|
صح هلالي <-------- ادخل ؟؟ بسم الله الرحمن الرحيم باقي يومين على مباراة نادي القرن واهلي دبي والله يعلم اني عايش قلق نفسي بسبب هالمباراه والسبب موب النتيجه لان الزعيم قادر ان يجيب النقاط وينفرد بالصداره لكن والله اللي مخوفني هو الحضور الجمااهيري ياخي حنا الجمهور مانقدم شيء للفريق لا ندعم ولا نسهر على خدمة الفريق ولا نخدم النادي بأي شيء ونطالب بنتائج والفريق مايطلب منا اي شيء غير الحضور والدعم وصدقوني هالمباراه غير عن كل المباريات وخاصه من ناحية الحظور اذا اخذناها من ناحية الدفعه المعنويه للاعبين بعد احداث مباراة جده والوقوف معهم ولا من ناحية انها وصلت انها تكون مباراه ديربي بين الجمهور الجار صح هم استنفروا ودخول مجاني ومسوين زحمه بس جمهور الهلال الرقم الصعب ماراح احد يوقف في طريقنا اقسم بالله اني من اخوانكم المرابطين على الحدود الجنوبيه والحمدلله اني قدرت بعد جهد اني انسق اجازتي بالرغم من انها قصيره خمسة ايام بس وخليتها توافق وقت المباراه من اجل الزعيم ودعمه واللي يقول واحد ماراح يأثر والباقي فيهم الخير والبركه اقول الا بالمباراه هذي واللي يدور اعذار يرحم والديك لاتجي تتعذر هنا بالشبكه وتهبط معنوياة الناس والله ماكتبت هالكلام الا من القلق اللي اغلب الجمهور يعيشه مثل ما انا عايشه وكل هذا بسبب حب الهلال اللي يستاهل الحب مثل مافرحونا هالابطال بالبطولات والمستوى الرائع هذا الموسم نبي نفرحهم بعد نهاية الموسم باكبر حضور جماهير قي الدره بالموسم هذا يازعماء مافيه ماجال للاعذار والاربعاء هو يومنا. وانا اقصد في عنوان موضوعي ان الشخص اللي ماعنده عذر وجالس يطالب ببطوله ومستوى ولا فكر حتى يساند الفريق ولا في مباراه واحده محتاجينه فيها انا اعتبر انه هلالي بس مافيه خير . كثر الكلام والكتابه عن الحضور والجمهور بس لاتلومون احد لان هالمره غير ولازم نقتنع بأن الاربعاء غير عن كل المبارايات . تحياتي |
ان شاء الله راح يكون حضووور كبير من الجماهير ولاسيمى انها يوم اربعاء ومع فريق اماراتي راح نكون في الموعد تحياتي |
ان شاء الله يحضر جمهور الهلال وخصوصا ان المباراه يوم الاربعاء تحياتي |
كلاااااااااااااااام 100 % هلا اخوي .. انا عن نفسي معاك بكل كلمة .. والله اننا مقصرين مع الزعيم .. والله انه ياما فرّحنا .. و ياما تراقصنا بالشالات الزرقاء !! تدري عاد .. ورب البيت اني كنت ملبس سيارتي هلالية كامله من الداخل .. كل شي كل شي شعار الهلال بالصيف اللي فات قبل اتزوج ( المدام نصراويه ) :laugh: الوكاد بفضل الله ثم بفضل هالتلبيسة .. ماكان يضايقني احد من نقاط تفتيش وحدود .. لاني كنت طالع من الشمال لقطر .. حتى بالمنفذ القطري قال لي حق الجمارك خوش تلبيسه .. تفضل يا زعيم !! وداخل المملكه حتى الاخوان نصراويين واتحاديين من الشرطه وامن الطرق كانو يتركون موضوع السرعه وذا وتناقشون معاي عن الكوره ويمشـّـوني !! وغيرها الكثير اللي استفدناه من الهلال .. حنا لازم نكون اول الحاضرين .. ولازم كل هلالي اطربه الحوت الازرق في لحظه يجي وفاء ً للزعماء .. ارجع واقول كلامك سليم ميه بالميه .. ومن المفارقات انت على الحد الجنوبي وانا وربي على الحد الشمالي بس مانيب عسكري !! اشكرك على كل حرف ويستاهل الزعيم :alzaeem: |
مشكور على هالتحفيييز والله انا خايف بعد. يالربع لا احد يتكل على الثاني اتكلوا على الله ونبي الحضوور. وياليت كل الهلاليين مثلك :alzaeem::rose::ba::ba1: |
انا ابي اروح معكم << مناك بس خخخخخخخ ان شاء الله الجمهوور يصيرون واجدين ^_^ يعطيك العافيه ..,~ |
مع احترامي لجمهور الرياض فئنه لايستحق ليس اوفياء مثل غيرهم من المناطق اتمنى اني اكون غلطان واشوف يوم الاربعاء سبعين الف متفرج |
الله يستر من المباراة بس .. أشوفك واثق الفوز ! يالله امنياتنا نشوف حضور كثيف .. |
والله حرام لو ما يمتلي الملعب .. يا زعماء نبي الملعب فل من زمان عن ما شفنا الملعب كله هلالي يالييت نشووفه يوم الاربعاء غير بأذن الله ونشووف 70 الف متفرج وانا اتوقع كلام ينقل بس يعني قول من غير فعل وربي البيت انا جاي من جده ومعي اثنين لعيوون الزعيم .. اللي اتمنى الملعب يمتلي بأذن الله وفالنا الفوووز ان شاء الله مستوى ونتيجه وابدااااااااع من زعمئنا ويعطيك الف عافيه خيوو ع موضوعك الرائع .. كنت اتمنى ما تكون الثقه موجوده بس ان شاء الله فايز بأذن واحد احد |
| الوقت المعتمد في المنتدى بتوقيت جرينتش +3.
الوقت الان » 06:31 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd