|
هكذا يكون الهلال مرعبا في الرياض !!! بسم الله الرحمن الرحيم الحمد لله على كل حال وعسى أن تكرهوا شيء وهو خير لكم تعادل بطعم الخسارة بصراحة تذكرت أيام كوزمين اللي لما الفريق الثاني يصك دفاع مانقدر نسوى شيئ !!! أتمنى بعض اللاعبين يراجعون مستواهم وعلى رأسهم نيفيز لكن العوض إنشاءالله في مبارات الرد في الإمارات أدخل للموضوع اللي كتبت علشانه اللي هو كيف يكون الهلال مرعب في الرياض ؟؟؟؟ الحل بإختصار هو اللعب على ملعب الأمير فيصل بن فهد حيث أعتقد بأن الهلال لما يلعب على أستاد الأمير فيصل بن فهد يكون أكثر رعبا للخصوم لأسباب عده منها : * إحتمالية أن ملعب الملز يكون مليان جماهير مقارنة بالأستاد أكبر بكثير وكذلك شكل الملعب وهو مليان يصيب الخصم بنوع من الإرباك وعدم التركيز وهذا اللي نشوفه لمن نحضر بالملعبين نشوف الفرق * أن مدرجات ملعب الملز أقرب للملعب من مدرجات أستاد الملك وهذا يشكل ضغط كبير على الفريق المقابل * قرب ملعب الملز من الأحياء السكنية ووجود في وسط المباني والبيوت يعزز من إحتمالية حضور الجماهير وبكثافه طيب ممكن يجي شخص ويقول أن أستاد الملك أكبر من ملعب الملز من ناحية الطاقة الإستيعابية للملعب وهذي ميز لازم مانفوتها أقوله بأن الأفضل بأن نبحث عن الكيف وليس الكم فأعتقد بأن ملعب الملز لمن يمتلي ب22ألف متفرج والملعب يكون غاص بالجماهير والأهازيج والتشجيع أحسن من لما يكون الملعب فيه 30 إلى 40 ألف بس نص الملعب فاضي وهذا مايحصل في الإستاد بس الأستاد كبير وصعب يمتلى على مباريات دوريه والله أتمنى من كل قلبي بأن تتوجه إدارة الهلال بطلب فقط تجربة وتلعب مباراة الهلال الآسيوية القادمة وأعتقد بأنها مباراة السد في ملعب الملز ونشوف النتيجة صدقوني راح تكون كارثيه لأن الهلال على الملز غير والتجربة خير برهان |
واللة ياليت ياخي استاد فهد الدولي وركز على كلمة ددددددولي الارضيه كبيره جدا ماهو مثل ملعب فيصل بن فهد اتحادا الاتحاد والاهلي يلعبون فيه ان يطلعون من الدور الاول او 16 ملعب جدة ارضيته الملعب ماهي دولي يعني كبيره وهذا سبب تفوق الاتحاد في اسيا وشوف لعب الهلال مع السد و الاهلي الامارتي في ملعب ناديهم مبارة الثلاثاء الجاي شوف افرق بين لعب الهلال على الملعبين الرياض و دبي!!!! |
أتمنى من الجماهير إبداء وجهة نظرها في هذا الموضوع وأيضا دعم الفكرة وذلك باللعب على ملعب الأمير فيصل بن فهد |
>>>>>>>>>>>>>>>>>>>>>>>>>>>>>>>>>>>>>>> |
يا سلام عليك يا هلالي رافع ضغطهم هذا بالضبط اللي كنت أتكلم عنه ولو عملت مقارنه ليش فرق جدة تبدع في أرضهم لرأيت بأن استاد الاميرعبدالله الفيصل هو السبب وفي المقابل أستاد الملك هو سبب مشكلة الهلال ومثل ما ذكرت أنا في الموضوع ليش ما نجرب نلعب مباراة السد في الملز والله راح يمتلي والفوز 99% راح يكون حليفنا وبنتيجة كبيرة والله حرام يضيع حلم الآسيوية في شيء نقدر نتفاداه |
يــــاااخـــــي واللـــــه انـــــكــ صااادق مــباارياات الهــلالــ فــي اســتــاااد الامـــير فــيصــلــ احــسن يمــتلـــــي المـــلــعب ... |
و الله كلام سليم و صحيح و أتمنى من الإدارة طلب بنقلها لـ ( ملعب الملز ) .. ! أولاً في وسط المدينة و قريب من الكثافة السكانية و ملعب حجمه حلو و ممتاز .. لكن الأستاد و الله مشوار يا عالم تخيل تقطع الرياض كلها إلى طريق الدمام و الشيخ جابر .. غير زحمة الرياض اللي تخليك تكره نفسك و تكره الدنيا بعد .. |
مشششششكور ويعطيك العافيه مـآآآآآآآآآآآقصــرت يالغالي والزعيم غير |
!!!سؤال الحين ينفع نغير الملعب ولا بعد التاهل ولا ماينفع بعد المكابره من الادارة !!!! |
إقتباس:
ملعب الأمير فيصل بن فهد ملعب مطابق للشروط الاسيويه خصوصاً بعد وضع الكراسي علي حيث يصح لعب المباريات الاسيويه فيه لأن الإتحاد الاسيوي لايجبر الانديه على اللعب بملعب معين , واتوقع الاداره عندما تجد الجماهير تطالب بملعب الملز فلن تعارض إن شاء الله ,,, واشكرك اخوي ((هلال رافع ضغطهم)) على مسانده الفكره والتفاعل... اشكركم على المرور ويعطيكم الف عافيه عاشق الزعيم المالي د. زاحف الــنــادر الهلالــي a h m a d9 |
اعتقد ان نفس الملعب هذا حقق الهلال فيه اكثر من بطوله آسيويه..!!! انا معك في انهم بنقلون المبارايات لملعب الملز في مباريات المجموعات فقط...!! بس مايكون عذرنا ان الملعب دولي وكبير...!!! |
جيل عن جيل يفرق ولا لا ؟؟ يااااااااااااااااااااااااااااااااا DELPIERO 1O |
إقتباس:
إقتباس:
يعطيك ألف العافيه على المرور ,,, وانا معك ان الهلال حقق بطولات كثيره لكن في الآونه الاخيره اصبح الهلال يخرج من اهم البطولات من على الاستاد وشكرا على مسانده الفكره |
إقتباس:
بالعكس حاليا عندك لاعبين اجانب ودوليين واكثر خبره في الملاعب الكبيره |
بالنسبة لي أنا كمشجع أحضر في الملعبيــن . لكن أرتح وانبسط واستمتع بملعب الملز مدري تحس انك قريب من اللعيبة ويسمعونك يعني تحس أنك تشجع على فائدة ^__^ .. وبعدين 22000 تملئ الملعب على الأخير تخبر جمهور الرياض ما يحب يحضر فإذا حضروا 22000 نقدر نغطي الملز وحتى شكل الملعب يصير مرعب زي ما تقول :).. ننتظر الإدارة تتحرك .. |
| الوقت المعتمد في المنتدى بتوقيت جرينتش +3.
الوقت الان » 01:51 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd