|
اقسم بالله ان هذا ماحدث نصف ساعه من اطلاق النار والشرطه ..اصبرو بنكمل فطورنا بسم الله الرحمن الرحيم نعم نصف ساعه من اطلاق النار وفي التفاصيل .. يوم الاربعاء مثل كل يوم اخي كبقيه اخواني يحزم كتبه وبعد قبله على راس امي ..يذهب يطرق باب غرفه السواق ويقوله "يالله" .. طبعا صباح يوم الاربعاء مر كأخوته الذين سبقوه إلا ان انعطفت السياره يمين لكي يوصل اخي الذي يدرس في الأول ثانوي في تلك المدرسه فشاهد اخي الشارع على غير ما اتصف به في الايام السابقه شارع شبه خالي من السيارات او حتى من الماره الا ان راى "لومينا" يستقلها عدد من الاشخاص واحدهم اخرج جسمه من شباك الراكب ويصرخ بغرابه شديه وبكلام غير مفهوم ثم يسكت و"يثور" بسلاحه الرشاش السائق كما قال انه رفض انزال اخي الا ان اخي اصر على النزول ويمكن ان نفسر اصراره بـ"شفاحه او لقافه سعودي" لكي يعرف ماذا يحصل وبعد مانزل في موقف يحسب للمدرسين انهم لم يختبي احد منهم الا القليل وكانت سياره المدير هي الدرع الواقي لهم وكان اي طالب يصل قرب باب المدرسه بادر احد منهم بتناوب على الذهاب وسحب الطالب وإدخاله للمدرسه .. وبعد دخول اخي للمدرسه راى المدير "مشتط" وبيده هاتفه الجوال ويكلم طبعا الشرطه الي مفترض انهم يكونون في خدمه وحمايه الشعب .. لكنهم لم يات احد منهم الا بعد نصف ساعه اذ تفاجى اخي من بعض الطلاب الي حاضريين مبكر ان اطلاق النار مستمر من تقريبا الساعه 6:30 وقبله شخص يطلق النار من كامري بيضاء وبعد عدة طلقات توارى عن الانظار وبقى هذا السفيه يروع الأمنين الغريب والعجيب في الامر ان المدير كل خمس دقايق يدق على الشرطه ولا فيه فايده .. سؤال/ لو كان هذا الحدث في بلد مثل الكويت وش راح يصيربوزاره الداخليه ؟؟؟؟ .. ::: الفطور سالفه مختلقه من عندي لاني ماوجدت عذر لتاخير الشرطه عن اطلاق نار قلت يمكن كانو يفطرون فول وتميس وخافو يجون ويبرد التميس اول ياكلونه اخوياهم فقالو بنكمل وبعدها نتفرغ لكم.. مع العلم ان المدرسه في السويدي ويمكن احدكم على علم بسالفه ::: |
السالفه صدز ؟؟ بعدين وضح الديره وين السعوديه او الكويت .. احس كل شي مبهم مدري عاد اذا احد يفهمني وش ذا الحتسي ؟ |
بعد انت الله يهديك تبغيهم يجون قبل يفطرون كل مطرود ملحوق إن شاء الله هههههههههههههههههه أهم شي الحمد لله مافي احد تأذى ولا الباقي يهون وقل لأخوك يترك اللقافه ويبقى بالسياره إذا فيه مشكله مره ثانيه |
إقتباس:
ابروي السالفه بالمختصر المفيد وبالعاميه عشا الكل يفهم .. هذولا اثنين ماادري وش سالفتهم يطلقون نار في الهواء قدام مدرسه ثانويه من الساعه 6:30 الى تقريبا الساعه 7 لاحسيب ولا رقيب نص ساعه عيشو المدرسه في رعب حتى الشقق المجاوره للمدرسه نص ساعه او اكثر الاول قام يطلق اكثر من طلقه وراح اما الثاني راعي اللومينا قاعد يصارخ ويطلق في الشارع البعض قال انه سكران بس بحسب رواية اخوي انه شكله موب سكران لان السكران تقريبا حركات جسمه ثقيله ونطقه بطيئ ومدير المدرسه اكثر من مره يدق على الشرطه ولا احد جاء منهم الا بعد تقربيا نص ساعه .. وطرحت سؤال لو كان هذا الحادث في الكويت كبلد ديمقراطي موب في اروبا او امريكا بل في الخليج وش راح يصير ؟؟ |
أعوذ بالله الله يستر كثرت المشاكل بعدين قل لأخوك مره ثانيه أن عمره أهم من الدراسه و الشرطه هذولا حكايتهم حكايه هم و فطورهم جعلهم المر... مدري لين متى و الشعب السعودي ضايعه حقوقه مابين شرطه و دفاع مدني و اتصالات و و و؟؟؟!!! |
في موضوعي عن قسائم المرور دخلت مدافع عن هولاء و أخرجتنا بمظهر (الكذابين ) الخانين لان رجال المرور على قولتك هم مخلصين و نشيطين و لا يمكن يظلمون احد ولو بقسيمة ...!!!!!!!! و الان متهجم عليهم في موضوع اكبر من قسائم ..!!! (تناقض واضح ) لكن صراحة الموضوع فيه مبالغة كبيرة جدا و انا بصراحة فقدت المصداقية بالموضوع من العنوان ... في العنوان تقسم بالله انهم يقولون اصبروا شوي بنفطر و في الموضوع تقول قصة الفطور من عندي ..!!! يعني (اقسم بالله ) كلمة مالها قيمة و لا لها قدر عندك حتى تستعملها في سرد عنوان مفبرك .. !!!!:to: |
الحمدلله على سلامة أخوك واللهم أهدي أو هد من يريد ترويع المسلمين .كنت أريد أن أكتب عن الشرطة ودورهم في حماية الشعب لأني كنت جداً جداً مقهورة منهم بسبب سالفة حدثت لإحدى صديقاتي والقصة الثانية لأحدى الجارات وكيف تعرضت كل واحدة منهما لموقف يتطلب حضور الشرطة بأسرع وقت ..ولم يحصل حسبي الله عليهم .وتمت المساعدة من جيرانهم عسى الله يحفظهم ويحميهم ويكون عملهم في ميزان حسناتهم آمين . |
إقتباس:
اما عن عنوان الموضوع فانا حسبت حساب القسم وما شبكت الجمله مع عشان ماترتبط مع القسم والحمدلله ما فبكرت القسم واقسم مره ثانيه ان الشرطه استغرقت قرابه النصف ساعه حتى تصل .. اما عن المبالغه فا وش مصلحتي اني اضخم الامور؟؟ اما عن مصداقيه الموضوع كلمني على الخاص ومستعد اعطيك اسم المدرسه والرقم واذا حبيت تتاكد تاكد وياليت تنقل للأعضاء وش صار .. واعتقد انك داخل الموضوع وقلبك محمل علي وهذا واضح من خلال استشهادك برد سابق وان شاء الله يكون اعتقادي خاطئ :rose: .. |
بداية الحمدلله على السلامة وانا اخوك ماعاد صار فيه امن وامان والقصه هذي سمعتها امس من واحد يقربلي وفعلاً هذا ماحدث مثل ماقلت .. وعلى العموم اذا كان بعض الاخوه ماصدقوا ففيه قصص كثيره كنت ناوي اكتبها لكن الظروف ماسمحت لي سواقنا يمشي بآمان الله في الحارة رايح للمسجد يجدون اثنين يضربونه ويسرقون اللي معاه وينحاشون قصص عديدة بصراحة مالي نفس اكتب شيء الحين .. لكن من هول الحادثة حبيت اني اضيف ردي ويمكن لي عودة لتعديله |
أهلاً ريكاردو شوف يالغالي أنا مثل هالقصص ماأستغربها لأني عارف إن شرطتنا كيف الحال :dead:!!! بس إنت اللي أخيراً إقتنعت لأنك كنت تثور بشكل عجيب لمّا أحد ينتقد الشرطة او سياسة الدولة وتدافع عنهم بشكل عجيب لدرجة أحياناً إني أحسّك مسؤول هناك :d..! خلاصة الكلام كما قال الشاعر : ستبدي لك الأيام ماكنت جاهلا ً:te: شكراً لك يابو لوكا :smilie47::o :rose: |
الحمد لله ع السلامه قبل كل شي و الله يخلف علينا بشرطه افضل من الموجودين بكل صراحه |
شف عندنا مشكله وللاسف هذي الحقيقه الا هي ( همجيه ) الهمجيه عندنا في كل شي صغيره او كبيره اللي يرمي في الهواء بسلاحه انت قلت ماهو سكران لكن وش السبب يومه يرمي ؟ والله عندنا بعض الشعب همجي ودك انهم ينقرضون ونعيش براحه وعندنا الانظمه (مشي حالك) وبعض العسكر همج ويرفعون الظغط في كل مكان تحصل هالهمجيه للاسف :( يمكن شحطت شوي ,ْْ معليش ق1 |
العسكر عندنا كروش و..... همج + همج = تخلف الشرطه عندنا ماشيه على حب الخشوم |
اعــوذ بـالله .. الله يجيـرنـا بـس .. |
الحمدلله على سلامة اخوك اولا !! بالمختصر المفيد انا الوم ((فئه)) من الشعب قبل ماالوم الشرطه !! الـ((فئه)):شباب همجين بشكل وقح جدا ونسمع عن قصصهم كثير وبشكل (غير منقطع) , ومارح ارجع كثير اقربها سالفة خطف الباص ! الحل طال عمرك يعدمون كل ذا الهمجية ونرتاح منهم |
| الوقت المعتمد في المنتدى بتوقيت جرينتش +3.
الوقت الان » 03:21 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd