:: الاتحاد الايطالي سوف يناقش انعكاسات الكالتشيوبولي ::



FIGC بقيادة ابيتي سوف يناقشون الثورة الاخيره في قضية الكالتشيوبولي والتطورات التي حدثت في نابولي ، محامي الدفاع عن لويتشيانو موجي قد كشف عن تسجيلات تورط الانتر في القضية التي اقصت اليوفينتوس الى الدرجة الثانيه في عام 2006 .

ابيتي كان يناقش بالامس مع ستيفانو بلاتزي اذا كانو سوف يفتحون التحقيق مجددا ً بالقضية ، في اجتماع اخر بعد جلسة الاستماع الاخيره يوم الثلاثاء المقبل .

محامي موجي توعد بانه سيثبت ان الكالتشيوبولي لم تكن موجوده اصلا ً في ذلك الوقت ، الثورة الاخيره قد تجعل الـ FIGC يعاقب الانتر ، الاكيد ان الاتحاد الايطالي سوف لن يحقق في شأن الميلان حيث انه عوقب في الـ 2006 .

المصدر

^^^

والله بالنسبه لهالموضوع ... استبعد انهم يسوون شي للأنتر !!!

وبالنسبه للي يتوقعون ويتطيرون ان ايطاليا تاخذ كاس العالم اذا صار قبله فضيحه بايطاليا ..

انا افسر هالشي واتوقع ان الانتر بياخذ دوري الابطال ماله دخل هالسنه لا بايطاليا ولا بكأس العالم !!..

---

راح يتم انشاء قانون جديد بس عشان يبعدون الانتر من المشكله !!

---

انا ما راح اعلق علي مشجعين الانتر وما الومهم صراحه .. لأني اذكر من 2005 وهم يقولون اليوفي والتحكيم وانا كمشجع لليوفي ما كنت اصدق الصحافه الايطاليه ..

وبالاخير اثبتو انه فيه مكالمات لو ان كل المكالمات الي اثبتت علي موجي خسر فيها اليوفي ،،

وغير كذا كان فيه انديه كثيره غير اليوفي كلمت رئيس لجنة الحكام لكن العقوبات اختلفت !!

الي واضح الى الان ان العمليه مستهدفه علي اليوفي ... وكان ضريبة الاطاحه باليوفي انهم يدخلون معهم اكثر الانديه الثانيه..

لأنهم صعب يخفون مكالمات كل الانديه ويجيبون مكالمات اليوفي بس !!

كل هالعمليه المستفيد منها الانتر وروما .. لكن ليش العالم تتهم الانتر ؟

1- سحب البطوله من اليوفي واعطاءها للأنتر ..
2- ليش كل الانديه الثانيه جابو كل مكالماتهم وسمعوهن عدا الانتر خذو بعض المكالمات ؟
3- ليش نفسه الي عطا الانتر البطوله والي ما سمع مكالمات الانتر ما استقال من المحكمه الا بعد ما لعب اليوفي اول مباراة بالسيريا بي "يوم تأكد انهم خلاص نزلو ولا فيه استئناف "؟؟؟

يمكن يكون كلامي غلط ومجرد اجتهاد شخصي زي كل الشباب الي هنا .. بس هذا الي واضح لي الى الحين

ميلان وراه ظهر وخلاهم ما ينزلون للدرجه الثانيه .. يمكن يكون هذا السبب !!

====

ارجع واقول ما اتوقع انه يصير شي للانتر لأن السالفه محبوكه صح ..

حتى لو جلس موجي 4 سنين يجمع ادله !!

===

الكالتشيو بولي " كل الانديه الايطاليه تتكلم مع رئيس لجنة الحكام عشان يختار لهم حكام ممتازين ،، ماهو شرط انه يغش معهم بس زي ما يقولون يكون قد الحدث ،،، يعني ميلان مثلن متصدر ويلعب مع الانتر الوصيف ويجيبون محمد فوده حكم باختصار اغلاط هالحكم دايم تغير نتيجه المباراة ،، فا ادارة الناديين يكلمون رئيس لجنة الحكام حطلنا حكام مضبوطين ماحنا ناقصين اغلاطهم "


لكن المؤامره استغلو هالشي وراح فيها اليوفي ،،
وبعدها تدهور الدوري الايطالي ،،
ولو نزلو الانتر بيتدهور الدوري الايطالي اكثر واكثر !!

وزي ما قال موجي "الكل مذنب والكل بريء " وما يحتاج افسر كلامه

السلام عليكم

إقتباس ترى روما ماهب طالع منها.. قبل فضيحة الكالتشيو بولي كان له فضيحة صغيرة سينسي رئيس روما اكتشفوا إنه موزع ساعات ذهب رولكس ع الحكام بـ مناسبة "رأس السنة" .. وكاني منيب غلطان هالكلام كان عام 2000

يعني بيحاكمون روما ! المفروض الكل يضحك على هالقصة الغبية من الخبل سينسي وان كنت اشك ان سينسي كان له هدف من هالهدايا يكتشف فيه الحكام ومدى خيانتهم لفرق اخرى ، عموما مادري اذا انت لاحق على هالسنة ؟ قصة الساعات كانت امام اعين الجميع مسؤولين وصحافة والكل شاهد عليها انها كانت هدايا اهداها سينسي ل 15 منهم بمناسبة الكريسمس ورأس السنة ومعروف الكريسمس الأجانب يتهادون فيه وكانت امام اعين الجميع ماهي اتصالات ورشاوي في الظلام

المهم ثاني يوم من هالقصة الصحافة والإعلام والجماهير قومت الدنيا وانها غش وخيانة ورشوة ومن هالكلام ثاني يوم رحعوا كل الحكام كل الساعات لفرانكو سينسي وهالموسم على فكرة روما بعد تضرر تحكيمياً وانتهى الدوري بفوز ميلانوروما كان مركزه الخامس وهالموسم موسم 1999 مو 2000 مثل ماذكرت ويبدو انك تسمع من المنتديات كلام للاسف مايذكرون القصة الكاملة والحقيقة

بالنسبة للقضية ردود الانتراوية اشوفها نفس ردود اليوفاوية عام 2006 ماهم مصدقين الأمر وماهم متوقعين يحدث انه ينزل اليوفي
ثاني شئ اذا هناك عدل لازم يصير على حسب مانزلوا اليوفي بالمكالمات اللي ادانت موجي يفترض ان ميلان والأنتر ينزلون للسيريا B مع سحب اسكوديتو 2004 من ميلان وسحب اسكوديتو 2007 و 2008

وننتظر 13 ابريل اللي اتوقع من التسجيلات اللي بتعرض فيه مكالمة تحريض بيرجامو لموراتي بالتنصت على مكالمات موجي واتوقع بنشوف مفاجات كثيرة يمكن هي اللي خوفت موراتي وخلته يصافح موجي بعد آخر جلسة من المحكمة ويقولون انهم تصالحوا

إقتباس باك ,, المكالمات كلها بصراحة اللي تنزلها الصحافة واللي بيدها حالياً أعتبره كلام عادي ولا يدين الإنتر ! ما فيه ذاك الشي الخطير اللي ممكن يورط الانتر أو يخصم منه نقاط أو سحب دوري حتى ! مثل ما قلت كله توقعات واجتهادات صحافة والشباب اللي هنا كلن يقول رايه

عزيزي ..


المكالمات اذا بوجهة نظرك تشوف انها عادية ..

طيب شلون يهبط فريق وينسحب منه بطولتين .. عشانه قال عط اودينيزي كروت صفر .. ؟؟؟

وياليت عطوه اللي يبي !!

مافيه الا لاعبين خذو كروت .. ولعبو امام اليوفي !


ولا حقت سامبادوريا .. اللي هدف ديانا تسلل وفايز سامبادوريا 1-0 ويقولون ان موجي قبل المباراة مكلم الحكم !!


يعني اذا مكالمات موراتي عادية اجل مكالمات موجي حرام تنحط في قضية !

إقتباس وأصلا محامي موجي قال بنستخدم هـ الاشياء بالدفاع على موجي مهوب نتهم الآخرين ,, وكالعادة ننتظر ونشوف

مالك لوا !

محامي موجي قال من حقي كمحامي اني اكشف ثغرات خصمي !

وقال بثبت للعالم ان ما كان فيه شي اسمه كالتشيوبولي ..

إقتباس ولكم هـ التصريح المهم ,, البروفيسور روبيرت باردوليسي يقول " مستحيل نفتح القضية على الكلام اللي تتكلم فيه الصحافة لانه مهوب شي جديد ! " وطبعاً هذا كان من أعضاء اللجنة اللي أصدرت قرارات كالتشيو بولي موسم 2006 واللي من ضمنها سحب البطولات وقال " إذا كان فيه أدلة جديدة وقتها ممكن نفتح الملف من الصفر , أو على الأقل نعيد ونتكلم في الأدلة الجديدة والأكيد ما بنفتح القضية إلا اذا كان شي كبير "

مع احترامي الشديد ، التصريح هذا لا يقدم ولا يأخر !

لعدة اسباب :

1- انه كاان عضو في اللجنة اللي اصدرت العقوبات ، بمعنى .. انه تبع المحكمة الرياضية .. والقضية الآن في المحكمة المدنية .. والمحكمة المدنية هي اعلى سلطه من المحكمة الرياضية وهي اللي بتأمر بفتح القضية .. ولو امرت بهذا سيتم فتح التحقيق غصبن عن المحكمة الرياضية !

2- بما انه كان في لجنة العقوبات وزمرة الفساد اللي تآمرت ضد اليوفي واخفت ادلة الانتر وموراتي التي ظهرت بعد 4 سنوات .. فـ كلامه لا يعني بشيء بل قد يكون متهم في ما هو قادم من الايام .. وطبيعي هالرجل ما يتمنى انها تنفتح القضية لانه بينفضح هو ومن كان معه من اخويا جيدو روسي ومحكمة الكلام الفاضي !


3- ما جاب شي مهم صراحة .. يقول اذا في ادلة جديده ممكن نفتح التحقيق .. << بالله عليك يعني الادله هذي وشو !


آسف على الاطاله

^^^

كلامك سليم يا سعد ...

لكن انا ماني متفائل كثير ،،، لأن نفس المحكمه هذيك متآمره ضد اليوفي ،،، واذا الكلام هذا صار بمحكمه ثانيه غير هذيك على كلامك انها انتقلت للمحكمه المدنيه ممكن يصير شي ،،

انا اذكر تصريح لموجي يقول انا ما جبت كل هالأدله بالمحكمه الاوله يقول لأنهم اصلن هم متآمرين علينا !!!

----

من ناحية الواقع ،، هالسوالف الي لموراتي نفسها صارت لليوفي وميلان والي أكلها اليوفي وموجي !!

الباقين طلعو منها او على الاقل بس خصم نقاط لموسم واحد لا يقدم ولا يأخر !!

بينما اليوفي الدرجه الثانيه وخصم 17 نقطه اذا ماخانتني الذاكره ...

وارجع اقول ما قاله موجي .. الكل بريء والكل مذنب ...

بس العقاب والمتضرر الوحيد هوو اليوفي

والرابح الاكبر هو الانتر !!

.

متابع واشد على يدكم واحيي فيكم نقاشكم الهادئ اللي اتمنى انه يستمر على هالشكل .. ايه كذا النقاشات الواحد يفيد ويستفيد ويفهم وش القصة .. فوزرا عيال الكالشيو

^^

عقبال المشاكل بالدوري الانقليزي عشان نشوف نقاشاتكم شلون !!

إقتباس . متابع واشد على يدكم واحيي فيكم نقاشكم الهادئ اللي اتمنى انه يستمر على هالشكل .. ايه كذا النقاشات الواحد يفيد ويستفيد ويفهم وش القصة .. فوزرا عيال الكالشيو

حياك ابو حميد في رابطة الكالتشيوبولي 2 على قولة واحد من عيال رابطتنا وان شاء الله في كل كالتشيوبولي بنكون حلوين مع بعض

إقتباس ][ محاكمة نابولي , نادي اليوفنتوس يصدر بيان رسمي ][

خذها مني .. هذي من بيتيقا اما بلانك يجي منه هالكلام .. لا والله يخسي !

إقتباس ^^^ كلامك سليم يا سعد ... لكن انا ماني متفائل كثير ،،، لأن نفس المحكمه هذيك متآمره ضد اليوفي ،،، واذا الكلام هذا صار بمحكمه ثانيه غير هذيك على كلامك انها انتقلت للمحكمه المدنيه ممكن يصير شي ،، انا اذكر تصريح لموجي يقول انا ما جبت كل هالأدله بالمحكمه الاوله يقول لأنهم اصلن هم متآمرين علينا !!!

ما اعتقد يبو حميد ان المحكمة المدنية هي اللي بتتخذ القرار النهائي ..! على حد علمي ان المحكمة المدنية بتعيد فتح القضية ! لكن تأكد ان اليوفينتوس من المستحيل ان يخسر شي في هذي القضية .. خصوصا ً ان الجميع عرف البير وغطاه ( الكالتشيوبولي 1 ) !! فهذه تكفي لاعادة كرامة اليوفي .. غير كذا حط في بالك ان محد تكلم عن بيرليسكوني هذي +1 واحد لصالحك ! هي لعبة ورق .. ان كان موجي لعبها صح .. بتظبط معه ! وان كان موراتي مرتب وضعه من 2006 بيطلع منها .. لك

^^^^
مو مشكله الكل بريء

بس يرجعون لليوفي بطولاته الي انسحبت ..

ويعوضونه على الخساير الي صارتله !! مع انها صعبه تعوض فريق لعب منه بنهائي كأس العالم 6 بايطاليا و3بفرنسا !!

9لاعبين من لاعبين اليوفي يلعبون النهائي !!!!

ما بقى الا امرسون وابرا ويصيرون 11 هههههههههههه لا وش جزاهم يوم جابولهم كاس العالم !! الدرجه الثانيه !!

فعلن اليوفي كان محتاج لغش الحكام .. والدليل 9 لاعبين من اليوفي بنهائي كأس العالم للمنتخبات

---

بعد كل هالسنين من بيرجع لليوفي الاداره واستقرارها ولاعبينهم ونجومهم الي استفادو منهم انديه ثانيه !!

اتمنى اشوف العدل !! ومابي شي غيره

^^

هو لو الكل بريء يجب اعادة حقوق اليوفي كامله مع التعويض !

وهذا اضعف الاحتمالات .. لان الى الان محد شكك في مصداقية المحكمة الرياضية سوا موجي !

الاحتمال الثاني ان يتم معاقبة الانتر !

لكن كيف بيتعاقب ؟

هذا اللي ننتظره !

السلام عليكم ورحمة الله وبركاته

مبروك افتتاح الرابطة الجديدة بس ما اخترتو رئيس للحين هههههههههههه

بخصوص قانون ايطاليا وانهم ما يحاكمون لاكثر من سنتين سابقة
ما اعتقد هالكلام صحيح لان البروفسور اجريكولا كان متهم بالمنشطات في 1998 وحققو معه في 2004 اذا ماخاب ظني

عني انا ما اعتقد بيصير شيء في الكالشيو واللي حاصل حاليا من باب التطير والتفاؤل البايخ حقهم

كلام فااضي

غصب يبوون يورطون الانتر

حال الدوري الايطالي يرثى لها