المايسـترو لنهائي الف الف مبرروك لعشاق الملك
اخــيراً بنشوف هالاثنين يلعبون ضد بعض
اخر لقاء لهم كان الموسم الماضي في هاذي البطولة
والي كسبها المالك فيدرر
وان شاء الله يكررها غداً
اليوم فيدرر قدم مجموعه اولى جيده جداً
انخفض الاداء في المجموعه الثانيه
لكـن ..!
الحمد لله تدارك الوضع في الاخيرة
المتش عموماً كان فيه اخطا مباشر من فيدرر وفقداً التركيز بعض الاوقات
هالشي اتنما ما نشوفها بكرة لان الخصم راح يكون ندال
نعم فيدرر مدرسة للجميع بيما فيهم نادال وهذا مايخالفه إلا واحد يسيره التعصب الأعمى , وبالنسبه للكلمة اللي ذكرتيها
( البزر . . . ) تراها كلمه شينه في مجتمعنا ولا تقولين مالا تعرفين , وبالنسبه للأخلاق فيه أحد قال أن نادال ابن كلب < < تكرمون جميعاً على هالكلمه , أنا لم أتطرق بأي شكل من الأشكال لأخلاق نادال , ولكن يظل أيضاً فيدرر مدرسة بالأخلاق الرياضية في عالم الكرة الصفراء . .
وأيضاً لفت انتباهي قولك بأن فيدرر تأهل ( بالحظ ) أي حظ تتكلمين عنه ؟ أو الظاهر انها نفس الكلمة اللي فوق
روجر تأهل بكل جدارة واستحقاق , وأما بالنسبه لذكرك كلمة ( الشايب ) أنا ما أدري اللعب بالعمر أو الأداء ؟ شاهدنا سابقاً ونشاهد في الوقت الراهن وسنشاهد في المستقبل بإذن الله فيدرر يقصي من هم أقل منه عمراً , والصراحه حيرني هالشايب اللي في آخر خمس نهائيات لبطولات الجراند سلام جميعها كان طرف ثابت فيها وحقق ثلاث منها وخسر اثنتين وطبعاً كما يعرف الجميع أن البطولات الكبرى أطول وأكثر مجهود وأكثر مجموعات من بطولات الماسترز ومع ذلك روجر تغلب على كل هالعوامل . . يالبيه يالشايب
على العموم بالتوفيق لفيدرر ولو حقق نادال اللقب سأكون أول المباركين له . .
تعودنا على هيك مصادفات بايخة
مابين هذي وذيك .. وبإذن الله يوم حلوو عليّ
//
السلام عليكم
كيف حالكم ؟!
لها وحشه الرابطة .. أحس زمان مادخلت
المهم .. ودي أهذر عن مباريات مدريد هالبطولة السامجة لكن مهوب وقته
عندي نقطة وحده بس أبي أعلق عليها
زماااان عن هيك خشش قديمة ... كل اللاعبين القدامى ما عدنا نشوفهم .. اللي اعتزلوا واللي تصنيفهم ما عاد يساعدهم للتواجد في البطولات سوى بطولات الـ 25 نقطة ويخب مع الأسف
لكن الحمد لله في هالبطولة شفنا هالزين كله .. صحيح حاله مزري إلى أبعد الحدود لكن مش مشكلة على الأقل شفناه
عن نفسي ماشفت أيام عزه في 02 كـ لايف .. لكن أعرف عنه حاجات كثيرة .. لاعب يعمل اللي ماينعمل , كان يتميز بفنات كثيرة حسب ماسمعت , وبالذات تغطية الشبك والضربات الحاسمة على حدود الملعب .
لكن مع الأسف .. كل اللي شفته في هالبطولة أمام بيكر مجـرد " شبح " للأسطورة مويا
شكراً لِـ منظمي البطولة الذين منحوه الكرديت كارد لنتذكر شكله على الأقل
//
عشقها , بو زاحـم
أصلاً النول الوحيد اللي يُضرب فيه المثل في الأخلاق العالية والدليل مابينه هوشات بين اللاعبين الثانيين مب بعض الناس اللي مايطيقون " سوديرلينغ "
وبعدين لحظة من يقول ان فيدرير مدرسة للتنس .. أصلاً النول فقط هو المدرسة والدليل مهاراته اللي تطورت بسرعة وكسب من خلالها جراند سلام مبكر , بعكس فيدرير اللي يعتبر عمره فير مفاجئ يوم كسب أول جراند سلام
وهكذا
نكمل وإلا
إقتباس
نعم فيدرر مدرسة للجميع بيما فيهم نادال وهذا مايخالفه إلا واحد يسيره التعصب الأعمى
يحليلك بو زاحم .. أحين عشقها متعصبه تعصب أعمى .. أجل كلامك وشيدل عليه
عذراً يا عيال .. كلامكم هباءً منثوراً
زود عليها حجج واهية ومش في وقتها
طلب بسيط .. بكره بعد الفاينل كثير من يبي يدخل الرابطة , خصوصاً لو تُوج المايسترو باللقب
فياليت كل واحد يأجل أي نقد عنده لِـ خصمه في وقت ثاني بحيث نتجنب أي صدام ماله معنى , بحكم ان الصدامات اللي تصير هنا معظمها عن " فيدرير اسطوري " و " نادال ملك " وذاكرة شغالة على مباريات تراب 06 والضرب تحت الحزام لِـ 08 إلى الوصول إلى اسطورية المايسترو لِـ 09 !!
تكفون شباب , هالنقاشات حلووة وطيبة
لكن مبكرة حيييييل , سبق وقلنا كثير الموسم الماضي , ان بدري على نادال , وفارق العمر بين اللاعبين كبير
حبة حبة ولا نستعجل على أحد .. مثل " سامبراس " و " فيدرير "
على كلٍ , اللاعبين في مبارايتهم حصل لهم بعض التذبذب .. لكن كلٍ له مبرره المقنع سواءً للمتادور اللي يُعتبر أُرهق من كثرة المباريات وبرضو بالنسبة للمايسترو اللي ظروفه السيئة وصلته ان يبحث عن نفسه أولاً ثم التفكير في المتابعة " ستب باي ستب "
بالتوفيق للاعبين , ومانبي أقل من 3 مجموعات وكلها تاي بريك
نبيها تحطيم لوقت مباراة النول ونادال .. 4 ساعات ونص كويس نتحمس ونصفر
يحليلك بو زاحم .. أحين عشقها متعصبه تعصب أعمى .. أجل كلامك وشيدل عليه
أيه والله وش حليلي كلامي يدل على التعصب غير الأعمى
على العموم حنا هنا نتناقش سواء كان قبل المباراة أو بعدها ما اتوقع فيها مشكلة مع كامل الإحترام والتقدير للجميع
وثق ثقة تامه سأكون أول المباركين لعشاق نادال في حالة فوزه غداً بالبطولة .
سيستعيد الاسباني رافايل نادال المصنف ثانيا ووصيف بطل الموسم الماضي المركز الثاني
في التصنيف العالمي للاعبين المحترفين في كرة المضرب الذي يصدر غداً الاثنين ببلوغه
المباراة النهائية لدورة مدريد الدولية، خامس دورات الألف نقطة للماسترز والبالغة جوائزها
المالية 2.835 مليون يورو للرجال و3.500 ملايين يورو للسيدات.
وتغلب نادال في نصف النهائي اليوم السبت على مواطنه نيكولاس الماغرو 4-6 و6-2 و6-2
في ساعتين و15 دقيقة.
الفوز هو الرابع عشر على التوالي لنادال على الملاعب الترابية هذا الموسم، والـ168 في 172
مباراة عليها منذ 2005.
ويلتقي الاسباني في المباراة النهائية غداً السويسري روجيه فيدرر الأول عالمياً الذي كان هزمه
في نهائي العام الماضي أو الإسباني الآخر دافيد فيرر.
عانى نادال للفوز بالمباراة خصوصاً أن منافسه يجيد اللعب جيدا على الملاعب الترابية التي يشتهر
فيها عادة غالبية اللاعبين الأسبان، ففقد المجموعة الأولى قبل أن يرفع مستواه في الثانية ويواصل
على المنوال ذاته في الثالثة مستفيدا من الإرهاق الذي لحق بالماغرو.
وكان نادال استعاد الوصل مع الألقاب أوائل الشهر الحالي بفوزه بدورة روما للمرة الخامسة في
مسيرته حيث رفع رصيده إلى 17 لقبا في دورات الماسترز معادلاً الرقم القياسي السابق المسجل
باسم الاميركي اندريه أغاسي.
4Likes
ولا تقولين مالا تعرفين , وبالنسبه للأخلاق فيه أحد قال أن نادال ابن كلب < < تكرمون جميعاً على هالكلمه , أنا لم أتطرق بأي شكل من الأشكال لأخلاق نادال , ولكن يظل أيضاً فيدرر مدرسة بالأخلاق الرياضية في عالم الكرة الصفراء . . 
الوضع العادي
