|
يا اخوان والله ماعرفنا لكم انتم الحين تبون رابطه حلوه مثل رابطة الاتحاد والاهلي صح؟؟ طيب يا شباب رابطة الاهلي والاتحاد فيها طبول لكن! هي على الرابطه نفسها رابطة الهلال فاااااااااشله والله فاااشله ماعندها اهازيج ولا عندها شئ ولا حماس بس ياهلال عزك عزنا ولا يجي واحد يقول يا هلاااااااااااااال ويردون عليه هييييييييييييييييييييه طيب وبعدين؟؟ وش النهايه ابي افهم بس اتمنى ان الرابطه هذي تنشال ونجيب رابطه احسن او تطور تترك عني ياهلال عزك عزنا وهلالي هلالي حبيبي ياغالي ههههههههههههه من يوم عرفت الهلال وانا اسمع ذا الاهازيج ماعندنا شئ جديد المهم لهم الاهازيج ولنا البطولات والسلام عليكم |
إقتباس:
لم أكتب بموضوعي أن الجماهير الهلاليه تطالب برابطة مثل الاندية الاخر أنا اتكلم عن التشجيع الجماعي اعتقد هاذا ما ينقص الهلال أعتقد ان اسم الرابطة اصبح قديما وليس من الاحتراف والجماهير مثل الفريق كل ماتطور يتطور التشجع وشكرا |
مـــدرج أمـ قــاعـــة أفـــراح؟؟؟ السلام عليكم ورحمة الله وبـركـاتـه موضــوع أصــابنــي المــلل من تكــرار طرحـــه رابـطـــة الجمهـــور الهـــلالـــي ودورهـــا في التــشجيـــع في الســابـــق كنــت أستمتـــع كثيـــرا بمبــاريــات الهـــلال التي تقــام في درة الملاعـــب الســابــق هنا تشيـــر إلى ماقبــل تأسيس الرابــطة إلى أيـــام كن الجمهـــور الهـــلالي فيهــــا يزلزل ويرعـــب الخصـــوم ليــس بالطبـــل ولابالزمــــر بل بالتشجيـــع الجمـــاعــي التفـــاعـــل مع مجــريــات المبــاراة منــذ تأسيــس الرابـــطــة أصبــحت مبــاريــات الهـــلال على أرضــه نقطــة ضعـــف للفريـــق فمهمــا بلـــغ عدد الجمهـــور 20 أو 70 ألف متفرج فطريــقة التــشجــيــع واحــدة لاتتغيـــر واحــد يمــســك المايكــرفون وعـــشــرة يصفقــون ويرددون معـــه وبـــاقــي الــمدرجــ يتفـــرجـــ!!!!!!! وحــتــى الأهــازيـــج بصــراحــه أهازيـــج ممـــلــه لاتبعــث الحمــاس بقــدر ماهي مصــدر إزعــاج فقــط وبـــصـــراحـــه شديــده حــتـى وإن كانــت مزعــجــه للبـعــض المبــاريــات الوحيــده التــي أتمنـــى أن تنقـــل بدون صــوت جمهــور هــي مبــاريــات الهــلال في الريــاض لأن أســلوب الرابــطــه في التشجيـــع مخجل ومضــحك جــدا ويجعــلنـا مثــار سخــرية لبعــض الجماهيـــر ناهيــك عن أنــه يحـــد من تفــاعـــل الجمهـــور والله أننــي أستمتــع كثيــرا بمبــاريـــات الهـــلال التــي تكــون في القصيــم أو الشرقيـــه أو مكـــة أكثــر من مبــاريــات الهــلال في الريـــاض!!!!! أريـــد أن أعرف هل هنــاك من هــو مقتنـــع سواء في الإدارة الهــلاليـــه او مجلــس الجمهــور الـــهلالي أن هذه الرابــطــة وهذه الأهازيــج تبــُث الحمــاس في نفــوس اللاعبيــن!!!!!!!!! هــل يــرون او يسمــعون مالا نراه أو نسمعـــه ياأخــوان يجــب أن ندرك بأن لجمهـــور الغــربيــه طريقتــه في التشــجــيـــع ولــنا في المنطقـــة الوسطــى طريقتــنا وجماهيـــر الهـــلال سابقـــا كانــت في طريــقــة تشجيــعهــا لاتقــارن بأي جماهيـــر أخـــرى تذكــروا نهــائي كأس المؤسس ومباراة جابيليو وناجويا وشيميزو الياباني تذكـروا المــاضي الجميـــل عندما كانت أعتــى الفــرق تصــاب بالذعـــر أمــام الأمــواج الزرقــــاء عندمـــا كان ملعــب الملك فهــــد قلعـــة رعـــب للاعبي الأنديــه الأخرى ليس بالطبـــل ولا بالزمــر ولا بالأهازيــج بل بالتشجيـــع الجمـــاعـــي حتـــى تفـــوز بالبطــولــة الاسيـــويــه التـــي تقــام بنظــام الذهــاب والإيــــاب يجــب ان تكــون قــويــا على أرضــك ولكــي تكـــون قــويـــا على أرضــك أنت لســت بحــاجــة إلى مطـــرب بقــدر ماأنت بحــاجــة إلى جمهـــور يهــز المدرجــات تجـــربــة سبع سنــوات بالرابـــطــه والأهازيــج أثبتت فشلهـــا وأفقـــدت جمهـــور الهــــلال بريـــقــه حـــان الوقـــت لأن نقـــول كفـــى للطبـــول والمايكرفونات والمطــربيــن فنحــن في مـــدرج ولســـنــا في قـــاعـــة أفــــراح ويقتـــصــر دور الرابــــطــه على تنظيـــم الجمهـــور فقـــط أول الطـــرق لإعـــادة هيبـــة الزعيـــم على أرضــه هو العــــودة إلــى التشــجيـــع الجمـــاعـــي وشكـــرا |
يعطيك العافيه وصراجة نتمنى من ادارة الهـلآل انها تنتبه لهالأمور وان شاءالله يحسنون الوضع اللي بالرابطهـ .. |
يعطيك الف عافية موضوع اشبع طرحا ولكن قد اسمعت لو ناديت حيا و لكن لا حياة لمن تنادي |
إقتباس:
أشكــرك على المــرور ياغالي لكــن كفـــايه تحسينات الان بصراحــه يجــب ان يوقفــوهــا تمامــا لأن التجربه استمرت 6 سنوات وفشلت فشـلا ذريـــعا |
طرحك مميز صراحه الرابطة سيئة بكل ماتعنيه الكلمة مثل ماقلت مصدر ازعاج فقط حتى الاهازيج اللي يغنونها بكيفهم ماتحس انها تحرك لعب الفريق اكيد دور الجمهوور عظيم وانت تقوول ان باقي الجماهير يتفرج اكيبد بيتفرج هو جاي يشوف المباراة والبعض يشجعون لكن الجماهير اكيد مهمته بالمباراة اكثر اذا تسنت الرابطة تحسن الجمهور في الترديد معه حنا نشوف منذر مشوه يجونك بعض المشجعين فقط زيادة عدد جاي يرقص هذا اللي شفته بصراحه في اكثر من ملعب يعني ليته ساكت افضله من هالحركات على العموم مشكوور على الموضوع..هذي وجهة نظر يجب ان تحترم |
كـــيك وحلآلآلآلآوة بــشكلك مال ُامها داعي... لابد تفاعل الجمهور وبلاش هالطنقرة اللي مالها سنع.. شكر لــطرحك الكريم |
والله ملينا من جد وانا نقول هالكلام ... يا ادارة الهلال ترا الغناء فن وموهبة .. واللي ماسك المايك والله ما عنده اي موهبة .. خلنا نكون صريحين اول ايام حقوي والله فيه كثير اعرفم يجون عشان حقوي بس والله لان يحمس الجمهور ويتفاعل معه .. الحين كثير ما يجوون بسبب الرابطة لاسف :mad: مافيه اهازيج ترعب الخصم مثل الاتحاد والاهلي .. كل مباراة نفس الشي .. واذا عير غنا كيك وحلاوة بشكلك .. والله للاسف اذا كنا زعيم اسيا وجمهورنا بهذا الشكل .. وعلى فكره انا ضد التشجيع الجماعي اللي بدون رابطة لانها بتكون صعبة شوي وخاصة عندك ناس صعب صعب التعامل معها .. فاللي اتمناه ان الهلال يجيب رئيس رابطة الفتح لانه صراحه مبدع ويكون فيه اهازيج ترعب الخصوووم وتهز الملعب هز .. انا حضرت مباراة الاتحاد والشباب في الرياض مع رابطة الاتحاد والله طووول المباراة وتحس المدرج يهتز من الرابطة .. لكن ما نقول الا صبر جميل والله المستعان |
بصراحه من بعد حقوي والرابطة سيئه جداً والبطاطي وغندر للأسف لا يقدمون شي جديد وحتى الأهازيج ناايمه اذا قال البطاطي : حبيبكم مين واذا قال الجمهور هلااال يسكت شوي بعدين يكمل التشجيع الجمااعي وبس ,,,, |
\ رابطة سيئة جدا جدا جدا .. وكل الاهازيج مسرووقة وصراخ على غير سنع وصوت ردئ ونشاز بشكل فضيع وممل وكريه نبي تشجيع جمااااااااااااااااااعي فقط فقط فقط ولانسكت افضل بلميون مرة والحل الأفضل والأكمل هو تغير مقر مباريات الهلال .. ونقلها للشرقية او جدة او القصيم تفاعل وحضور جماهيري ( عال العــــال ) ولا له مثيل \ |
إقتباس:
اشكرك على مرورك اختي .......................................... |
أخلاق سامي أنا ضد المبدأ بشكل عام لاحقوي ولاغيره أسلوب الأهازيج والطبول لايناسب جمهور الهلال |
صراحه بعد امس قررت لن احضر مباريات الرياض في الدرجه الثانيه في ضل وجود الرابطه وسخافتهم خاصه اللي يصيح يامال الاحبال الصوتيه (يهلااااااااااال هلاااااال هلاااااااااال لا واكثر من ميكرفون وصوت نشاز طلعت قبل نهايه المباراه مصدع حسبي الله عليهم ادفع 300 ريال واقعد في المنصه ولا الدرجه الممتازه واريح راسي واذاني |
موضوع اشبع طرحا وللاسف هذي رابطتنا مافي امل تتحسن |
| الوقت المعتمد في المنتدى بتوقيت جرينتش +3.
الوقت الان » 01:17 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd