هل بدأ اللاعبون بالسهر - نادي الهلال السعودي - شبكة الزعيم

نجم البحر · #1 31/03/2010, 12:29 AM

الحمد لله فزنا اليوم وعدت على خير
في لقاء سابق مع الدعيع في جريدة الرياضيه قال : إن التمارين الصباحية قضت على السهر بين اللاعبين
طيب اللحين مافيه تمارين صباحية .
لو صار فيه لقاء ثاني مع الدعيع تتوقعون يقول : عدم وجود تمارين صباحية شجع على السهر بين اللاعبين ؟؟
احتاج رايكم ؟؟
وهل انخفاض المستوى والنفسيات اللي مش ولا بد نتيجة سهر ؟
أما نعذر ونبرر و نقول ان هذا شي طبيعي
لإنه في نهاية الموسم يحصل انخفاض في المستوى وتصير النفسيات لك عليها .

فتى بسيان · #2 31/03/2010, 12:39 AM

والله ياعزيزي

قد يكون سبب كبير سهر الأعبين ولذلك أنخفض المستوى .

والعجيب أنه من مبارة الاهلي اللي بالرياض والفريق غريبة أوضاعه .

لكن حمد لله عدت مبارة الاهلي على خير .

تقديري لك

ابوزهى · #3 31/03/2010, 12:46 AM

هل تشوف اخوي ان موضوعك مناسب اليوم واحنا فايزين

رسـ2006ـاوي · #4 31/03/2010, 12:53 AM

والله ممكن يكون سبب

بس اللاعبين واعين ويعرفون ان السهر يقضي على اللاعب

جعيثنكو · #5 31/03/2010, 01:04 AM

لا تخاف اظن قريتس يملك الخبره والمعلومة الكافيه لحل مثل هالمواضيع ...

الف الف مليون مبررروووووك الفوز والثلاث نقاط

سيف زهران · #6 31/03/2010, 01:05 AM

اكيد سبب قوي بعد

بس ياريت تطبق جميع بنود الاحتراف

شكرا لك

مستـ عزوووزـــر · #7 31/03/2010, 01:08 AM

الله يستر والله اللاعبين بادين يفقدون التركيز ولياقتهم تقل وتحسهم يعصبون على بعض مادري وش جاهم

ღهلالي مكةღ · #8 31/03/2010, 01:10 AM

والله أن لاعبي نادي معروف يسهرون الى بعد 2 بالليل ..

يلفون منتدى ناديهم ..

لقيت أكثر من واحد متصل الساعة 2:35 تقريبا ومازالت ببالي ..

ااما المتصل واحد من المشرفين بيوزرات اللاعبين أو ان اللاعبين نفسهم ..

أهم شي لاعبين الهلال لا يسهروووووون وبس ..

ملوووكي · #9 31/03/2010, 01:11 AM

اكيد سبب قوي بعد

بس ياريت تطبق جميع بنود الاحتراف

شكرا لك

زعيم الميلانيلو · #10 31/03/2010, 01:16 AM

وقت موضوعك مو مناسب ورجاء اقفل الموضوع
مو ناقصين اشاعات يكفى خط البلده وشلتهم

بدربن فهد · #11 31/03/2010, 01:17 AM

الله وعلم بس صدقني المدرب ان شاء الله راح يعالج انحدار مستوا بعض العيبه

بعدين ياأخوان الدافاع اليوم مرررره سئ ولاتسون غياب المرشدي والزوري

وعلى العموم مبروك الفوز الحمدالله على الفوز ان شاء دوووم فرحتنا في فوز الزعيم

TOHFAH · #12 31/03/2010, 01:22 AM

يمكن يسهرون على زي أفلام يعاينون فيلم هندي

ياللبى لاعبين الزعيم كلهم

إن شاء الله اللاعبين والأداره بيصححون وبيعالجون الأخطاء
وحنا يالجمهور ماعلينا إلأ أننا نشجع وننطط من فوز الزعيم الله لايغير علينا

غصب اكون هلالي · #13 31/03/2010, 01:27 AM

ماعتقد ان هذا السبب

موسم طويل حققت فيه بطولتين والآن تلعب في البطوله الثالثه

بعض الاعبين ينزل مستواهم بس ان شاء الله لفتره وجيزه

والحمد لله الهلال عنده البديل اللي بمستوى الاساسي ويمكن افضل

دمـــــتم بـــــود