|
الكلاسيـــكو ونتــائجـــة .. من وجهــة نظري....!! بسم الله الرحمن الرحيم الكلاسيكو ونتائجة ممكن الاحداث المصاحبه للكلاسيكو الكبير في الدور الاول ما انتهت أثاره واتجهة معه الى الدور الثاني !! ولكن اثاره بقيت وترسخت في أذهان لاعبين الاتحاد وليس لاعبين الهلال والدليل محمد نور - راشد الرهيب - احمد حديد ومن شاهد المباراة يتأكد كيف كانوا يلعبون لعب خشن ودخول غير مبرر على ركب ومفاصل لاعبين الزعــيم !! ولهامسون نقل على سيارة الاسعاف ! حركة قذرة سببت كل هالاحداث في اخر المباراة والي يبي يعرف ما هي الحركة يشاهد راشد الرهيب وكيف حصل الخطاء !! وبعدها يعرف سر ردت فعل ياسر اتمنى من المسؤولين ماشاهدة الحركة والحكم عليها لانها تستوجب الشطب النهائي وليس الايقاف ياراشد الرهيب ومن شاهد راشد الرهيب كيف كانت اخلاقة مع الاتفاق وكيف اختلفت اخلاقة مع الاتحاد يتذكر الحديث :: (( من عاشر قوماً أربعين يوماً صار منهم )) ولا استغرب تكسير ولعب على الركب والمفاصل واذا فاتتك الكورة لا يفوتك الاعب !! كل هذا معروف عنهم وكلام عضو شرف الاتحاد مدني رحيمي في الارتي وفي برنامج الجولة بالتحديد عن الكلام الي بيصير قبل كل مبارة للاتحاد وهي الاعب على الاصابات القديمه واستهداف الاعبين المهمين في الفريق او مفاتيح اللعب للفريق المنافس وتعمد اصابتهم ! لخروجهم من المباراة اتوقع او اجزم انه لازال يعمل به لاخر مباراة شاهدتها للاتحاد امام الزعيم والدليل اصابة ولهامسون وتعمد الاحتكاك والتكلم على لاعبين الهلال بكلام بذيء لطلوعهم عن جو المباراة لان الحكم اجنبي ولا يفهم كلامهم ! واتوقع الحكم ايضاً لا يفهم كورة ! وبخصوص رادوي انا مع الحكم ان يتم طردة بس بشرط ان يتم طرد محمد نور قبله لانه هو الذي بدا في الشرارة ولا تطفي النار الا فيه ! ولكل فعل ردة فعل يترك الفاعل ويتم طرد صاحب ردة الفعل !! هذي يبي لها مقالات وليس مقال ياحكم المباراة وانا مع ردة فعل رادوي وصفعه لن ينساها محمد نور لانه يستحقها ويجب ان يتربى لاعب مغرور ممكن هالصفعه تصحيه وتعيد حساباته لكي يرجع لاعب رائع ويشيل فريقه في الاسيوية فقط لان فريقه سعودي واضع تحتها 1000 خط !! اعذر لاعبين و إدارة واعضاء شرف وجماهير الاتحاد في فرحتهم التي كانوا عليها بعد المبارة ومن شاهدهم يتوقع ان المباراة كانت نهائية وحصلوا على الكأس !! نعم ممكن فوزكم على البطل وزعيم الاندية الاسيوية والعربية والسعودية الهلال بطوولة لوحدهأ وتحسب لكم ولكــن صفعت رادوي وخالد عزيز وياسر القحطانـي لكابتن الاتحاد محمد نور وراشد الرهيب توازيها عن جماهير الزعيم فقط اقول جماهير الزعيم لان ممكن ادارة الهلال تعلن عقوابات عليهم ولا استغرب لانها ادارة واعيه ومحترفه وتسعى لتجنب اي شي يأثر على مستوى الاعبين لا استغرب ان تكون القرارات التي سوف تخرج من لجنة الانضباط تكون قوية على لاعبين الهلال ولكن ممكن القرارات تجي متاخره بحكم القرارات على الهلال تؤخذ في اخر الليل !! من نفس المباراة وإلى الان لم نسمع شي ..!! جاري الانتظار .... اتمنى من لجنة ( الانحطاط ) قصدي الانضباط ان لا تتعدا جماهير الاتحاد كل عاده في اهزوجتهم المعتادة على ياسر بل يجب ان تتحرك ادارة الهلال برفع كل ما يستلزم من ادله لرفعها للرئيس العام لرعاية الشباب واحد خطين تحت رعاية !! لانه نايم وما اتوقع في يده اي شي معروف منو الي يدور على الهلال ولاعبينه يا اسير الشوق ولكن نرفع ونشوف !! الهلال عادل ثم عادل في المباراة مع الاتحاد في الدور الاول عطاهم خمــــســــة كانت قابله للزيادة مع تدريسهم لفن الكورة وفي الدور الثانــي عطاهم خمـــســـة ولكن بشكل ثاني وأسألوا رادووي يعلمكم كيف !! عجيب يارادوي لازم تضع بصمه في المباراة سوا بيدك او بغيرها بس عتبي على رادوي في الصفعه كان فاتح يده واصابعه الخمس امام محمد نور وذكرته في الخمســــه المشهورة خروج ولهامسون وهو على النقاله كان يأشر بيده للجمهور بالخمســـــه لا اعلم ماذا يقصـد !! كل التوفيق للزعيم في المباراة القادمه امام الاهلـي الاماراتي لانه اذا فاز فيها ممكن يتأهل وبشكل كبير الى الادوار المقبله اتمنى التشكيلة الي بتلعب امام الاهلــي تكون بشكل هذا :: الدعيع الزوري خيرات هوساوي لي يونق عزيز رادوي الشلهوب نيفيز العابد ياسر لان هالتشكيلة منسجمه مع بعض ومتفاهمه والخطه حافظينها الاعبين بالتوفيق للزعيم |
لي عودة مرة اخري <<<< الله يعطيك العافيه |
صحيح صحيح صحيح كلامك صحيح وعين العقل |
وربي كلامك عين الصوووواب سلمت يمناااك ع الكلام الرائع والطرح الاكثر من رااائع يعطيك الف عافيه |
إقتباس:
|
إقتباس:
هلا بك والله يوفق الزعيم ان شاءالله الاربعاء الحضوور الحضوور ياشباااااااااااب |
اخوي طرحك راقي لكن ياليت نتكلم عن مباراه القادمه لان جمهور الزعيم دائما يناظرون للامام مباراه وانتهت يكفي نعتبرها تحصيل حاصل وهم يعتبرونها بطوله اتمنى من الجميع التفكير في الاسيويه وبس |
اخوي خلص الدوري وانتم ما خلصتوا من سالفة الأتحاد..!! طيب وش الفايده من الكلام هذا الحين..؟ انتم الي تكبرون النادي المذكور اعلاه حتى والله العظيم ماابي اجيب طاريه لاني ما ابي اعطيه اكبر من حجمه.. المباراة انتهت بخيرها وبشرها ولجنة الأنحطاط اصدرت قرارها وهذا خطأ من ادارة المنتدى لانها لم تذكر هذا الخبر..! عموما نحتاج وقفه الجمهور يوم الأربعاء..والجمهور بيقول كلمته ان شاء الله في هذي المباراة.. تقبل خالص تحياتي وتقديري |
إقتباس:
يالحبيب ترى الموضوع مكتوووب بعد لامباراة بيومين مو اليووم !! بعدين للحين تبعيات احداث المباراة قائمه مثل قرارات لجنة الانظباط امس اعلنوها ..!! واتوقع اني تكلمة عن المباراة القادمه للهلال في الموضوع ..!! ياليت تقرا الموضوع زين خيوو وبالتوفيق للزعيم |
إقتباس:
يا أخ تركي انت في موضوعك جالس تتكلم عن احداث انتهت من (( )) ما أدري وش الفايدة الي بنطلع فيها من موضوعك..؟ يعني لو رادوي مسكر يدينه كان جا البقس اقوى.. ولا ولي يأشر بالخمسه هل كان يقصد مع السلامه او لاتنسون الخمسه..؟ أخ تركي فريقك بيشارك بكرا الأربعاء مع فريق الأهلي الأماراتي حلو انك تبدي التشكيله وتقول وجهة نظرك الي على الأقل اذا مانفعت ((ماتضر)) اما كلامك عن مباراة الأتحاد ما اشوف ان لها اي داعي..لأنه يثير الجماهير ويزيد من الاحتقان الي هو بالاصل قائم الى الان.. شكرا لك |
إقتباس:
انا ما ابي اغير اتجاه الموضوع بالنقاش معك في منحنا مختلف بس اتوقع انك ما قريت ردي عليك الاول ؟ انا قلت لك الموضوع هذا مو الحين كاتبه انا كاتبه بعد المباراة يعني اذا ما كتبنا بعد المباراة متى نكتب ؟؟ قوولي متى يعني بعد سنه !! بعدين قلت لك ما نسيت المباراة القادمة وتكلمت عنها اتمنى انك فهمت قصدي ...!! اشكرك على اهتمامك في الفريق وحماسك هذا اتمنى اشووفه في الملعب تساند الفريق .!؟ |
يعطيك ألف عافيه يابطل كل التوفيق لهلال القرن . |
صحيح صحيح صحيح كلامك صحيح وعين العقل |
إقتباس:
سعــــود نورت الموضوع يالغالــي |
| الوقت المعتمد في المنتدى بتوقيت جرينتش +3.
الوقت الان » 06:23 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd