تخيل سارق ، يشرح طريقة التخلص من السرقة هههههههه
 

السلام عليكم ،

بصراحة نفخر في شبكة الزعيم بأن نكون الأصل في أشياء كثيرة .. لا أريد حصرها.

لا شك بأنه يوجد عندنا أعضاء (( كتاب )) مرموقين في الشبكة ، و لهم حقوقهم الكتابية, و قد تم تناول هالموضوع بما فيه الكفاية من قبل اخواننا في المنتدى العام بارك الله فيهم.

فلا يوجد أسهل من إني أسمي نفسي "صاحب عذب الكلام" ، و بعدين أسرق مواضيع "عارف الهلالي" ، و "نجمة الإبداع" ، و "الماسة الزرقاء" ، و "فتى" و "نجم الصبح" و "مجنون الزعيم" و "المملكة" و القائمة تطول.. ثم بعدين أقول أنا سيد عذب الكلام !!

أمثلة بسيطة و حديثة فقط :

يمكن رأيتم الصوت اللي قام يطلع من لا شيء ، المدعو يقاهرهم يا ماجد ، كيف و إنه يحاول تقليد يا قاهرهم يا سامي في كل شيء حتى في الإيميل !! الغريبة إنه نصراوي و يقلدنا !!

شفتوا موضوع عارف الهلالي ، اللي تم نقله بكل وقاحة من قبل أحد الأشخاص لمنتدى آخر من دون ذكر مصدر و لا شيء -- لا حول و لا قوة الا بالله !! ثم أصبح هذا الناقل شاعرا و أبو الكلام العذب ، وخروا عنه !!
و لو ان المشرفين اللي في هذاك الموقع، حذفوا الموضوع يوم دروا بالسالفة.

حتى الاتحاديين ، و هم اتحاديين و يكرهون شي اسمه الهلال ، ما سلمنا منهم ، و في سالفة الاتحادي طرفة :D
فأخونا الإتحادي "سرق" موضوع يتحدث عن استرجاع البريد "المسروق" هههههه
يسرق و يشرح للناس كيف يرجعون المسروق !! http://forums.invisionboard.com/html...cons/wacko.gif

الموضوع الأصلي في شبكة الزعيم : http://www.alzaeem.com/vb/showthread...threadid=79539
الموضوع الفرعي لا داعي لوضع رابط له ، لأن هناك من يسيء للهلال في موقعهم <== يعني اني فاهم سياسة المنتدى ههههههه
و لكن أكتفي بنشر الصورة :

[c]http://www.arab3.com/upload/images/Oct02/prof_prof.jpg[/c]


طبعا لو تلاحظون ، تحت كنت كاتب "ليس اللهلوب من يرجع الإيميلات" ، هذي بس عشان لو واحد نقل الموضوع من دون المصدر ، ينفضح :):D

و المشكلة أيضا في آخر الموضوع كنت أنتظر من قرّاء الموضوع إنهم يسألون إذا فيه مشاكل في فهم الرسالة اللي تجي من هوتميل ، و أفضل طريقة للرد عليها -- و لكن هذا خوينا الاتحادي يعني لو يبون يسألونه الظاهر يبي يروح وطي !! ... ودي و الله يجي واحد و ينسخ الرسالة اللي تجيه و يلصقها عنده عشان يروح في خراطيها :D ... بس إلى الحين ما رد عليه إلا واحد.. شكل الموضوع ما عجبهم هههههه أو إنهم شافوا "ليس اللهلوب من يرجع الإيميلات" ، و عرفوا ان اتحادي بيشة كيف الحال ، وسع صدرك يا رجال :):D

|=-=-=-=--=-=-=-=-=-=-=-=-=-=-=-=-=-=-=-=-=-=-=-=-=-=-=-=|

طبعا عندما أفرد موضوع كامل و أستشهد بهذه الثلاثة أمثله سواء عن النصراوي أو الاتحادي أو صاحب "عذب الكلام" ، فأنا لا أريد فقط القول بأننا في شبكة الزعيم الأصل و غيرنا الفرع ، و لكن أيضا أريد أن أنبه الأعضاء الأحباب بضرورة ذكر المصدر في حالة إن الموضوع منقول من منتدى آخر ، و إلا يمكن يكون مصيرهم زي اتحادي بيشة ، يشرشحونهم بالمنتديات ، و لا أظن بأن أحد يرضى هذا الشيء لنفسه ، كما أني لا أرضاه لكم و لا حتى لـ(اتحادي بيشة) اللي إلى الآن أفترض حسن نيته ، و الله يجازي الجميع على قدر نواياهم.

الله يرج شيطان ابليس عفريتك ياللهلوب :D :D

:laugh: :laugh: :laugh: :laugh: :laugh: :laugh: :laugh: :laugh:

والله من الدباشه :D :D

اما لو ينسرق ذا الموضوع بعد ياللهلوب ههههههههههههههههههههههههه كان مسرحيه تصير


======================

اي والله زي ماقال أخوي اللهلوب لحد يجيب العيد وينقل مواضيع بدون ذكر المصدر ...

ياشباب ترى هذي فيها سمعة شبكه ...



تحياتي :)

رد: تخيل سارق ، يشرح طريقة التخلص من السرقة هههههههه
 

هلا وغلا باللهلوب..:)

الحمد لله على السلامة .. من زمان عنا في المجلس .. مع اني واثق انك مشاهد ومتابع جيد..:yes:

نجي للموضوع..

أخوي اللهلوب ترى شكلك ضلمت الرجال .. يعني اللي يملك تفكير مثل تفكيرك .. وشرح مثل شرح .. وملاحظة مثل ملاحظاتك..:D لازم يصير سارق للموضوع..:razz: :razz:

اقول خلها على ربك يا ابن الحلال .. ما بقى الا الواحد يكتب موضوعه بالفوتوشوب وينزله صورة..:bigeek:

بس خاف ينسرق مع التوقيع بعد..:smilewink :smilewink

الزعيم زعيم .. سواءً زعيم النوادي أو زعيم الشبكات.. وسيضل زعيما بإذن الله ..:) ولن يهزه شيء..!!!

عين العقل كلامك هذا يا اللهلوب..:)

اخيرا قل اللهم ارزقني وارزق مني .. وخلهم يترزقون الله..:cool: :cool:


والف شكر وتحية لك .. والله يعينك..:(


وتقبل تحياتي ،،،

أخوك / البارق:)

أخوي اللهلوب ذكرتني بواحد من الزملاء أيام الثانوي أو المتوسط .. لا أذكر .. المهم أنه نقل تعبير في مادة الانلجيزي من اللي جالس على يمينه :)

لدرجة أن فيه كلمات في التعبير تتكلم عن نفسك .. مثل " أنا أحمد وعمري كذا و .. و .. الخ " الرجال المسكين نقلها كلها بما فيها اسم الطالب هههههههه

السلام عليكم ... ما شاء الله ،
هلا أيمن ، إيه و الله إنها دباشة بس الشكوى لله وش نسوي :D :razz:
أما المسرحية...
فهم يقولون إنه أحيانا يصير فيه بالمسرحية بطل ، و ضحية و ماني عارف إيش .. ضحية هالمسرحية اللي يلطش الموضوع :)
عافاك الله اخوي و سعدت كثيرا بحضورك المتواصل :)

هلا بمشرفنا البارق 2000:
الله يسلمك ، و الله تعرف أنا موجود في العام ... بس لو أعرف أكتب خواطر زي اللي عندكم ما شاء الله كان شفتني مسنتر هنا :).
ههههههههه ،
هم صح يقولون يخلق من الشبه أربعين ... بس مو لهالدرجة :D
ما فيه إلا على قولتك ، خلها على ربك ، و الا سالفة الفوتوشوب لو واحد طنّت براسه إنه يسويها ، بيتعب بعد مع الشركات المستضيفة ، من يستضيف صوره :bigrazz: ..
مع إنه و الله فيه برامج تمنع النسخ من صفحات الـ HTML مثل برنامج HTML Guard .. يعني هالبرنامج يحجر تحجير على الشخص العادي انه ينسخ .. لكن المشكلة مدري ليش ما تصلح في المنتديات ، مع أن المنتديات تستخدم أكواد HTML .
هونها و تهون على قولتهم ، و خلها على ربك مثل ما قلت :)،
تحياتي لك أسعدتني كثيرا بتواجدك.

هلا اخوي الإعصار :) ،
أما سالفة التعبير الإنجليزي ، يا كثر مصايبها هههههه ..
ذكرتني بواحد كان عندنا أيام الثانوي الله يذكره بالخير ، كان أكره ما يشوف الإنجليزي ، و خصوصا التعبير :razz: ... فكان وش يسوي ، يحفظ تعبير واحد بس ، و إذا جاء الإختبار كتب هالتعبير اللي براسه و طنش اللي يعطينا المدرس هههههه. الله المستعان :o ، أيام .

وأنت أخوي اللهوب ما تجي المنتدى إلا بتشره وإلا سرقات :)

<----- يبي يقول خل نشوف مشاركات بس ما عرف يعبر :(

أخوي اللهوب ..
هذي مهيب أول مره ولا آخر مره ..
أنت واللي أمثالك نهر من الإبداع خلهم يغرفون لو ملعقه من هالنهر مهيب منقصه منه شئ (( ما شاء الله تبارك الله ))
بس خل عنك والله ياهو ماعرف ينقش مثل خوي الإعصار :)

تحياتي ,.,

هلالالا أخوي اللهلوب , هذه الأتحادي سارق الموضوع من منتدى الزعيم وهو موضوعك لأن فيه الكلمة الأخيرة , ليس اللهلوب من يرجع الأيميلات تدري انه ذكي الي سرقة , انا اتوقع سرق الموضوع بعد خسارتهم من الأتفاق 4-0 :laugh: وكل موضوع أكتب كلمة فيه علشان تعرف انه انسرق والا لا لأن فيه أغبياء بس ينقلون . وأن شاء الله ماينسرق منك موضوع ثاني .

تحياتي لمبدع منتدى الكمبيوتر اللهلوب ,,