حضور 70 الف صعبه !!! - نادي الهلال السعودي - شبكة الزعيم

هلالي عين بن فهيد · #1 20/03/2010, 08:12 PM

يخوض زعيمنا وزعيم اسيا يوم الاربعاء المقبل مباراته الثالثة اسيويا مع فريق الاهلي الاماراتي

والذي يعتبر الحلقة الاضعف حتى الان

ولكن بكل تأكيد سيتغير حاله امامه الزعيم ورجال الزعيم يعون هذا الشيء

جمهور الزعيم لا يحتاج لدعوة على الاطلاق ولكن فقط للتذكير

فالمباراة مهمة جدا كما تعلمون وايضا توافق يوم اربعاء ليلة خميس يعني اجازة

جمهور الرياض دائما في قفص الاتهام رغم انهم ما يقصرون

ومحظوظون ماشاءالله بوجود الزعيم قريب منهم

وهنا انا لا اعاتبهم ولا احثهم

اتذكر مباراة الهلال وماس كرمان الايراني شديت الرحال انا وثلاثة معي من مدينتي بالقصيم

والاخ الغالي ابو العنود ( فهد ) ايضا شد الرحال من حائل

وفي الاستاد بالصدفة تقابلت مع احد الزملاء في الرياض ودعوته للجلوس بجانبنا

ولكن ذكر انه ينتظر خمسة من الاصدقاء من محافظتنا الغالية الاسياح

وفي الطريق الى الرياض ايضا شاهدت كذا سيارة واعلام الهلال تزينها

ويشهد على كلامي الغالي ( فهد ) فكنا في نفس الموعد وبدون اتفاق

جمهور الهلال حضورنا لاجل الهلال فقط وليس من اجل ( التميلح ) كما يفعل البعض

او نفرح بالهزيمة علشان نقول معاك بالحلوة والمرة

بل نحضر ونؤازر الزعيم من اجل مزيد من الانجازات

فبنو هلال لا يشبعون ولا يملون او يكلون من البطولات

نحن كنا ولا زلنا الرقم الصعب

جمهور الهلال العظيم والعظمة لله تسعين دقيقة فقط وقبلها ساعة او ساعتين وبعدها ساعة

وبحسبة بسيطة نعطي زعيمنا والذي طالما افرحنا واسعدنا ورفع رؤوسنا اربع ساعات فقط او حتى خمس ساعات لا يهم

ولا نبحث عن الاعذار من ناحية المعاملة السيئة وخلافها

فالمعاملة السيئة ليست من الكل او للكل

فالحمدلله شخصيا وخلال حضوري لمئات المباريات لم اتعرض ولله الحمد لاي مضايقة

ربما عانيت فقط من المشوار والمسافة من قطع مسافة 400 كم ذهابا و400 كم ايابا

واحيانا تكون هذه المسافة في نفس اليوم ولكن كل هذه المعاناة تهون في سبيل حبي وعشقي للزعيم

هل شاهدت جمهور الزعيم في جدة ؟؟

هل شاهدتم جمهور الزعيم في بريدة في الاحساء في الدمام في كل مكان ؟؟

حضور مشرف حضور رهيب

لنحضر يوم الاربعاء ونملئ جنبات الاستاد

باذن المولى عز وجل ساحضر المباراة من القصيم وتحديدا من عين بن فهيد ومعي ثلاثة

وفهد كذلك سيحضر من حائل

وبكل تأكيد غيرنا كثير سيحضر من القصيم ومن سدير ومن الخرج ومن الشرقية

وطبعا انتم يا اهل الرياض الاساس

سنحضر ياذن الله تعالى ونهز جنبات الاستاد لنؤاز زعيمنا سنهتف بصوت واحد هلال هلال

سنحضر من اجل نجوم الزعيم كاااافة وخصوصا الاسد والمقاتل والرجل رادوي

عندي احساس هذه المرة ان الملعب سمتلئ عن آخره باذن الله تعالى بجمهور الزعيم العاشق

تذكروا ان حضور الجماهير هو الوقود بعد الله لكل اللاعبين

اكثر من لاعب صرح انه عندما يشاهد الجماهير يحترق لاسعادها

الحمدلله والشكر الزعيم بطل الدوري وبطل كأس ولي العهد وثاني كأس فيصل ومتصدر مجموعته اسيويا

والصفوف مكتملة اللهم لك الحمد والشكر باستثناء الجني الازرق ويلي شفاه الله

الذي ذهب ضحية مجزرة الخميس الله المستعان

وان شاءالله يعود قريبا للركض وخدمة الزعيم

واقول لنفسي ولكل الحضور يوم الاربعاء ان شاءالله لا تؤجلوا او تؤخروا الصلاة

وهذا فقط للتذكير والا ولله الحمد المشاهد ان الواحد يقف سرا حتى تتاح له الفرصة للصلاة ف المصليات المنتشرة في كل ارجاء الاستاد

الله يثبتنا على طاعته ولا يحرمنا الفرحة يوم الاربعاء وكل يوم ان شاءالله

^دٍِّوٍِّلاٍِّرٍِّ^ · #2 20/03/2010, 08:14 PM

مافي شي صعب ابدا دامك هلالي ..

اذا انت وانا وغيري نحب الهلال ونعشقه فجميعنا يتسابق على الحضوور ومن ساعات مبكره ,,

جمهور الهلال لا تخيبون ظن الزعيم فيكم

سعودالرياض · #3 20/03/2010, 08:19 PM

سنحضر من اجل نجوم الزعيم كاااافة وخصوصا الاسد والمقاتل والرجل رادوي!! يالبيه يالمقاتل اللي بيحضر للملعب يصفق له

كثيييييييييييييييييييييييييييييييير كثييييييييييييييييييييييييييييييير تكفون !!

ولجميع النجوم أيضآ

بيض الله وجهك أخوي لاهنت يالذيب !! وبإذن الله عندي إحساس إن الحضور بيبيض الوجه !! إن شاءالله !!

[ آبو خآلد ] · #4 20/03/2010, 08:23 PM

انا اوووول الحـآضرييين للملعــــب ... !

همس الحراااير · #5 20/03/2010, 08:25 PM

جمهور الرياض غسالين ايدينا منهم ما راح يحضروووووون

ويملون الملعب الا لوكانت المبارة باستاد فيصل لانه ببساطة

جمهور مقاهي

مستـ عزوووزـــر · #6 20/03/2010, 08:27 PM

لا إن شاءلله راح يكون الحضور اكبر من مبارات مس كرمان

وشكرا

مخدتي زرقاء · #7 20/03/2010, 08:39 PM

والله نتمنى ذلك لكن الجمهور في الأونه الأخيره خذل الإداره والفريق بعدم حضوره !!!!!!!!!!!!!!!!!!!!

اللي يحدث صراحه شي غريب الفريق محقق بطولتين ولي العهد والدوري وهو أهم بطوله في البلد ورغم ذلك الجمهور لايحضر !!!

لكن راح نشوف الجمهور في مباراة الأهلي الأمارتي هل راح يحضر ولا كالعاده .

سامي فوق القمه · #8 20/03/2010, 08:40 PM

الله يعطيك العافيــه وجماهيــر الرياض قبل مهوب الحين

>> من اهالي الرياض يحب الصرحه

وعسى نشووف الجماهير يوم لاربعاااء في الدره لان فيه بين الهلال والنصر تحدي جماهير

عاشقهـ الهلآل · #9 20/03/2010, 10:21 PM

انا واثقه بأن الجماهير بتحضضضضضضضضضضضضضضضضضضضضضر

الجهني99 · #10 20/03/2010, 10:31 PM

ان شاء الله يمتلى الملعبببببببببببببببب
يعطيكم العافيه

وانا اول الحاضرين من ينبببببببببببببببببع البحر لعيووووووووووون الزعييييييييييييييييييييييييييم

ارسن فينقر · #11 20/03/2010, 11:37 PM

والله ماهي صعبه

وتكررت كثيرا مع الزعيم

لكن مشكلة البعض انو اتكالي ويقول غيري بيحضر وهذا مو منطق

يعني هلالي بالاسم فقط

اذا هلالي لازم تحظر

..

الشلهوب -10- · #12 20/03/2010, 11:52 PM

انا اول الحاضرين ان شالله بطلع من المدرسه انا واخوياي ونروح نتغدى وعلى طول للملعب << قصة حياته خخخخ شباب نبغى 70 الف مشجع في الملعب

!هلالي حتى الموت · #13 21/03/2010, 12:00 AM

انا اول الحـآضرييين للملعــــب ان شاء الله ,,,

وبالتوفيق لــــ نادي الهلال في الاسيويه,,

المجازف 511 · #14 21/03/2010, 12:34 AM

بإذن الله الجمهور ماراح يقصر..!!

وان شاء الله اكون من اول الحاضرين..

والله يستر على اللي يبي يمسكون خطووووط..

9 زعيم آسيا 9 · #15 21/03/2010, 01:35 AM

إقتباس

الرسالة الأصلية كتبت بواسطة همس الحراااير


	جمهور الرياض غسالين ايدينا منهم ما راح يحضروووووون ويملون الملعب الا لوكانت المبارة باستاد فيصل لانه ببساطة جمهور مقاهي

اخووي هل تعلم ان استاد الأمير فيصل بن فهد لححااله اكبر من ملعب جده وملعب الدمام

استاد الأمير فيصل يتسع لـ 23 الف متفرج وملعب جده يتسع لـ 16 الف متفرج وبعدين مباراة الهلال والأتحاد كانو قاسمينها النص بالنص يعني 8 آلاف للهلال 8 آلاف للأتحااد يعني جمهور الهلال الي بجده كانو 8 آلاف فقط والهلال في مباراة مس كرمان كان معبي 22 الف متفرج او اكثر يعني ملا ملعب جده واكثر بعد يعني بالله عليك تقاارن استاد الملك فهد الي يتسع لـ 70 الف بملعب جده او الدمام الي يتسع 16 مدري 15 الف وملعب القصيم الي يتسع عشر آلاف متفرج وملعب الأحساء 8 آلاف او اقل والله ما تتقارن بالملاعب الي عندكم لو جميع مباريات الهلال في استاد الأمير فيصل بن فهد كان تشوف الملعب دايم ملياان يعني والله ان حضور الرياض اكثر من حظور جده والدمام والقصيم لأن ملعبناا كبير ويحضر 22 الف يعني حضرنا اكثر من جمهوركم كله وانتم ملاعبكم الي في جده والدمام ترا دايم تكون النص بالنص يعني 8 آلاف متفرج بس الي يحضر وحنا الملعب كلها لنا ودايم حظورنا يغطي الواجهه وواجهه الملك فهد اكبر من ملعب جده والدمام كله

بس انت تشوفون الجمهور مغطي الملعب الصغير قلتو جمهور جده وجمهور الدمام يحظر ومدري وش كانهم
شاطرين خل يصير عندهم ملعب زي ملعب الملك فهد تشوف هم يحظرون ولا لا

وبعديين انت تحسب الرياض كلهم هلاليين الريااض فيها نصرااويين وفيها اتحااديين وفيها اهلااويين وفيها شبابيين وفيها جميع المشجعين