|
عاجل كارليتو : اعتقد ان دروجبا يحتاج الى عمليه جراحيه !!! ..(عاجل كارليتو : اعتقد ان دروجبا يحتاج الى عمليه جراحيه ).. http://images.teamtalk.com/08/08/330...ba_1081957.jpg كارلو انشيلوتي قد كشف أن ديدييه دروغبا قد يلعب مع شعور دروجبا بفتق بالبطن ,لكن النبأ الجيد هو أن هداف تشيلسي لا يغيب عن أي مباراة للنادي ، حتى لو كان يحتاج الى عمليه جراحة تصحيحية قبل نهائيات كأس العالم . "دروجبا كان يعيش مع هذه المشكلة لمدة ثلاثة أو أربعة أشهر لكنها ليست مشكلة كبيرة ,في بعض الأحيان يواجه مشاكل بعد المباراة ولكن خلال الاسبوع ليس لديه أي صعوبة ". "انه لن يحتاج الى عملية جراحية الآن واذا كان يحتاج لعملية جراحية في نهاية الموسم الحالي فسيكون جاهزا بعد مدة سبعة أيام لأنه ستكون العملية الجراحية صغيرة جدا ,ولكن لا أعرف ما اذا كان سوف يحتاج إلى جراحة ام لا ". دروجبا يعاني من بطنه بالتأكيد لكنه اصر ان يذهب الى ملعب اولد ترافورد ، دروجبا متشوق للذهاب بعد عطلة نهاية الاسبوع بعد إراحته لاسبوع ونصف . "كان متعبا قليلا قبل المباراة الاخيرة امام استون فيلا بحيث لم أكن أرغب في المجازفة به ووضعته كبديل , ولكن الآن هو لائقا ً للعب واتمنى ان لا يشعر بالام ببطنه بعد نهاية المباراة ". chelseafc. http://img121.imageshack.us/img121/3097/droinj.jpg http://img694.imageshack.us/img694/7432/drogsshake.gif ياويل حالي بس :cry::cry::cry: :rose: |
ههههههههههههههههههههه :s2: ترى ايفانز ما كان يقصد :s2::s2::s2: ما يشوف شر ان شاء الله :rose::d طيب خذ البشارة , روني من اسبوعين لثلآث آسآبيع من الرسمي :cry::d يعطيك العافية ابو خالد :smilie47::smilie47: |
افاا:cry::cry: .......... |
خله يكرف ذي اليومين أقول بلآ دلع :d :smilie47: بعد مآ يخلص الموسم يسوي اللي يبي :s2: بسيطة إن شآء الله :smilie47: عوآفي وليد :smilie47: |
ان شاء الله درقوبا نجم مباراة المان ويحقق الفوز لتشلسي لان الفيل يجب ان يعوضنا عن طرده وخروج تشلسي امام الانتر باوروربا ويحقق لنا الدوري |
بع بع يا إبرا و بع معه كالو و جب بدالهم أغويرو يا شيخ إن ينسون شي إسمه دي دي حركات العبيد و التكرنه و أوقات الحسم ما عندك احد لا بوه لابو من جابه ما يستاهل الصياح عليه يبو خالد خخخخخخخ عوافي :smilie47: |
88 سؤال واحد : انت متابع دروجبا هالموسم كامل والا بس مبارتي الانتر الذهاب والاياب عشان اقدر اتناقش معك الله لايهينك؟ دروجبا هالسنة بفورمة عاليه ماشاء الله عاليه مسجل حتى الحين 24 هدف بدون مايشوت بلنتي ومسوي اكثر من 7اسسيست وهذا غير انه تقريباً متسبب بحول 5 بلنتيات وغير بعد انه غاب عن الدوري لفترة مهيب بسيطة بسبب بطولة الامم الافريقية !! رجوعه للمباراة بكرة بتكون نقطة جيدة ويآذن الله انه بيسوي شي بكرهـ رغم انه نادراً مايظهر بالشكل المعروف عنه امام المان بالتحديد ,, الله لايهينك يالازرق :smilie47: |
^ عزيزي دروجبا من أفضل اللاعبين بنيه جسديه و ضربات الرأس عنده قاتله و كان بالنسبه لي من أفضل 5 روس حربه في العالم كإمكانيات .. لكن ,, وش رايك فيه و هو يحرج فريقه و ينطرد في نهائي الأبطال قدام المان يحسب إنه في شارع الظاهر ..؟! وش رايك فيه وهو يضيع إنفراده في الكامب نو قدام حارس عادي في مباراة الذهاب العام ..؟! (و عاد ما يحتاج أذكرك وش كثر ضيع إنفرادات في الإياب قدام نفس الحارس ) طيب وش رايك فيه و هو يختفي في مباراة الإنتر ذهابا و إيابا هالموسم لا و آخرتها ينطرد بعد ..؟! ياحبيبي أنا ما أتكلم عن شي من راسي أنا أقول لك شي أنت تعرفه زين شف الثلاث سنين الماضيه و ناظر فيها وقت الحسم كان فيه دروغبا وإلا لا ..؟! كلير يا باشا |
8 8 ماجاوبت على سؤالي للحين ؟ :d طيب انت تابعت مباراة اليوفي العام الذهاب والاياب والليفر ذهاب واياب تابعة آرسنال العام بنصف نهائي الكاس والنهائي تابعتهم وتابعة دروجبا هالعام ضد الليفر وضد الارسنال الذهاب والاياب !! مدري بس الظاهر تبي دروجبا يظهر لك بكل مباراة قويه.. انا معك دروجبا سهل نرفزته ونقطة ظعف له واضحه ومافيها اية خلاف ابد هالنقطه!! إقتباس:
كيف ؟ اجل فالديس حارس عايدي ؟!:s2: فالديس الآن يدخل وبالراحة ضمن افضل 3 حراس بالعالم وانت تقول حارس عايدي على الآقل بوجهة نضري ؟! الذهاب ضيع انفرادهـ وكان يلام صراحه عليها دروجبا لكن الاياب حاول حاول حاول ماكتب الله ولا وفق ديديه بهذيك المباراة وكلنا ندري ان دروجبا تسبب ببلتيين ولاحسبت !! الانتر هالسنه الاياب كله كان الفريق تعبان عشان كذا بيكون دروجبا ضايع والذهاب سدد لك كورة بالعارضه !! شوية منطقية بالله !! :rose: |
إقتباس:
إيه متابع لتشيلسي و دروغبا و مدحته فوق و قلت عنه أشياء حلوه لكني عطيتك 3 إستفسارات ولا عطيتني رد عليها إلا بشي واحد وما فهمته الحقيقه إقتباس:
إقتباس:
أقول لك خذل فريقه في ثلاث مباريات من أهم المباريات في الثلاث سنوات الماضيه و تقول لي تبيه يظهر لك في كل مباراة قويه ..!! عجيب والله إقتباس:
و فالديس من أفضل 3 حراس في العالم ..؟! و دروغبا يلام في الذهاب لكنه ما توفق في الإياب ..؟! عزيزي خلنا نوقف النقاش لين تكون منطقي أنت علشان نواصل لأن كلامك غير مقنع مع إحترامي الشديد لك |
. تعال يا ايوب شف الخوال كيف مهوب مستقعد لـ روني :cry: لعنبوا بليسه الخال بطنة مفتوق ويقول يبي يلعب هههههههههههه :s2: .. اول مرة اشوف فتق بالبطن وعادي ما يحتاج تدخل جراحي اهب يا وجهة :s2: .. تخيلوا يعطيه جوني وحدة زي حقت الذهاب وكليته والا امعائة الدقيقة تلولح بالملعب :s2::s2: |
ماعلية شكلي يبيلي كل نقطة بتكلم احط اقتباس عشان تفهم وش المقصود !! إقتباس:
المباراة الثانية دروجبا حاول لكن ماكان موفق وكان يوم سيئ له وبعكس فالديس الي كان يوم له مميز ومن افضل مبارياته مع البارسا العام ضد تشيلسي .. دروجبا حاول لكن ماتوفق ولاكان فيه حظ لالتشيلسي ولالدروجبا .. ولايلام المرء بعد اجتهادهـ !! إقتباس:
إقتباس:
اتمنى انك تجاوب على كل المحاور موب تترك الي مايجوز لك وترد للي يجوز لك عشان نحاول نكون منطقين زيك !! :rose: |
إقتباس:
الزبده على المباريات اللي ذكرتها لدروغبا هل قلت لك أنا لا ما تعتبر مباريات كبيره ياخي أفهم علي شوي .. أفرض مثلا أن أنت عندك شغل و أنت مكلف أنك تخلصه وهو يبي له وقت علشان يخلص و أنت قسمته على أربع أو خمس مراحل و بديت فيها و يوم وصلت للمرحله قبل الأخيره ما كملت و وقفت وش فايدة شغلك ذا ..؟! هل تشوف أنت إن هذا يعتبر إنجاز و شي يستحق الإشاده ..؟! دروغبا يسجل على اليوفي ذهاب و إياب في الـ 16 دروغبا يسجل في الليفر ذهاب و إياب في الـ 8 دروغبا يضيع فرصة تأهل من الكامب نو و يضيع زيها و أكثر في دور الـ 4 و يخرج فريقه من البطوله .. هل هذا شي يستحق الإشاده هل دروغبا كان حاسم و قت الحسم ..؟! دروغبا في نهائي دوري الأبطال 2008 في موسكو الكفه متساويه بينه و بين خصمه ينطرد ببطاقه حمراء مجانيه لأنه نسى نفسه و نسى في أي دور يلعب و في أي بطوله و يحرج فريقه و يخسر فريقه اللقب ..؟! هل دروغبا كان حاسم في هذي الليله هل تبغانا نروح و نتذكر وش العمل اللي قام فيه في الأدوار اللي سبقت النهائي ..؟! مباراة الإنتر أنت قلت له كره في العارضه طيب كره ثابته و ما تعطينا إنه كان لاعب كويس في هذيك المباراة بالعكس في هذيك المباراة تشيلسي لعب مباراة أفضل من مباراة الجسر بمليون مره لكن دروغبا ما كان موجود ذهنيا و إستسلم لرقابة لوسيو في الإياب على الجسر برضو زيه زي الذهاب نسمع فيه ولا نشوفه مثل الديناصورات كأنه واحد إنقرض السؤال هو هل كان دروغبا حاسم وقت الحسم ..؟! أتمنى إني ما أرجع أشرح مره ثانيه .. |
والله ما يرحم ذا الخال ... |
شكراً لك :rose: و سلامات للنجم الكبير دروغبـــا ،ـ |
| الوقت المعتمد في المنتدى بتوقيت جرينتش +3.
الوقت الان » 09:13 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd