يوم شفت صور نيفيز بالثوب قلت بس أبوريناد سواها لكن الجايات أكثر أقدر مشاغلك واستعجالك انت ووجهك وأدري إن أكثر مايشغلك (غير التغطيات طبعا) هو قيم بلاي ستيشن ونفر من شواية الحجاز وألقاك بعدها عندي في التوقيف (ياليت باقي فيه أشكال قلوب)
إقتباس
يعني بالعربي مسموح لنــا هع
أكيد مسموح لكم,, لكن في شوارعكم مو في شوارعنا سؤال بريء.. في الأجواء السعودية فيه مطبات؟؟
سعدت بشوفتك يابوريناد,, وإن شاءالله أشوفك قريب أنت وأبوسعد
هالنقطه أعـاني منها كثير لآن أخوي للأسف من اللي يستجيب للأستفزازات ويـعاند يا أنا يا أنت وحنـا نقعقد نترجى فيه تكفى ياخالد نبي نرجع البيت بخير
أحد أهم أسباب السرعة في السواقة واللي يغفل عنها البعض هو تخويف الركاب أخوك وغيره ينبسطون لما يلقون اللي راكبين معاهم خايفين ويقولون له لاتسرع فيسرعون زيادة لذلك أفضل حل هو إنكم توقفون ضده بحزم ولاتترجونه يهديء, بالعكس وضحوا له بقوة إنه إذا مستغني عن نفسه يسرع إذا كان لحاله ومع الوقت حيغير طريقته إن شاءالله ويهجد
وأعطت المنظمة السعودية 5 نقاط من 10 في فعالية تطبيق حدود السرعة، و2 من 10 في فعالية تطبيق قوانين لبس الخوذة الواقية لراكبي الدراجات الهوائية والبخارية، و5 من 10 في فعالية تطبيق وضع السائق لحزام الأمان، و2 من 10 في تطبيق قوانين ركوب الأطفال للسيارة.
يعني بمقاييس النجاح والرسوب رسوب في جميع المواد,, والرسوب هنا للسلطة التنفيذية والتشريعية التي لم تطبّق هذه القوانين يعني يجب إعادة النظر في نظام المرور بشكل كامل وطريقة إدارته للوضع الأمني في الشوارع
شكرا أختي, ولو أن ردك شكل لي صدمة بالمعلومات التي وردت فيه,, فنحن للأسف أسوأ من السوء الذي كنت أعتقده
hilalemooot حتى أبو روي هنا,, المفروض المجلس يعطوني نسبة على الزباين اللي جبتهم
إقتباس
صباحك إنفرادة لأبويعقوب بـ حسن حمران
صباحك ضحك على حكم مخروش من نظرات روي كين
أما طلعت من أصحاب سواقة الشيبان وأنا اللي من أول أقول إنك كفو ومحترم (بدينا نخبص) كلامك صحيح بخصوص إن سواق الشايب أهون من سواقة الطايش ولكن لاتنسى إن سواقة الشايب ممكن تتسبب في حوادث كارثية خصوصا يوم يمسك الطرف اليسار ويهدي ولايخلي أحد يتجاوزه,, والا يسرح في وضع الأسهم والعيال وفجأة يأشر ويلف ويقول ماشفتوني أشرت وبعدها يسبسب في الشباب وسواقتهم ويقول يوم كنا قدهم كنا عاقلين
إقتباس
ماشاء الله عليك .. بتاع كلووو
وش هالتشجيع يا أخي شكلي المرة الجاية بأنزل موضوع في قسم المحذوفات
لا, أنا أشتغل في دائرة السلامة بإحدى الشركات ورغم إن مجال عملي بعيد عن متابعة قوانين السلامة وتطبيقها فعليا, إلا أن بيئة العمل تجبرني على التأثر بها على طريقة (فحامل المسك إما أن يحذيك، وإما أن تبتاع منه، وإما أن تجد منه رائحة طيبة)
إقتباس
بصراحه السرعة خطرة! لكنها ممتعه
أتفق معك بقوة,, ولكن لو الواحد سأل نفسه وش وراي وعلى إيش مستعجل لما فكر فيها مجددا شخصيا كنت أسرع على طول,, سواء فاضي أو مشغول فأنا مسرع وبفضل الله راحت (الرجّة) قبل مايروح شي أغلى منها ولاأجد نفسي خسرت شيء كبير الحمدلله لاهو من كثر المواعيد المهمة ولا من التزام الناس بمواعيدها أتذكر قبل سنوات قرأت مقال لكاتب سعودي كان من ضمن المرافقين لوفد ياباني في الرياض فذكر أن أكثر ما لفت نظر أحد أعضاء الوفد هو حرص السعوديين على وقتهم من خلال سرعة قيادتهم للسيارات الجميل أن الكاتب بلع لسانه ولافضح ثقافة الشعب لأنه قال في المقال إنه كان بيرد عليه بأنهم مسرعين من أجل اللحاق بـ صكة بلوت عموما أتمنى لو كنت أقضي مشاويري راكب مع سواق لأني أراها فرصة ممتازة جدا للقراءة أو الكتابة أو حتى إجراء المكالمات والحش في الناس
الله يصلح قلبك ما لقيت موضوع يثير شجونك ويخليك تكتب بالمجلس
يا أخي وش أسوي إذا انتو حقين فرفرة وتميلح وتفحيط في الشوارع
إقتباس
وحقيقة اعجبني شعار هذه الحملة "احذر اخطاء الاخرين "حيث انه يوحي للانسان بانه كويس وسواق ماهر
قبل فترة قرأت نتيجة استبيان في إحدى الدول عن مدى تقييمهم لمستوى قيادتهم
والحمدلله اكتشفت إني ماني الوحيد اللي كنت ماخذ مقلب في سواقتي وأستغرب ليه كانوا الشباب يخافون يركبون معي بعض الأحيان وليه أنا أخاف أركب مع فلان وعلان وليه بعض الأحيان ألتفت على الوالد في صمت وأنا ودي أقول له (ترفق علينا يابوخالد ترا بغيت تقلبنا) مع إنه هو اللي معلمني السواقة ببساطة نتيجة الإحصائية تقول أن نسبة كبيرة من المشاركين في الاستفتاء ذكروا أنهم يعتقدون أنهم الأفضل وأن قراراتهم في الغالب صحيحة وأنهم نادرا مايقومون بتصرفات تكون سببا في الحوادث
لذلك طالما الحوادث كثير وطالما كل واحد يشوف نفسه صح فالأكيد إنه كلنا غلط وفينا واحد بيلعب ولذلك اللي يلعب لازم يراجع نفسه عشان مايصير فينا واحد يعاني
(السطر الأخير اللي مافهمه زين يستشير أبو سواج وهو بيشرحه له)
ابو نواف للتوضيح و الفائدة رجعت
ترى سواقتي عادية جداً .. بس ملتزم يعني بالنظام و السرعة وهيك شي .. بس دايم اذا كان معي احد الشباب يقول سواقتك سواقة شياب ياخي .. اما تعطيل حركة المرور و التحجير للعالم وحشرهم على طريق ما لا ماهي عندي ولله الحمد .. بس احياناً نسويها نذالة .. اللي ابوصله لازلت نظامي وركب معك واحد وعززلك وقالك سواقتك سواقة شيبان لا تطير بالعجة .. لا اصفط على جنب وقله مهوب عاجبك انزل و رح مشي ههههههههههههههههههه
على طاري ابو روي .. تصدق هاليومين مشتاق له .. امس بس جالس اتفرج على مقطعين اليماااااااات له .. وبعدين لا تزعل بتاع كلو معناته انت احسن واحد ترى
اهلاً وسهلاً صديقي الثنياني خالد
نورت المجلس العام بطرحك .. واخيراً تحققت احدى الامنيات ..
جميل ان نتعلم حتى من دروس الحياة .. والحمد لله ان الكثير من الشباب ..
بمجرد مايتعدى سن معين يبدا يفكر بمنطق وعقلانيه ويبتعد عن التهور ..لانه تيقن ان نهايته الهلاك ..
والسعيد من اتعظ بغيره ..
اشكرك ع الطرح القيم .. واسال الله ان ينفع به ويحفظنا جميعاً من كل سوء ..
وتقبل شكري واحترامي .. وتراك راعي محل لاتسوي رسمي
سلام من جديد
العذر منكم جميعا, انشغلت كثيرا خلال الأيام الماضية
ولكن لابد من العودة لكم, ويبدو أنني سأحاول اختصار الردود
ولكن لابد من الفصل بين الجنسين, منعا للإختلاط
سهل
ياصاحبي زمان ظهور الثنيان عدد السيارات كان أقل من عدد الشوارع الحين
وعدد البواري في شهر مايوصل عدد البواري في يوم واحد
أما عدد جنود المرور فهو كارثي, وإن كنت لاأستبعده
قبل ستة أشهر تقريبا كنت في رحلة عمل إلى مدينة ينبع, وفوجئت بأن مدينة كبيرة مثل ينبع لايوجد بها إلا عدد أربع سيارات مرور فقط ثنتين في ينبع البحر والنخل (وهي مدينتين متجاورتين) وسيارتين في ينبع الصناعية
وش نقول بس , فالج لاتعالج والأمل بعد الله في حرص الناس على سلامتهم ونرجع نقول كل واحد مسئول عن صحته وسلامته
شكرا ياصديقي
قهوة زرقاء
والله ياخوك التطبيق مشكلة مشكلة, وأنا أعجز عن تطبيق نص الكلام اللي قلته ولكن الأمل في أن يأخذ البعض في كلامي لفائدته وأكرر من جديد من أجلك أنت وليس من أجلي
أما المطبات فهي شر لابد منه, ولكن ليت من يضعها أمام بيته يكتفي بواحد ويحط مطب لتهدئة السرعة وليس لتفكيك المساعدات وخلع الغضاريف
أبوحميد , شكرا على تواجدك هنا وهناك
موج الخليج الأزرق
والله أعتقد وصلنا لمرحلة لابد من النظر لوضع تصميم وتصنيع السيارات ولكن المشكلة أن السرعة ليست السبب الوحيد للحوادث وإن كانت أهم سبب
عندك التخييط, وعندك المساقط, وقطع الإشارات
الله يستر عالمسلمين بس
شكرا لك
هلالي 911
الله يرحم عمك ويرحم أموات المسلمين
ويحفظ المسلمين أجمعين من كل شر ويوفقهم
للأسف أهم شي يتركه السواقين هو الطفاقة لأنها هي الدافع للسرعة, وللهجوم على الناس ومضايقتهم
إقتباس
اوقات حتى وانت مالكـ شغل وماشي تمام التمام ..
بدون سرعهـ ولا مخالفهـ .. يجيكـ احد يكون الغلط منهـ .. وتروح فيها بسبب غلطة غيركـ
واحنا اش قاعدين لنا أسبوع نصيح
انتبهوا من أخطاء الآخرين
ندري انكم أحسن ناس ومايجي منكم الخطأ ,, بس الناس يضايقونكم
وش يسوون فيهم عاد,, مالهم الا يضحكون على اللي يسوقون ويعطونهم على قد عقولهم
شكرا حتحت على الرد المسكّت
عشقها هلالي
قبل كل شي,, تبيعون ديفيد فيا؟؟
وبخصوص الركاب فهذه مسئولية على الشخص يجب عليه القيام بها وحماية الراكبين معه
وعموما أفضل مايفعله الشخص هو أن يتوكل على الله ويفوض إليه أمره ثم يبذل الأسباب ونسأل الله الحماية للجميع
الشيهانة
الناس مابيتعلمون بالطيب,, الجميع يتذكر أنه في فترة من الفترات اعتمدت سياسة (التوقيف) ياحبي لها الاسم,, ولكن ماهو توقيف المرور
بمعنى أنه في حالة تجاوز السرعة يتم إيقاف المخالف في الحجز مباشرة لمدة 24 ساعة, وترفض الواسطات نهائيا وظهرت تنويهات رسمية بانخفاض عدد الحوادث ولكن بعد ذلك بفترة رجع كل شي إلى ماهو عليه
للأسف يبدو أن لدينا ثقافة شعب لايؤمن بالإستجابة إلا في لحظة الخوف فقط
شكرا
ما شاء الله عليك موضوعك المفروض يكون بالصفحة الاولى بالقافلة ..
وعلى طاري القافلة في مقولة اعجبتي وابي اترزز فيها قدامكم ..
يقول يجب ان نحذر اخطاء الاخرين و لا ننسا اننا جزء من الاخرين .. << فهمتوها .. ؟!
بالنسبة لي انا اعتبر من الاخرين اللي مفروض ينتبهون الناس من اخطائي ..
رغم اني سائق وقائي في اغلب حالاتي وحزام الامان مسوي علامة بصدري من قوة الالتزام .. الا اني اوقات اتهور شوي واجيب العيد لا شعوريا ..
الله يستر علينا من هالحوادث ويخلي كل ورع لامه وكل ابو لورعانه ..
يعطيك ربي الف عافية على الموضوع , ولاتحرمنا من طلاتك ,,
لكن الجايات أكثر 
وأدري إن أكثر مايشغلك (غير التغطيات طبعا) هو قيم بلاي ستيشن ونفر من شواية الحجاز
وألقاك بعدها عندي في التوقيف
(ياليت باقي فيه أشكال قلوب)
وبعدها يسبسب في الشباب وسواقتهم ويقول يوم كنا قدهم كنا عاقلين
الوضع العادي
