إقتباس المهم نجي لكلام مشعل

إقتباس والكالتشيو بولي .. يا ناس مدري ليه بس أحس رجعة موجي تذكرني بالأفلام الامريكية .. وطريقة عودة البطل للانتقام من الي غدروا فيه .. الي موب فاهم كلامي يشوف فلم لو أبيدنق سيتيزن ( law abiding citizen ) ي .. الزبدة أن موجي ذيب وحبيته يا ناس .. المهم انا قريت رد في منتدى ثاني صراحة رغم عدم متابعتي للكالتشيو اسمتعت بكل حرف فيه .. تحس انه يلخص السالفة بشكل جمييل ورائع وسلس .. نصيحة نصيحة لا يفوتكم والله رد رهيب .. دوكم :

صراحة الرد رائع وواقعي !

جون إلكان تخلى عن موجي في الكالتشيوبولي لغرض انه يبعد موجي عن اليوفينتوس ، ويسيطر على النادي بشكل كامل ..

موجي كسب ثقة الافوكاتو .. جياني انيللي .. وهو مالك النادي اللي توفى عام 2004 ..

ومن 94 الى 2006 شفنا يوفينتوس يحقق جميع البطولات .. ويجيب لاعبين بارخص الاثمان ويطلعهم نجوم .. ويبيعهم باغلى الاثمان ..

وهذا ليس الا عمل موجي ..

موجي اللي جاب مارادونا لنابولي وزيدان لليوفينتوس !

موجي اكتشف ليبي !

وتخلى عن باجيو لنظرته في ديل بييرو !

لكن من وفاة الافوكاتو كانت العلاقة بينه وبين جون إلكان سيئه .. وجون الكان هو مالك النادي الحالي ..

جون الكان فكر بالنادي كشركة وليس كـ نادي كرة قدم !

وهذا ماجعل اليوفينتوس يفقد كل شيء !

اليوفينتوس قوي اقتصاديا ً وضعيف كرويا ً ..

وبتخليه عن موجي .. والمشاكل اللي كانت موجوده قبل ..

موجي صعب يرجع لليوفينتوس الا مع اندريا انيللي ... وهو ابن امبيرتو انيللي .. وجياني انيللي عمه !

اندريا بصف موجي ويدعمه .. وكم مره قال موجي ماراح ارجع لليوفينتوس الا مع اندريا ..


يقال حاليا ً ان اندريا اصلح ما بين موجي و جون إلكان ..

ويقال بأن موجي متحالف مع بيرليسكوني حاليا ً وسيدير الميلان في المستقبل !

وعلى فكره بيرليسكوني معجب جدا ً بموجي .. وكم مره عرض على موجي ادارة الميلان ولكنه رفض لولائه لليوفينتوس وولائه لعائلة انيللي !

لكن الآن الوضع مختلف ..!

واتوقع موجي يا لليوفي او للميلان .. والميلان احتمال كبير اذا رفض جون الكان عودته .. وممكن يصبح جون العدو القادم لموجي !


موجي كان هو ضحية الكالتشيوبولي .. لاهو رئيس النادي ولاهو مالك النادي ..

لكن موجي هو الرعب بالنسبة لموراتي .. لانه يصنع الفارق في كل فريق مسكه ..!


اما موجي الشخص اللي بكا .. وبشكل عام الاشخاص الناجحين .. في بعض اللحظات يبكيهم الزمن وتتكسر كتوفهم .. ولكن تفرج من عنق الزجاجه !

فإذا موجي نجح في مهمته القادمة .. فاسمحولي اقول ان موجي افضل من مسك نادي في تاريخ كرة القدم ..



http://www.youtube.com/watch?v=kQU1EjgOJlc