25/05/2010, 12:34 AM
|
 | زعيــم نشيــط | | تاريخ التسجيل: 06/11/2008
مشاركات: 773
| |
^
أكثر مما تتصور  .. فاتتك المباراة صراحة
آندي قدم أفضل أداء له على الإطلاق في الأراضي الترابية
خصوصاً ان الكل عارف ان آندي يعاني وبقووة على هالأراضي .. لكن هالمباراة غيّر حاجات كثيرة
آندي إذا روّق يجيب كل شيء .. هي لُبّ , هي سلايسات , هي دروب شوت , هي باسينج شوت  , هي كروس كورت ... إلخ
كل شيء يقدر يقدمه اللاعب .. عمله
خصوصاً بعد ماضعف مستوى جاسكيه
مجهود خرافي قدمه آندي مقارنةً بِـ مستوياته العادية المعهودة منه هالأراضي
أكثر مباراة تستحق أن تكون مفاجأة حتى الآن
جاسكيه رغم إني أكرهه وأبي آندي دوم يتأهل .. لكن بالفعل جاسكيه بطل
جاسكيه الأسطورة الفرنسي الوحيد اللي يحسسك ان يمشي بجهد مو بِـ حماس الجمهور وما إلى ذلك
عن جدّ لاعب يتطور .. غاب فترة ميب هينة , مع ذلك رجع
يعني أكثر من كذا تنحيز يا مونفيس مافيش .. مونفيس يغيب ويغيب لكن مافيش ذاك التطور الملحوظ أو بالأحرى التصحيح والتعويض .
على كلٍ .. جاسكيه ضايقته بطولة نيس حيل
صحيح كان محتاج ان يشارك فيها عشان يدخل الرولان بشكل قوي مثل اللي شفنا .. لكن الغياب الطويل الموسم الماضي أثّر عليه بضعف اللياقة .. وإلا المعروف عن جاسكيه ان لياقته كويسه , فـ كان من الطبيعي جداً ان يتعب كثير في إستمرارية قوة الأداء إلى نهاية المباراة .. خصوصاً ان الضغط النفسي من بداية المباراة حتى المجموعة الثالثة كان كبير , لأن شاف ان رغم قوته إلا ان آندي كان يلعب وبكل قوة طول الوقت , مااستسلم أبداً .. فهالشيء ضيّق الخناق عليه بشكل كبير .. وهالشيء من دون شكّ يُحسب لِـ آندي .
على كلٍ , الحمد لله آندي تأهل
وقدر يفحم منتقديه و حسّاده القلّة في الرابطة 
بس عن جدّ حاجة تضحك في الرابطة ... على قد مايتزايد أعداد جماهير نادال , قد ما يتزايد أعداء آندي
بلّ عليكم .. شمسوي لكم
المهم .. أبي أسالف أكثر
لكن وقتي ضيق مرّة .. وحرام هالردين راحوا عشان آندي بحاله
//
 | إقتباس |  | | | | | | | | | |
J.COLE
موري رجع للمبــآراه | |  | |  | |
شفت شلون آندي بطل
منور اخوي .. وإن شاء الله نشوفك دوم  |
4Likes
الوضع العادي
