نادي الهلال السعودي - شبكة الزعيم - الموقع الرسمي - .:: قصيدتي بلعيبة منتخب الهلال السعودي ::.

بسم الله الرحمن الرحيم

السلام عليكم ورحمة الله وبركاته

مسآء/صبآح

آلزعآمه .. يآ زعمآء

هذي قصيده كتبتهآ بلعيبة نآدي ، بل بمنتخب الهلال السعودي

هذه قصيدتي أتركها بين أيديكم وأريد رأيكم

(بسم الخالق الإمام) (خالقنا ورازقنا بانتظام)

(الواحد الأحد السلام) له وحده نأدي العبادات

××

(جيت اليوم للهلال) (جيتكم من حايل الشمال)

(لعيون زعيمنا زعيم الكمال) جيتكم وأبي أعطيكم هالكلمات

××

(سلام مني لقايدنا عبدالرحمن) (أتمنى تكون بخير وإحسان)

(ويامعاند عبدالرحمن تراك خسران) ومعك راح ناخذ جميع البطولات

××

(وبعد عبدالرحمن نروح لنواف) (نواف منك العدو يخاف)

(نواف إنت وبس وغيرك نعاف) يا مؤدي الواجبات

××

(وبعدكم نروح لسامي الجابر) (والله على فراقك ماني بصابر)

(أحبك لو حطوني بالمقابر) أحبك يا كامل المواصفات

××

(وبعدها نبدا باللعيبه) (ومابهم شخصن نعيبه)

(كلهم مسنعين الكتيبه) (والبطوله منهم قريبه) يالبى قلوبكم يالطربات

××

(نبدا بالأخطبوط) (مخوف لعيبتهم كنك واقفن بسوط)

(إنت مرتاح وحارسهم دايم مقروط) لأنك زعيم الحراسات

××

(وبعده نروح لأسامه) (ياالعدو ترى في التأني السلامه)

(يالمهاجم ماراح تمر منه وراح ترجع بندامه) هذا أسامه ياجماعات

××

(وبعد هوساوي ماجد المرشدي) (إبن أبوه اللي من عندي يعدي)

(أوقفه برجلي ولا بيدي) أنا حايلي وفيني عادات

××

(وبعدها نروح للزوري) (إحذروا خيري مع شروري)

(أمر بركاده وهذا اللي محلي مروري) أنا الزوري وإشهدي يالكلمات

××

(ونلف لـ لي يونق الكوري) (يالعيبه أتحداكم تطلعوني من طوري)

(ماتهمني صقوركم ولو إنها طيوري) إي بالله كوري بالأصوات العاليات

××

(بعده نروح لرادوي الغالي ..) (محمد نور بسبته صار مثل الشغالي)

(كسر خشمه بيمينه ياحلالي) رادوي يامهجد قطاوه مهايطات

××

(وبعدها للجندي العزيز) (جندي إسمه خالد بن عزيز)

(الكوره ترجع من قدامه للتحفيز) خالد جعلك تدخل الجنات

××

(وبعده نروح لمحمد الشلهوب) (بحركاته وتعدياته دايم موهوب)

(والحراس بعد المباراة يشربون الشروب) شروبن ضد ذيك التدويخات

××

(ومن بعده نروح للذيب نيفيز) (اللعيبه قدامك يمشون بعكاكيز)

(أشدهم لاشافك جاه رماتيز) نيفيز تسلم ياصانع اللعبات

××

(ومن بعده نروح لشقى العيون) (نروح لويلهامسون المجنون)

(طلع بأسبابه في لعيبتهم قروون) ويلهامسون ترجع لنا بخير وسلامات

××

(ومن بعدها نروح للرايق) (نواف العابد ولعت فيهم حرايق)

(تسلم لنا يافايق) واصل واحنا وراك بالتشجيعات

××

(وبعدها وييييييين ؟) (بعدها لأبو عزوز الفطيين) (لياسر شيخ القحاطييين)

(جنن ونرفز كل المدافعييين) واتحدا الحراس يصدون الراسيات

××

(وبعدكم نروح قولوا لي وين) (لجيرتس والله نسيتنا كوزمين)

(الله يوفقك ويسعدك قولوا آمين) جيرتس بفضلك جبنا بطولات

××

(وآسف إذا بعضكم نسيته) (لكن وربي كلكم لعيبه)

(وبفضلكم مشت هالكتيبه) وصرتم مضرب بالحكايات

××

(اللي قالها عبدالعزيز ابن السمير) (هلالي إي بالله وأسكن الحفير)

(وما أبي عشان موضوعي خلاف يصير) وأبي رايكم بالكلمات

××

(وهذي فلسفه جديده) (كتبتها لكم على شكل قصيده)

(وكتبت بها كلمات عديده) والحين أترككم بحفظ رب السماوات

،،،،،،،،،،،،

وسلامتكم

أبي رآيكم الله لا يهينكم