من يحفظ لنآ كرآمتنا ..؟ - نادي الهلال السعودي - شبكة الزعيم

حسننهو · #1 26/03/2010, 12:48 AM

بسم الله الرحمن

آبدآء موضوعي بقصة حصلت لي في ملعب الملز ..

في مبارة الهلال والشباب 2-2 الدور الاول ..

وانا رايح للملعب كآن معي شال الهلال ومكتوب عليه الهلال .. موبايلي وارقام الاعبين ..

المهم وقت التفتيش .. العسكري سحب الشال بقووه من راسي ورماه عالارض ..

خذيته انا من الارض بسرعة .. سحبه بقوه من يدي وقالي ممنوع ودفني على ورى ..

قلته وبكل برآءة ليه ..؟

وآتفأجأ بهجوم من العسكري بالعصا ضربني وقدآم الجمهور اكثر من 3 ضربات على ظهري ويكلبشني ويوديني لمكتب الملازم ..

لا ويتبلاني بعد يقول للملازم اني كنت اقول للعسكري انكم ما تفهمون ومدري وشو ..

انا قلت له تحطها في ذمتك ..؟ قال آيه .. قلت خلاص ودوني القسم ..

وودوني القسم وعلى التوقيف ونص سآعة واخوي طلعني كفالة ..

وفي التوقيف قلت والله ما عآد احظر ولا مبارة للهلال ..

لكني تمآسكت نفسي وتعوذت من ابليس .. قلت هذا الهلال مهما يسوون مستحيل اتركه ..

ونزلت من التوقيف وعلى طوول للملعب ..

خلآصة القصة .. ومحور الحديث

انه مخططآتهم بدت تنجح .. والدليل انه قبل 3 سنوات او اكثر كآن مبارة 3 نقآط يمتلي الملعب قبل لا تبدى المبارة بـ 3 ساعات ..

والحين نهآئي تبدأ المبارة والواجهة لسع ما امتلت ..

ولو استمروا على كذآ .. لا تتفأجون لو شفتو نهائي للهلال والملعب فآضي ..

بصرآحة كرامتنا كجماهير بدت تضيع ..

والزم ما على الانسان كرامته ..

ولازم الموضوع ما ينسكت عليه .. يجب ان تضع إدارة الهلال لهم حد ..

وهذا غير إللي سمعناه من مضايقات في اكثر من ملعب ..

والقصص كثيره ..

إصلآح الموضوع من وجهة نظري ..

إنشاء ملعب خآص للهلال في آقرب وقت ممكن وان يكون في اولويات نادي الهلال للموسم القادم ..

لازم جمهورنا ما سكت عن الموضوع لين يوصل صوتنا للإدارة .. وإلادارة إنشاء الله تآخذ حقنا من آمن الملاعب ..

من يحفظ لنآ كرآمتنآ ..؟

سؤال انتظر جوابه قريبآ ..

إن آصبت فمن الله وإن آخطئت فمن نفسي والشيطان