أنا مايقهرني إلا اللي يقول ياهلاااااااااال فقع روسنا الله يفقع راسه

وبعدين مقربين المايك ماندري وش يقول احيانا

والا يبونا نقول النشيد ماحفظه من الجمهور الا شوي

أنا أقول لو يفكونا من هالحركات السامجه زلزال ومازلزال افضل

يخلونا على الاهازيج احسن مثل أول

هلال هلال هو هو

هذي وجهة نظري ولاحد يزعل

تحياتي لكم

مو رافع ضغطي الا يوم يقول عليييييييييييييهم علييييييييييييييييهم

قسم بالله كنا لعبه شد حبال بين ورعآن ، سلآآآآآمات !!
انت تقود جمهور افضل نادي في تاريخ اسيا اكبر قارة في العالم ، تسوي كيذا !!!؟
شيء يقهر

بس عسا احد يسمعناا

قلتلكم من قبل واتنقدوني شوف الحين وش تقولون

والله صادق

الجهور كبير ولكن بدون فعالية

اسمح لي اخوي اعلق على موضوعك ..

اولاً : من الظلم تقارن رابطة الهلال الحالية المكونة من عشر اشخاص فقط مع رابطة الاهلي مثلاً المكونة من 300 شخص او الاتحاد المكونه من مايقارب الـ150 شخص
اذا كان فيه تكافؤ بالعدد وقتها تكون المقارنة معقولة ..

ثانياً : مكان الرابطة تفرضه ادارة الملعب ولا تستطيع الرابطة تغيير الموقع المخصص لها

ثالثا : الرابطة ورغم قلة امكانياتها المتاحه لها الا انها تعمل ومجتهدة وحصل تطوير في المدرج الهلالي ولا ينكر هذا الشيء

رابعاً : دائماً الانتقاد على الرابطة في مباريات الرياض .. وخارج الرياض نرى ابداع وتفاعل من الجماهير مع الرابطة سواءاً بالغربيه او الشرقيه او حتى القصيم او الجنوب .. لذا بثقافة جمهور الرياض سلبية ولا تتفاعل مع الرابطة الا ان كان الجمهور من خارج الرياض

حتى يتطور تشجيع جمهورنا علينا توعيته وتثقيفه بدلاً من احباط العاملين والمجتهدين في الرابطة الذين يسعون للتطوير ويواجهون صعوبات كثيرة منها تنظيمية مفروضه عليهم من ادارات الملاعب او مادية لزيادة عدد افراد الرابطه

فليس من المعقول ان تخصص اندية مبالغ كبيرة جداً تقدر بـ اكثر من ثلاثين ضعف المبالغ المخصصه للرابطه الهلالية
ونطلب منهم المستحيل

للاسف نعيب زماننا والعيب فينا ... وما لزماننا عيب سوانا

اتمنى ما نقسوا عليهم ونصفهم بـ اوصاف تحطيميه وشخصية وان يكون نقدنا موضوعي وبناء من غير ان نتعرض لشخصهم

الراااااااابطه كلها من الاساس ازعاااااااااااج

كيف عاد لما يجي واحد مزعج

لكن ماقول الا الله يصبرنا بس

والله فشلونا ,,الصارحه لازم يتغير كل طاقم الرابطه

يالبي قلوبكم كلكم

وأشكركم عالجهود

يعطيكم ربي ألف عاااافية

وإن شاء الله مايصير إلى إللي في بالكم

تحياتي...

من زمان وحنا نقول هالكلام

الرابطه ماهي في طموحنا ، ولاننسى انها رابطة نادي القرن الآسيوي يعني مو اي نادي !

نتمنى نشوف تطوير فيها ،، ماقصرت يالغالي

فعلاً للأسف رابطة الهلال ليست بحجم جماهيره ويجب مواجهة المسئولين بأخطاء الرابطة التي دائما نشاهدها ونسمعها

ومن ضمنها والتي لم يذكرها صاحب الموضوع ((ترديد كلمة هيا هيا هيا)) وهذي المفروض الجمهور يرددها من دون ما يبداها قائد الرابطة لانه مسئول فقط عن الرابطة.......... كذلك من الأخطاء ((ذكر عبارات انجليزية ركيكة الصيغة ونطقها أعوج))

مثل غيريتس وي لاف يو..... وما اشبهها

الرابطة يجب ان يكون دورها تحفيز الجمهور واللاعبين واطراب الجمهور بأهازيج يتفاعل معها الجميع

هدفهم مادي راعين الرابطه ؟!
وإلى كيف يرضى هالشي لنادي القرن ؟!

قايلين من زماان

لازم رئيس رابطه جديد
مثل بدر تركستاني