|
أطردوا نيفيز ..جيبوا بديل للكوري ..ولا أقول غيروا الفريق كله بسم الله الرحمن الرحيم اللهم لك الحمد حتى ترضى,,, ولك الحمد إذا رضيت ,,, ولك الحمد بعد الرضى هاردلكم معشر الزعماء على ماءالت عليه نتيجة مباراة الزعيم مع الأهلي الإماراتي قدر الله وماشاء وفعل صحيح لم يكن أداء الفريق ككل لم يكن بالشكل المطلوب رغم إجتهاد بعض اللاعبين ولن أحدد أسمااء حتى لا يأتي أحد من ((الجوقه)) التي حذر منها الأخ الصخره لن أكون دبلامسي هذه المرة وسوف أطرح عدة تساؤلات أمام المشجع الهلالي : سؤال: ألم يحقق الهلال بطولة دوري زين السعودي (أهم بطولة في جميع بلدان العالم)قبل نهايتها بثلاث جولات وبفارق نقطي كبير عن أقرب منافسية؟ سؤال: ألم يحقق الهلال كأس سمو ولي العهد ؟ سؤال: ألم يقدم الهلال موسما كروياً إستثنائياً بمزيج من المتعه والإنضباط التكتيكي والقوة الهجومية الضاربه؟ سؤال: ألم تكن البداية في البطولة الآسيوية كما يأمل الجمهور الهلالي؟ سؤال:أليس الهلال هو من يتربع على صدارة مجموعته رغم التعادل ؟ ماحاجة الهلال بنا وقت الرخاء إذا لم نقف معه في الشده عزيزي المشجع الهلالي ..... يستحيل أن يستمر أي فريق في العالم في تحقيق الإنتصارات دون تعرضه لهزات بسيطه تعيده لطريق التوهج وكم من تعثر أعادنا إلى البطولات عزيزي المشجع الهلالي ..... بالأمس كان نيفيز نجم خرافي والكوري نسانا مشكلة الظهير أما اليوم فأدعوك لأن تلقي نظرة على منتدى الجمهور لترى أنواع التصخط من لاعبين كانوا قبل ساعات نجوم عزيزي المشجع الهلالي عندما تشاهد يوزرات تكتب فقط عند تعثر الفريق (بخسارةأو تعادل) فأسأ الظن دون تردد بأصحاب هذه اليوزرات وتذكر قول الشاعر (أشكوا إلى الرحمن من علقٍ يعيش على جراحي****** من جلدتي لكن علي أشد من طعن الرماحي) هم يحاولون بث سمومهم عبر النقد الغير منطقي ومهاجمة اللاعبين وتجريحهم فهل نساعدهم نحن في ذلك ؟؟ أترك الجواب لكم أخوكم أبو عمر الرويلي . |
موضوعك رائع اخوي ولكن مسمى الموضوع لا ارى انه له دااعي بان تقول الكلام هذا التعااادل افضل من الخساارة وترتيبنا في المجموعة الاول لا خوف ع الزعيم واحنا نملك ادارة ولاعبين كبااااار تحياتي |
احممممممممممد رببببببببك دخلللللللت منفععععللللله بسس الله ستتتر اه بسسس وش اقوول |
ماقصرت ابو عمر ،، الجمهور تعود يشوف الهلال فايز دايم :) بس والله الشوط الاول كان كفيل بأننا ننهي المباراه لكن ماتوفقنا بالفرص واغلبها بالعارضه انا مابرر او اجيب اعذار ، لكن لو الفريق ماوصل للمرمى كان قلت ان الفريق كان سيء اليوم لكن وصلنا وربك ماوفقنا ،، الاهلي لعب بتنظيم دفاعي جيد ومدري ليه هاللعب الدفاعي ماطلع الا مع الهلال !! بصراحه اليوم دفاع الاهلي كان جدا ممـتاز واحكم السيطره على مفاتيح لعبنا وبالتحديد ياسر ونيفيز . لكن نقطه افضل من لا شيء ولاننسى ان هدفهم جا من فاول ويعتبر حل فردي وهذا يدل ان دفاعنا كان جيد طول المباراه ماعدا في هالكوره اللي تسببت بالفاول آخر الدقايق . |
اخطاء فرديه وفنيه تحصل في أي مبارة وأي بطوله مع اي فريق وأي مدرب فـ المستوى ضعيف نسبياً حتى وإن كان الهلال مسيطر على المباره بشكل كامل ولكن نطمح في الأفضل دائماً .. وبإذن الله تكون كبوة جواد وتبدأ الإنطلاقه الحقيقيه من دبي بخطف الثلاث نقاط مستوى ونتيجه .. بس يعني خساره نقطتين مؤلمه خصوصاً انها جت في اخر الدقائق وفريق بحجم الهلال لايعرف كيف يخلص الكوره ولايعرف متى يمسك الكوره ويضيع الوقت مشكله !! لان في الموسم هذا تكرر كثيراً هذا السيناريو من انديه كثيره .. لا أدري هل هو ضمان نتيجه وإستهتار ام ضعف في التركيز !! وعلى الإداره تنبيه الاعبين وتصحيح الاخطاء المتكرره .. :( مدري كيف بدرس بكره بعد المستوى الهزيل والمحبط :( ولكن الأهم الآن اننا في صداره بفارق نقطه عن السد القطري ومبارة الهلال مع الاهلي في دبي مهمه لخطف النقاط الثلاثه ولا أتوقع مس كرمان سيكون خصم سهل لـ السد وقد يخدمنا في الجوله القادمه بتعطيل السد القطري .. |
وين نيفيز يروح اللي يقول يروح غلطان ولي يونج لاعب مبدع لكن عشان خطا لاتنسى الموسم الماضي محمد نامي الي نكبنا بهدف الاهلي الاماراتي واذا تبي تشيل لي يونج تبي محمد نامي عشان صدق الهلال يروح فيها الهلال اليوم غريب مستوى ليس جيدا والاهلي كان يستحق لانه كان لعبه منظم رادوي يالبا قلبه مااقوله شي هو الوحيد اللي يقاتل احمد الفريدي بارد ثم بارد ثم بارد وين عبدالعزيز الدوسري |
× × أسـاسـا ً قآلهـآ سـآمي الجآبر ,, مُستحيـل يبقـى فريق على مستـوآهـ طـوآل الموسـم ! ووآجـب علينـآ كجمهـور آننـآ نوقـف مع اللآعبيـن بآلسـرآء والضـرآء .. لكـن مآلآحظــت اليـوم آستهتـآر من اللآعبيـن ؟! مآلآحظــت بآخـر الدقـآيق آنـهـ كآنهـم يلعبـون كـرة يـد بكثـرة تمريرآتهـم قـدآم المـرمى ؟! وبخطـأ فـردي ضيـع علينـآ نقطتيـن .. بصرآحـهـ اللآعبيـن اليـوم أخطــآؤآ ويجـب محآسبتهـم على خطـأهـم :) × × |
هذا هو فريق الهلال بدون ولي هاامسون:s5s: والله يستر من القادم ... التشكيله من البدايه حلوه واللعب اوك التغيرات هي من ضيعت الفريق تقبلو تحياتي.... al maestro :ba::smilie47::rose: |
كلا مك صح اخوي الفروووض ان الجمهوووور يكوون مع الفريق في الضراء والسراء احنا متصدرين المجموعه ليش كل هذاا؟؟ وكل فريق يتعثر ويرجع لمستواه وبس تسلمم |
الحمد الله على كل شي وانشاء التعويض يوم الثلاثاء بتوفيق للهلال,,, |
أشوا حسبتك من جمهور معاهم معاهم عليهم عليهم لكن موضوعك طلع جميل جدا بالفعل يجب أ نقف مع الفريق |
صحيح انه لازم نوقف مع الهلال لكن برضوا الاخطاء لازم نتلافاها :yes: يعني مثلا تغير المدرب لنيفيز و بداله الغنام !! هذا غلط و يعذرني اي واحد:alzaeem: و الفريق قدم لكن مشكلة ما فيه حظ :cry: و الفريدي اليوم !!!:smilie47: اكد انه ظاهرة و الله هذا اللاعب مع برودة اعصابة لكن يبرد القلب:rose: يذكرني ببيرلو الايطالي:ga: لكن انا استغرب من الي يقول ان ويلي هو اساس الفريق ووو ... الخ ويلي الموسم الي راح ما كان احد يبيه و كان الجميع يطلب ترحيله لكن يوم جاء لي يونق اعطى حرية هجوميه لويلي و راحة نفسية لكن الموسم الي راح كان فيه نامي :s5s: و الي ابي اقوله ان الفريق كتلة واحده تكمل بعضها و في الاخير هاردلك لكل زعيم لكن خيرها بغيرها و الاسيوية بإذن واحد احد هلالية:ba: |
إقتباس:
|
هذا هو فريق الهلال بدون ولي هاامسون!!! والله يستر من القادم ... التشكيله من البدايه حلوه واللعب اوك التغيرات هي من ضيعت الفريق |
كلامك عين العقل و انا موافقة عليه تماما و لكن ينطبق في حالة ظرف طاريء أو امر خارج عن ارادتنا او ظلم تحكيمي قاهر أو اصابات متعددة و عمليات جراحية فريقنا ممتاز ولا ينقصه شي و البديل جاهز بس الخطأ يجب ان نشير اليه ليش ناخذ العلامة ناقصة اذا نقدر نجيبها كاملة يعني ما قدروا يجيبون هدف ثاني وضيعوا فرص كثير .. مو مشكلة بس ما يقدرون يحافظون على هدف الفوز و يمتلكون الكورة لمدة دقيقتين كمان ؟؟ هذي يبيلها تنبيه و لازم نقولها .. و نركز عليها لأننا نبي الصدارة و المستوى و النتيجة للحين ما جوك الكوريين و اليابانيين و البلا الأمحق .. سرعة و مهارة و تكتيك ذاك الوقت الفريدي يحتفظ بالكورة ؟؟ و اللا نيفيز بيطير كل كورة برا الملعب ؟؟ وقتها ما ينفع الندم و لا حتى رجوع ويلي و لا اللعب بسبعين محور ولا شي اذا ما اخذنا مبارياتنا بجدية و احنا في قمة توهجنا .. متى بنلعبها ؟؟ اذا تبون تطبطبون على الفريق .. تفضلوا بس عاد جيبوا سعوديين ارخص من الاجانب اللي مالهم شغلة غير اهدار الجهد الجماعي .. على الاقل ما ينلام لاعب محلي اما اجيب لي اجنبي عقده بالشيء الفلاني و اخليه يعيث في المستطيل الاخضر إهدارا ؟؟ ما انزل الله بها من سلطان .. يا من شراله من حلاله علة يا نيفيز |
| الوقت المعتمد في المنتدى بتوقيت جرينتش +3.
الوقت الان » 11:37 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd