موضوع مفصّل شامل عن عزوف الجماهير الهلالية (أسباب + حلول واقتراحات + إحصاءات ودراسات) ورسالة عاجـلة لمن يهمه الأمر!!! - صفحة رقم 4 - نادي الهلال السعودي - شبكة الزعيم

alzaeem-sultan · #46 27/03/2010, 12:37 AM

اتمنى لو كان الهلال في مدينه ثانيه غير الرياض لانه جمهور الرياض لايحضر بفعاليه بعكس جمهور باقي المناطق

المتميز دائمآ · #47 27/03/2010, 12:45 AM

أشكرك على الموضوع يالغالي

وأنا من القصيم والمباريات المهمه أحضره مع بعض الأصدقاء

لكن بعد مباراة الهلال والأهلي الاماراتي حرمت إني أحضر

بعد اللي شفته ويتلخص بثلاث أشياء :

1 - التدخين .... قدامي واحد طول المباراة يدخن وبعد جنبي واحد يدخن وإنزعجنا من الدخان إلى أبعد حد .

2 - الموسيقى بين الشوطين وقبل المباراة .

3 - التلعين والكلام القذر اللي نسمعه من بعض الشباب .

وأعجبني من كلامك هـالأشياء هذي وأنا أوافقك فيها :

إقتباس


	6- رداءة الخدمة في الملاعب السعودية عموما ، فعلى سبيل المثال تحتاج أن تحضر مبكرا كي تحجز مكان مناسب ، وإذا حضرت باكرا كيف تصلي ؟؟ وإذا أردت الصلاة فهل تؤديها بشكل صحيح وبجميع أركانها ومنها "الطمأنينة " التي لا تحقق مع أصوات الجمهور وطبول الرابطة هذا إن لم تشغل إدارة الملعب موسيقى صاخبة !!! وتحتاج (أكرمكم الله) أن تقضي حاجتك قبل المباراة لبشاعة دورات المياه ، وتأكل جيداً لأنك مقبل على ساعات تجلسها ولا تجد فيها ما تأكل إلا أشياء تسد النفس وبخدمة رديئة ومخجلة ، وتحتاج إلى علبة مناديل كاملة كي تنظف الغبار والأتربة على كراسي المدرجات ، يعني باختصار كأنك ستسافر وعلى باص خط البلدة ... 8- انتشار بعض التقليعات داخل الملاعب وسوء أخلاق بعض المشجعين والتدخين بشكل مقزز بحيث يدخن وينفخ في وجه من هو بجانبه ، فكيف ستصحب معك أخاك الأصغر أو ابنك ومن يجلس بجوارك لا يسكت من كثرة الشتم واللعن ويسمي نفسه مشجع يدعم الفريق واللاعبين بلعنهم وقذفهم !!!

الآسيـ الحوت ــوي · #48 27/03/2010, 12:48 AM

## ... كتبت فأبدعــت ...##

وأهم نقطة في رأيي ...::

- انتشار بعض التقليعات داخل الملاعب وسوء أخلاق بعض المشجعين والتدخين بشكل مقزز بحيث يدخن وينفخ في وجه من هو بجانبه ، فكيف ستصحب معك أخاك الأصغر أو ابنك ومن يجلس بجوارك لا يسكت من كثرة الشتم واللعن ويسمي نفسه مشجع يدعم الفريق واللاعبين بلعنهم وقذفهم !!!

==========

تحيتي لك ...!!

فوتوغرافي الزعيم · #49 27/03/2010, 12:49 AM

يعطيك العافيه اخو ابو فهد على الموضوع الاكثر من رائع

مجروح الهلال · #50 27/03/2010, 12:50 AM

يارجال الحل انا اقولك واختصرلك
اول شيء مجلس الجمهور الهلالي للاسف مازال يجتهد لكن اجتهااد بطيئ
انظر لجمهور النصر والترتيب والتنسيق افضل بمراحل

ثاني شيء ياسر الطلاسي ليس برجل خارق حتى يتحمل هو لوحده كرئيس مجلس جمهور و البقيه متعاونين
لماذا لايتم تعيين اثنين مساعدين من النـــادي ويتم توزيع المهاام والاشراف
فيااسر وبصراحه من خلال مايعمله احسه مركزي لأبعد درجــــه وكأنه لايريد احد ان يشاركه صفه الرسميــه من النادي
رئيس النادي وله نائب
فما بالك برئيس المجلس الهلالي وعلى مااعتقد يشغل منصب اخر في النـــادي
فيجب التحرك سواء من الاستاذ ياسر ولا من النادي لتعين مساعديين لــه

ثالث شيء تفعيل الرابطه بشكل افضل ,, وزرع طريقه التشجيع بالجمهور الهلالي
من السخافات بالمنتدى يجي الواحد يقول مانبي رابطه نبي تشجيع جماعي مثل اول
المشكله تحصل هالشخص قديم وقبل الرابطه يمكن ماحضر مباريات للهلال
ولا يعرف انه سابقا جمهور الهلال كان ابرد واهدأ من الوقت الحاالي
ينتظرون فزعات فواز الدوخي ولا ابوصهيله ولا بعض المجتهدين بالمدرجات اللي يحركون الممدرج
عشر ثواني ويسكت نص ساعه

رابع شيء يكون فيه آليــــه لعمل الرابطه فليس من الطبيعي ان تجتهد من قبل المباراه وفي اولها وتهدأ في الاخير
تقسيم وتوزيع التشجيع على فترات خاصه على روساء الرابطـــه

هنـــاك خلل وخلل واضــح للأســــــــــــــــف ومازلت احمل مجلس الجمهور الهلالي هذا الشيء
تخيل ثلاثين متعاون ورئيس ررسمي موفوض من النــادي ؟؟؟؟
لامســاعدين رسميين ولا شيء

هلاليوووو · #51 27/03/2010, 12:51 AM

كفيت ووفيت يابو فهد .. جبت كل الاسباب وحللتها بشكل بسيط .. حرام مثل هذي المواضيع ماتاصل لعبدالرحمن بن مساعد او سامي ...

فعلا شي مقرف ويجيب الهم لما مثلا اضطر اجي من الساعه اربع ونص العصر في مباراة نهائي والله بس علشان اخذ محل زين ..!! ياناس معقوله ..؟؟ قسم بالله قاعد اشوف مباراة الانتر وتشيلسي الاخيرة , الى وقت دخول اللاعبين يسخون بوسط الملعب والمدرجات مافيها الا كم واحدن مهبول ... !! كل هالأمة اللي بالملعب وصلوا ودخلوا قبل ربع ساعه من المباراة ...

شي يرفع الضغط ويجيب الهم فعلا ....

اما مسألة الاختناق المروري بعد المباريات وخصوصا اللي بالاستاد هذي لحالة مأساة ...

باختصار ,, كل اللي قلته في الصميم .. وحاليا ,, واقصد بالوقت الحالي وبهالفترة ,, انا اشوف افضل الحلول هو ان كل المباريات اللي تخص " الهلال" وتكون تحت مسؤوليته لابد تكون بالملز .. مثل مايقولون ,, هذا " ازين الشين " ... والاسباب هي اللي انت ذكرتها .............. الى ان يحلها ربك ..

لابد ياصل هذا الموضوع للمعنيين .... تحرررررررركوا ترى حامت تسبودنا ...

mmk76 · #52 27/03/2010, 12:52 AM

لو فيه ملعب زي الناس انا مستعد اشتري تذكره لمباريات الهلال لكامل الموسم مقدما

مهوب الملز تحس انه بيطيح فيك ولا خدمته اللي مثل قلتها

ولا درة الملاعب <<< الله لا يخسرنا والله ماتحس انك في الملعب ولا تدري باللي في الملعب كنك تتفرج على تلفزيون 10 بوصه وحاطه باخر الغرفه لا ومقصر على الصوت مافيه تفاعل والله عذاااااااااااب

بس وش نسوي هذا الهلال <<< الله المستعان

N K O O S · #53 27/03/2010, 12:54 AM

ياليت يكون ارقام للتذاكر للكراسي

أمير الظـلام · #54 27/03/2010, 01:00 AM

تشكر ياستاذ ابوفهد على الجهد الجبار

وحرصك وغيرتك على النادي الاكبر على المستوى الاسيوي

السهم الياسري20 · #55 27/03/2010, 01:03 AM

يعطيك العافيه على الموضوع
ومانبغى دخول مجاني وماعندنا مشكله ندفع للنادي لكن السؤال.. هل النادي يرضى يأخذ منا.......؟

شمس الهلال 1 · #56 27/03/2010, 01:03 AM

التشبع

إنه التشبع والله من البطولات ولإنجازات..والحقيقة جماهير الرياض

ما ينغزابه والمواقف كثيره ودك تقام مباريات الهلال بالشرقية وإلا بالقصيم أرحم

والسلام عليكم ،،،

وربي هلالي · #57 27/03/2010, 01:05 AM

حقيقه اشكرك اخوي ابو فهد على الموضوع الرائع جدا والرقي في التعامل مع الموضوع الحساس والنقاش بمحاور جدا مفيدا
وأيضا اشكر كل اللي علقوا على الموضوع وبصراحه تعليقاتهم لا تقل جمالا عن الموضوع الإساسي
ماأقدر اضيف شي ابو فهد والأخوان اللي علقوا على الموضوع كفوا ووفوا ووضعوا جميع الحلول والإقتراحات اللي في خاطر جماهير الزعيم

شــجــاع · #58 27/03/2010, 01:06 AM

بيض الله و جهك يا أبو فهد كل اللي في خاطري موجود في الموضوع و أكثر ..
كل ما أتمناه أن يصل الموضوع كاملا للإدارة و أعضاء الشرف ..
نقطة أخيرة أو اقتراح لإدارة الهلال :
لماذا لايتفق رؤساء الأندية المتواجدة في الرياض على لعب جميع المباريات في الملز أو على الأقل مباريات البطولات الخارجية
و يخصص استاد الملك فهد للمنتخب و نهائيات الكؤوس مثل ملعب ويمبلي في انجلترا ؟؟

أخيرا ألف شكر لك على موضوعك المتميز و جهدك الكبير و ننتظر المزيد ..

م - أحمد الفيفي · #59 27/03/2010, 01:11 AM

موضوعك جدا مهم بعض الجماهير ما يحترم اللي حواليه تلقاه يدخن ويسب ومن وجهة نظري انها مسألة عدم وعي بكيفية احترام الغير وبالنسبه للرابطه لو كان فيه رابطه أقوى من الحاليه صدقني راح تشوف الحضور كيف

لك شكري

لعيون الكاسر · #60 27/03/2010, 01:11 AM

يعطيك العافيه على الموضوع واعجز عن الرد عن الموضوع

مشكوور وتحياتي لكــ