بسم الله الرحمن الرحيم

ترى انا اكتب الموضوع وانا مستعجل ابي الحق ع الصصلاه ,

بسآلكم بالله يا اخوان وش هالاجحاف بحق القطاعات السنيه !! ؟

الهلال متصصدر دوري الناشئين !! <-- واتوقع نصف الجمهور مايدري !!

الهلال في المركز الثالث في دوري الشباب وعنده مبارتين ناقصصه لو حقق الانتصار في واحدة لاصبح المتصدر !!

المهم ماعلينا

ياجماعه الخير يوم الاحد الجآي اللي هو بعد بكرا فيه مباراه حياه او مووت بالنسبه للهلال


الهلال يبي يلتقي الاتحاد في مباراه مؤجله من دوري الشباب

الاتحاد في المركز الاول بـ 34 نقطه من 16 مباراه

والاهلي بـ 34 نقطه من 17 مباراه

والهلال بـ 33 نقطه من 15 مباراه

يعني لو فزنا ع الاتحاد نكون بالصدارة وبفرق مباراه بعد

ارجوكم يا اخوان ملعب الامير سلمان بن عبد العزيز ينادينا

نبي نعطي شبابنا شوي حماس

ارجوكم اررجوكم

نبي ع الاقل 3000 مشجع والله شويه

تكفون يا اهل العريجاء

والله ماتسوى علينا الهلال متصدر

فريق اول وناشئين ( وشويه وقت ) ونكون ( شباب)

يعني نبي نخليها لاول مرة الهلال بطل الدوري ( اول - ناشئين - شباب )

والمشكلة وين انا الهلال قبل شوي فايز على الوصيف الاهلي وحنا مو دارين

كل مواضيعنا فريق اول وفريق اول

وعندي سوال ياليت الكل يجاوب بصراحه

س- تدري ان بعد بكرا الهلال بيلعب مع المتصصدر ؟؟

المهم خلونا نتعاهد من الان يحظر لو نسبه بسيطة من الجمهور للمباراه ونعطي شويه اهتمام في المنتدى لهم

وبعدها نجي هنا ونبارك على صداره جميع الفئات باذن الله

وبعدين ترىا مايضضر لو نخلي يوم الاحد يوم كورة

نبي العصر نحظر مباراه الاتحاد وبعدها نتوجه للصلاه ومن بعدها للملز لمباراه الفتح

وترى الهلال يستاهل اكثر والله