28/05/2010, 12:32 AM
|
 | زعيــم نشيــط | | تاريخ التسجيل: 06/11/2008
مشاركات: 773
| |
فونيني vs مونفيس
مباراة أقل ما يُقال عنها " خيــال " 
حظي زفت في هالبطولة ... ولا مباراة للمايسترو ولا حتى نادال ولا روديك , والنول مجموعتين فقط وتقطيع
لكن الحمد لله قدرت أشوف هالمباراة كاملة
فونيني غير طبيعي .. ماأصدق هذا هو فابيو نفسه اللي تمسخرت عليه في روما الموسم الماضي في مواجهة " سيمون "
تطور خطيييييير
وربي أتعب وأنا أتكلم عن المباراة .. خصوصاً لمّا يكون لاعب في عمر فونيني ماعنده ذيك الخبرة , ويكون كل شيء ضدك في المباراة بإستثناء تحفيز الطاقم الفني .. بجدّ حاجة صعبة
كل شيء عمله فابيو في المباراة يدل على ان لاعب لا يُستهان فيه
رغم قلة خبرته , ورغم كل اللي صار ضده في المباراة من الإنذار إلى تصفير الجمهور وإلى وإلى ... إلخ
مع ذلك كان ثابت !
غير كذا , طلع لاعب خبيث وذكي
اللي شاف المباراة .. يبي يلاحظ ان معظم الفرص اللي أُتيحت لِـ مونفيس , كان يتعامل معها بِـ خبث رهيب
يرسل إرسال ضعيف , بعدها ضربات ضعيفة معظمها سلايس بالفورهاند .. وطبعاً هالهدوء في مصلحته , بحكم ان مونفيس يحب يحسم بِـ وينر قوي , وبهالضغط الكبير احتمالية الخطأ المباشر من الفرنسي كبير , وبكذا حسمها فونيني 
من جدّ مجازفة كبيرة !
بالإضافة إلى ان هالولد جريء بشكل غير طبيعي
جرأته على اللجنة التنظيمية غير معقول .. قسم أطالع اللي صار وأنا فاق فمي 
المشكلة ان كان مُصِر على رأيه رغم انه مخطئ , وزيادة على كذا هو خسران من احتجاجه , لأن كل ما تأخر زاد الظلام وهالشيء أكيد ما راح يكون في مصلحته
غير كذا الطاقم الفني له , رغم ان تحفيزهم له مطلب أساسي للإستمراية , لكن مع ذلك كانوا عبء عليه
أجل وشمعناه اللي عمله مدربه بمطالبته بتغيير رأيه لإيقاف المباراة .. يعني كأن توه يعرف فابيو !
واااضح ان فابيو لاعب عنيد .. تسوي معه هالحركة , وإلا شايفه روبوت تتحكم به مثل ماتبي !؟
حركة تنمّ عن تخلف ما تعدونا نشوفه !
فابيو صعّب المباراة عليه .. كان بإمكانه يحسم المباراة قبل التأجيل
جاته 4 فرص لكسب المباراة , مع ذلك أضاعها
على كلٍ , فابيو قادر على الإستمرار وقادر على إحداث المفاجأة متى ما استغل الفرص المتاحة وابتعد عن الأخطاء التافهه والغريبة
لأن أي لاعب يقدر يتغلب على ضغوط غير معهودة , من دون شكّ قادر على التكرار والتصحيح أول بأول
مبروك لِـ فابيو هالتأهل المستحق 
ومبروك للجميع خروج " مونفيس " وتقلص عدد أبناء البطولة
بالتوفيق لِـ النول + سيبي  < صار يحب الإيطاليين
طبعاً أبي يتأهل سيبي بس عشان يطلع كولشرايبر
وإن شاء الله أقدر أشوف ولو مباراة وحيده بكره , مع إن ماأتوقع 
عوافي شباب
|
4Likes
الوضع العادي
