|
::هاااام وخاص:: للجمهور قبل مبارة الاربعاء :::من بعد هـ الصور ماهزت مشاعرك؟:: ..تعمدت الكتابه باللون الاسود:mad: كيفكم زعمـاء..؟ كيفكم زعيمـات..؟ في البدايه نتحمد للمشجعين بالسلامه الابطال لخروجهم من المازق بظلم واستحقار :cry: خمسة الهلال +وخمسة رادوي = 10 << الشلهوب هداف دوري زين:razz: واقسم بالله شي يغبن وانا اشوف من موضوع لموضوع والقضايا الي تجيك من كل صوب.من بعد مباره فريق الخمسه. من اصابه ويلي والمرشدي ومشادة رادوي والاعلام السعودي يوم انه ماصدق وبرر بطرد هذا الاعب من السعوديه بكاملها.. وفي الاخير تشوف المشاكل والعنصريه الي تكون ضدنا احنا الجماهير وما ادري ليه احنا بالضبط .. والمشكلة والمازق ان الاداره صامته على هذا الشي وكانهم مهتمين بالاعبين وغير مهتمين بالجمهور.. مع ان الجهور هم سر البطولات للنادي على حسب قولهم وكنا نلبي طلبهم بالحضور المتواصل ومن هـ الموقع اعيد واكرر واطالب بالاداره وضع حد لهذي المسخره الي تكون ضد جمهور الهلال من بعد ليلة الخميس.. وودك تكتب عشرين الف موضوع بالشبكه وعن القضايا الي تحصل لنا. بس العشرين الف هذي...انحبست بقلبي وكتبت لكم هـ الموضوع عشان ناخذ حقنا يوم الاربعاء الكل يعرف مبارتنا القادمه ضد الفريق الاماراتي الاهلي ...ومن اهم المباريات في الدور الاول من بطوله اسياء..وعالاقل الضمان التاهل للدور الثاني وبالترتيب الاولى من المجموعــه والكل شاف الامور الي حصلت قبل يومين وما زالت صداها للحين وما يلائمون جمهور الهلال والكرامه والمعزه الي بقلوبهم وهذي قدوه من لاعبين الهلال واقرب مثال زورو الهلال ( رادوي) جميع جماهير الهلال في المملكة العربيه السعوديه مو مرتاحين ومرتفع ضغطهم بالحال الي يصير في المدرجات والحاله الامنيه ضدنا ..وايضآ الاحداث الي حصلت في مباره الخميسس وطبعآ الكل برّد حرته بكتابه المواضيع والردود ويحاول يبـّرد شوي من قلبه لعلى انه يرتاح وانا اجزم 100% ان ماحد راح يرتاح لو كتب الين بكره واشتكى وعبّر عن داخله الى بشرط إذا حضر يوم الاربعاء وجلس يصّرخ ويصّرخ لعيون الزعيم ويشوف الاعبين قدامه بعدها راح ترتاح القلوب وتهداء النفووس بإذن الله بانتصار الهلال يوم الاربعاء ضد الاهلي.. لابد من يوم الاربعاء تكون عندنا عـزة نفس مثل ما كانت في رادوي وياسر دامكم تمّدحون فيهم. إذا كانت وقفة رادوي وعزة النفس والشجاعه في قلبه عجبتكم..نبي نكون مثله عشان نصفق لانفسنا راح نهز مدرجات ملعب الملك فهد يوم الاربعاء ونصـرخ باعلى الصوت كصرخه المظلوم إذا ظّلم بانواع التشجيع ( زلازال المستمر ,, المووج .,,التصفيق والتجشيع المتواصل ,,التحفيز للاعبين التشجيع بطريقه احترافيه,,,المسانده مع الرابطه في كل شي,,,ومن اهم شي التشجيع الجماعي ) صرخاااااااااااااااااااات عااااااااااليه بالملعب ,,وانا ما طالبت لكم بالحضور وما قلت لكم تكفى انا اطالب لكل مشجع هلالي يبغـى يصرّخ بالملعب ولنعلمهم درس ان الجمهور الهلالي إذا غضـب يهـز جبــال ..:mad: ولا ننسى وقفة الوفاء مع الجني الازرق ( ويلي ) وتردد اسمه في الدقيقه ( 9 ) ونتذكر من اهدانا بطولات هذا الموسم ومن صنعها ..من دوري زين الى كاس ولي العهد.. واليكم الصوره الي هزت مشاعري وخلتني اكبت لكم هـ الموضوع القصير ولكن له معاني كبيره للجمهور والاعبين في هذا الوقت إذا ما وقفنا مع الاعبين متى راح نوقف ونصفق لهم..(لنعلمهم ان جمهور الهلال مايستسلم في الاوقات الصعبه.. ) وبعد كل الي صار ودك تتابع المباره بالبيت وتصفق وتصرّخ وبدون احد يسمعك؟؟ لنوصل لهم رساله لجميع الحاقدين باننا راضين كامل الرضى على جميع لاعبين نادي الهلال والاداره ومهما حاولو انهم يزعزون الثقه للاعبين الاجانب او للجمهور ..اعتبور هـ الشي حلم او كابوس ياويل مدرجات ملعب الملك فهد يوم الاربعاء ياويله صرخه مشجع هلالي|| البـايسن |
حسبي الله عليــهـــم !! وبإذن الله نملــى الملعب يوم الإربعــآء .. وبنتظــآآركــم في الدره يا زعمــآء .. مشكوور أخووي على الموضع الرآآئــع والتحفيــز .. وإن شاء الله حاضريـن .. |
ناااااس تقااااتل لــ اجل الهلال علينا ان نملأ الملعب وعلى الاقل نملأ 70% من مدرجات الملعب |
بأذن الله الشعب الهلآلي مايقصروون تكفووووووووووون الحضور ثم الحضور أنآ وأنآآ اللي مآأحضر المباريات >> مو مسموح ترى هع والله أهتزت مشاعري على الصور تكفون طلعوا حرتكم بالحضور تكفووون عشان رادووووووووي وقيريتس وويلي وياسر تكفوون عشان شبيه الريح |
ياخي غير معقول تقول طالعين من ساحه معركه |
حقها و انا أشهد ان هذ الكلام السليم الهلال هذي السنه كل شيء غير ما في الا استاد الملك فهد هالسنه ما شفنا أي مباراة فيه ممتلئة المدرجات بالكامل بالرغم ان اللعبين يستاهلوا انا نملي ملعبين الف شكر يا البايسن |
ان شاء الله بيقفل الاستاد من المغرب بالجماهير الهلاليه نبي نحظر من بدري ..لان الفوز يعطينا التاهل تقريبا بشكل رسمي .. كل الشكر لك إخوي |
مشكور اخوي على الموضوع الرائع .. وبإذن الله حاضرين حاضرين الله لا يعوق بشر .. ومشكور على الموضوع التحفيزي . |
قراءة مواضيع من هالنوع يكون الغرض منها بث الحماس في الجمهور لحضور المباراة لكن مثل قوة موضوعك ماقد قريت الله يفتح عليك يابطل لازم الملعب يهتز بالتشجيع يوم الأربعاء ماهو لأنها الأسيوية وماهو لأن لاعبيينا انطردوا من المباراة الماضية لا تنشجع ونصرخ ونساند لأنه الهلال ولأجل الهلال ولا شي سوى الهلال نادي يرفع الرأس ليه مانرفع راسه في المدرجات بجمهور لايليق الا بنادي القرن الأسيوي |
.............................................................. |
بسم الله الرحمن الرحيم السلام عليكم ورحمة الله وبركاته حياك اخوي سن كولا مدري شسمه با يسن منـور والله شكلك من جـد الاخلاق عندك مرة موصلة للأخر .. ما عليك يالغالي منهم و هي أول مرة تصير يعني ..!؟ من يوم عرفنا الكورة و الكل ضـد الهلال بسبب بسيط و هـو أن ( الناجح محارب دوما ) و الأمثلة تطـول و تطـول و تطـول ولكن سلم لي على إدارة ملعب عبدالله الفيصل اللي سحبوا من جماهير الهلال الكثير مقابل أي مشجـع إتحادي ..!؟ شكل الأمـن من الادغال الي غرب المملكة العربية السعودية و جتهـم ‘ الحميا ‘ ^_^ و بالنسبة لمباراة الاربعاء الجماهير ما راح تقصـر إنشاء الله لاتخاف يالغالي و الرابطة بقيادة البطـاطي بخير إن شاء الله تحياتي لك .. المنذر محمد [email protected] |
البايسن بارك الله فيك على ما تطرحه من مواضيع مفيده لك كل الود والاحترام |
ربي يوفق زعيم الارض الآسيوي |
يعطيك العافيه على الموضوع الرائع,,, وان شاء الله انا من اول الحاضرين ,,, وان شاء الله نشوف 70الف متفرج ,,, وبالتوفيق لــــ نادي الهلال ,,,, |
نصيحتي لكل واحد يي يروح للملعب يفعل التالي 1- كتابة وصيته وابلاغ اهله (ممكن يروح للسجن ومن ثم للمشنقة ) 2- اخذكمية من التمر والبسكويت والحليب والماء . 3- زبن معك طراحة ومخده. 4- جهز جوالك بأرقام واسطات في الشرطة لكي تخرج بأسرع وقت. 5 - لاتجي لوحدك تعال مع خوياك علشان ما تمل في التوقيف اخيرا : لن يعيقنا عن الحضور ان شاء الله الى الشديد القوي الف شكر لك اخي صاحب الموضوع |
| الوقت المعتمد في المنتدى بتوقيت جرينتش +3.
الوقت الان » 05:51 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd