|
يعطيك العافيه على هالموضوع المميز ., انت بكذا كنك تقول اعذروا جمهور الرياض .. او كنك تجيب لهم اعذار عشان يتمسكون فيها ., اخوي حنا ما ننكر جمهور الرياض .. ولولا الله ثم جمهور الهلال او جمهور الرياض لما تحققت نصف بطولات الزعيم ., جمهور الرياض في النهائيات ما عليه كلام .. جمهور يبيض الوجه .. وطبعا اكيد مع مساعدة من جماهير المناطق الاخرى ., اخوي .. انت تقول بعد الاستاد وامور تنظيمية .., اوكي كلامك صح .. بس ياخي على قولة المثل (( اللي يبي الدح لا يقول اح )) ,, ياخي احضر وخل نيتك مساعده الزعيم بأي شكل من الاشكال .., ياخي حنا من الشرقيه .. والله نحضر نص مباريات الدوري اللي في الرياض .. وطبعا مباريات الكؤوس وغيرها نحضرها كلها .. بمعدل اسبوعيا نحضر في الرياض وحنا من اهل الشرقيه .. وكل هذا لعيون زعيمنا .. والله ويشهد على كلامي تركي الهديب عضو مجلس الجمهور او محمد العبيد .. هم يعرفوننا شخصيا .. انتوا تستخسرون مشوار وبعد الاستاد ,, وحنا كل اسبوع من الشرقيه نحضر المباراه وبعدها نرجع الشرقيه .. ما قلنا الرياض بعيده .. او مالنا خلق على المشوار ,, ياخي نحضر لو نسوي المستحيل .. والله والله والله اكثر الاحيان نستأجر سيارة ونحضر .. ويللا عليك الحساب تكاليف الايجار اليومي .. وحساب الكيلو من محل التأجير .. وغير التذاكر .. وحنا نمشي من الظهر او الصباح .. يعني وجبة غداء ووجبة عشاء .. ومع كل هذا وربي ما نقول خسارة .. وربي بالعكس .. نستانس عشاننا نحضر ونساند الزعيم ., وكل مباراه نمشي على الاقل سيارتين واكثر ., وبعض الاحيان نطلع من جامعاتنا وطوالي نحرك ونمسك الخط للرياض .. وبعد المباراه نكون تعبانين وناخذ شقة ., ومصاريف الشقه .. ولا تتوقعون وتقولون ان حالتنا المادية مثلا ممتازة ,, لا والله ماهي ممتازة .., الحمدلله على قد اللي عطانا ربنا .. وربي بعض الاحيان لو توصل ان حنا نتسلف .. ما عندنا مشكلة .. اهم شي الزعيم .. ياخي يومنا كله لازم يمر نصه او اغلبه وانت تتكلم عن فريقك وعن معشوقك .. يعني ماله داعي يجيني واحد ويقول لا تخسر نفسك ,, الا بخسر وبخسر وبخسر ,, دام فرحتي واللي مالي دنيتي وناسة واللي مخليني افتخر عند الكل اللي هو الهلال يفوز ويعطيني بطولات .. والله لاسوي عشانه المستحيل .. وانا مو قصدي اني اقول شوفونا ندعم او كذا ,, لا والله .. بس نبغى تضحيه .., جمهور الرياض .. حطوا في بالكم ناس من مناطق اخرى تحضر اسبوعيا للرياض .. وانتوا بالرياض وتستخسرون بعد الاستاد ,, انتوا تقولون مشوار ساعه او ساعتين رايح وجاي ومستخسرينها .. وحنا 3 ساعات ونص رايح و3 ساعات ونص راجع .. وفداك يا هلال .. ولو يطلب زعيمنا اكثر راح نلبيه وحنا رافعين رووسنا ,, لان هذا الهلال ,, اقصد .. هذا نادي القرن وزعيم اسيا ,, يعطيك العافيه اخوي .. واسف على الاطاله .. وياليت ردودنا يقراها اغلب الاعضاء .. لكي تكون وجهات نظر مختلفه .. لعلها تفيد الغير .. او حنا نستفيد من الغير ,’ الله يوفق هلالنا .. وارجع واكرر شكري وتقديري لجمهور العاصمة .. ترى مالنا غنى عنكم ., |
لك كل الشكر والتقدير والإحترام ومزيدآ من الإبداع والتألق . وبالتوفيق لزعيمنا في معتركه الآسيوي . |
ألف شكر على هذا الجهد الرائع وانا كنت اتمنى ان يناااااااقش هذا الموضوع خصوصا بعد إحصائيات الزغبي والتي اكدت أن الهلال هو الاكثر شعبيه في المملكه ولكن اتمنى من جمهور الهلال المتواجد في الرياض المسانده والحضورلان الاعبين يستحقون منى الوقوف في الفوزوالخساااااره وايضااااا:: يجب ان نشاهد جمهور النصر وفريقه لم يحقق اي بطوله خلال العشر سنوات الماضيه ومع ذلك تجد الحضور والموازره وليس الحضور لمشاهده نجم وإذا غاب لم يحضروووا ولكم الشكر وبالله التوفيق |
كلام في الصميم أخوي أبو فهد كلام واقعي ويا ليت نشوف بعدها ردة فعل من الجمهور الهلالي الكبير والعريق وخصوصا جمهور الرياض... يا ليتني من أهل الرياض وأحضر كل المباريات والله والله لو أجلس بالمدرجات لحالي .. |
الصراحة كفيت ووفيت ما قصرت وهذي كلها مشاكل لازم تحل وخاصة ترقيم المقاعد في الاستاد و اسلوب الامن في الاستاد وشكرا |
جمهور الرياض السبب في كل هذا تبي الدليل شوف جمهور الشرقيه شوف جمهور مكه شوف جمهور القصيم شوف جمهور جده في اخر مباراة شوف جمهور الاحساء ي اي مدينه شوف جمهور الهلال في كل مكان عدا الرياض صدقني لو كان الهلال في اي مدينه غير الرياض كان تشوف الملعب فل |
كلآمك رآآآئع جدآ وحلولك مقنعه وخآآصه آهل المقآهي والإسترآحآت يعني رآيح رآيح ودآفع دآفع آحضر للملعب آآحسن لك وتكسب دعم لفريقك = سآهمت في إنتصآر الفريق آمآ آستآد الحلم آآآهـ وآلف آآآهـ حلم كل مشجع هلآلي آنآ مع آني بنت إلا آنني آتمنى تحقيق هذآ الحلم لآنه سيعود بالنفع الكثييييييير لنآدينآ وآيضآ يسآهم في تشجيع وتحفيز آكبر لحضور الجمهور يآليت الآمير عبدالله بن مسآعد يستعجل شوي لآن ع كلآمه إذآ سآرت الأمور على مآ يخطط لهآ نهآية الموسم القآدم يبدأ بنآء ذلك الآستآد |
ماشاء الله تبارك الله اخوي ابو فهد على هذه الاحصائية وهذا المشاركة الرائعة بكل صراحة قرأت مشاركتك وانا اتمنى من الجمهور هلالي ان يقرأ ما خطه اناملك فأنت اوجزت كل الاسباب والمسببات في عزوف بعض الجماهير الهلالية عن الحضور في المباريات .. وقسها على ذلك تعامل الموظفين المسئولين عن الملعب .. وايضا قسها على ذلك حضور الجماهير في المدن الاخرى عندما يكون الطرف المقابل هو الزعيم انا اعتقد وهذا من وجهة نظري انه كما قلت انت اخي ابو فهد هو ان السبب الوحيد لعزوف الجماهير هي سوء التنظيم والعاملين في هذا الاستاد تحية وتقدير لجهودك اخوي وعساك على القوة |
مشكور أخوي فهد وفيت وكفيت لكن أقولها وبكل صراحه أستاد الملك فهد أكبر من اللازم وفي نظري أنه أفشل ملعب في الخليج ياخي شوف ملاعب قطر والامارات وربي ترفع الراس فأنا من وجهة نظري أن السبب في عزوف الجماهير كبر الاستاد أكبر من اللازم وبعد المسافه تقبل مروري ودمت بود ,,,, |
ابو فهد الهلالي بصراحه عشره على عشررررررررررررررررررررررررررررررررررره اشكرك من اعماق قلبي على هذا الطرح الجميل وموووووضوع متعوووب عليه ويستاهل التفاعل معه نفس اللي بقلبي كأني مسووووووووووووولفه عليك اتمنى اتمنى اتمنى اتمنى اتمنى التفاااااااااااااااااااااااااااااااااااعل وبقوووووووووووووووووووووووووووووووووووه مـــــــــــــــــــــــــــــــن الأدااااااااااااااااارهـ موضوع شامل عن جميع المشاكل في نادي الهلال اشكرك اشكرك من اعماق اعماق اعماق قلبي تقبل تحياتي |
يا هلا بك يابو فهد :) موضوع مهم الصراحة وتكلمت في كل النقاط ولم تترك اي نقطة !! انا شخصيا اعاني من عدة امور عند الذهاب الى الاستاد منها التعامل السيئ من الامن والتفتيش الدقيق الذي لا اتعرض له في المطارات !! وثانيا تخيل في مباراة التتويج مع الاتفاق كان جالس ورائي واحد طول المباراة وهو يسب ويلعب وهي مباراة تتويج !! والاكثر فضاعة انه ما يعرف حتى اسامي اللاعبين مثل رادوي يسميه ردوي وولي يسميه الاجنبي ابو شعر اصفر !! والالفاظ ماقدر اقولها هنا لكن كل كلام بشع ممكن ان يصدر في حق لاعب وحتى ام اللاعب نفسه لم تسلم من هذا الكلام !! ايضا لما تنزل تاخذ لك تصبيرة واي مشروب يتم منعك من الدخول بها للمعب بالاضافة الى امور كثيرة وعديدة ذكرتها كاملة في موضوعك !! وبعد نهاية المباراة تخرج من حدود الملعب وتلاقي المرور مقفل اغلب الطرق الي تسلكها وما عندك الا طريق واحد لازم تجي منه وياخذ من وقتك قرابة الساعتين حتى تصل لبيتك هذا اذا كان قريب البيت !! انا شخصيا وفي هذا الموسم كان اكبر حضور لي منذ قدومي للرياض من عدة سنوات وما فاتتني الا مباراة النهائي مع الاهلي لاني كنت وقتها بجنوب المملكة !! لكن مثل ما تكرمت اعتقد ان الملعب الهلالي الخاص هو اكبر حل لان ادارته هلالية الوجميع راح يرغب في الحضور وان تكون مدرجاته مقدرة ولا يبالغ في زيادة السعة الجماهيرية للملعب !! وفي الاخير ماقدر اقول الا الله يعطيك العافية على هذا الموضوع المهم واتمنى ان نرى تجاوب ممن يهمهم الامر :) شكرا لك |
مشكورين وبالتوفيق للهلال...................................................................................... |
الحل تكون مباريات الهلال في الادوار التمهيديه في اسيآ على الملز وكذلك مباريات الدوري والمباريات الي في الادوار النهائيه تكون في استاد الملك فهد الملز دايم الحضور فيه كبير وراح تشوف مباراة الفتح القادمه |
بسم الله الرحمن الرحيم اشكر ابو فهد على الاهتمام والجهود الطيبه واتمنا له التوفيق بالنسبه للحضور اود المقارنه الدور الاول والدور الثاني ستجد ان حضور الجمهور في الدور لاول اكثر من حضور الجمهور في الدور الثاني او في اخر المباريات من الدور الثاني تقريبا لان مباريات الهلال كانت الدور الاول في الملز واقرب الى الجمهور اما استاذ الملك فهد يكون يعيد عن البعض الجماهير وهذا الملاحض في اخر المباريات الهلال في اسيا او الدوري . اما بالنسبه للرابطه فلا نرى منها اهتمام اواهزيج جديده فنحن نسمع الاهزيج من بداية الدوري لم تتغير وهذا عدم اطراب الجمهور والتحفيز لهم الاحضور كما نرى في الاتحاد والنصر . اما الملعب الخاص فأتمناء ان يكون اكل نادي ملعب خاص زي الدوريالانجليزي . وفي الختام اتمنا لي ابوفهد التوفيق |
يعطيك الف عافيه ياخي كلامك صحيح والمفروض الكل يعرف انه مستحيل في مباراه دوريه في ابطال اسيا يكون الحضور 60 الف !! ملعب الهلال هو الحل وتكون سعته كما تفضلت بين 50 - 40 الف متفرج وخدمات مميزه الحل بعد هذا المجهود الجبار هو ايصال هذا الموضوع الى سمو الامير عبدالله بن مساعد |
| الوقت المعتمد في المنتدى بتوقيت جرينتش +3.
الوقت الان » 01:10 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd