برشلونه x أرسنال

اليوم شفنا المعنى الحقيقي لـ معنى كلمة متعه وفن , الفريقين قدموا مستوى خورافي
البرسا بالشوط الاول كان افضل بكثير , لكن مثل ماصار مع مانشستر امس الحظ ضده
ولم يستغل الفرص الحقيقه , من بداية المباراه والخوف واضح على لاعبين الارسنال
ارتباك اللاعبين وخصوصا خط الدفاع , المونيا كان نجم المباراه بدون منازع , رغم الهدفين
لكن بصراحه لايتحمل الهدفين , اخطاء دفاعيه بالجمله ..

نقاط متفرقه من المباراه , كـ رأيي الشخصي ,,,

ارسن خطأ بـ اشراك ارشا من بداية المباراه , ارشا للأسف صار سيء جداً والاصابات ملازمته,,

والكوت كنت اطالب فيه من بداية المباراه ,, لانك تلعب قدام البرسا فريق سريع جداً فـ لازم تجاريهم بنفس القوه والسرعه اذا تبي تفوز ,,

خطأ فيرغي امس تكرر اليوم مع بيبب للأسف , تبديلات خطأ , كلفتهم نتيجة المباراه ,,
اللي نفسي افهمه بيبب ايش يحس فيه يوم انه يدخل هنري !! ,, اللي كان المفروض يدخل توريه ,

خبرة أرسن هي اللي غيرت مجرى المباراه ,, اخيراً ,, الحكم كان سيء جداً للفريقين ,,
للأسف لم يوفق في قيادة المباراه ,, وحرمنا من اشياء كثيره بالاياب ,,,

بالنهايه ,, مدري هل اقول مبروك لـ برشلونه او مبروك لـ ارسنال ,,
صح ان برشلونه سيطر على المباراه ,, ولكن الارسنال يستحق الاحترام لأنه اثبت انه فريق كبير ,, وعدل النتيجه ,,

* توقعي الشخصي بعد مباريات اليوم : المتأهلين , ليون , بايرن , انتر , ارسنال ,
* ذا توقع لكن اللي اتمناه : بوردو , مان , انتر , ارسنال ,

موفقين راجع بعد مااشوف مطش الانتر اعاده مبروك انتراويه

لما تقول لواحد سألك وش يحببك في كورة القدم...قله مباراة الارسنال والبرشا...90 دقيقه ما اظن اني مليت دقيقه وحده منها...!!
برأيي ضيعنا المباراة بالفرص اللي ضاعت في الشوط الاول وبتكاسل الدفاع وربكتهم بعد الهدف الاول...!!
جوارديولا أفضل مدربي العالم برأيي ما ادار هذي المباراة بشكل صحيح كان متخوف من أي خطأ بالتشكيله..خاف يغامر بيايا توري العائد من غياب طويل نوعا ما مع انه كان الافضل بدل بوسكتس اللي كان صراحه صفر عالشمال في هذي المباراة..!!
وجود يايا يعطي الملك تشافي اطمئنان بأنه يتقدم ويصنع خصوصا بالغياب الكبير والارهاق لميسي...!!
ابرا قدم مباراة خرافيه وهدفه الثاني يدرس...!!
اتوقع بيدرو ما كان قد المواجهه كان مرتبك واذا مسك كوره يحاول انه يسحب ويكسب ثقه...!!

عموما الفريق قدم مباراة فنيه جيدا نوعا على الرغم من تبديلات جوارديولا الغريبه..ما ادري هو محلوف عليه يلعب الشايب هنري اللي رافع ضغطي طول الموسم ويطلع المولع ابرا وميسي الخيار الوحيد بهدف الفوز...!!

الفريقراح يتورط في الاياب...كرت احمر بيول..غياب بيكي...والاوكراني ما يلعب بالأبطال..!!!!!
ميلتو قدها...لكن الخوف من رافا اللي من رجع من اصابته وهو جايب العيد..ما يلعب الا وهو مسبب على الفريق هدف الله يعين....!!
بالتوفيق في الاياب والكلاسيكو من بعدها مع اني ما اتوقع نتوفق بوحده منها يالابطال يا الدوري

إقتباس ما دامنا نتكلم عن الكوتش ، ودي بس آعطي بوسة ع راس فينجر هاذا لا قالو لك خبرة السنين آستفاد من تبديل واحد و قلب نتيجة المطش !

بندر ... ترى فينجر هو السبب في التعادل ..

اولا الاعداد النفسي للاعبي القنرز زفت زفت زفت

داخلين المباراة وفيهم ام الركب .. خووووووووووووووف مو طبيعي .. مدري من ايش .. صح برشلونة ملعون صلايب ولو تفتح ملعبك معه = +18 خخخخ والوحيد اللي يلعب معه بتحدي هو مدريد واحيانا يلقمها بسبب هالشيء .. لكن !!

تغييرة أرشافين ونزول ايبويه غلط من وجهة نظري على الأقل .. المفروض ينزل والكوت من بدري خصوصا ان والكوت يتراجع ، ومع بداية الثاني اسحب سانيا ونزل ايبويه ، اصلا مدري ليه بادي بسانيا ( الجبان والتائه في الملعب ) خايف وبقوة هالخال .. سونغ رجع قلب دفاع وضاع معه فيرمالين ، وشفنا كيف اهداف البرسا كلها كلاكيت من بعض .. اللعب خلف الدفاع .. على فكرة احيي جوارديولا .. قرأ المباراة بين الشوطين 100 % ،البرسا كان يهاجم الكل بالكل .. ويبدأ بضغط رهيب وهالشيء ما نفع منها توفيق حارس ومنها ان ميسي مكتوم وبقوة ، لكن الشوط الثاني غير الاسلوب .. العب في النص واسحبهم والعب في ظهر الدفاع ، مشكلته انه اعتقد ان 2/0 انتهى المطش ، وهنا الغلط !! .

إقتباس وفيه إشاعه تقول إن فابري بيغيب عن كاس العالم

وخير ، اوكي فابري من اطلق لاعبي العالم ، لكن الروخا ما عليها ، مركزه فيه ( تشافي + انييستا + سيلفا ) والمدرب ديل بوسكي يعني ولا فرقت معاهم بشي

وجهة نظر على السريع قبل الاختبار .. دعواتكم

طيب يا شباب هل صحيح:

أن النتيجة الآن هي: 4 - 2 لمصلحة البرشا

يعني الهدف عن هدفين

ولاََّّ كيف ؟

إقتباس طيب يا شباب هل صحيح: أن النتيجة الآن هي: 4 - 2 لمصلحة البرشا يعني الهدف عن هدفين ولاََّّ كيف ؟

ما فيه شيء اسمه الهدف بهدفين ..

تحسب نتيجة المباراتين .. واذا كان مجموعها تعادل يشوفون من اكثر واحد سجل خارج ارضه وهو الفايز

إقتباس الرسالة الأصلية كتبت بواسطة Madridi ما فيه شيء اسمه الهدف بهدفين .. تحسب نتيجة المباراتين .. واذا كان مجموعها تعادل يشوفون من اكثر واحد سجل خارج ارضه وهو الفايز

إقتباس الرسالة الأصلية كتبت بواسطة محب الذئب9 ^^ مافي شي اسمة الهدف بهدفين خلاص انتهى النظام هذا .. مجموع المباراتين الفايز فيهم يتاهل واذا تعادل في مجموع المباراتين .. فية حالتين الاولي اذا كانت نفس النتيجة تماماً في " الذهاب و الاياب " وهنا يكملون المباراة اشواط اضافية .. والثانية اذا كان مجموع الاهداف متساوي بس النتيجة تختلف يشوفون افضلية التسجيل على ارض الخصم ويتاهل من سجل اكثر على ارض الخصم .. وان شاء الله وصلت ..

الله يعطيكم الف خير

على هالمعلومات اللي ريحتني كثيييييييييييييييير

وبالتوفيق للأرسنال

شكرًا لكم ..

1. خافيير زانيتي (انتر): "كان بامكاننا تسجيل 10 اهداف امام سسكا موسكو امس ولكن الحظ لم يحالفنا".

2. فينجر (ارسنال): "برشلونة فريق غير عادي, ولكن يمكننا الفوز في الكامب نو".

3. والكوت (ارسنال): "شعرت انني العب امام فريق بلاي ستيشن يصعب ايقافه, وعلينا تسجيل هدف مبكر في مباراة الاياب لارباك لاعبي برشلونة".

4. ستانكوفيتس (انتر): "واثقون من التأهل الى الدور نصف النهائي".

هذا اللي حصلته شباب من الصحف

،،

نصف النهائي بين الآنتر والبرشا ..

يعطيك العافيـة

،،