الســلام عليكم ورحمة الله وبركاته ..


يا جمـهور نادي القـرن أنا اتفق معــكم بعـدة نقـاط ..


1_ تأثير غيـاب ويلهامســون على الفريق وهـذا اللي ما توقعته .

لأن الزعيــم معروف انه لايعتـمد على أي لاعب مهمـا كان اســمه ..



2_ برود اللاعبين في مباراة اليوم جميـعهم بإسـتثناء رادوي وعيسـى

المحيـاني فقط ..



3_ ضيـاع الفرص اللي تتكلمون عنها مستحيل انها تتسجل كلها وهـذا

حال كرة القـدم لكن يوجـد هناك فرص سهله قليله أضيـعت .



4_ أتمنـى من الإداره الوقفه مع اللاعبين والنظر ماذا حـدث فالفريق كان

يقدم النتائج والمسـتويات .. ما قصــة إنحـدار المسـتوى ؟؟


5- على اللاعبين تعويـض الجماهير الهلاليه في المبـاريات القادمـه

فبالنسبــه لي كمشــجع هـلالي أريــد من اللاعبين أن يبردوا في جميع

البطولات الا البـطوله الآسيــويه تكفووووون يا لاعبين الهلال .. تعادل

بطعم الخساره وبرووود عجيب وثقه عاليه اليوم ما نبيها تتكرر..




6- من وجهة نظر خاصـه أتمنى مشــاركة عبدالعزيز الدوسـري ونواف العابد

دائمـا فاللاعبين هذان خير من يعـوض غيـاب ويلهامسـون بسرعتهما ..


7- أحمــد الفريـدي كما قلت سـابقا لن أحكم عليــه حتى يزيل الأصيــاخ

من رجليــه ويعـود من جـديد .


8_ الكل يعلم ان جيرتيس مدرب داهيه ويملك فكر فني كبير لكن الثلاثة محاور

غريبه .. تغيير واحد ضغط الهلال في فتره قصيره وانا ما خبرت جيرتيس دخل

هالسـنه في أي مباراه وحاط في راسه انه يحافظ على التقدم .. ان ما لعب بمهاجمين

او لعب ب3 مهاجمين لكن البارح حاول يحافظ وتعادلنا هههههه ..









و أختلف مع البعـض :

اللي قال ان احمد الفريدي كان مستواه سيء بالعكس

أحمد الفريدي كان مسـتواه جيـد وكان مكمن الخطوره لدينا .. وعلامات الإستفهام

ليسـت على الفريدي بل على نيفيز ( الجــلاد ) ؟؟

















ضربت مشـوار من الأحســاء الى الرياض رغم ظروف العمـل والمباراه

الا إني مسـتانس لحضوووري لعشـقي الزعيـم مهما كانت النتائج والمستويات ..


وراح أحضر مباراة السـد القـادمه ..








إلى اللاعبين :


تذكـروا انكم أبطال الدوري وأبطال كأس ولي العـهـد

وإنخفـاض المسـتوى وارد في عالم كرة القدم لكن مو من فريق منصك ب 5

في أرضه ولم يقدم ما يشفع له للظفر بالتـعادل لكن نتمنى منكم التعويض في

الإيــاب ..



الى الإداره :


أتمنى النظر في مستوى الهلال فمن غير المعقول غياب ويلهامسـون يخفي

قوة الهجـوم الضـاربه .. فترة الإنتقالات ليسـت بالبعيده أتمنى التفكير في جلب

من يمتلك السـرعه في الأمام سواء لاعب محـلي أو أجنبي ..



إلى الجمـهور :


الصـراحه الجمهور فله وانواع الوناسـه رغم ان النتيجه ضيقت صدورهم

لكن بإذن الله راح نرجع ونمـلأ المدرجات في مباراة السـد سواء فاز الهلال

او انهـزم حاضرين حـاضرين الله لايعـووق بشـر ..

مشـكووور لكـل من حضـر واللي ما حضـر يا ليت يسـاندنا في المباراه القادمه .

للأسف اللاعبين امس قدموا اكبر دليل لكل من قال ان ويلهامسون هو اساس الهلال
وماحاولوا يثبتون عكس ذلك

اهم نقطه هي الأداره اذا ما وقفت مع الاعبين وحفزتهم في اسيا متى بتوقف ؟
الروح المعنويه امس كانت غايبه
مو حلوه يالزعيم تتعادل من فريق يترقع بالأربعه والخمسه

.. كلآم حلو

أنا معك بالبرود اللي صآآير أمس ..

لكن فيه شي مآذكرته أنت ..

الهلال مو الفريق اللي يعرف يحآفظ على فوزه ..

يعني .. اذا .. سجل الفريق .. فالوقت .. اللي بعد تسجيل الهدف .. كآآبوس ..

على الجمهور الأزرق ..

المشآكل أمس .. كآنت .. لعب قريتس بثلآث محآآور آخر الوقت ..

ولآ صآر فيه تنسيق منظم للعب ..

مآتدري هم للهجوم ولآ للأرتكآز والسيطره عالكره .. ولآ لمسآندة الدفآآع ..

........

أحمد الفريدي أحسن لآعب بالهلال أمس ..

وعن قريب أن شآلله .. رآآح تشوفونه الكآبتن ..

و لآ لآعب مصآب ومآلعب من فتره طويله .. ويسوي كل اللي سوآآه أمس ..

عالعموم ألف شكر ..

لاهنت اخوي على الموضوع وانا معك في الشوط الثاني على ها البرود الي صارة في اللاعبين

والله معـــكم بكل شـيء تحدثتوا فيه .. وكل النقـاط اللي ذكرتـوها عين الصـواب ..



الحين المباراه المـاضيه انتهت وانتهى كل شـي فيها ونتمنى منهم تعويضـنا

في المبــاريات القادمه إن شـاء الله ..


وأنا أتمـنى من كل قلبـــي ان يمتـلأ مـدرج الهــلال بالكامــل المباراه القادمه إن شـاء الله .


حـنا خلف الهــلال وليس خـلف أي لاعب محـدد ..


نبي نحضـر ونرمي الكره في ملعب اللاعبين والمدرب ..

يسلمو على هيكـ موضوع عال العال

الله يوفق الزعيم

** .. يســلموووووو مرووركم يالــغــــــالي .. ,,,,

مشكور على الطرح الرائع ويعطيك الف عافيه

اول شيء اهنيك على الموضوع ..

يـ الغالي كلنا نتفق على برود اغلب الاعبين ...

بس مآنعرف وشو ظرووفهم ...

يمكن اللياقة خذلتهم انتم تشووفون ملعب الدرة وش كبرررررة

يتعب قسم ..

وثاني شيء العيب مو انك تخطأ العيب انك تكرر الخطأ ...

انا استغرب البعض اللي قلل من الاهلي الامآرآتي ..

لعبة كرة القدم ماتعترف بـ المرآكز نشوف اندية مهددة بـ الهبوط وتهزم متصدر الدوري ولا بعضهآ بنتيجة كبيررره ...

انا اقول تعوذوا من بليس و الادارة تعرف شغلها .

وان شاء الله الأهلي الاماراتي بيشوف شغله في الامارات ..

واما اللي يقولون الهلال هو ويليهامسون قله وشو الحيآة بدون هوآء ^_^

لبى ويليهآمسون (( مآتشوف شر ))

والهلال فريق كبير وليس الاعب هو اللي يصنع الهلال الهلال هو اللي يصنع الاعب ..

همسة ..

(( لآيهزم الهلال إلى الهلآل نفسه ))

في الختآم : اذا مرة ثانية بتمشي الرياض حق مباراة الهلال تلآقيني على خط الريآض احتريك ^_^ ..

عوآآآفي ..

مع الاسف مباراة وحده وكبرت السالفه

عموما الزعيم قادر في الايام الجايه يعوض