- خروج زيمونيتش ونيستور " الزوجي " أكبـر مفاجأة في البطولة
- إيسنر و كويري " الزوجي " .. لو يستمرون على الزوجي أزين لهم ولنا .. تصنيفهم في الزوجي أفضل .. على فكرة طلعوا فيدرير مع أليجرو < قديييم الصديق المقرب
- استوديو الجزيرة لا يُعلى عليه .. ياليت كل البطولات كذا .. بس حرام عليهم نبي تقرير في الأخبار
الجزيرة ميب مقصره أبداً في التغطية , لكن نبي زوجي والله حرام مالها اهتمام .. نبي نشوف التوأم براين ولايهون زيمونيتش
- خروج فيدرير يبي يعمل هوايل عند الجمهور , ويبي يطلع حقيقة الجمهور الفيدرير وعدم ثباتهم .. خروج فيدرير أبداً مهوب مفاجأة ولا هي حاجة غريبة , خصوصاً لمّا نشوف ان الخصم جولبيس اللي كاد يخرجه في قطر في أفضل مباراة في البطولة .. فيدرير مزاجـي يا عيال , يبدع في جراند سلام ويسحب على الماسترز < أحين في من بيجي وبيقول هو مايحب الماسترز
- عشقها , جولبيس مهوب مفاجأة مثل ماتقولين , جولبيس شفناه في أمريكا الموسم الماضي أمام آندي , قدم أداء بطل وأحرج البريطاني في أكثر من نقطة تتضح فيها مهاراته العالية وتطوره الواضح , هذا غير الأداء الطيب في برشلونة .. نتمنى نشوفه أكثر
- آندي تحسّن مستواه عن السابق وإن كان خروجه يعتبر مبكر , ولكن هالشيء بحدّ ذاته يبشر للتقدم أكثر والتعويض وخصوصاً ان هو محتاج للمحافظة على نقاطه في البطولات الجاية
- كارلوفيتش , سيمون , مونفيس , ديل بوترو , روديك , بليك , تومي هاس , دافي , ستيبانيك
رغم ان كل واحد فيهم شوفته تزيد الهمّ .. إلا ان لهـم وحشه بالذات الأسطورة سيمون
كل واحد له عذره , إن شاء الله تنتهي هالأعذار مع الرولان
- جمهور روما منتفين مساكين .. الصفوف الأمامية من المدرجات فاضية
- لعيبة روما طيبيـن حيل يقابلون السيئة بالحسنة .. نادال جا مبارتهم ونحسهم وخسروا الصدارة , لا بعد خلوا مكسيس يصيح .. لعنبو داركم سحبوا عليه و لا تصدقونه هو عارف ان نحس فَـ جا مباراتكم لعشقه الأبدي إنتر
- " مكسيس , ريزا " الوحيدين اللي يحسسونك فاهمين في التنس أما الباقي فتلقاهم مايدرون شسالفة بالذات " مينيز " ولا يهون " كاسيتي "
- التحكيم في البطولة صفر ع الشمال في المباريات الأولى .. بعكس المباريات الأخيرة , دليل كبير على نفس الحال اللي نعيشه في المملكة من السحبة على أندية الدرجة الأولى < تشبيهك
- اللعيبة الطليان في البطولة كويسين مرّة .. بالذات " فولاندري " اللي فاز على فيدرير في ذات البطولة 07 في الدور الثالث , لاعب زمااااان ماشفته .. قدم أداء كويس في البطولة عاب عليه سوء تغطية الشبك اللي استغلها جولبيس بحكم ان الأخير بطل بطل بطل في الدروب شوت والباسينج شوت , ولايهون بوليللي اللي طلعه فيرداسكو بصعوبة , كان يستاهل التأهل لكن الحظ له دور كبير بحسم المجموعة الأولى لخصمه رغم أحقيته بها ..
- سيبي يا سيبي ! مجـرم ورب البيت
على سوئه وحواقه إلا ان عمل اللي ماينعمل في مباراته مع آندي في النقطة الأولى له في الشوط الأخير في المباراة .. أخطر من نقطة فيدرير على النول في أمريكا .. نقطة الموسم إلى الآن
- جيرالدو اللاعب الكولومبي اللي عمل المفاجأة وأقصى فيريرو بنتيجة قاسية .. لاعب كويس ومش بطال , لاعب شاب وعنده إمكانيات حلووة , صحيح يعيب عليه حماسه العالي اللي ممكن يوهقه في مباريات كثيرة , لكن ممكن يعمل مفاجأة في الفيوتشر .. هو لعبه يقارب من روبن وبرضو ديل بوترو ... نتمنى له التوفيق
- بيلوتشي اللي تعب نادال - نسبياً - في الرولان في الدور الأول 08 .. وأخيراً شفناه مرة ثانية , قدم مستوى طيب في البطولة , كان ندّ قوي للنول , لكن نقصته الخبرة اللي أظن لو كان موجودة كان ممكن يقتنص مجموعة من الصربي .. على كلٍ , نتمنى نشوفه أكثر
- على مستوى البطولة محد يملي العين غير هالإثنين " جولبيس , نادال "
- النول أداءه جداً حلو في البطولة - مقارنةً بالسابق - كان يستحق التأهل , لكن ما الله أراد .. حاجات كثيرة يحتاجها النول في هالفترة للعودة إلى كسب النقاط .
- الغرناطي , فيرير اختفى فترة طويلة عن الإبداع , فترة غيابه طويلة ومااظن ان وراه بطولة .. الحاجات اللي تمنعه عن البطولات هو الغيبة الطويلة , وأخطاءه الحالية تدل بشكل كبير ان اللاعب كان يعانـي .. أتمنى يخيب ظني ويعمل شيء
- فهودي , شكلك ملخبط بين فيرير وفيرداسكو .. فيرداسكو من عرفناه وهو يسار
- عذراً للتنـس السامج , نادال ماله ندّ ..
//
رهيــف
وأخيراً رجعت ... من بعد أمريكا ما شفناك
ولكم باك رهيـف .. عسى نشوفك دوم , ولا يهون حـازم النينو
//
THEO WALCOTT
إقتباس
<< متابع لكم بصمت أحس اني على وشك أدمن اللعبه هالأيآم أطقطق على التيوب و مقاطع مهند
ماأنصحك , رياضة تجيب المغص
لحظة لحظة .. مو تسنك تواجدت معنا هنا الموسم الماضي في بطولة مدريد على ماأظن وصار ذاك الشيء
على كلٍ , ياليت نشوفك دايم
على كلٍ , هالمباراة رد قوي لجميع من قال ان نادال هالموسم في التراب أفضل من الموسم الماضي , وبرضو رد قوي ان النتائج ماتحدد الأفضلية ولا تحكم على اللاعب < الريس + فيصل
صحيح نتائج نادال أفضل في بطولتي التراب هالنسة عن السنة الماضية , لكن من ناحية الأداء الموسم الماضي أفضل
حاجة أخيرة , خصوم نادال الموسم الماضي أقوى من هالموسم
على كلٍ , هالمباراة رد قوي لجميع من قال ان نادال هالموسم في التراب أفضل من الموسم الماضي , وبرضو رد قوي ان النتائج ماتحدد الأفضلية ولا تحكم على اللاعب < الريس + فيصل
صحيح نتائج نادال أفضل في بطولتي التراب هالنسة عن السنة الماضية , لكن من ناحية الأداء الموسم الماضي أفضل
حاجة أخيرة , خصوم نادال الموسم الماضي أقوى من هالموسم
لي عودة أكيد .. المباراة تستاهل حتسي كثير
اتفق معك 100 % غولبيس اليوم يستاهل التاهل صراحه
لعبه مميز جدا .. ثقة بالنفس فورهاند مذهل وارسال قوي سريع فعال وفي الوقت المناسب
ومثل ما قلت رافا الموسم الماضي افضل بكثير من هالموسم
في الموسم الترابي هذا ما قابل اي لاعب عليه الكلام مع احترامي لجميع اللاعبين غير غولبيس
بس هذا شي ممتاز عشان يشوف اخطاءه قبل الرولان ويصلحها
انا اهم شي عندي بهالبطولة انه يحافظ عليها لانها اخر بطولة لرافا في الموسم الماضي
فيرر خصم صعب جدا اللاعب الوحيد اللي ما فقد ولا مجموعه
وهذا مؤشر خطير مع ان لعب مع موراي وتسونغا وفيرداسكو ومستوى هاللاعبين افضل من اللي لعب معهم رافا
ومع ذلك ما فقد اي مجموعه وكفاية اليوم مباراته مع فيرداسكو مهزوم بــ 1-5 ويرجع ويعادله ويفوز بالمجموعه
4Likes
بكره ان شاء الله ضد غولبيس 
.. خروج فيدرير أبداً مهوب مفاجأة ولا هي حاجة غريبة , خصوصاً لمّا نشوف ان الخصم جولبيس اللي كاد يخرجه في قطر في أفضل مباراة في البطولة .. فيدرير مزاجـي يا عيال , يبدع في جراند سلام ويسحب على الماسترز 
الوضع المتطور
