نادي الهلال السعودي - شبكة الزعيم - الموقع الرسمي - √∂ [ الإجتمـاع الأول لحملة خطوة بخطوة نصنع إنجاز ] ∂√

- منتدى المجلس العام (http://vb.alhilal.com/forumdisplay.php?f=1)

حيا الله الجميع ..

والمنجزين أهم شيء :razz: ( :ga:)

بس ما أعرف ليه الغالبية يكتبون ( حققنا أهدافنا ) بدون ما يذكرونها ؟

لما طلبنا كتابة أهدافكم ؛ كان هذا حتى يستفيد الجميع ..

اولاً .. حتى تعلو همة الواحد لما يشوف أهداف الآخرين المختلفة ؛ خصوصًا الأهداف الكبيرة والعظيمة :yes:

مثلاً شخص هدفه يكتب كتاب ؛
هذا هدف كبير وحلو .. خارج عن المؤلف عادةً .. فهو رح يحمس غيره ويخلي طموحه كبير :yes:

ثانياً .. حتى يسهل تحقيق الهدف على غيرك ، يعني شخص قال أنا كان هدفي أنزل وزني و الحمدلله نزل

فلما يجي شخص ( أمنيته ) ينزل وزنه :d رح يتفائل و يجيه دافع أنه فعلاً ينزل وزنه ..:yes:

وأقرب مثال .. الأخ رسام الأحاسيس لما قال أن صار يقرأ قرآن بعد صلاة الفجر ..
الشيء هذا يعطيني ويعطي غيري مثل الأخت الهنوف ( دافع ) كبير لقراءة القرآن يومياً ،،،

اتمنى ..
اتمنى..

أنو كل أحد يشارك يساعدنا بكتابة أهدافه .. عشان النقاط الي ذكرتها قبل شوي :wub:

والله يعطيكم العافية على هذا الحماس والمشاركة الحلوة ..

ربي يحقق لكم ولي كل ما نتمناه .. ويعينا على الخير :smilie47:

و الى الآن على وعدي بأني رح أكتب تقرير عن الثلاث شهور الماضية :d
ولكن اذا لقيت وقت يناسبني أفضل من هالوقت بإذن الله تعالى ..،،

:rose:

عـوآفي عقد الياسمين ع الحملـــة :gb:..
أنا ماكنت متواجـــدة معكـــم في بداية الحملــــــة :bu: < :to:
بسّ إن شاءالله بكون من ضمن المحققين أهدافهم في الثلآث شهور القادمة :wub:
..
أعجبنــــــي الهدف اللي سآر عليه رسآمـ الأحاسيس
دائماً ماأفكّر بهالشيء وابدأ فيه بعدين تقلّ العزيمة :no:
حمستني رسآمـ .. بـ أرجع أنفذ اللي كنت أطمح له
وهو قراءة ولو شيء بسيط من القرآن يومياً ..
إن شاءالله يجعل الله ذكرك لهدفك زيادة في ميزان حسناتك
وأبداً ماهو رياء بقدر ماهو زيادة تشجيع وحمآس للأعضاء وأنا وحدة منهم تحمست :ba1:
:ga:

ممكن غيرت من شخصيتي شي بسيط بسيط ..
لكني للآسف ماحققت اللي أطمح فيه بشكل يرضيني ..:s5s:

ممكن القصه اللي سمعتهآ من الداعيه عبدالله بانعمه .. كآنت من أسبآب تغيري بعد الله ..
قصة الشخص المشلوول شلل ربآعي ولا يتكلم .. أهله كآنو يجيبوون له الأكل وبعدهآ يتركونه .. وفي يووم لما رجعوو أهله له لقوو على فراشه دم .. بالاخير عرفووآ إن الفار أكل أصبعين من أصآبعه ..

تخيلوآ مشلول مايقدر يبعد الفار عنه ولا يقدر يتكلم ويخبر أهله .. لقوو عينه تدمع .. البكاء هو الوسيله اللي قدر يعبر عنهآ عن حجم الألم ..

هالقصه أثرت فيني كثير .. يعني مو حآسين بحجم النعمه اللي إحنآ فيهآآ .. :cry:

متأخره جدًا .. أعتذر

عقد :smilie47::rose: ..

أهلاً .

السلام عليكم .

أول شي يعطيكم العافيه عالجهود .. موضوع فكرته جميله وتابعته من الجزء الأول ! لكن عندي تعقيب وتحمست يوم شفت هالرد أني أقول ما لدي !

إقتباس:

ثانياً .. حتى يسهل تحقيق الهدف على غيرك ، يعني شخص قال أنا كان هدفي أنزل وزني و الحمدلله نزل

فلما يجي شخص ( أمنيته ) ينزل وزنه رح يتفائل و يجيه دافع أنه فعلاً ينزل وزنه ..

قبل 3 شهور

وضعت لي أهداف في الجزء الأول .. وضعتها في بالي وكان أول هدف لي أريد أحققه هو :

تنزيل وزني وجعله وزن وجسم مثالي .

حقيقة الأمر بالبداية كان صعب حبتين لكن ولله الحمد . حققت وقطعت شوط كبير من هدفي .. :rose:

وتمكنت من إنقاص 17 كيلو من وزني خلال 3 شهور تقريبا .

(قولوا ماشاء الله :wub: )

الحمدلله أنا ما أعاني من سمنه كبيره ، لكن زيادة بالوزن .. وقدرت الحمدلله أوصل لوضع شبه مثالي الان .

طبعا لياقتي وشكل الجسم تغيروا .. لكني مازلت أطمح بإنزاله شوي كمان علشان أوصل للوزن المثالي .

الأمر ليس بذلك الصعوبه .. بعض الناس يقول ( ريجيم ) .. وحميه .. ورياضه .. وتنظيم ومدري ايش .. ويستخدم مصطلحات كبيره شوي ويكبر الموضوع ويحبط نفسه .

لكن والله ثم والله ثم والله .. أن الأمر مو صعب أبدا ..

لاتحسب ان كله حرمان من الاكل .. ورياضه عنيفه .. ومدري ايش .. لا أبد أبد أبد ..

الأمر سهل .. وبتكون مدلع نفسك بعد :ba: وبتحس انك انجزت انجاز كبير :rose:

كُل ما يحتاج إليه هو عزيمه ، وإصرار ، و صبر .

وطبعا على مدار الـ 3 شهور .. كنت اسوي ريجيم متقطع .. يعني كل اسبوع اكون مسوي فيه ريجيم .. اجي بأخر الاسبوع و ( اخربها ) بوجبه دسمه . واحيانا كنت اقعد اسبوع اسبوعين وانا مخربها .. لكن كنت ارجع واظبط الريجيم .

يعني كنت مدلع نفسي ، ماحسيت بتعب ابدا .

وطبعا الشي اللي نفعني مره .. اني مسجل بنادي .. وممارسة التمارين السويديه هي الأساس .

وطبعا الاهل والاصدقاء جميعهم لاحظوا التغيير علي ! والحمدلله إن شاء الله بأستمر على ذلك خاصة واني مريض سكر والرياضه والصحه مهمه لي :ba:

والحمدلله كل الامور تمام الحين :rose:

هذا بالنسبه لأول هدف والحمدلله حققت جزء كبير جداً منه خلال 3 شهور .. وأي شخص يبي يسألني عن التجربه بشكل مفصل ربما أفيده لو يبي ينزل وزنه .. يكلمني بالخاص وحياه الله . :rose:

وان شاء الله بالـ 3 شهور القادمه بكمل .. وبوصل للهدف حقي بإذن الله واكون حققته ( تماما ) وظبطت جسمي مره والله يقوينا .

الهدف الثاني .. أني أطور نفسي بالانجليزي .

والحمدلله تحسنت كثير في هالجانب .. على مدار 3 شهور . واطمح اني خلال 9 شهور اكون اتقنت اللغه تماما ..

الهدف الثالث .. هو نفس هدف ( رسام الاحاسيس ) .

ولأكون صادق هالهدف ماوضعته قبل 3 شهور .. وضعته قبل شهر تقريبا بعد ما صار علي حادث :yes:.

حسيت أن الواحد مفروض يتقرب أكثر من ربه .

فوضعت هدف لي أني أختم القرآن مره بالشهر .

وإضافة على كلام اخوي رسام .. أفضل وقت لقراءة القران فيه هو ( بعد صلاة الفجر مباشرة ) .

يكون الجو هادي .. ومرتاح بالوقت ..

خاصة وان الفجر يأذن بدري الحين .. يعني قدامك وقت واسع لقراءة القران ثم الرجوع للبيت علشان تتجهز لدوامك .

بعض الأيام بعد صلاة الفجر بالمسجد أقرأ 20 أو 15 صفحه .. لكن كم مره ماقدرت أصلي بالمسجد وهالشي جعلني اقرأ 30 صفحه في بعض الايام .. علشان اختم القرآن قبل الموعد المحدد .

وكذلك أهداف اخرى كحفظ بعض السور بالقرآن .. والهدف الاجمل هو المحافظه على كل صلاة بالمسجد مع الجماعه لمدة كبيره . :smilie47:

ونصيحه ..

بداية كل شهر أحضر ( ورقه ) أو ( افتح ملف بالوورد ) ..

واكتب بعنوان كبير : ( أهدافي التي أريد أحققها خلال الشهر القادم ابتداء من تاريخ كذا إلى كذا ) .

وحط تحتها كل الأهداف اللي تبي توصل لها في نهاية الشهر .

وحاول تلتزم فيها .. وهالشي بيخليك إن تكاسلت .. أنك تتشجع من جديد وتحاول تجبر نفسك تخلص كل واجباتك قبل التاريخ اللي حطيته ..

وتذكر !

إنجاز صغير مع إنجاز صغير ..

سيكون لك بعد أشهر ( هدف كبير ومتكامل ) .

وعلشان تشجع نفسك ..

ضع أهداف صغيره وعلى مدى قصير ..

مثلا : قل ابي انزل 3 كيلو من وزني خلال أسبوعين ..

واعمل لتحقيق هالهدف الصغير .. ولما بتحققه .. حط لك هدف ثاني ( انك تنزل 3 كيلو بعد خلال اسبوعين ) .

وهكذا !

حتى تصل وتلقى نفسك خلال 3 شهور .. وصلت لهدفك !

فأبدأ بالاهداف الصغيره وحققها .. هالشي رح يعطيك ثقه اكبر ودفعه قويه لتحقيق المزيد .

وبشكل عام .. حتى لو انك فاضي .. احرص انه يكون لك ( انجاز في يومك )

كثير من الناس اللي يتضايقون من حياتهم ويطفشوا من ايامهم .. يكون بسبب أنهم ماعندهم أي انجاز بحياته ..

مايحس أنه أنجز شي .. مايحس انه سوى شي لنفسه ولحياته وللي حوله ! لذلك تلقاه مكتئب وقرفان !

لكن انجازك لأي شي ولو كان بسيط .. رح يعطيك شعور بالراحه .

اعذروني عالإطاله وعالأسلوب الركيك لكن كتبته سريعا !

والله يوفقكم جميعا يارب ..

ولا انسى اقول : شكراً بنات :)

وطلب من الجميع . أتمنى أن تقولوا فقط : ماشاء الله تبارك الله . :ba:

العين ممكن تصيب بدون قصد والواحد ممكن يحسد نفسه بعد :) :rose:

أخوكم / أبو يوسف .

.

^
أخيراً لقيت أحد مثلي :smilie47::d
هدفك الأول هو نفس الهدف اللي راسمه لنفسي من سنتين يمكن .. طبعاً خلال فترات متقطعة بسبب ظروف العمل ومشاغل الحياة الكثيرة .. التزمت بنادي صحي وجربت انواع الريجيم بالنهاية طلعت غلطان .. المشكلة ماهي بالاكل نفسه بقدر ما كانت في الكميات :yes: .. تقدر تاكل الاكل اللي تبيه وتحبه لكن تخفف من الكمية فقط :wub:

طبعاً خلال اقل من سنتين خسرت 40 كيلو ولله الحمد (بعد قولوا ماشاء الله :d) .. وباقيلي 8 كيلو فقط وانجز مهمتي .. طبعاً اغلب اللي نزلته لما كنت ملتزم بالنادي ومخفف من اكلي .. يمكن ما يخفاكم النادي له فوايد كثيرة غير التخسيس و اللياقة و الشد وخلافه .. طبعاً الجزء الآهم كان هو تعود الجسم على الحركة .. ساعات نومي قلّت .. نشاطي اصبح مضاعف ولله الحمد .. ان شاء الله في الموضوع القادم ابلغكم بالتطورات :wub::smilie47:

شكراً عقد الياسمين ومن كان معك من إعداد وتصاميم
الله يكتب لكم أجر ما سويتوا مضاعف :rose:

إقتباس:

الرسالة الأصلية كتبت بواسطة hilalemooot (مشاركة 14821214)

هلا بوحميد .. الله حيّه :ba1:

ماشاء الله تبارك الله :ba: 40 كيلو انجاز رائع .. لكن الحمدلله وضعي ماكان زياده مره مثلك .. كنت اخف ويمكن شفتني انت عالطبيعه ايام بطولة الشبكه .. :rose:

أحب أعلق على اكثر من نقطه

تبي الصراحه ؟! أنا ماكنت اتصور بعمري اني ممكن في يوم ما انجز انجاز مثل هذا وانزل 17 كيلو .. كنت اعتبره شي كبير وصعب ..

لكن بعد ما قعدت مع ناس مثلك وشرواك بالنادي .. اللي نزل وزنه 30 كيلو .. واللي نزل 40 .. واللي نزل 50 ..

عرفت أن الامر ليس مستحيل ، وان كل شي ممكن .

وهالشي شجعني جداً أني استمر .. والكلام للاخوه اللي يرغبوا بتخفيض وزنهم ويرون ان الامر مستحيل .. حتى وان كان من الاوزان الثقيله جداً .. مافي شي مستحيل وربي :ba1:

النقطه الثانيه .. هي الأكل .. نظريتك فيه منه لكن ليس على كل أنواع الاكل .

يعني واحد يعشق شي اسمه ( صاروخ شاورما ) .. هل ممكن يصير ياكل صاروخ واحد .. بعد ما كان يكفيه إلا صاروخين ..

منطقياً ما تجي :s2:

لكن .. أفضل الريجيمات .. هو الريجيم اللي تنزل من خلاله .. لكن برتم معين ومايكون سريع .

يعني أفضل شي سويته انت ماشاء الله عليك .. أنك نزلت 40 كيلو خلال سنتين .. وهالشي يعتبر جيد .. انك نزلته شوي شوي ..

اعرف واحد معي بالنادي .. نزل 45 كيلو خلال 3 شهور .. طبعا يعتبر أجرم في حق نفسه .. لأن هناك قاعده بسيطه ومهمه تقول : ( اللي يروح بسرعه .. يرجع بسرعه ) .

وهالرجال لو توقف عن الريجيم او الرياضه .. رح يرجع أسمن من أول وبسرعه بعد .

غير كذا .. ممكن يكون فيه ضرر عالجسم هالنزول العنيف .

ثالث نقطه .. أن التسجيل بنادي كويس أمر مهم وضروري مع الريجيم .. التمارين السويديه بطله بطله بطله :smilie47: غير المسبح طبعا :rose:

عالعموم أنا أخر مره شفتك عالطبيعه من 10 شهور تقريبا .. وضعك كويس .. لكن استمر وبإنتظار جسم رائع ومقسم مثل اللي يجون بإعلانات الشامبو :d

يمكن أطل عليك بالخاص .. أبي من خبرتك شوي بهالموضوع :smilie47:

وقبل لا أختم .. نصيحه للأوزان الثقيله .. أياك تلعب حديد وانت سمين .. يصير شكلك غلط .. تخيل عاد عضلات على الكرشه :to:

عذراً صاحبة الموضوع ، لكن أعيد واكرر للجميع .. مافي شي صعب :ba:

وصدقني تقدر على تحقيق هالهدف :)

دمتم بود

.

^

http://www.9online.it/sport/wp-conte...ina_amelia.jpg
تعرفه ؟!
كل ما شفته تذكرتك .. هذا ماركو ايمليا حارس ايطالي .. قسم بالله كل ما شفته تذكرتك .. يشبه لك .. و برضو حارس بطل و كويس مثلك :smilie47::d

بالنسبة لاخر مرة شفتك فيها وشفتني انا كنت بادي قبلها بشهرين تقريباً .. مشكلتي ما استمريت بسبب الظروف يعني التزم شهرين واقطع شهر و الوزن صار زي سوق الاسهم :s2: .. هو البداية النزول كان خرافي بعدين الواحد يواجه صعوبة بسيطة لان اللي ينزل بالبداية السوائل اللي بالجسم .. المرحلة الاخيرة الدهون وهي المشكلة :s5s:

بالنسبة للأكل انا اوكي قلت الاكل اللي تاكله بس مو لهالدرجة عاد .. اصلاً الكلام ما يشمل الوجبات اللي فيها دهون كبيرة + الفاست فود .. هم اساس المشاكل بصراحة .. و الناس قليل تاكل اكل صحي .. الفطور فلافل والا كبده .. الغدا كبسة .. العشا صاروخ والا برغر .. خخخخخخخخخ .. اكلات تذبح :s5s: وضررها كبير وفايدتها قليلة اذا كان لها فايدة !

نقطة مهمة للي يبي ينضم :d .. زي ما قلت انت النزول بسرعة معناته الوزن يرجع بسرعة .. اكل العنب حبة حبة .. الموضوع يبيله صبر وإرادة و عزيمة قوية .. وان شاء الله خلال الثلاث شهور الجاية اخلص من الزيادة البسيطة وابدا اشتغل حديد :smilie47::wub:

عموماً ما ابي اطول ونقلب الموضوع شتشتة :wub:
وان شاء الله نسوي حملة انا وياك عن هالموضوع :s2:
ان احتجت شي راسلني خاص :smilie47:
اعتذر من صاحبة الموضوع و المشرفين ان كان في ردي شتشتة :rose:

آآآآآآآآآآآه وآآآآآآآآآآهين :cry::smilie47:
من مشاريعي المستقبليّه اني أخلي شعري يطول :smilie47:
ثلاثه شبر تقريبا يبيلها سنتين ونص :s5s:
وش اللي خلاني أقصّه أصلا :s3s:
الناس يقصّون بالتدريج وأنا قضيت عليه مره وحده :cry:
غبااااااااااااااااااااااااااااااااء :to:

/

وكلـ(ن) على همه سرى :razz::smilie47: