نيفـيـز ونيفيــز .. ازعجتونا يا جماهير معهم معهم عليهم عليهم - نادي الهلال السعودي - شبكة الزعيم

ياهلال عزك عزنا . . · #1 25/03/2010, 02:02 AM

مـو نيفيــز الي جاب الهاتريك على الاتحاد !!!

مو نيفيــز الي جاب هدف التعادل لكم على النصـر في مباراة خروج المغلوب ورجعكم للمباراه !!!

مو نيفيــز وصيـف هــدااف الدووري !!

يا اخوان حتى ميسي ما انقذ برشلونه من خسارتهم من اتليتكو مدريد (المتهالك فنيآ هذا الموسم) وفقدانهم ثلاث نقاط كانو متقدمين فيها عن ريال مدريد

صراحه شي يقهر لما تقراء لجماهير ماتطلع تنتقد الا لا شافو الضجه وشافو لاعب تغيرقبل نهاية المباراة بربع ساعه وشنو الكيبوردات على اللاعبين بسبب وبدون سبب

ماعندنا توازن ولا عقلانيه معقوله مباراه متسيدينها من اولها الين نهايتها ومتقدمين بهدف قدام فريق يلعب بتسعه لاعبين دفاع ويجي هدف تعادل بخطأ او ركله حره ونقلب الدنيا على اللاعبين لدرجه اننا نوصفهم انهم مايعرفون يلعبون ... لا اسمحولي الي هذا انتقاده هذا مايفهم بالكوره وهذي الحقيقه واتمنى يكتفي بالردود احسن من انه ينزل مواضيع

وسلامتكم

سعودالرياض · #2 25/03/2010, 02:06 AM

بكل صراحة // نيفيز يوم إبداع وعشر أيام لاإبداع ولا إمتاع .

الحمدلله على كل حال

بالتوفيق للزعيم في الجايات

((((لله درك ياويلي هامسون ))))

.yousef · #3 25/03/2010, 06:29 AM

إقتباس

الرسالة الأصلية كتبت بواسطة سعودالرياض


	بكل صراحة // نيفيز يوم إبداع وعشر أيام لاإبداع ولا إمتاع . الحمدلله على كل حال بالتوفيق للزعيم في الجايات ((((لله درك ياويلي هامسون ))))

اللحين إذا خسر الهلال يبدأ السب باللاعبين واحد واحد

AlZ3eemah · #4 25/03/2010, 02:13 AM

ميسي ؟؟

ميسي و ان ما قدر يلعب بدال 11 لاعب الا انه يحترق من اجل فريقه

ميسي كل مباراة 3 اهداف يا محترم

ميسي ايش اللي تحكي عنه و تقارنه بنيفيز ؟؟

نيفيز انا من اول مشاركة لي بالمنتدى من قبل لا ناخذ الدوري

و انا اقول ان اخطاء اللاعب المحلي اقل منه مليون مره

نيفيز في اكثر من مباراة كان عبء حقيقي على الفريق

و كلف الفريق فوق طاقته و اهدر تريليون فرصة

و اذا بنقضي مبارياتنا نعطي نيفيز الكورة عشان يجيب من 50 تصويبة هدف ؟؟

هذي مصيبة المصايب

قناصـ الزلفيـ20 · #5 25/03/2010, 02:14 AM

يارجال به جماهير عاطفيه اخر درجه
ياجمهور الزعيم انتم اكبر من كذا
مافيه فريق كل مبارياته فوز

قـلـب هـلالـي 15 · #6 25/03/2010, 02:16 AM

يعطيك الف عافيه

وربي كلامك صحيح

خلاص تعادلوو كل واحد حط اللوم ع الاعب اللي براسه

الجاي افضل ان شاء الله

بالتوفيق للزعييييييييييييم

<<هـلاليــة>> · #7 25/03/2010, 02:22 AM

يعطيك العافية عين العقل ماكتبت

بصراحة غريبة من جمهور الزعيم كل هذا التحامل على اللاعبين

هذا و الفريق تعادل و مازال في الصدارة

بالتوفيق للزعيم في الجايات

HRS.Eng · #8 25/03/2010, 02:25 AM

كلامك درر هو صحيح نفييز عنده عيب انه ببعض الاحيان تنقطع منه الكوره بسهوله بس احسن بمليون مره من ذا التايب الي مدري ليه عاجبهم يلعب مباراة ومصصاب بباقي المباريات وطول المباريات نرفزة وتعصيب ماله داعي هاللي يعترض على نفييز اكييد من جمهور هالتايب وحنا جمهور نشجع النادي ماهوب لاعبيين

مساهر · #9 25/03/2010, 02:28 AM

والله انك صادق ونيفيز مباراه يبدع ومباراه لا

وهذا حال الجمهور الهلالي ينتقدون الاعب من مباراة وينسون اللي راح مع احترامي لكم وفي مباراة الاتحاد قدم والكل كان يمدحه ونيفيز افضل اجنبي ووو...الخ

والان يقولون نيفيز ما يتحرك بدون كوره وهدفه على الاتحاد اكبر مثال الثاني وشو تحرك وعطاه ولي وسجل

ومهارات ما فيه ؟؟ ووووووو ...الى ماله نهايه

وبكره اذا طلعنا من الاسيويه الله ليقوله ان شاء الله جريتس وجريتس وكانه ما سوى ابداع للهلال وعطانا فريق كبير منظم وراائع

ومشكووور اخوي على الطرح الرائع والمميز

عوآآفي

ابو محمد (06) · #10 25/03/2010, 03:01 AM

السلام عليكم و رحمه الله و بركاته

يا اخوان و يا اخوات اذكروا الله و احمدوه على كل حال

تعادل بطعم الهزيمة لاننكر هذا الامر لكن النقد الهادف ثم النقد الهادف

لنرجع للوراء قليلا للموسوم الماضي ماذا كان بعض الجمهور الهلالي يقول عن ويليهامسون <<< آآآه يا ولي الله يرجعك بالسلامه

كان ينتقد الامير عبد الرحمن بن مساعد على احضاره هذا الفتى الاشقر وان قيمة عقده خياليه و مستواه لايقارن بعقده

والآن هوا البطل الاوحد ... << افتقدنا وجودك ..

>>

و المثال الآخر رادوي <<< انت البطل اليوم بلا منازع .. ما شاء الله >>

كان بعض الجمهور ينتقد الامير عبد الرحمن بن مساعد على احضاره لاعب محور

و الآن الجمهور الهلالي باغلبيه ساحقه معجب به << ما شاء الله >>

علينا ان نزن الامور بالعقل قبل العاطفه

آسف على الاطاله لكن دعــوا السفينة لربانها

وربان سفينة الهلال هو : ابو فيصل اعاده الله لنا سالماً معافى باذن الله

شكراً لطرحك الموضوع ((( ياهلال عزك عزنا . . )))

MrBlue · #11 25/03/2010, 02:40 AM

بسم الله الرحمن الرحيم

السلام عليكم ورحمة الله وبركاته

هاردلكم على التعادل وخيرها بغيرها ان شاء الله والحقيقه نيفيز لاعب محترف والادارة ماقصرت معاه ابدا وصبرت عليه كثير يعني لو لاعب سعودي ما اعتقد ممكن يحصله ماحصل لنيفيز طوال الموسم حقيقه انا ماعندي احصائية كم صنع كوره لكن هو وصيف الهداف السنة هذ لكن مستواه متذبذب كثير مره فوق ومره تحت لابد يعرف انه لاعب محترف انا بالنسبة لي المباراة الوحيدة اللي شفت نيفيز بدع فيها ايما ابداع هي مباراة الاتحاد والنصر يعني حقيقة اللاعب يظهر ويبان في المباريات الكبيره وياريت اللي عنده احصائيات عن نيفز هذا الموسم يتكرم علينا فيها

مع اطيب الامنيات لزعيمنا بالتوفيق في باقي المباريات

عزيز القوم6 · #12 25/03/2010, 03:06 AM

يا رجال خلهم يتكلمون لين يطفشون بن مساعد يفهم كورة مو مثلهم

عوفي الزعيم · #13 25/03/2010, 03:14 AM

اسالكم بالله نيفيز يلعب باسمه ام بمستواه !!
من الافضل نيفيز ام :-
الشلهوب-الفريدي-العابد-ع الدوسري -التايب -او بديل له مهاجم اجنبي !!!
برود+انانيه+سرحان في الملعب +البحث عن هدف شخصي
والله غير موفقه الله انه بفريق كله نجوم اضافه الى طريقة المدرب الهجوميه تخدمه !!!
سؤال واحد بس لو نيفيز موجود ايام كوزمين هل يسجل ماسجله من اهداف ام لا ؟؟ اترك لكم الاجابه

abu_sol6an · #14 25/03/2010, 03:16 AM

الفريق كله ضايع ومو في يومه

واكثر واحد رفع ضغطي المتفلسف الفريدي يعني مادري وش البرود اللي هو فيه

$الاسطوري$ · #15 25/03/2010, 03:25 AM

أخـــوي الحين تبي تنقعنا ان نيفيز كان فيومه ..

اليوم نيفيز كان سيء لدرجة انه حرام يرتدي فنيلة الهلآل باص خطآ تسديد عشوائي صناعة لعب مدري وش تبي .. كل ذا وتدافع عنه ..

الله يوفق الزعيم فالدور الثاني ..