|| LA LIGA J.27 , " الريال في استراحة " , " برشلونة في اللا روماريدا " , " اسبانيول واشبيلية في لقاء مثير " , " فيا زعلان وراجع لنا بـ هاتريك " || - صفحة رقم 4 - نادي الهلال السعودي - شبكة الزعيم

Hilali 3asal · #1 21/03/2010, 01:08 AM

^^^^

طيب وش فيها اذا قلت فورزا خيخون يستاهلون على المستوى اللي قدموه في المباراة ... اما لقطة فان دير فارت ماشفتها ياعبدالله مثبت الكورة بيديه الثنتين واضحة حتى لاعبين الريال وقفوا ماتشوفه راح يفرح لحاله ... طالع الكورة بين يديه تحس انه ليبرو كرة طائرة يبي يرفعها لمعد الفريق

هذي صورة ممكن اجود وأوضح :

King Aziz · #2 21/03/2010, 01:05 AM

الهدف الاول لـ خيخون تسلل

قبل اخروج الكرة

بعد خروج الكرة

ما ادري وين الغش معة

مرة ثانية جيبو ادلة مو كل واحد يسدح رد و يقول غش و يمشي

هذي الصورة اوضح صورة قدرت اجيبها

تحياتي

Separatista · #3 21/03/2010, 01:11 AM

يالحبيب المتسلل ما استفاد من الكوره الي اخذ الكور الي تحت على اليمين

حلوه ابو سلطان الليبرو ... يمكن الرجال متعود بعد التدريب يروح يلعب طائره واختلطت عليه الامور

--=( ملك الزعيم )=-- · #4 21/03/2010, 01:19 AM

هكذآ التجير وإلآ فلآ ,
من جد ياشباب , لآ أحد يكتب وهو من غير دلآئل وبرآهين <~ حللوة !

king Aziz

أحس إنك متخصص قـآنون ! خخخ

K.R.M · #5 21/03/2010, 01:19 AM

تحكيم × تحكيم

ملينّا من هالأسطوآنه , لآزم بعد أي مبآرآة للريآل أو آلبرسآ تحكيم تحكيم !

بآلنسبه لمبآرآة آليوم , آلريآل دخل بثقه زائده في الشوط الأول , وخط آلوسط متبآعد و مآفي شغل ع الأطرآف !

مع دخول جوتي بالشوط الثاني حرّك اللعب و صار فيه توزيع بآللعب
وشفنا كيف الفريق قدر يرجع للمبآرآة بعد هدف ( مشكوك بصحته ) لخيخون

و تحسب للفريق أنّه جآب الثآني بعدهآ بدقيقه و ريّح نفسه من الظغوط

غرآنيرو سيء آليوم , ومآ شفنا له أي أدوآر آلليله غير قتل الهجمات خآصة بالشوط الأول

هيجوين

و كريس

مستوآهم جيد , ويكفيني أنهم سآهموا بالفوز

نرجع للتحكيم , صحيح الريال استفاد , لكن ما نقول أنه فآز بالتحكيم , لأن الفريق كآن مآسك المبآرآة و يقدر يجيب هدف بأي دقيقه في الشوط الثاني , وما ننسى أن خيخون أستفآد من التحكيم إذآ حبآيبنا البرشلونيين يركزون على كل كبيره و صغيره

عاشق s.ramos · #6 21/03/2010, 01:19 AM

فآرت : نعم , الكرة لمست جزءً من يدي , لكن الجزء الأكبر كآن بين بطني و منطقة العآنة

Separatista · #7 21/03/2010, 01:29 AM

[CENTER]

إقتباس

الرسالة الأصلية كتبت بواسطة عاشق s.ramos


	فآرت : نعم , الكرة لمست جزءً من يدي , لكن الجزء الأكبر كآن بين بطني و منطقة العآنة

صدق والله ... صراحه رد مقنع

ماودك تقلبها مادة علوم افضل

David Naif · #8 21/03/2010, 01:37 AM

يعافيك ربي الدحمي هلى هالتقديم
دايم مبدع يا بطل

يقولون الريـــآل فآآز والله وصار إثارة بالدوري .. اللي يخلي لنا برشلونة دايم يتراخي علشان يعطي الدوري حقة

المووهم اسطونة التحكيم وما التحكيم .. صراحة انا ما اقتنع بسالفة الحكم غش مع
فريق او ما الى ذلك .. يا اخي الحكام دايم يخطون ويوم لك ويوم عليك واذا خدمك
بيوم راح يجي اليوم اللي تتشكى منه << وجهة نظر

اوما سالفة اللي يلعب سلة مع الريــآآل يا اخي ما ينلام الحكم خبل ومشآهآآآ وش
تبيه يسوي تبيه ياقف ويقول يا حكم انت دلخ

بالتوفيق لبرشلونة بكرآآ ونشوف لاعبين كرة قدم

ابودحه الهلالي · #9 21/03/2010, 01:23 AM

محد قالك شف اللاعب الثاني ..
اللاعب الي استلم الكورة بكبره متسلل !

لي عودة مع بعض اللقطات .. لاني مليت من ناس كل ما خلصت مباراة للريال قعدوا يحسبون كم رمية جانبية خطا على الريال وفريقهم تجيه الاهداءات تلو الأخرى !

Hilali 3asal · #10 21/03/2010, 01:31 AM

السؤال الحين بالنسبة للقطة هدف خيخون لأني ما انتبهت للهدف من اللي استفاد من الكورة وسجل الهدف ؟؟ اذا كان اللاعب اللي في النص بجنب غاراي فهو متسلل ، لكن اذا كان اللي في أسفل الصورة قريب من مارسيلو اتوقع الهدف صحيح لأنه تقريبا على خط واحد مع غاراي ولا هو متسلل .

ahmad919 · #11 21/03/2010, 01:39 AM

َ

ما شافو الا لقطة هدف فارت .. و فجاءه هدف تسلل 500% .. يكون فيه أحتمال
أن اللاعب الثاني مو متسلل .. مادام وضعكم كذا ,, أجل ايه فزنا غش
و نحنو فريق الحكومه و بيريز شاري الحكام ,,

Hilali 3asal · #12 21/03/2010, 02:02 AM

عبدالله ياخوي اترك عنك الصورة اللي جبتها طيب اللاعب بنفسه يقول ان الكورة كانت في يده ... واذا كانت الصور الثابتة خادعة طيب مافيه فرق بينها وبين الصور اللي جايبها اخوي ابو دحه لأن الصورتين قبل خروج الكورة وبعد خروجها والمسافة بين رجل اللاعب والكورة ممكن تخدع اللي يشوفها مع اني قلت رأيي فيها في رد سابق ومقتنع فيه أي الاثنين هو اللي استفاد من الكورة وسجلها ؟؟ لأني ما اقدر اناقش في لقطة انا ماشفتها بصراحة .

أما سالفة فورزا خيخون يالغالي تراني ماني بحاجة اني ابرر كلامي لانه واضح ... انا كتبت فورزا خيخون لانهم يستاهلون وفورزا للتحكيم على اللي صار في المباراة يعني المقصد واضح بدون تلميحات وعموما ترى مايحتاج نخلي هالكلمة موضوع نقاش .

بعيد عن مباراة الريال اسبانيول بهذلوا اشبيليه وفازوا بهدفين وضيعوا أهداف بالكوم ... اشبيليه لعبت فيه الاصابات من الشوط الاول باصابة نافاس وكابيل وتغييرات اضطرارية .

Hilali 3asal · #13 21/03/2010, 02:23 AM

أبو دحه حبيبي معليش تجيب لي لقطة رونالدو البلنتي في آخر ثمان دقايق وانت فايز بنتيجة 3/1 معليش يعني وش تأثيرها على المباراة اذا تقارنها بهدف فان دير فارت الي هو تعادل أو بلنتي فيه شك بنسبة كبيرة لخيخون يوم كانت النتيجة 2/1 للريال ذكرتني بلقطة بيكي مع رونالدو في الكلاسيكو يوم يعترضه بيده واللي كلكم كنتوا وقتها تقولون انها بلنتي نفس الحركة واضحة من اربيلوا اعترض لاعبهم كاسترو بيده ... طيب برشلونه قدام فالنسيا احتسب على هنري تسلل ماهو صحيح انفراد لكن النتيجة 3/0 ماراح يهمني في المباراة ولا اعتبره خطا مؤثر في النتيجة .

هدف خيخون برأيي بعد ماتابعت اللقطة الحين في الاستديو اعتقد انه صحيح ولا فيه أي تسلل لأن اللاعب اللي استفاد من الكورة قريب من مارسيلو كان غاراي مغطي عليه ويبقى هذا رأيي في الهدف وكل واحد له وجهة نظر .

خلصنا من النقاش والمباراة انتهت وفي النهاية نقول مبروكين على الفوز .

تصبحون على خير جميعا ،،،

BENZEMA10 · #14 21/03/2010, 01:39 AM

أبو سلطان تكفى لا تشوف صوره ثابته و تقول لي شف هذي هي بيده واضحه ههه
ياخي أنا حملت الهدف من الإستديو و شفت الهدف فيديو كامل بالإعادات
شفت فيه فان ديرفارت قبل ما يستلم الكوره حط يديه على فخوذه لكن ما فيه إعاده تقول إنها في يده
لأنها مو واضحه علشان تجزم
غير كذا الصور اللي أنت حاطها هي ماخوذه من إعادة الهدف
علشان كذا أنت تقدر تشوف الفيديو و تحكم لأنه هو المصدر الأساسي لهالصوره

الصوره خادعه لأن فارت يديه على فخوذه و الكوره ضربت في مكان ما (يديه أو ما بين فخوذه)
هل تقدر تجزم بأن الكوره ضربت في يديه ..؟!
ثاني شي وش مصلحة فارت يستلم كوره بيده هي أساسا كانت رايحه لجسمه ..؟!

بخصوص فورزا خيخون
أنت تدري و أنا أدري وش تقصد فيها و خل عنك سالفة إنه فريق لعب و يستاهل
لأنك لو تشوف الكلمه اللي بعد فورزا خيخون بتدري إنك تبريرك خطأ

شكرا

Separatista · #15 21/03/2010, 01:45 AM

الف مبروك مدريدين على الفوز وشدوا حيلكم مو كل مره راح تمشي معكم حركات لعبة الطائرة

الله يستر من الجاي لايكون فيه كرة يد ... وحظ اوفر لكم

مو مخفي ايه صراحه شدنا لان اول مره نشوف كره طائرة في ملعب كرة قدم ... لو فيه كرستيانو جنبه كان كبسها