|
نداء لجميع السعوديون السلام عليكم ورحمة الله وبركاته اخواني اعضاء منتدى الزعيم حبيت انقل لكم رايي المتواضع اليكم وارجو منك اخذه بكل روح رياضيه الا وهوعن ما حدث في مباراة الوصل مع الحالمي كما يحلو لنا ان نلقبه هناك مثل دارج ومشهور هو ( انا واخوي على ولد عمي وانا ولد عمي على الغريب ) للاسف انا ارى بعض مشجعي الزعيم وليس الكل لكي لا اكون ظالم لاحد لقيناهم يشمتون عما حصل في المباراة من ضرب للدكتور وبعض اللاعبين ونسو ان هذا يسيء لنا كسعوديون اكررها سعوديون في هذه الحاله يجب ان ننسى ان هناك هلالي او نصراوي ونتذكر اننا سعوديون ونحن دائما رؤسنا مرفوعه في ظل خادم الحرمين الشرفين حفظه الله ورعاه فمن هؤلاء الاماراتيين لكي يتطاولون على ابناء بلدنا ونحن للاسف نهتف لهم في الشات وعبر رسائل mms عبر القنوات الفضائيه نحن بالحاله نوضح لهم بان ليس عندنا كرامه ولا ينسى اخواني الزعماء ان الاماراتيين هتفو باهازيج غير اخلاقيه للقناص ياسر القحطاني بعد كل هذا ونستمر بالسخريه على بعضنا البعض وندعهم يضحكون علينا . صحيح يبقى التنافس بين النصر والهلال في بلادنا لكن ان نسمح للغريب ان يهين كرامتنا فلا نسمح بهذا ابدا . سؤال لو حصل هذا لزعيمنا هل نرضى بهذا ؟ ارجوا ان الاخوان ياخذو رايي كما اسلفت بروح رياضيه وان يردوا على الموضوع بكل شفافيه ومنطقيه ولكم خالص شكري وتقديري |
الله يعطيك العافيه على الموضوع ,,, كلنا ابناء بلد واحد ,,,, وبالتوفيق للفرق السعوديه خارجيا,,, |
اللي انضرب لبنانني ماعنده اخلاق يستاهل ماجاه وتكبيرة الموضوع في الاعلام عشان ينسون الهزيمة |
لاتعليييييييييييييييييق؟؟!!!! |
ماعلينا فيهم ينضربون يكسرون روسهم احنا ماعلينا لان مثل هذا الاشكال لاتوقف معهم شف ابو اثنين قال الحق سبوه وشتموه وجردوه من وطنيته خلونا بعدين وزي ما قال ابعد عن الشر وغني له مشكور |
للاسف هذا الموضوع و مواضيع مشابهه مثل المداخلات التي نسمعها هذه اليومين في القنوات الفضائيه وهي حجب الحقيقه والتركيز على (طرف واحد) وتعميم الاساءة لبلد شقيق نكن له المحبه ولشعبه الكريم . وهم قبل يومين قابلونا بالضيافه وحسن الاستقبال في مباراة الأهلي الاماراتي وبادلونا نفس الاحترام . اترك عنك امثال انا واخوي وولد عمي ولا تدخل سعوديين في مواضيع تعصبك لناديك . لم نسمع بهذه المواضيع والفزعات عندما كان الاتفاق والشباب والهلال يذوقون نفس الكأس وانتم صامتون او تضحكون و تؤيدون افعال الناس ضدنا وضد نجومنا. الآن كبيركم يتكلم عن القانون والحقوق والوطنيه وهو قبل اشهر له مداخله في قناة امارتيه يشكك في انجاز وطني للهلال ورئيسكم يتشمت بنادي الشباب بعبارة (عشرة مشجعين ) ويضحك مع مقدم البرنامج الإماراتي وانت الآن تطالبنا بوقوف ضد الاماراتيين ؟ تبكون على كرامة مدلككم ونسيتم كرامة جماهير الوصل التي ثارت لكرامتها بسبب فعل فاضح قام به المدلك ؟ عندما يكون معكم الحق سأقف معكم اما اقف معكم على باطل فهذا لن يحدث .. ويا غريب خلك اديــب . |
^ ^ ^ لا فض فوك حقيقه لايهمني لا اماراتي ولا نصراوي يعني بالعربي فخار يكسر بعضه وبالنسبه انا وولد عمي وولد عمك واخو ابوي ماشفناها لا بالعراق ولا بفلسطين فلاتجيبها بكوره |
^ ^ ^ لا فض فوك حقيقه لايهمني لا اماراتي ولا نصراوي يعني بالعربي فخار يكسر بعضه وبالنسبه انا وولد عمي وولد عمك واخو ابوي ماشفناها لا بالعراق ولا بفلسطين فلاتجيبها بكوره:yes: |
الله لا يهينك مسجل عندنا عشان تقول ذا الكلام ومازود على كلام الشباب |
الوطنيه توها تطلع الحين؟؟ بالتوفيق للزعيم الآسيوي:alzaeem: |
ياهلال عزك عزنااا خللنا بهلالنا بس |
خلنــا بـهلالنـــا أحسن لنـــا |
أخوي هو الزعيم إبن عمي هو الهلال الغريب هو أي فريق يواجه الزعيم أو ابن عمه الهلال ما خلصنا من هالسالفة ؟؟ |
مايهمنا في الموضوع هو ياسر وانا برد على كل ما قلته بجمله أليس جمهور النصر هو من تعالت اصواته في المدرجات بالنبااح بنفس الاهزوجه إذا بالعاميه (( يستاااااااااهلووووووووووووون)) يعني على المثل اللي ذكرته اذا الفقر هم من حاول اسقاط كابتن المنتخب بالشائعات للتاثير عليه اجل ليش الوووم الغريب ابو بلوتوووث تداخل في برنامج مساء الرياضيه وجلس يتفلسف علينا ويقوول حنا مانقدر نسكت الجماهير والحين تداخل في المجلس يقوول جماهير الوصل رددت عبارات مسيئه يا اخي هذولي الفقراويه متناقضييييييين ويستاهلوون ماجااهم ينادوون بالوطنيه واااعجبي !!! اين هذه الوطنيه عندما خرجوا وبكامل قواهم ليقللوا من انجاز سعودي وحاولوا التشكيك فيه في كل القنوات وبما اعطاهم الله من حيله لاتعلييييييييييييييييييييييييييق !!!!!! |
والله مهزززله اللي صارت بدبي قسم شي يرفع الضغط انا هلالي ميت قهر ليه كذا ! وين كرم الضيافه ؟؟ يازعماء النصر فريق سعودي يمثلنا كلنا بغض النظر عن الحساسيات اللي بيننا بس والله شي يقهر اللي صار وثاني شي انا اشوف كثيرين يتشمتون والله الشماته ماهي زينه هم صح تشمتوا علينا يوم طلعنا من ام صلال العام الماضي لكن شف تشمتوا علينا وجاهم يوم علشان كذا اقولكم لا تتشمتوا علشان ما يجيكم يوم الله يصبر النصراويه وهارد لك يانصر واستغرب من رئيسهم ساكت ! كان صوته يلعلع مع البلطان والحزم وغيرهم والحين ماشوف له حس !! بالتوفيق للزعيم بالبطوله االاسيوية |
| الوقت المعتمد في المنتدى بتوقيت جرينتش +3.
الوقت الان » 03:46 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd