|
ياااويلك ياانامي ؟!! ما دعاني للحديث عن محمد نامي قبل المباراه المهمه .. هو ان اغلب الجماهير في كل مباراه يلعبها نامي ومع اول كوره يلمسها، تبدأ بإطلاق صافرات الاستهجان وصيحات السخط حتى لو لم يخطئ هذا اللاعب المغلوب على امره . وفي حالة الهزيمه او التعادل يمتلئ المنتدى بمواضيع يبدع كاتبوها بالنيل من محمد ويؤلون كل خطأ بالمباراه انه هو من تسبب به .. حتى لو اضاع الفريق 3 ضربات جزاء .. لن يسلم نامي من مقص الانتقاد والانتقاص رغم انه يقدم كل ما يملك لخدمة الفريق .. وانا هنا لا ادافع عن نامي ..بل سأتحدث بمنطق العقل وبكلمة الحق وسوف يكون حديثي من ناحيتين : اولاً: س/ ماهو مركز نامي الاساسي قبل ان ينتقل للهلال؟! هل تعلمون ان مركزه الاساسي لاعب وسط ايمن .. وقد انتقل الى الهلال على هذا الاساس .. ولكن بعد ما انتقل تفاجأ .. بوضعه في مركز الظهير الايمن .. ولم يتملص الرجل من هذا التكليف .. بل تحمل المسؤوليه ولعب مباريات كثيره قبل قدوم (( لي يونغ)) .. ولو لم يكن يوافق على اللعب بهذا المركز لأحتار الفريق في اختيار من يلعب بهذا المركز .. وانا هنا لا اقول عندما لعب كان افضل ظهير بالدوري .. بل كان يعلب حسب امكانياته وشخصياً .. ارى ان نامي ممتاز جدا في استلام الكوره وتسليمها .. وجيدجدا في الدفاع .. ولكن ليس لديه امكانيه في لعب العرضيات .. وهنا لا يمكن ان نلومه .. لان هذا ليس بمركزه .. بل يجب علينا شكره على ما يتحمله من نقد ولازال يلعب في نفس المركز وكيف يجتهد كثيراً في ارضاء الجمهور.. ولدي قناعه تامه لو تم اعادة نامي لمركزه الاساسي (( وسط ايمن)) .. لأصبح لاعب خطير . ثانياً : لو واجه المبدع (( لي يونغ )) النقد والتجريح .. الذي واجهه نامي .. لترك الهلال بعد اول مباراه او انه سوف ينخفض مستواه الى ان يطرد من الفريق .. فالمعروف ان اللاعب اذا ارتفعت معنوياته يظهر كل ما لديه من امكانيات ..والعكس صحيح .. ولكن ما اراه من نامي رغم ما يواجهه من استهجان داخل الملعب ونقد لاذع خارج المعلب .. لازال اللاعب يجتهد حسب امكانياته ويقدم مستوى اكثر من جيد .. ولكن الجمهور مهما يحدث داخل الملعب لا يرى الا ان نامي هو سبب الخساره دائماً .. وهذا ظلم والله لا يرضى الظلم . والامثله كثيره .. فكم من لاعب يطرد بدون سبب و اخر يضيع ضربة جزاء ولكن اللوم لا يقع الا على نامي . اخيراً: انا والله العظيم لا اعرف نامي سوى عن طريق الهلال .. ولكن هذه كلمات حق تدور في صدري منذ زمن وأحببت ان انقلها للجمهور العاقل . وسبحان الله اليوم كنت اقرأ مقابلة ((شبكة الزعيم)) مع اللاعب (( لي يونغ )) .. وسأله الاخ ابراهيم خواجي هذا السؤال: :: الآن وبعد أن أنسيت الهلاليين معضلة الظهير الأيمن التي استمرت لسنوات طويلة هل ترى أنك قدمت مايرضى الهلاليين؟ فأجاب: صدقني إلى الآن لا أعرف لماذا أشارك ومحمد نامي موجود , عندما تعاقد الهلال معي والتحقت بالمعسكر وشاهدت نامي أصابني الذهول لماذا أنا هنا ونامي موجود؟؟!! فنـامي لاعب لدية فكر ومهارة وسريع البديهة بالإضافة إلى أنه منضبط في التمارين ويشارك بجد في تطبيق تكتيك المدرب من خلال التمارين اليومية ومااستشفيته من أخبار بأن لديه بعض الأخطاء جعلت الجماهير تغضب عليه كثيرا ,فكل لاعب يخطي وأتمنى أن لا نعظم تلك الأخطاء. (( هذا كلام لي يونغ .. وليس كلامي )) . فهل تكفون عن الانتقاد اللاذع ؟! بعد هذا !! ::: تحياتي لكم / نواف النفيعي:rose: ::: |
أكيد كان وسط أيمن ؟! .. متأكد ! .. ليش الهلال جابه بذاك الوقت وهو وسط آيمن اعتقد أنه جاي على اساس انه ظهير .. وآتذكر الصفقه إنه كان ظهير ! |
نامي صراحه لاهو لاعب ممتاز ولا لاعب سيئ احيانااا يبدع واحيانااا له هفوات من ناحية الدفاع اعطيه 80% اما من الناحيه الهجوميه وخاصتااا عرضياته فهي لاتتجاوز 25% وبالتوفيق له وباذن الله يبدع ويكون قد المسؤليه غداااااااااااااا |
انا نفس الكلام اعرف انه وسط ايمن والي يلاحظ تقدم نامي احيانا يوصل للباب وعنده سعره في الانطلاقات عند تقدمه احيانا لمساندة الهجمات تحس انه جناح واتذكر كم هجمه له ضد النصر عندما تلاعب ب ايدير وهدفه الي بعده رقص رقصته الي ما ادري وش تبي عموما بالتوفيق له واتمنى انه يثبت وجودهـ وان صح الكلام ان هذا مو مركزه الأساسسي اتمنى إعطاءه الفرصه واللعب في مركز الجناح الايمن اخوكم سلطان |
صحيح محمد نامي كان وسط يمين لكن يوم جاء الهلال لاعبوه ضهير عاد وش نسوي ماعندنااا ضهيررر مشكووووووووووور والله يوفق الهلال ومحمد نامي |
الله يعطيك الف عافيه اخي العزيز نواف النفيعي بارك الله فيك ,, وكلامك سليم بخصوص نامي ومركزه الأساسي وسط ايمن ,, لكن يبقئ نامي لاعب لايجيد الارتقاء ولا الاوفراات الدقيقه ,, وخير دليل هدف هزازي كان خطاء فادح من الاعب محمد نامي ,, عموماً افضل ابقئ نامي على دكة الاحتياط والاستفاده منه كظهير او وسط ايمن ,, الف شكر اخي العزيز نواف النفيعي موضوع راقي سلمت يمناك ,, تحياتي لك ,, |
نامي يبدع في المباريات الخارجيه .. اذا ابتعد عن جماهير الاحباط ..المشكله جماهير ما تحضر واذا حضرت حطمت اللاعبين .. يعني لا خيرها ولا كفاية شرها . وحسب معرفتي ان نامي ليس مركزه الاساسي ظهيرايمن في الانصار مع العلم ان يلعب في اكثر من مركز . يعطيك العافيه وبالتوفيق للزعيم ان شاء الله . |
نامي لاعب جيد ولا كن تنقصه بعض الخبره ... لو ان نامي مو لاعب جيد كان ماجدد له الهلال لان الهلال يعرف من الهو الاعب الذي يستحق النادي ... بالتوفيق لنامي وبالتوفيق للزعيم وباذن الله 3 نقاط |
صحيح كلامك والمشكله بعض الجماهير تطير بالعجه والدليل المباراة الأخيره اللي فاز فيها الهلال ولعب فيها نامي واذنها قدام الشباب كان نامي احد نجوم المباراة الأوائل ولكن ماسلم من التجريح ينتقدوه ليس للعبه وانما للتجريح نامي يملك موهبه نستطيع تنميتها وممكن بدعم الجمهور يتطور ويصبح افضل اي لاعب بالله بيبدع في ضل استهجان من قبل الجماهير؟؟؟ اتمنى الوقوف مع نامي ليس لنامي ولكن للهلال ومادام انه لاعب يحتل ثقة الإداره والجاهز الفني فعلينا احترامه مهما كان سوء لعبه لو كان يلعب برجل واحد المفروض نثق فيه ليش لأن منهم قريبين منه يثقون فيه |
يآإحسسرة قلبي يآنآإمي وآلله يوآإجه آنتقآإدـآإت مرهـ قآإسسيه مآقد شفت آحد بآلمنتدى يمدح نآإمي يآنآإس لـآتركزوووون على سلبيآته وعيوبه بس ركزوآ على إيجآبيآإته وحسنآإته بعد وبعدين حتى لو مآآرتفع مسسستوآإهـ محد بيلووووومه مآإيششوف آحد يششجعه وينتقدهـ نقد بنـّآإء آلجمآإهير مآإخلت فيه شي وفعلـآإ لوو نآإمي لعبه مب ززين كآإن آلهلـآإلـ مآجددوآإ له ~> خفوآ شوووووووووووي يآجمآإهير على نآإمي ..~ |
اي والل حتى انا اعرف انه وسط يمين والهلال جابه يوم راح مسفر القحطاني صار الهلال في ازمه في الظهير الايمن وجابوا نامي وصدقوني ياجماهير الزعيم لو ما تنتقدونه راح يقدم مستوى احسن كذا شوفو عبيد الشمراني وش سووله جمهور الاتحاد والحين نززل مستوااه من الجمهور |
ياشباب نامي ليس باللاعب السيئ ولكن مستوى لي يونغ افضل من اي ضهير سعودي موجود حاليا وجميع الاضهره السعوديين يفتقرون للمهاره لذلك نامي في رايي ليس بالسيئ اذا وكل له مهام دفاعيه والله يوفق جميع اللاعبين :alzaeem: |
أولا يسعد مساك ثانيا أعتقد إنو نامي لاعب محترف في الزعيم ومايحتاج أحد يبرر له إن أخطأ وإنت لو تلاحظ معي وين كان يلعب المحياني سابقا والآن وين كما يعاب على نامي العرضيات والمراقبه وأخيرا بالنسبه لي ماأقتنعت بنامي ييم بس بكره بنصبر ونشوف |
ليش صافرات الاستهجان على هالاعب وانا شفت مباريات لنامي كاس فيصل بن فهد كان الجمهور يرفع من معنوياته وانت تقوول ان محمد نامي كان وسط ايمن ترى خالد عزيز كان ظهير ايمن وصار محور ومستواه متميز حنا مانسب ولا نكره نامي لكن هذا هو الحال هذا مستواه اتمنى بصراحه انه يتطوور في مباراة الهلال والاهلي لان هذي فرصته الوحيده وياليت تبعدونا من مواضيع نامي الى بعد المباراة الهلال في مباراة مهمه والحين اغلب المواضيع عن نامي ولكن كلمة الحق تقال ونبي نامي يسحن عرضياته تقبل مروري (وجهة نظر يجب ان تحترم) |
ياخي نامي متفائل فيه بقوه ... وأحسن أنه يا بيبيض الوجه أو يقلب الطاوله علينا ^^ نامي روح القلب داعيلك ...! كني أشوف نامي أذا احد سحب فيه تعلق في فنيلته .. وكرت أصفر بالمجان .. الله يستر |
| الوقت المعتمد في المنتدى بتوقيت جرينتش +3.
الوقت الان » 09:04 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd