباريات بأيام دراسه ^^ |
ان شاءالله الملعب فل بس اهم شئ مايدخل فينا قول |
باذن الله اكون اول الحاضرين,,,, وان شاء الله نشوف الملعب مليان,,,, وبالتوفيق لزعيم,,, |
| الوقت المعتمد في المنتدى بتوقيت جرينتش +3.
الوقت الان » 03:42 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd