|
هلالي من الريـاض ..عارف الوضع من الأف لليــــاء .. اقولهــا بصريح العبـــارهـ غيابنــا عن المدرجـات (( بسبب ............!! )) .. الســـلام عليكم عشاق ومجانين الزعيم :smilie47: اشووف المنتدى من تحت لفووق كلهـا مواضيع عن جماهيـر الريـاض .. الله يكوون بعونـا :s5s: يا حبايبي أنــا اختصر لكم سبب غيــاب الجماهير لمباريات الهلال في الريـاض .. لأني من الريــاض وعارف الوضع كله .. اقاربي هلاليين .. اخوياي هلاليين .. جيرانـا هلاليين .. يعني الحـال من بعضه وعايش في مجتمع لا ينطق بكلمــه غير (( الهــلال )) :ba: سبب الغيــاب هو .......؟؟........ وراح اكوون والله صريح معــاكم حتى على نفسي وراح تكون بعض النقـاط بالكلام العامي :s4s: :s2: : 1 ) تشبع الجماهير من متابعة الفريق بالملعب .. يعني مثلاً أنــا والله تقريبــاً 90 % من مباريات الهلال هذا الموسم تابعتهـا بالملعب وقسم بالله امشي من العصــر حتى لو أنهــا مع نجران في الدوري .. لكن لمـا جلست مع العيـال امس العصــر .. قلت يالعيال يالله للمعلب .. قالو وكل مباراهـ بنرووح خلنـا نرتاح هالمرهـ ونتابعها بالتلفزيون :s3s: 2 ) ما فيه دعايه واعلانـات وتحفيز للجماهير للحضور .. ما ندري بالمباراهـ الى يومهـا بالصبـاح من الجرايد .. نبي اعلانـات تحفيزيه من موبايلي بالشوارع بالمولات بالفواصل الأعلانيه للقنوات المشهورهـ مثل mbc و art 3 ) المخلوقـات العجيبه والغريبه اللي تحضر للملعب .. ولا راح ازيد 4 ) سعر التذكرهـ .. اقسم بالله اعرف نــاس امنية حياتهم يحضروون للملعب .. بس المانع الوحيد هو الـ 20 ريــال .. والله حصل قدام عيني كثير من هالمواقف ولا احد قالي .. واخرهـا امس واحد يقولي معي 4 من اخوياي لو الملعب بالمجان مثل مباراة النصــر .. كان تلاقينـا بالمدرجــات 5 ) بعض جمهور الهلال .. جمهور لاعبين .. اكيــد الجميع شاف الفرق بين حضور مباراة مس كرمـان ومباراة الأهلي الأماراتي .. كان حضور الجمهور في مباراة مس كرمـان اكثر .. وامس اقل بكثير السبب غياب ويلهامسوون .. تقوله لييييييه ؟؟ يقولكـ ويلي مووب لاعب والهلال بدوونه ولا شي :s3s: 6 ) بعض المباريات تنافسيه مثلاً لو لعبنـا مع السد القطري ولا العين تتوقعون بيكون الحضور مثل امس لا طبعـاً .. لأن فيهـا شد وجذب وكلام منتديات وحمــاس ووووو ألخ من اللي فاهمينه طبعــاً :razz: والله هذا اللي انـا شايفه بالمجتمع الهلالي المحيط فيني .. ولا يوجــد اعذار غيرهــا صدقوني .. ولا تصدقوون مندس حثاله وياكثرهم وتم فضحهم امس بعد المباراه بالمنتدى و يسب في جمهوور الريــاض :mad: وأنــا اقولهـا والله مقصرين في حق زعيمنــا .. لكن الله يكون بالعون وبالتوفيق للهلال يـارب :smilie47: سي يوو زعمــاء s13s |
انا حضرت كل مباريات الهلال الاسويه في الملعب مع عيالي الصغيرين بس عقب امس وازعاج الرابطه ومكرفوناتهم في الدرجه الثانيه طلعت مصدع وعجزت انام وان شاء الله توبه من القرب من الرابطه ... ادفع درجه ممتازه واريح بالي من الازعاج والتدخين او اقعد في بيتنا اصرف |
إقتباس:
لكن ان شـاء الله يالغالي ما تكون عذر لنــا .. والله لو يحششون بالملعب لحضــر :s2: |
\ بصراحة اعذار واهية كل الأمنيات بأ مباراة الهلال القادمة على ارضه امام السد بداية فتح صفحة جديدة للحضور الكبير وتحطيم الأرقام القياسية وانا من الشرقية حضرت 80% من مباريات الهلال بالرياض واخرتها مباراة الأهلي الإماراتي ونتمنى الجميع الحضور والتفاعل .. \ |
الجماهير ملو من الحضور يجون يدرون انهم يبي يفوزون وبتلو يجون وملو دليل انهو زعم القرن |
انا بالنسبه لي يالغالي اوافقك الراي نوعا ماء فقد عاهدت نفسي من زمان ان لااحضر مباريات الهلال الابالمقصوره الرئيسيه صحيح انها مكلفه ودفعت الالف الريالات بس بالاخير انا مبسوط بالمشاهده والمتابعه ولكن بنفس الوقت حزين على ما اشاهده 00000؟ |
الحين اللي يقولون جمهور الرياض وجمهو رالرياض طيب المباراة يوم الاربعاء ليش ماجوا اللي برا مدينة الرياض اللي بالقصيم والاجساء وحايل |
إقتباس:
اي واهيه واي كلام يالغالي .. انت من الشرقيه وحيــاكـ منور الريـاض والله يا زعيم :ba: لكن انــا اتكلم عن جمهوور الريــاض .. وهذي هي المانع لعد حضورهم .. عايش بينهم وعارفهم :d |
والله اتفق معك في كل كلمه قلتها لو المباراه كانت في القصيم والشرقيه كان شفتو الجمهور |
إقتباس:
فيكم الخيــر والبركــه يا زعيم :ba: |
معليش ان جالس تتكلم عن تشجيع الهلال في الملعب وكأنك رايح لمسرحيه او سيــنما .. وش دخل الدعايات والاعلانات في حضورك للمباراة ؟ ومع احترامي لوجهة نظرك ..لكن جميع الاسباب التي ذكرتها غير منطقيه .. والا لشاهدنا جماهير االاندية والتي انديتها دائما في المركز السابع او الثامن لا يحضرون مبارياتهم .. وارجع للحضور الجماهيري لبعض اندية الدرجة الاولى والثانيه وسوف ترا مساندة جماهيرهم لهم رغم انهم لم يرا المنصه يوم من الايام ورغم ذلك يحضر الجماهير لمساندة فريقهم .. رغم انهم يعرفون ان من المستحيل حصولهم على بطولة . هل سألت نفسك ما السبب في حضورهم ؟ |
بالفعل اعذاااااااااار >>> يعني على كلامك انك حضرت من بداية الموسم معدا هالمباره وليه ماحضرتهاااا امس اخواني مباااريات الهلال الي يخوضهااا مو كل يوم عشان نقول مللناااا او غير ذلك والله غريب امركم اخوي عزيزي انا مالومك الووووووووم على بعض الجماهير الي ماتحضر لكن في الاخير تنحل ان شاء الله ومايصح الا الصحيح والزعيم يعيش<<<< |
آسمعيآخيو آنآ آتفق :yes: معآك في بعض آلنقآط .. و آختلف معآك في بعضهآ .. إقتباس:
يعني آلمدن آلثآنية فيهآ تحفيز للجمهور ..؟:razz: إقتباس:
آتفق معآك 100% يعني شئ عجيب :s5s: خصوصآ ( آلمدخنين ) مع آحترآمي .. .. و بعض ودني آضيف ع كلآمك * مشكلة آلتنظيم آلآسوء من آلسيئة ..:mad: لو آن مآلي دخل في آلموضوع بسس عندي آهل و آخوآن يخظرون آلملعب .. × يعطيك آلعوآفي يآخيي ..:rose: لآهنت ..!ٌ ودي و آحترآمي لشخصك آلكريم .. |
إقتباس:
تقوول وش دخل الأعلانات بقولكـ اسمع .. قنـاة شوتايم قبل اي مباراهـ قويه بالدوري الأنجليزي تلاقيهـا كل ربع ساعه مسويه اعادهـ للأعلان وترقبوو ومدري كيف ووو .. + اعلان للمبارهـ بجريدة الرياضيه السعوديه + اختيار افضل معلق .. كل هذا عشـان النـاس تتحمس وتتابع قناتهم وتشووف المباراهـ .. الأعلانات نوع من انواع التحفيز والحمــاس للمباراهـ وجذب للمشجع :yes: |
معليش أخوي .. عذر أقبح من ذنـب :rose: كل النقاط إللي ذكرتها ماتبرِّر الغياب أبداً . وأكثر مالفت نظـري نُقطـة قيمة التَّذاكر .. مابقى صراحة إلاّ نقول دخلونا بـ بلاش أو شوفولكم أحد يحضر مستكثرين 20 ريال عـ الملعب ومستعدين يدفعونها بـ الدخان ومقاهي الشيشة بعدين يجون يقولون تذاكركم سعرها غالي :d للمعلوميـة ترا سعر التَّذاكر هنا من أرخص الأسعار على مستوى العالم إن ماكان الأرخص :d |
| الوقت المعتمد في المنتدى بتوقيت جرينتش +3.
الوقت الان » 03:44 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd