السلام عليكم ورحمه الله وبركاته


هاردلك هاردلك التعادل..!

ولكل جواد كبوه..!

الحمد لله أننا تعادلنـا..عششان اللعيبه يحسوون. او بالأحرى يكون لهم دافع بالمباراه الجايه..انهم يصالحون الجماهير وبأذن الله ثلاثيه في مرمى الأهلي



بعد ماعصبتو وهديتو..وأنا أولكم..!

شباب انا مأقول هالكلام..من أجل السمعه لكن اسمعو..!


كنت مواعد واحد من العيال نروح المباراه سوى دق ولد عمتي قال خاوني اهم شي قلت لذاك مانيب جاي..ولعل ولد عمتي عطاني سيفون فقررت اني اروح بتكسي قبل اذان العشاء بشوي

والله العظيم اني رايح للملعب على تكسسي..من شرق الرياض..الى الملعب بتكسي..ودفعت له 30 ريال..ابو بنقلا استغل شافني متأخر..وأبي أحضر بالي هيبه..قالي 30 قلت ماعندك مششكله..وأروح الملعب..وأشتري تذكره بـ20..وشال بـ15.. 65 ريال..

حضررت جاب الهلال قول استانست..جاب الأهلي التعادل..وأنقهرررت وطلعت..وبتكسي..للبيت..بـ20..يعني أجمال الي دفعته كله من أجل الحضور 85 ريال..طيب..انا أنقههرت وأرتفع ضغطي..عششان 85 ريال بس..!

طيب الي دفعو للنادي أكثر من 85 مليون ريال..؟

يعني مستانسين..؟ أكيد زعلانين..ومارضو عن الي صار

والله لو تشوفون رده الجمهور بالملعب تقول خاسرين كاآأس آسيا..مالومهم لأن الهدف جاء بآخر الدقايق..!

بعد ماهدينـا..الهلال اليوم ليس بالفريق السيىئ صح في سلبيات لكن صدمه هدف التعادل بآخر الدقايق هي الي سببت عند الجمهور الغضب ورده الفعل ..القويه..!

شباب..ماكنا سيئيين..لكن الحظ هو الي وقف في وجيهنـا..!

أرجوكم ثم أرجوكم..من أجل..من دفع الملايين لأجل سعادتنا..أن نكون من اوائل الحضور في مباراه السد يوم الثلاثاء..والحمد لله انا ماتركت ولا مباراه الهلال ومس كرمان حضرتها واليوم حضرتها وبأذن الله مباراه السد..باحضرهـا..!


لنكن يوم وحده من أجل الهلال..!

نقاط..!


جمهور هلالي جيد حضر المباراهـ..!

تكفون تكفون شوفو حل للرابطه..لاهو الي خلانا نتابع ولاهو الي خلانا نتفاعل معه

نيفيز..أضع عليه اكثر من علامه أستفهام..!

الزوري..كن بالأمكان أفضل مماكان..!

هوساوي..ماقصررت

المرشدي ماقصررت
ابو دعيع ماقصررت
رادوي..
لي يونج
الفريدي..ياليت بس لو تتحمس شوي..!



بالأخير..أشكر لكل زائر دخول موضوعي ولكل عضو يبي يشرفني برده..!

كان معكم..!!هلالي الرس!!

تحياتي لكم