خخخخخخ اضحك معانا على الفلم الهندي "الأكشن" بطولة الرهيب واحمد خشب وإخراج المخرج القدير محمد نور + سر ضحك اسامه هوساوي + تصرف غريب من ياسر!
السلام عليكم زعماء
طبعا كلنا شفنا بشغف فصول الفلم الهندي " الأكشن" بإخراج المخرج الشهير محمد نور >>> 
تصدقون أمس اني قاعد اطالع المباراة بضحك على فصول الفلم بدايه الفلم بدت بطريقه حقيقية "اول 3 دقايق القول الهلالي " وبعدها بدأ التمثيل
أكثر شئ اعجبني عندما قالة جمهور الشوارع "الرصيف الي في الشارع لونه اسود واصفر " على نجمنا الخلوق ياسر القحطاني قالو ياسر وينه مباشرة طلعت الصوره على ياسر يجيب عليهم بقول >>>>> والله احراااااااااااااااااااااج 
حقا ياسر اخرسهم >>> كبير يا بو سعيد "طبعا على نفس الوزن " 
طبعا هناك نقطة ضعف كبيرة في الهلال " أتوقع الكل بأيدني عليها" أن احنا جايبين لاعبين كرة قدم فقط "يعني تخصصهم كرة قدم فقط" وهذا اكبر غلط والمفروض نجيب مصارعين محترفين تخصصهم ضرب ومضارب وخلونا نقتدي بنادي النصر ماشاء الله تبارك الله عندهم جاموسة قوية وغالية وتاكل برسيم ومنشطات وبعد عندك نادي الإتحاد عندهم احمد خشب >>> خصوصا انه في لجنه نايمه ولا تحسب حساب
اتمنى بما ان احنا في دوري ازين من الزين وخلوا كلمتنا وحده نطالب بتغيير الأربعة الأجانب كلهم " لانهم مب حق ضرب مضارب حق كورة ومهارة بس " والإتيان بأربع مصارعين حق الضراب " لان دورينا اسمه دوري زين لكرة القدم الأمريكية"
رسالة إلى الأمير عبدالرحمن بن مساعد " إذا انت ودك "طبعا مب الحين في الخطط المستقبلية" تجيب كريستيانو رونالدو او ميسي او كاكا او رونالدينهو او روني لا تجيبهم وتلعبهم قدام اللعيبه الهمجية "الأصفيرن" لكي لاتحرجنا مع منتخباتهم ولا لعبهم بس في دوري ابطال اسيا او شل نادي الهلال ووده وحطه في الدوري الأسباني مع ريال مدريد وبرشلونة "يعني بالعربي مانبي تجيب لاعبين اكبر من الدوري السعودي علشان لاتعطيه اكبر من حجمه >>> على قولة خبيلان
طبعا ياسر خرب سيناريو الفلم فعوقب وليهامسون من بطل الفلم
طبعا بدت المباراة بتقدم هلالي وبدأ الفلم الهندي الأكشن حيث قام احمد خشب بتضييع مستقبل لاعب هلالي بتدخل ما له داعي وانت تسير على خطي المخرج محمد نور "مع التمياط" مثل ما قام الثور "مع الفريدو"وإن شاء الله ولي يقوم بالعافيه "إن شاء الله بس اسبوعين وراجع لنا
انتهى الجزء الأول بسيناريو مهزوز حيث كان المخرج يريد ان يبدا الفلم بسيناريو مفرح فمع بداية الجزء الثاني من الفلم استعان المخرج بالممثل البرتغالي المشهور واعطاه دور الحكم ولكن الممثل البرتغالي اجاد وبنسبة 100% بتطبيق كل أحداث الفلم بجدارة فقام بنرفزة لاعبين الهلال بإتقان مبهر حيث استعمل جميع الأسلحة الممكنة من صواريخ صفراء وحمراء للاعبين والمدرب >>>>> انا اشهد انك افضل من توم كروز
بدأ الممثل البرتغالي بممارسة الدور المطلوب منه ببراعة "حيث ان الدور المطلوب منه نرفزة لاعبين الهلال وقلب النتيجة " انتظر لاعب اتحادي يسجل قول ولكن ما احد فزع له وسجل قول فاضطر انه يتدخل باحساب بلنتي صحيح مب بنسبة 100% إلا صحيح بنسبة مليون بالمئة حيث ان اسامة هوساوي ورادوي ضربا وكسرا وطعنا في زيايه >>>> ومليون كمرا تثبت ان اسامة لم يلمس زيايه بتاتا أووووووووه آسف لا هوساوي مب لمسة إلا كسرة كسرة قوية >>>> لا لا لا الحكم صادق وألاف الكمرات على غلط فبذالك قلب النتيجة بالقوة لا بالطيب واسامه يضحك على سخافة البلنتي يقول في نفسة لو بتحسب بلنتي احسبه عدل على الأقل من هجمه فيها شك ولو بنسبة 1%
وفي اخر الدقايق جاء الدور على المخرجة الشهيرة نورة باحتكاك بين ياسر والرهيب
تفسير للأحداث الي حصلت احتكاك بين ياسر والرهيب "طبعا من وجهه نظري الشخصية الحيادية وقد لا تعجب البعض ولكن سأتكلم بالحقيقة" الي صار احتكاك بين ياسر والرهيب المفروض ياسر والرهيب كروت صفراء ثم جاء نور " المخرج " المفروض ياخذ بطاقة صفراء إلم تكن حمراء الحكم قهر رادوي ليه ما تعطي نور بطاقة وياسر ينضرب قال اجل برد لنور زي ما ضرب ياسر وضربه قام الحكم ويطرد رادوي الحكم ما هدأ الأمور يحتاج فزعة قم يالحكم المساعد أي شخص مافي إلا قيريتس قام يهدي اللعب قام الحكم وعطاه كرت احمر "هذا جزاء الي يفزع " مع العلم ليه ماعطاء واحد من الجهاز الفني الإتحادي كرت "اتكلم اقول من باب إحقاق الحق يا يعطي قيريتس ومساعد المدرب الإتحادي ولا لا يعطي احد " بس قيريتس
على العموم مب غريب على لجنة الإنحطاط بتطبيق القوانين علينا ونسيان قذارة الألفاظ التي تشن على نجومنا
وللمعلومية ياسر ضرب الرهيب بس يوم جاء صديق ياسرفي المنتخب نور وضربه انصدم من صديقة ليه يضربة "يقول في نفسة ماتوقعتك بهالأخلاق علشان مباراة تدفني "
اعتقد ملها داعي من نور واحس انه طاح من عين ياسر >>> يعني تصرف ياسر غريب انه ما ضرب نور >>> كل ذا يا ياسر احترام للصداقة
بس الحمد لله ان الحكم ما عطى نور ولا مساعد المدرب كروت علشان لا يقولون انه انصف الهلال
وجاءت نورة وشعللت الفلم بشوية اكشن وكان لها ما ارادت من نجاح فلمها والمشاهدات العالية ....... فشكرا لأبطال الفلم الرائعون الرهيب والخشب ونورة وضيف الشرف الممثل البرتغالي المعروف وإن شاء الله نشوف الجزء الثاني من سلسلة محمد نور
الوضع المتطور
