السلام عليكم و رحمة الله وبركاته

_________

أول شيء أعتب على الجمهور والحضور الضعيف

فيهـ ناس تقول ترى الرياض كبيرهـ ومشاويرها طويلهـ اقولكـ ايهـ بس ترى اليوم أربعاااء والحضور فاشل

تعبنا وحنا نطلبكم هالموسم الهلال غير وأغلب المباريات اللي فالرياض صراحة حضورها ضعيف

حتى النهائياات واللهـ حضورها ضعيف وما يليق بفريقنا ولا نجومناا لكن (( اااااااهـ بس لا تعليق ))

_________

صراحة و كالعادهـ هالموسم لما نتعادل او نخسر السبب الأول هو الهلال نفسه

وهذي وربي قمة القهرررر

_________

الحمدللهـ على النتيجهـ وهاردلكـ على المستوى المهزوز

يجب أن يستفيد جيريتس و يتعلم الدروس ويتذكر ان المباراة لا تنتهي الا بصفارة الحكم

الهلال ما كان يحتاج وسط كامل وبدلاء أدوارهم دفاعية

هالتغييرات بصراحهـ وبوضوح خلت الاهلي الاماراتي يهاجمنا و يمسك كورهـ

_________

أسامهـ هوساوي انتقدت خطأهـ اللي مالهـ لزوم امام مس كرمان وكان بأخر المباراة وهاهو يكرر الخطأ ويخلصها بالخطأ و أيضا اخر المباراة

_________

ياسر القحطاني بدون مجاملة هالمباراة كان عبء على الفريق طوال الشوطين وكنت اتمنى يطلع ويدخل الدوسري

_________

الدعيع وقفتهـ فالفاول غريبهـ وتخليصتهـ أغرب ... وين الأخطبوط .. يلا فداكـ يالدعيع

_________

الزوري سبب مشاكل كثيرهـ ومستواهـ صراحة لا تعليق خصوصا اخر المباريات

_________

مهاجمينا لازم يتركون الأنانيهـ والفرديهـ ويتعلمون تسجيل الفرص السهلهـ زي السد وغيرهـ

_________

أهم شيء يا شباب روقو المانجا

التعادل و صار

وان شاء اللهـ زعيمنا راح يرضينااا بالإمارات و يرجع بفووووز

_________

يالبى لي يونج و رادوي بس و عيسى هالمباراهـ كانوا حاضرين بقوووة

_________

بصراحهـ بديت أخاف أن اسيا هذي تضيع بسببنا أيضا وغير متفائل إذا لعبنا دور الـ 16 على ارضنا

نرجع ونقول اللهـ اللهـ يا نجوم الزعيم لا تخسرون بسبب أنفسكم وإن شاء اللهـ اسيا لنا

هاردلك للزعيم ..
ونعوض ان شاء الله في الاياب ..

انا مو من الرياض والله

بس الجمهور ماقصر

التقصير بالاعبين انفسهم للآسف

نيفيز والفريدي من أسوء الاعبين اليوم كانو عالة على الفريق .

الخطأ انا اشوف انه على الزووري ..~
لكن الحمدلله على كل حال ..~

الي سوى الفااااول عبدالله الزوري مو هوسااااوي
اتركوا المباراه وراء ظهوركم وفكروا بالقاااادم
بس ترى القاادم اصعب

شكرا لك

وكلامك وتحليلك كله منطقي وصحيح

المدرب لا يلام كان اللعب تمام التمام ونلعب قدام عشرة مدافعين ، وهذه مشكلة نعاني منها من فترة طويلة حينما يدافع الخصم بأكثر

من نصف الفريق

الهلال مستواه كويس خاصة بعد خروج الشلهوب البطيء يبي بس يسجل هو وبس وتسديدات تعبانة كان ودنا بالدوسري بدل العابد

العابد صح مستواه أعلى من الشلهوب بس أقل من الدوسري .

مشكلة الهلال اليوم أنه شبه ضامن للفوز لكن مكتوب لنا التعادل ولعلها تكون خيرة لنا عشان القادم من المباريات نلعب حتى النفس

الأخير لأن الكورة أهداف ويمكن يجي فيك هدف في أي وقت .

الحمد لله على كل حال’’

اهم شي اننا متصدرين ويارب نفوز بالإمارات’’


شكرياتي القيسي القديم’’هع

هذا مو حكم اسيوي والله شكله اماراتي يعني اخطاء بالجمله للهلال و ماحسبها و يوم جا خطا غير صحيح حسبه.
و هوساوي اليوم للاسف سئ

الحمدلله على كل حال

........

الحمدلله ع كل حال
---------------

جمهمور لايليق بنادي القرن

ولكن دائما الهلال يهزم نفسه بنفسه

غرور وتكبر وتغييرات غبيه

هاردلك التعادل بطعم الخساااااااااره لا يوجد سوى لي يونق رادوي عيسى

ياليت نتعلم من الأخطاء

ياسر والدعيع المباراة الجاية المفروض انهم بالاحتياط