يسعدلي مساكم جميع الزعماء
النقطة الاولى :
جمهور الزعيم في الرياض ماراح اعيد وازيد في موضوع الحضور الجماهيري وانه قليل وكذا بس اللي ابي اقوله
هو : ابي اسألكم من يوم ماجاء الاسد ايريك جيريتس للهلال وكمان راقص السامبا تياقو نيفيز وكمان الكوري الرائع لي يونج من يوم ماجوا للهلال هل سبق ان لعبوا في الملعب الخاص بنادي الهلال (استاد الملك فهد) والملعب ممتلئ عن بكرة أبيه ؟؟؟؟؟؟
اكيد الجواب لا وماحصل هالشي الا في استاد الملز
طيب ياجماعه احنا قاعدين نتكلم عن ناس عالميين سواء جيريتس مع مرسيليا أو بي اس في ايندهوفن ,, او نيفيز مع هامبورج أو مع فلومنيزي ,, او لي يونج في الدوري الالماني والانجليزي يعني بالعربي كانوا متعودين على جمهووووور خيالي يملأ المدرجات لا وبتشجيع اوروبي بعد .
اعزائي الزعماء تكفون من بكرة خلونا نحسسهم انهم ماسابو بلاد التطور كرويا وجماهيريا وجوا لبلاد ماتدري بالكورة فين ؟ بالعكس نحسسهم انهم بجيتهم لنا هم بعد بيتطوروا باللي يعيشوه معانا
لازم نثبتلهم اننا ناس متيمين في الكووووورة هيمانين بشئ اسمه الزعيم وبأي شخص يمثله بحضورنا ومؤازرتنا اللا محدودة لهم كلهم ...
نقطتي الثانية : إلى اليوم واحنا نقول كلنا كهلاليين اننا احنا الاكثر جماهيريا على مستوى المملكة طيب لو احنا فعلا الاكثر فين الاثبات واحنا ماعدينا هالموسم 35 ألف متفرج ؟؟؟؟؟؟
خلونا من المهاااايطة وجمهورنا اكثر وانتو اقل( زي بعض الناس
)
ونحول الكلام لفعل من مباراة بكرة .
النقطة الثالثة : وهي الاهم فريق جايب بطولتين وقاعد يقدم عروووووض خياليه جدا ويمتدح من القريب والبعيد والعدو والصديق يجي في مباراة مهمه في اهم بطوله بالنسبة للفريق ويكون حضوره الجماهيري 32 ألف متفرج من 75 ألف متفرج لا ومن جمهووور يدعي انه الاكثر على مستوى البلد ؟؟؟؟؟
أجل لو احنا زي غيرنا من 10 سنواااات ماجبنا بطولة صاحية كان ساعتها حصلنا ملعبنا فاااااااضي ؟؟؟؟؟
عمووووووما اخواني عشاااق الزعيم في الرياض والله انا لا الومكم ولكنه عتب محب لاخوه وحبيب قلبه المشجع الهلالي في الرياض وفي كل مكان في انحاء المعموووورة وانا ما انسى وقفتكم مع الفريق وانكم سبب بعد الله في تحقيق البطولااات
تقبلوووووا تحياااااااتي
ياااااااااااااااااارب وفق الهلاااااااااااااااال
الوضع المتطور
