اللي يقول منب حاضر - اقوله مالك عذر
 

بسم الله الرحمن الرحيم


سؤال .. ليش ما تبي تحضر المباراة؟

اكيد الجواب كالتالي:

1 / زحمة
2 / النلفزيون اصفى وفيه إعادة للقطات ..............واخيرا.......الكلمة المعهوده (اشرب شاهي وافصفص)
3 / مابقى غير الاعذار الضعيفه مثل حر و عشرين ريال و دخان الخ

طيب انا اقولك كل هذي اعذار فاسده
ليش

شف يا خويي

الزحمه تعال بدري وامش بدري وكلها ساعه وانت واصل ( لا تكبر الموضوع )

والتلفزيون صحيح انه اصفى لكن وش ذا الحماس اللي بصالة بيتكم أو بمقهى ومعك عشرين واحد يصرخ ولا يصفق اذا جا قول ... تخيل انك بملعب تعيش الحدث وسط آلاف :s5s:

وبالنسبة للاعذار او الحجج السافهه اعتقد انك لو تبي تروح تروح لو رجلك مقطوعه :ranting:

وبصراحه اللي متهيئة له الظروف لمباراة مثل هذي ولا يحضر (برأيي) هلالي بالاسم مو من قلبه:smilie47: :ba:
.............


^^للمشرفين
(ملاحظة:تمسح بعد الموافقه على الموضوع) ليش احتاج لموافقه في طرح مواضيعي في هذا القسم؟

باذن الله الملعب فل

وباااااااالتوفيق للزعيم

ان شا الله يحضر الجمهور , خاصة بعد ماشفنا الحضور الجماهيري الكبير لفريق الاستقلاال الايراني.

كفوووووووو يآآلذيب ع هالموضوع الخطيرررر ..

صدق بعض آلجمآهير مآآدري وش يحسون فيه يجيبون لك آعذار مآآلهآ دآعي ..

آتمنى من آلجمآهير" التحمل وآلصبر "من آجل هذا آلكيآن ..

شآآكر ومـقـدر لك آخوي ع هآلموضوع ..

لا ياخوي ليش مافي عذر .. اخوي يشتغل بالمسا قسم بالله.. احيانا يتغيب عن العمل .. ويخصموا علية 3 ايام عشان الزعيم لكن كثرة الغياب تودي للفصل فما يقدر يتابع الاعن طريق التلفزيون ..
واحيانا مايقدر يتاابع .. فالعذر موجود

ان شاء الله يكون الحضور 70000 الف مشجع هلالي يااااااااااااااااااااااااااااااارب

الهمه يااااااااااااااجمهوووووووووووووووووور الزعيم

يعطيك العافيه,,

وان شاء الله اكون من اول الحاضرين ,,

وبالتوفيق لــــ نادي الهلال,,

يآرجال خلها على ربكـ

صدقني بكره الملعب مآراح يمتلي ورآح يكون العدد حوالي الـ 25 الف آو آقل حتى .. !!

قسم بالله آني آحترق بدآخلي لما آشوف الملعب مآفيه آحد آو عدد قليل .. آنا آدعي ربي ليل ونهار إن الله يؤهل نآدي الانصار الى الممتاز عشآن آشوف الهلال .. قسم بالله آني مقهووووور .. !!


الحمد لله على كل حآل


في الصميم خيو naifcn

دمت بحفظ الرحمن

يخوي ليه كذا

ترى الناس كلهم ماهم فاضين
الاستراحات مستاجرينها ليه
المقاهي فاتحينها ليه
تبي الناس تخليها وتحضر الملعب
هذا جمهور الرياض ولاتحاولون تنزلون مواضيع زيادة راح تتعبون وتنصدمون بكره

ياخي والله انكم قروشتونا .. الجمهور اذا بغى يحضر يحضر ما يبغى لهم عزيمة
المفروض انهم يدعمون ناديهم بدون ما يطلع كل واحد منزل موضوع ويقول نبي 70 الف مشجع !!
حنا على وقت التسعينات كنا نحضر وندعم فريقنا بدون ما يقول لنا احد ولا كان فيه نت ذيك الايام
عشان نقرا مواضيع تحفزنا للحضور ولدعم الفريق !! لكن جمهور الجيل هذا مدلع لازم نقعد
نترجى فيهم يحضرون ويعبون الواجهة على الاقل !! الجمهور المفروض من نفسه يستشعر
حجم اهمية البطولة هذي بالنسبة لنا .. وكم لنا وحنا ما حققناها .. المفروض يحضر ويؤازر
ناديه ما يحتاج قبل كل مباراة نقعد نتطلبهم يحضرون ويعبون المدرجات !!

باذن الله الملعب فل

وباااااااالتوفيق للزعيم

ياجمهور الرياض نبي الملعب فل

كل واحد يجزم الي حوله مانبي

مقاهي وغير خلوها سهره بالدرة

والله لو ماعندي اختبارات كان حظرت واخذت معي 5

2 / النلفزيون اصفى وفيه إعادة للقطات ..............واخيرا.......الكلمة المعهوده (اشرب شاهي وافصفص)
...........................
ههههههههههههههههههههههه<<<<<<<< معليش اخوي بس من قال أن التلفزيون اصفى... اسمحلي ترى الخشبية هي اللي تنقل المباراة يعني, غبار في غبار....
لذالك على كل الجمهور اللي من جد يحب الزعيم ان يحضروا في المدرجات ليستمتعوا بالابدااااااااااااااااع
+
انا عن نفسي للاسف ماني حاضر... مع اني انا وناس من اخوياي في الجامعة كنا ناوين نتجمع كلنا ونحظر,, بس واحد من اخوياي الله يجزاه خير , عنده استراحه ودائما يجمعنا... كلمنا وقت المباراة الماضية... واكثر العيال وافقوا ,, ويوم دريت بالسالفة.. مسكته وحجرتله هو وباقي اخوياي وقلتله,, ياحبيبي انا مكلمك قبل كم يوم ومتفقين على انا نروح الملعب... وشفيك تقول الحين استراحة... قام ماقصر الرجال وكنسل الطلعة عشاني.... والحين قال نبي نطلع فصراحة ماقدرت اردله طلب....

فلذالك اعتقد اني معذور...... والف اسف للادارة واللاعبين عن عدم حضوري,,, خصوصا اني اذا حضرت اشجع حتى لو كنت بالحالي في المدرج... فمثلافي المباراة الماضية.... للاسف كنت الوحيد الواقف ويشجع مع المدرج اللي بجانبنا... لان نضام جمهور الزعيم... يستحون وما يقدرون يشجعون,, للاسف
وانا ماطقيت لهم خبر وقاعد اشجع لحالي,,, تبون الصراحة انا عارف ان كل المدرج ينكتون علي ويقولن شف هالخبل يشجع لحاله...
لكن والله من الغبنة.... كل ما اروح للملعب,,, احقد على الجمهور,,, فيهم برود وعدم احساس بمسؤليتهم كجمهور... في بث الحماس في نفوس اللاعبين وارعاب الخصوم...
لكن للاسف هذا جمهورنا بينما جمهور الاتحاد, دائما ما احسدهم على تفاعلهم وقوة تشجيعهم... وقول لنفسي اتخيل يكون تشجيعنا زي تجيع جمهور الاتحاد كيف بيكون الملعب... لان جمهورنا كبير..... راح نهز الارض هز...........
لكن للاسف . . . فقط حسرات. . . على الفاضي. . .

جمهور الهلال . . . . """"" جمهور متفرج"""""

وسلامتكم

ان شاء الله حاضرين حاضرين لعيون الزعيم