إقتباس هل ماسكي اعاق فالنسيا ؟

هلا ابو اصيل وصلك السلام ؟

ابتلقف و اجاوب .. اعاقة فيه من برى المنطقة واستمرت لحد ما دخل .. فالنسيا ذكي لما دخل طاح .. واللقطة بهالوضع تكون تقديرية الحكم يقدرها .. وبحكم انه مانشستراوي اصيل قال بلنتي .. الشي اللي محد تكلم عنه .. الظاهر فالنسيا كان متجه للقول يعني منفرد .. يعني المفروض ماسكي احمر والا ؟!

الوكاد لا بغيتونا ندقق ونطلع اخطاء ومن نفس المباراة ترانا حاضرين
هاردلك حبي

يا لبببببببببى الإنسداحة ياشيخ وقبلها يا لبى القطه من فليتش .. بالذات يوم يدعس الكورة ويقدمها .. جالس اقول لاخوي جنبي شف الاوفر اللي يبي يجي

قرررربت
مسأله وقت بس .. بإذن واحد أحد

ببالي كلام كثير بس طار مع الحوسة اللي شفتها
مواضيع البريمر صايرة كلها تتكلم عن التحكيم للاسف وهالشي ما يشجع انك ترد
اتمنى الوضع يتعدل

مبروك مانشستراوية .. هاردلك ليفربولية وتشلساوية

إقتباس يعني مثلا مانشستر تأسس قبل الليفر .. انتم تحت الظل دائماً << زي كذا كلامك انت !

لا ماهيب زي تسذا مسيو تركيّ .. سالفتها طويلة هالجملة متى مابغيت تعرفها مر عليّ بالمسن وأنا اسرد لك اياها من طئطئ لسلام عليكم

--

Valdano

أنت أخر واحد يتكلم عن التحكيمّ يافهد

قفله لجماهير المان :

تسلفونا فيه ببقية الدوري بس ؟!

هالموسم موسم كارثي من التحكيم والا بيدور الزلات من التحكيم والله بيتعب .. مالي نفس اتكلم عن اي شي بعد مستوانا امس

الف مبروك مانشستراوية وارسنلاوية وهاردلك تشيلساويه وريدزاوية

انا ما ادري , هاللي يتكلمون ويقولون الاتحاد المآنشسترآوي ويكررون هالكلمه .. ما ادري هي بقناعه منهم , والا لأن المآنيو عدو لهم , او بتعبير ثآني من أشد الخصوم لهم ..؟ والا انهم مجرد امّعه سمعوا هالكلمه وصآروا يستخدمونهآ ضد المآنيو .؟

الكل يعرف بالفضآيح التحكيميه اللي بالدوري الانجليزي , وما فيه اسبوع يعدي الا وفيه فضيحه , لكن متىآ يكون فيه نقآش عن الفضآيح التحكيميه ..؟ اذا انهزم واحد من الانديه اللي مآخذين التحكيم شمآعه لهم يعلقون عليهآ أعذارهم
بلنتي المآنيو أمس كآن حآله تقديريه وكآنت الاعاقه موجوده وكآن فآلنسيآ مستعد للتسديد وما كآن قدامه أي مدآفع ومسك مآسكيرآنو له كآن متعمد .. وواحد من العيآل فوق رد عني وقآل

إقتباس ابتلقف و اجاوب .. اعاقة فيه من برى المنطقة واستمرت لحد ما دخل .. فالنسيا ذكي لما دخل طاح .. واللقطة بهالوضع تكون تقديرية الحكم يقدرها .. وبحكم انه مانشستراوي اصيل قال بلنتي .. الشي اللي محد تكلم عنه .. الظاهر فالنسيا كان متجه للقول يعني منفرد .. يعني المفروض ماسكي احمر والا ؟!

كلامه كآفي ووآفي ما ازيد عليه بحآجه
أبي اجابه , هو يستآهل مآسكي الكرت الأحمر والآ لآ !!

/

لو رجعت اسالكم ياللي كررتوا كلمة ( الاتحاد المانشسترآوي ) عن بعض الاحداث والاشياء اللي صآرت بتردون علي فيهآ ..؟

في رد من الردود قآرنت بين حركة الريو اللي توقف عليهآ 4 مبآريات .. وحركة جيرآرد اللي في لآعب بورتسموث
السؤال : وين دور الاتحاد المآنشستراوي على قولتكم ..؟!!

/

الموسم المآضي , المباراه الشهيره في الاولدترافورد اللي انتهت 4-1 لليفر , كان طرد فيدتش مستحق وكآن طرد مبآشر لأن جيرآرد كآن آخر لاعب وتعمد مسكه فيدتش .. وقرار سليم بطرد فيدتش , في ذهآب الموسم الحآلي على ملعب الأنفيلد مباراة المآن ضد الليفر اللي انتهت 2-0 لليفر , في الدقيقه 84 تقريبآ جيمي كارغار اعاق مآيكل أوين وهو منفرد وكآن آخر مهاجم وكانت شبيهه بالظبط للفاول اللي ارتكبه فيدتش ضد جيرارد , لكن فيدتش انطرد وكارغار اخذ كرت أصفر !!
وين اللي تقولون عنه اتحاد مانشستراوي ..؟؟؟؟

/

البلنتي حق ديفيد نغوغ ضد بيرمنجهآم في الانفيلد ... بلنتي قبيح قبيح قبيح , يستآهل عليه كرت أصفر نغوغ لتمثيله ..
قلنا أخطآء تحكيميه فآدحه , وما قلنا تحكيم لصالح الليفر !!

/

نرجع لمباراة أمس ,,,
كرت فيدتش !!!
في أول فآول عليه في المباراه ياخذ كرت ..؟ فاول عادي ما تدخل بخشونه فيه ياخذ كرررت ..؟ والا لأنه انطرد قدام الليفر 3 مرآت خلاص يعني لازم يآخذ كرت؟
توريس في لقطة البلنتي مو المفروض يآخذ عليهآ كررت ..؟
وين الاتحاد المآنشستراوي ياللي تكررون هالكلمه ..؟

/

اتمنى كل من قآل ( الاتحاد المآنشستراوي ) يعلق لي على هالموآقف

/

مبروك مآنشسترآويه حبآيبي الفوز وتعثر تشلسي , هآرد لكم ريدز فوز السيتي والسبيرز

ماشاء الله عليك نشرت غسيلي بالكامل ولاخليت عني اي شئ يافهد ، تسّان كملت هالتقرير ائصديّ غسيّلي خخخ .. ، بكم صورة للتأكيد ، تخوف والله يافهد يبي لك بلوك اسبوعيّن على الأقل ليّن تغديّ رجال يابجيح هاهاهاها وتترك عنك هالأمور ، ماعلينا .. انا ما اجحد ان الليفر هالسنة والسنة اللي مضت واللي قبلها استفاد من التحكيم ، كل الاندية تستفيد من التحكيم ، وبالاخير هُم بشر .. لكن المان غير خذ لك هالاحصائية على الطائر عشانّ أخش دُغريّ وأتكلم عنّ كل فوز يُحققة اليونايتد .. على ذمة الغارديان هالاحصّائية ،،، تقول صحيفة الغارديان أن المان هو المُستفيد الاكبر من التحكيم في الاربع السنوات الاخيرة ، يعني هنا فيه نسبة مئوية كان لها دور بتحقيق المان للالقاب الاربعة الاخيرة في الدوري .. وطبعاً مانحتاج لاحصائية يافهد من صحيفة انجليزية لكن للتأكيد ، .. الكل له عوينات يافهد ويشوف البلنتيّات اللي تحسب لليونايتد من لاشئ ، والعكس ضدهم .. منها بلنتيّ ارشا في الموسم الماضي الظاهر او ذا الموسم في الاولد ترافورد قبل نهايه الشوط الاول اذا ماخانتني الذاكرة .. بلنتي حتى الاعمّى اللي مايشوف الجادة يحتسبة ، فكيّف حكم واقف قريب من اللقطة وشايف العرقلة بعيونة عساها تاكلها الدود اليوم قبل بكرة .. ويمشي الامور وكأن ماصار شئ .. وبنفس المُباراة الحكم حسب لليونايتد بلنتيّ من ديفينغ خورافيّ ، الحكم صفارتة سبقت سقوط المُهاجم مثلها مثل بلنتي كاريك على السبيرز الموسم الماضيّ ، حشر توتنهاميّ لمانشستر الشوط الاول وتقريباً ربع الشوط الثانيّ .. المان ماينفسّ بكامل نجومة ، مكلبشينهم لاعبيّ السبيرز .. ووقتها لو انهزم مانشستر 90% اللقب ليفربوليّ .. لان بيكون الفارق بيننا وبين اليونايتد نقطة وباقي للمان يو مُباراة كم مُباراة واصعبها ارسنال على عكسنا حنا ، ومن بلنتيّ سلمك الله حسبه هاورد ويب قلبت المُباراة 180 درجة وغيرت في الجدول شئ واجد .. ويجيك هاورد ويب ثانيّ يوم يتعذر ، برئ يالاصّلع محدن شكك في نزاهتك وراعيّ ذمة أنت مايحتاج هاهاهاهاها ، مُباراة امسّ حدث ولا حرج .. دعس لقائدهم الله يكرمني من ذكر أسمة .. لرودريغيز وخذ لك هاك اللمخة على قفى الارجنتينيّ ، والحكم يكمل المُباراة .. تخبر دوري انجليزي مايلعب فيه الا ريجيل ومافيه مشكلة لو نقلبها wwe وبالمثل دعس فليتشر لكاوت .. اللي المفروض ياخذ عليها كرت احمر دايركت .. لكن اللي شفتة عكس اللي تمنيتة .. الحكم يجيك مشوت .. ويحتضّن فليتشر ويهديّ اعصابه .. ويلتفت على كاوت وبغى يرصة بـ كرت اصفر هاهاهاهاهاها ، البلنتيّ مايحتاج اتكلم عنة .. اما عن مركز الليفر هالسنة .. الكل شايف مستوى ليفربول اوروبياً ومحلياً .. سئ جداً ، لكن هذا مايمنع انك تعطيني حقيّ في كل مُباراة .. موب معقولة في موسم كامل مايُحسب لي غير بلنتيينّ .. الاول تمثيّل والثاني صحيّح ، بلنتييات كثيرة هالموسم ما اُحتسبت لنا .. منها الارسنال هوم بلنتيّ لجيرارد ما احتسبه هاورد ويب ، ومنها طوّل الله في عمرك بلنتي ببداية الموسم ضد السبيرز اللي وقتها يافهد سألوا بينتيز عن التحكيم .. ونزل نظاراتة ونظفها واستدعوه للتحقيق وغيره يفصع للحكام ومحدن التفت له .. ، وبلنتيّ لوكاس ضد ستوك سيتي أوايّ .. وما انسى نجوم كرة اليد لاعبي الارسنال ، صدوا هدفيّن لنا بيدينهم في الايّاب .. والحكم كذلك هاورد ويب يارجال لو ابي اتكلم عن كل مُباراة واسرد لك جميع ماصار فيها من ظلم راح نطول " أتكلم عن حق ليّ ما اتكلم عن مُستوى " .. !

إقتباس ولو بندقق في اخطاء الحكام لـ صالح الليفر بـنلقى مساعدات لـا تعد ولا تحصى

ياليت تدقق ، وانا متاكد انك ماراح تلقى في هالموسم الا بلنتيّ ديفيد نغوغ