قهر لمّا تتأمل في لاعب وينكب فيك ذيك النكبة الأليمة .. يعني مثل سواة سيليتش ما شفت
أحد يطلع موراي ورديك في بطولة وحده , وإلى الآن يعاني من مشكلة الكرات المنخفضة بسبب طول القامة !!
أحد أكثر اللاعبين سوءً في هالكرات !
أذكر خوينا " بيك " الألماني اللي واجه فيدرير في آخر مباراة , لعب في روما مدري مونتي كارلو في 09 أو 08 ... المهم منيب متذكر كويس .. مالنا بالطويلة , كانت المباراة أمام خوينا فافرينكا اللي توّه مكفخ آندي .. المهم بيكّ أُصيب في ظهره , لكن كمّل المباراة , طبعاً الكل عارف ان بيكّ لاعب طويل القامة ... والأكيد ان فافرينكّا استغل هالإصابة بكثرة الكرات المنخفضة سواءً بالدروب شوت أو الفولي أو غيره , وحبيبنا الألماني كان صعب جداً جداً ينخفض , لكنه كان يحاول مع الإصابة !!
طيب سيليتش ليه ؟!
سيليتش مباراته طولت , وأصابه الإعياء وزاد من عيبه أكثر ان صعب ينحني .. الشطي كان يبرر لِـ سيليتش بالإعياء , لكن برضو كان بإمكانه يتحامل على نفسه حبّة حبّة وبتتسهل .. لكنه كان يبي الـ 6/1 على الرغم ان جاته فرص لكسر الإرسال في المجموعة الحاسمة للعودة .
المهم .. نقول سيليتش إن شاء الله بيرجع وأحسن من قبل .
/
اللاعبين اللي ما أبيهم يتأهلون , معظمهم تأهلوا , من مونفيس اللي نطّ عند الجمهور , وفيرداسكو وجاسكيه وفافرينكا و و إلخ .
لكن كل شيء يهون دام لودرا طلع .. توقعت تومي يطلع , لأن آخر مباراة شفتها لـ تومي قديمة , فما أعرف كيف مستواه الآن , رغم ان التأهل أساه إنسحاب مرتين
ما شاء الله على هالحظ اللي عند تومي , إنسحاب خصومه مرتين ورا بعض .. لا ومن لاعبين غثيثين إلى أبعد حدّ , كيف وهم فرنسيين !
أمّا فيدرير والنول , فمباراتهم غير واضحة أبداً وأدائهم ما ييبين بسبب الرياح .. أحين نحس بعزّ القاعات , ولا مؤثر ممكن يخرب من مستوى اللاعب أو يبخس حقه في التبادل .
وموراي عاد .. فحتّى المجموعة الأولى ما كان يستحقها .. فافرينكا قدم مباراة بطلة صراحة استحق عليها التأهل .. موراي حظه سيء في هالبطولة بعد التأهل إلى الفاينل .. كنت أتوقع ان هالسنة راح يكون أكثر لاعب يكسب نقاط من الأوائل في هالبطولة .. لكن حتى الدور الرابع ما عرف يوصله ! الله يعينه على نفسه .
حاجة أخيرة .. مستوى التحكيم " زيرو " في هالبطولة ! أخطاء بالجملة , مباراة بعد الثانية تزيد الأخطاء , إضافة على ان بعض الملاعب مافيها " عين الصقر " , فيعني هناك المظلوم ما ياخذ حقه .. تبرير " أمين " للحكّام وان مهمتهم صعبة غير مقنع أبداً , لأن احنا شفنا ان هالسوء مُضاعف في هالبطولة بشكل واضح ويكفينا نذكر خطأ السيدة الجميلة اللي احتسبت على روديك " خطأ قدم " ! مع ذلك , هالشيء بيتصحح , مثل ما شفنا في بطولة روما هالموسم , في الأدوار الأولى التحكيم كان سيء , لكن بعد ما بدأت الأدوار الأخيرة تحسّن التحكيم بشكل كبييير .. اممم بس هذا تحيز !
/
إيستومين vs نادال
من أجمل المباريات , مع ان مافيها إلا 3 مجموعات .. لكن فيها طقطقة وحماس غير طبيعي
وتكفيني زحلطة إيستومين البطلة في المجموعة الثانية , ظلّ أثرها إلى اليوم التالي !
إيستومين ضيع على نفسه العودة في المباراة بكسب المجموعة الثانية .. يعني متقدم في التاي بريك بِـ 5/1 وعندك الإرسال وعلى نادال , واشتبي أكثر ! هذا غير عن فرص كسر الإرسال اللي ضيعها .. رغم ان الأغلب والمعتاد يتوقع ان المجموعة الثالثة يفترض تكون سهلة على نادال , لكن مع ذلك ما استسلم , واستمر ينافس إلى النهاية .
ايستومين ما كسر الإرسال ولا مرة , في المقابل واجه أحد أكثر اللاعبين قوّة في استغلال فرص كسر الإرسال , رغم ان الفرص اللي جات لِـ نادال أقل من اللي جات لخصمه .
نادال كان واقعي جداً في المباراة وليس سيء مثل ما يعتقد البعض , مو معناها ان الخصم يجيب عليّ نقاط حلوة وضربات مافي منها وتبادلات كثيرة يعني ان هو الأفضل وأنا فزت بالحظ !
أظن هالتفكير بدائي بحت .. نادال مهوب مضطر يتفنن ويستعرض مهاراته ويطلع كل قوته في الأدوار الأوليّة .. ما زلت مصر على ان نادال هالموسم واقعي أكثر في الصلب , وأقصد بهالشيء الواقعية فقط .. أكثر من مرة في بطولات كثيرة يطلع كل قوته في الأدوار الأوليّة ثم يضعف اشوي في المباريات الصعبة حتى وإن كان فاز , يمكن البعض يعتقد ان نادال لأن المباراة صعبة فيتضح مستواه أكثر .. صحّ , لكن الإخطاء المباشرة كشفت لنا حاجات أكثر , وبغض النظر عن الأخطاء المباشرة في هالمباراة , لأن التحسن يكون بمنظور التبادل والضربات وما يقتصر على وينرز الباسينج شوت , مثلاً !
ضروري نلقى مبررات وما نلقي الإتهامات جزافاً .. لاعبين كثير نطلع لهم العذر من تحت الأرض , لكن الأوائل ننتظر عليهم الزلّة عشان نقول , شفتوا ؟!!!
الحمد لله ان رابطتنا ما فيها هالنوع من الأشخاص .
المهم مافي داعي أطلع عن الموضوع .. مبروك تأهل نادال , ومشواره ما زال صعب , والتحسن والتصحيح أمامه مازال مفتوح .[/COLOR]
/
إقتباس
وأعتقد بأن الجمهور الأمريكي سيكون له دور كبير
وسينال من الصربي ( دجوكو )
صحيح الجمهور له دور قووووي جداً على خصم ابن البلد .. وخاصة بعد ان النول يتأثر كثير مع إتجاه الجمهور , نفس ما شفنا في مدريد وباريس يوم كان الجمهور ضده , والعكس في بطولة بلغراد في 09 , كيف كان للجمهور دور كبير في تتويج النول باللقب وإن كانت البطولة في الجيب من الأساس
وأهقى الجمهور لزوم يفكر يعمل ستوب لتشجيع أمثال بليك , والمتحولين أمثال ماردي فيش المحظوظ أمام كليمون .
بس لا تتأمل في بليك مرة ثانية .. بليك ما منه رجا , رغم ان البارح بلعكس قدم مستوى كويس وجاب نقاط رهيبة , لكن لا تتأمل ان ياخذ مجموعة حتّى .. مع ان حقق أزين شيء هالموسم , قدر يكسر الإرسال ويطفش المصنف الثالث عالمياً .. إنجاز وربي وإذا جيت للجد " الريح " طفشت النول أكثر بليك صاحب الخبرة .. بليك أنتهى !
اممممم .. بس تدري ان هالجمهور بايخ .. مدري ليه عمايل الإستهبال هذي تطلع بس في إنديانا ماسترز والـ US
أجل أوراق مدري وسخ حتى جمهور الرولان ما عملها .. كنه الدوري القطري , الملعب كل أوراق
وإلا مزاقعهم وفي وقت ما يستعد اللاعب للإرسال .. خييييير ؟!
أوكي فاهمين انكم على أساس من " عرق واحد " بس خلاص , حتى كليمون انفجّر منهم !
أذكر بعد مرة تهواشوا جمهور النول وجمهور خصمه نسيت مين في أستراليا الموسم الماضي
يعني عااادي ... النول متعود , وإن شاء الله مافي " صربيين " مثل ذيك المرّة ... أجل أبناء البلد يا النول , اللي يسمعك يقول عايش عندهم .
/
إقتباس
وآثق الخطوة يمشي ملكاً ..
اصبر , ترى الدور الرابع
/
إقتباس
مستوياتهم في تصـآعد كبير بذآت هآريسون وكاستي ..!
كاستي ؟!
مين كاستي ؟!
/
إقتباس
يقولون وقفوآ اللي تهاوشوا في مباراة جوكوفيتش وفيليب
عن حضورمباريات امريكا المفتوحه لمدة سنتين ..!
من زينها
ظلم بس حرام ما يشوفون النوافير اللي في المجمع < أحد يتنقص لنا صورة لهم
/
إقتباس
موب مثل بآقي الجمآهير ماتتفآعل الا مع فيدرر ونآدال
حرااام عليك
شفت جمهور يسحب على فيدرير في الكوارتر من أحد بطولات الجراند سلام عشان لاعب يحمل ذات جنسيتهم وفي الأساس مش من عرقهم ! أقصد مباراة " مونفيس vs فيدرير " في الرولان في 09
صدقني جمهور ابن البلد في كل مكان , وهذا أمر طبيعي جداً !
يعني مثلاُ , كم سعودي شجّع إسبانيا في مونديال 06 أمام المنتخب
/
رهيف
لو انك ما راهنت على هاريسون كان تأهل من أمام ستاخوفيسكي
هاريسون مشروع لاعب بطل .. لكن لو يترك هالتهور والمجازفة اللي مالها معنى كان يصير بخير ... ستاخوفيسكي ما كان خصم هين , لكن برضو تهور هاريسون خدمه كثير , خاصة لمّا كان متقدم في المجموعة الرابعة على ما أظن بكسر الإرسال
ليته أخذ اشوي من حذر روديك .
عموماً , نتمناه له التوفيق .
/
كل اللي أول مرة نشوف يوزارتهم
حيّاكم الله , إن شاء الله تفيدون وتستفيدون .. وياليت نشوفكم على طول , منورين قسم
رهيف
لو انك ما راهنت على هاريسون كان تأهل من أمام ستاخوفيسكي
هاريسون مشروع لاعب بطل .. لكن لو يترك هالتهور والمجازفة اللي مالها معنى كان يصير بخير ... ستاخوفيسكي ما كان خصم هين , لكن برضو تهور هاريسون خدمه كثير , خاصة لمّا كان متقدم في المجموعة الرابعة على ما أظن بكسر الإرسال
ليته أخذ اشوي من حذر روديك .
عموماً , نتمناه له التوفيق
أنت تشووف
وبالنسبة لتهوره .. فطبيعي بحكم نقص الخبرة وصغر السن .. والجمهور الكبير خلفه
وأتوقع أنه من اللاعبين الذين سيعالجون أخطائهم سريعاً
وسيبرز بشكل كبير قبل سن العشرين
إقتباس
اممممم .. بس تدري ان هالجمهور بايخ .. مدري ليه عمايل الإستهبال هذي تطلع بس في إنديانا ماسترز والـ US
أجل أوراق مدري وسخ حتى جمهور الرولان ما عملها .. كنه الدوري القطري , الملعب كل أوراق
وإلا مزاقعهم وفي وقت ما يستعد اللاعب للإرسال .. خييييير ؟!
أوكي فاهمين انكم على أساس من " عرق واحد " بس خلاص , حتى كليمون انفجّر منهم !
مشتاقين لِـ جمهور لندن متى تجي هالبطولة بسّ
هذا هو الجمهور الأمريكي .. لا جديد
وأكاد أجزم أن المسؤولين في اتحاد الـ ( ATP ) والإتحاد الدولي للتنس
غير راضين عما يحدث تحديداً من الجمهور الأمريكي
ولكنها ضريبة الإقتصاد الأمريكي القوي ، والذي يعود بالنفع مادياً لهذين الإتحادين
لذلك لا غنى عن البطولات الأمريكية التالية :
(2000) نقطة .. بطولة الـ ( us open )
(1000) نقطة .. بطولات ( انديان ويلز - ميامي - سينسيناتي )
(500) نقطة .... بطولة ( واشنطن )
(250) نقطة .. بطولات ( انديانا بوليس - أتلانتا - سان خوسيه - ديل راي - ممفيس - لوس انجلوس - نيوهافين - هيوستن - وغيرها )
... بآلنسبه لكلآمك عن الجمهور الامريكي فآنا اشوفه متفآعل حتى في مباراة غير الامريكآن في مبآرآة الامس طلعوآ عجوز حآطه يدهـآ على قلبهـآ تصيح على خروج مورآي وفي مبـآرآة خروج هآريسون اتوقع اللي طلعه تشيكي الجمهور كآن متفآعل مع كل كورة حتى كورة التشيكي واقصد التفـآعل مو يعني التصفيق يعني كثر المشـآهق وازعـآق والصرآخ زد عليهـآ تعليق الشطي تحس انك تتآبع مبآرآة صدق ..!
ببطولة ويمبلدون صدق تكون فيهـآ مباراة قويه لكن الجمـآهير ماعندهم الا كمـآن مورآي كمآن فيدرر وان طولت النقطه صفقوآ .. انـآ مآودي اشوف مبـآرآة ممتعه بس ..!ودي اشوف اثـآره والاثآره ذي ماتلقاها الا من هالنوعيه من المشجعين القذرين يعني شفت مبـآرآة جوكوفيتش مع فيليب الالمآني كآنت المبآراة محسومه لصالح النول لكن الجمهور كآن متفآعل حتى مع ضمآن النول للمجموعه الثـآلثه ..!
4Likes
بس يمكن بليك 
وإذا جيت للجد " الريح " طفشت النول أكثر بليك صاحب الخبرة .. بليك أنتهى !
الوضع العادي
