|
لا احد يفتح فمة بكلمة..!! ايوه لا احد يفتح فمه بكلمة ان شاء الله الهلال يخسر... لو يصير اللي يصير... لو يخسر بمليون مقابل صفر لا احد يفتح فمة بكلمة... تدرون ليه؟؟ لاننا طفشنا وحنا طلبكم في الحظور الحظور الحظور والله طفشنا عندما دخلت الملعب شعرت بملل وقلت في نفسي كيف الحال بالاعبيين وقلت في نفسي اذا احنا مو قد ملعب الملك فهد نملاه نلعب في الملز وبعض الاخوان يجي حارق دمه هنا يقول نغير فلان وفلان ومن ذا الكلام دون ان تتعب نفسك في الحظور انت مالك خص اول احظر الملعب بعدين انتقد على راحتك اما بعض الاخوان قاعد يسب ويشتم وكانه هو قائد الفريق وهو اللى تعب عليه وهو اللي انشائه دون ان اتعب نفسه لساعتين في الحظور ياخي احنا جايين من 1000كيلو من ابها وانت يبعد الملعب عندك ان كثرت100كيلو كلها ساعة ونصف في الطريق ولا تحظر والله تعبنا وطفشنا وحنا على ذا الكلام نترجاء اهل الرياض يحظرون اقسم بالله اني حرمت من امتحان في الجامعة علشان الهلال وللحظور له تعبنا والله تعبنا يا ليت واحد يلقى لي شغل في الهلال براتب محترم تعبنا ندفع على الرحلة والتجوال هناك 800 ريال للكل التذاكر اكثر من500ذاهب راجع وانت لو دفعت تدفع 50 ريال بس يا ليت الهلال يلعب في الدمام او جدة او اي مكان علشان نشوف الملعب فل مو لصغر الملاعب بس لاجل انهم يعشقون الزعيم حتى الجنون وكمان علشان نشوف جمهور يشجع ولا يشغله الحب طوال المبارة تدري لو كان الملعب فل وش رااااح يصير رااااح يكون شئ......... امممممممممممممممم والله لو اقدر اوصفه كان وصفته بس كل وااحد يتخيل *بعدين الى متى وجمهور الرياض جمهور نهائيات فقط لا يحظر الا فيها نبيهم يتفاعلون ويحظرون معنى في اي مبارة *صراحة جات من الله ذي المرة انها تكون في الدوري التمهيدي فطوال السنوات الاخير كنا نوجه ذي المشكلة في الدور16 حتى نتعلم الدرس ايجب لا نستهين في الفرق الاخرى ونقول نحن افضل بداية بالوحدة ثم ام صلال واليوم الاهلي ويا رب تكون الاخيرة علينا ان تعلم ونحفظ هذا الدرس جيدا حتى لو عاد في قادم الايام الا ونحن نعرف التعامل معه جيدا ويلي=الهلال لم اعلم ان جمهور الاندية الاخرى احمق الى اليوم عندما سمعنا تلك الاصوات التي تقول ويلي= الهلال فضحوا انفسهم بانهم لم يستطيعوا في ويلي فاسائوا الى انفسهم بان لاعب واحد من الهلال هو من هزمهم بالخمسة والاربعة وهو من حقق دوري زين وهو من حقق كأس ولي العهد كما اثبتوا بان لاعب واحد يستطيع هزيمة 11 لاعب وهو ويلي لا اعلم كيف يفكرون .........لا تعليق........ معلومة: عملنا نحن نشجع فقط لا ننتقد لا نطالب لا......الخ عملنا ان نحظر الملعب ونهتف باسم الزعيم الى اخر المبارة ندع الادراة تفعل المناسب لها دون تدخل اكرر عملنا معروف وهو التشجيع فقط وهكذا هي الاندية الاحترافية |
آول شي هدددد نفسك مآ يسوى حسيتك معصب مرهـ آلله يهدييك = ) >برآ مو وقتك آحس مآلي آهميه بآلموضوع لآنه مآ يخصني بس حبيت آقولك ( يآ عمي هدي آعصآبك :D ) هههههههههههههههههههه وسع صدرك وآنآ آختك .. تحيآتي |
يسلم فمك على الموضوع الجميل !!! ماودي أزعل أحد ، بس قسم بالله أنكم خوزقتم اللاعبين الله يفشلكم إنتم وهالحضور المخزي ، أنتم جمهور لاتتعاونون مع بعض لدعم الفريق ، بس تتبطحون في المقاهي وقت المباراه. لا أحد يطالب اللاعبين بالآسيوية قبل مايحضر المباريات ، والله عيب عييييييييييييييييييييييب |
لاننا طفشنا وحنا طلبكم في الحظور الحظور الحظور والله طفشنا و انا طفشت اكتبها لكم حضور حضور حضور |
صراحة الفريق اليوم رااااااااااااااائع سيطرة كاملة للملعب وبدون اي هجمة للفريق الخصم مقابل سيل من الهجمات الهلالية حال الحظ دون تسجيلها وكل هذا من دون النجم ولهامسون الفريق اليوم رائع |
ياخي نحمل مواد وتضيع دروسنا ولا احد معبر الى متى |
يأخوان والله كلام صحيح الى متى ونحن نطالب بالحظور مايصير الكلام هذا اهــــ بس لو أني ساكن في الرياض ما أفوت ولا مباراه http://sub3.rofof.com/img3/03wuqol25.jpg |
انا معك في كل كلمه قلتها ليتي اقدر احضر وربي شيء يقهر ................. |
يا شيخ في نهائي ولي العهد حضرت للرياض من أبها ومعاي 8 وياليت الملعب امتليء الحمدلله على كل حااااااااال وبعدين الهلال ما وقف ولا راح يوقف على ويلي بس ما يمنع ان ويلي لاعب مؤثررر جدا اما جمهور الرياض المباراة يوم الاربعاء ويقولون مشوار وحنا نقول خلاص الضرب فالميت حرام شوف نهائي ولي العهد كيف جمهور الهلال كان متواضع جدااا وايضا نهائي كاس فيصل تحياتي لك |
يا رجال ما عندك أحد ، أغلب جمهور الرياض ما عنده تذوق للكورة ، تلقاه مع الخيل ياشقرا !!!!!!!!!!!!!!!!!!!!!!1 |
وربي كلامك صحيح يجيك واحد يتسدح عند التلفزيون وبعد المباراه يسب وشتم ويطالب بابعاد الاعب فلان يعطيك العافيه |
ياااااااااخي والله لك مني أحر التحايا علي موضوعك الرائع ياااخي بعض الجماااهير لايمكن أن تترتقي بفكرها الي يقولك خلي الاعب فلان يروح الي يقولك الاعب فلان باارد والي يقول خلك أحتياط ويقول المدرب مدري وش فيه وأذ فاز الفريق قال العب فلان أبدع والمدرب داهيى ولاكن .... وش أقووووووول. لاكن سلم لي علي الجمهير التي تحمل مثل تفكيرك.. |
مشكورين على المرور بس الله يعين نشيل الرسم الهندسي على ظهورنا ويا رب ننجح فيه |
اللي حضرو فيهم الخير والبركه ياخوي وماتدري وش ظروف الناس بعدين الله يهديك مالقيت عنوان لموضوعك غير هالعنواااااااااااان . وبعد هدوء الأعصاااااااب :: إن شاءالله تكون بداية التصحيح :ba: !! والحمد لله مازلنا في الصدارة :ba: !! والقادم مذهل بإذن واحد أحد :ba: !! (((( رآدوي :ba::ba: لله دركم :ba::ba: الجني الأزرق )))) |
الاحمري وفقك الله والله كلامك صحيح بس جمهورالرياض ((أذن من طين وأذن من عجين)) |
| الوقت المعتمد في المنتدى بتوقيت جرينتش +3.
الوقت الان » 12:07 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd